banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:202
ມື້ວານນີ້:ມື້ວານນີ້:226
ອາທິດນີ້:ອາທິດນີ້:857
ເດືອນນີ້:ເດືອນນີ້:5013
ທັງໝົດ:ທັງໝົດ:365796

Lao National Radio

radio

ແຜນທີແຂວງ ອັດຕະປື

administrative map

 

 

ໃນວັນທີ 3 ມີຖຸນາ 2020 ແຂວງ ອັດຕະປື ໄດ້ຈັດ ພິທີ ວາງສີ ລາລຶກ ໂຄງການ ກໍ່ສ້າງ ວັດສາມັກຄີ ສຸດຕະທໍາ ມະຣາມ ທີ່ບ້ານ ວັງຕັດນ້ອຍ ເມືອງຊານໄຊ ແຂວງ ອັດຕະປື ໂດຍເປັນກຽດ ເຂົ້າຮ່ວມ ຂອງ ທ່ານ ອຸ່ນຫຼ້າ ໄຊຍະສິດ ຄະນະ ປະຈໍາພັກ ແຂວງ ຮອງເຈົ້າແຂວງ, ມີບັນດາ ທ່ານ ຫົວໜ້າ ພະແນກການ ກ່ຽວຂ້ອງ, ອໍານາດ ການປົກ ຄອງ ເມືອງຊານໄຊ, ພະສົງ 7 ອົງ, ອໍານວຍການ ບໍລິສັດ ບໍ່ຄໍາ ວັງຕັດ ຈໍາກັດ, ອໍານາດ ການປົກຄອງ ບ້ານ ແລະ ພໍ່ແມ່ ປະຊາຊົນ ເຂົ້າຮ່ວມ.

ປະຫວັດ ຄວາມ ເປັນມາ ແລະ ຄວາມຈໍາເປັນ ໃນການ ກໍ່ສ້າງ ວັດແຫ່ງນີ້ ເນື່ອງຈາກ ວ່າ ບ້ານ ວັງຕັດນ້ອຍ ເປັນບ້ານ ທີ່ຕັ້ງ ຢູ່ເນີນສູງ ລຽບຕາມ ຕີນພູ ຫ່າງຈາກ ເທດ ສະບານ ເມືອງຊານໄຊ ປະມານ 150 ກິໂລແມັດ, ມີຈໍານວນ ຄອບຄົວ ທັງໝົດ 122 ຄອບຄົວ, ພົນລະເມືອງ 612 ຄົນ, ຍິງ 311 ຄົນ, ຖືຊົນເຜົ່າ ເຢະ, ການດໍາລົງ ຊີວິດ ຂອງ ປະຊາຊົນ ສ່ວນຫຼາຍ ປະກອບ ອາຊີບ ເຮັດສວນ, ປູກຝັງ - ລ້ຽງສັດ; ຄ້າຂາຍ ແລະ ອາຊີບເສີມ ອື່ນໆ ເປັນສ່ວນໜ້ອຍ.

ປະຊາຊົນ ໃນບ້ານ ແຕ່ກ່ອນ ເຊື່ອຖື ບັນພະ ບູລຸດ (ເຊື່ອຖືຜີ), ເມືອເບິ່ງ ລວມແລ້ວ ເຫັນວ່າ ຍັງບໍ່ທັນ ເໝາະສົມ ແລະ ບໍ່ທັນ ສອດຄ່ອງ ກັບ ແນວທາງ ນະໂຍບາຍ ແລະ ລະບຽບ ກົດໝາຍ ຂອງພັກ - ລັດ ເພື່ອຈະຫັນ ຊີວິດ ການເປັນຢູ່ ຂອງ ປະຊາຊົນ ໃຫ້ມີການ ພັດທະນາ ທີ່ດີຂື້ນ. ສະນັ້ນ,  ອີງໃສ່ ແນວທາງ ນະໂຍບາຍ ຂອງພັກ ແລະ ລັດຖະບານ, ອີງໃສ່ ຄວາມເຫັນດີ ເປັນເອ ກະພາບ ຂອງພໍ່ແມ່ ປະຊາຊົນ ບ້ານ ວັງຕັດນ້ອຍ ທີ່ມີ ຈິດໃຈ ເຫຼື້ມໃສ ໃນພຸດທະ ສາສະໜາ ແລະ ເພື່ອເປັນ ການສົ່ງເສີມ -ເສີມຂະ ຫຍາຍ ວຽກງານ ພຸດທະ ສາດສະໜາ ໃຫ້ທົ່ວເຖິງ ຮາກຖານ ເຂດຫ່າງໄກ ແລະ ເຂົ້າເຖິງ ຊີວິດ ການເປັນຢູ່ ຂອງ ປະຊາຊົນ; ອົງການ ຈັດຕັ້ງ ພັກ-ລັດ ກໍ່ຄື ອໍານາດ ການປົກ ຄອງ ແຕ່ລະຂັ້ນ ຈຶ່ງໄດ້ເປັນ ເອກະພາບ ຕົກລົງ ກໍ່ສ້າງວັດ ເພື່ອເປັນບ່ອນ ສັກກາລະ ບູຊາ, ເປັນບ່ອນ ທໍາບຸນ ກຸສົນ ແລະ ໃຫ້ພໍ່ແມ່ ປະຊາຊົນ ຮັບຮູ້ ແລະ ເຂົ້າໃຈ ເຊື່ອມຊຶມ ກ່ຽວກັບ ຫຼັກຄໍາສອນ ຂອງພຸດທະ ສາສະໜາ ເພື່ອປະພຶດ- ປະຕິບັດຕົນ ໃຫ້ເປັນ ຄົນດີ ຢູ່ໃນ ສັງຄົມ  ແລະ ເປັນທີ່ເພິ່ງ ທາງໃຈ ຊ່ວຍແກ້ໄຂ ຄວາມທຸກ ໂສກ, ໄປພ້ອມໆ ກັບ ການ ເສີມສ້າງ ຄວາມສາ ມັກຄີ ປອງດອງ ລະຫວ່າງ ສາສະນິ ກະຊົນ ກໍ່ຄື ປະຊາຊົນ ບັນດາເຜົ່າ ດ້ວຍກັນ, ເພື່ອຊ່ວຍກັນ ປົກປັກ ຮັກສາ, ສ້າງສາ ພັດທະນາ ປະເທດຊາດ ບ້ານເມືອງ ໃຫ້ມີ ຄວາມຈະເລີນ ກ້າວໜ້າ ແລະ ໄດ້ຢູ່ ຮ່ວມກັນ ໃນສັງຄົມ ຢ່າງມີ ຄວາມສຸກ.

ໂຄງການ ກໍ່ສ້າງ ວັດສາມັກຄີ ສຸດຕະທໍາ ມະຣາມ ທີ່ບ້ານ ວັງຕັດນ້ອຍ ເມືອງຊານໄຊ ແຂວງ ອັດຕະປື ແຫ່ງນີ້, ແມ່ນທຶນ ສົມທົບ ລະຫວ່າງ ອົງການ ຈັດຕັ້ງພັກ -ລັດ ຮ່ວມກັບ ບໍລິສັດ ຂຸດຄົ້ນ ບໍ່ຄໍາ ວັງຕັດ ຈໍາກັດ ແລະ ທຶນລະດົມ ຈາກຜູ້ ທີ່ມີ ຈິດໃຈ ເຫຼື້ອມໃສ ສັດທາ ພຸດທະ ສາສະໜາ ຢູ່ພາຍໃນ ແຂວງ, ຕ່າງແຂວງ ແລະ ຕ່າງປະເທດ. ເຊິ່ງ ຕາມການ ອອກແບບ ແລະ ຄິດໄລ່ ປະເມີນ ລາຄາ ຂອງພະແນກ ໂຍທາ ທິການ ແລະ ຂົນສົ່ງ ແຂວງ ມີມູນຄ່າ ທັງໝົດ 5 ຕື້ ກວ່າກີບ, ຄາດຄະເນ ການກໍ່ສ້າງ ເປັນໄລຍະ ເວລາ 5 ປີ ຈຶ່ງຈະ ສໍາເລັດ ( ນັບແຕ່ມື້ ວາງສີ ລາລຶກ ກໍ່ສ້າງ ເປັນຕົ້ນໄປ ) .