banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:218
ມື້ວານນີ້:ມື້ວານນີ້:226
ອາທິດນີ້:ອາທິດນີ້:873
ເດືອນນີ້:ເດືອນນີ້:5029
ທັງໝົດ:ທັງໝົດ:365812

Lao National Radio

radio

ແຜນທີແຂວງ ອັດຕະປື

administrative map

 

 

ກອງປະຊຸມໃຫຍ່ ຜູ້ແທນ ອົງຄະນະພັກ ເມືອງ ສະໜາມໄຊ ແຂວງ ອັດຕະປື ຄັ້ງທີXII ໄດ້ອັດລົງ ດ້ວຍຜົນສໍາເລັດ ໃນວັນທີ 22 ພຶດສະພາ 2020, ພາຍຫຼັງ ດໍາເນີນ ເປັນເວລາ 2 ວັນ ຄືລະຫວ່າງ ວັນທີ 21-22 ພຶດສະພາ 2020, ໂດຍການ ເປັນກຽດ ເຂົ້າຮ່ວມ ຂອງສະຫາຍ ເລັດ ໄຊຍະພອນ ເລຂາພັກ ແຂວງອັດຕະປື, ມີການນໍາ ພັກ-ລັດ ໃນອົງການ ຈັດຕັ້ງ ຂັ້ນແຂວງ, ເມືອງ, ເຈົ້າເມືອງ ຈາກແຂວງ ຊາຍແດນ ໃກ້ຄຽງ, ພະນັກງານ ອາວຸໂສ -ບຳນານ ເຂົ້າຮ່ວມ ແລະ ມີຜູ້ແທນ ສົມບູນ ທີ່ມາຈາກ ຄະນະພັກ ຮາກ ຖານ ແລະ ໜ່ວຍພັກ ໃນທົ່ວເມືອງ ເຂົ້າຮ່ວມ 109 ສະຫາຍ, ຍິງ 8 ສະຫາຍ, ທີ່ເປັນ ຕົວແທນ ໃຫ້ແກ່ ສະມາຊິກ ພັກ ທັງໝົດ ໃນທົ່ວເມືອງ 1.497 ສະຫາຍ ຍີງ 389 ສະ ຫາຍ.

ກອງປະຊຸມ ໃຫຍ່ຄັ້ງນີ້ ໄດ້ໄຂຂື້ນ ແລະ ດໍາເນີນ ພາຍໃຕ້ ຄໍາຂວັນທີວ່າ: ( ສ້າງ ເມືອງສະໜາມໄຊ ໃຫ້ເປັນເມືອງ ເຂັ້ມແຂງ ຮອບດ້ານ ດ້ວຍການ ພັດທະນາ ຊົນນະບົດ ໃໝ່ ໃນຮູບແບບ ການສ້າງ ສັງຄົມນິຍົມ ຢູ່ຮາກຖານ ); ກອງປະຊຸມ ໄດ້ຮັບຟັງ ການລາຍງານ ການເມືອງ ທັງສອງພາກ ເຊິ່ງ ສະເໜີໂດຍ ສະຫາຍ ສຸລິວົງ ອະໄພວົງ ເລຂາພັກ ເມືອງ -ເຈົ້າເມືອງ ສະໜາມໄຊ ຊຶ່ງໄດ້ ທົບທວນ ແລະ ຕີລາຄາຄືນ ການຈັດຕັ້ງ ປະຕິບັດ ມະຕິ ກອງປະຊຸມ ໃຫຍ່ ຄັ້ງທີ XI ໂດຍຍົກ ໃຫ້ເຫັນ ເຖິງຜົນ ສຳເລັດ, ຂໍ້ຄົງຄ້າງ ແລະ ບົດຮຽນ ທີ່ຖອດ ຖອນໄດ້ ຈາກການ ປະຕິບັດ ໜ້າວຽກ ຕົວຈິງ, ພ້ອມທັງ ໄດ້ກໍານົດ ທິດທາງ ແລະ ຄາດໝາຍ ສູ້ຊົນ 5 ປີ ຕໍ່ໜ້າ 2020 - 2024.

ໃນກອງປະຊຸມ ຜູ້ແທນ ສົມບູນ ໄດ້ໃຊ້ສິດ ປະຊາທິປະໄຕ ຂອງຕົນ ປ່ອນບັດ ຄັດເລືອກ ເອົາຄະນະ ບໍລິຫານງານ ພັກເມືອງ ຄັ້ງທີ XII ສາມາດ ເລືອກໄດ້ 25 ສະຫາຍ, ຍິງ 3 ສະຫາຍ, ໃນກອງປະຊຸມ ຄັ້ງປະຖົມ ມະລຶກ ໄດ້ເປັນ ເອກະພາບ ເລືອກເອົາ ສະຫາຍ ສຸລິວົງ ອະໄພວົງ ເປັນເລຂາ ຄະນະ ບໍລິຫານງານ ພັກ ເມືອງຄົນໃໝ່, ສະຫາຍ ຄຳໝັ້ນ ພົມມະແສງ ເປັນຮອງ ເລຂາ, ທັງເປັນ ປະທານ ກວດກາ ພັກ-ລັດ; ສະຫາຍ ໄກ້ສິດ ສີລາເພັດ ເປັນຮອງ ປະທານ ກວດກາ; ສະຫາຍ ສົມສັກ ໄຊຍະແສງ ເປັນຮອງ ປະທານ ກວດກາ; ສະຫາຍ ພັນໂທ ບຸນເລີດ ແກ້ວພຸດທະວົງ; ສະຫາຍ ພູວັນ ມະນີໂຊດ; ສະຫາຍ ຄາຄຽງ ແກ້ວຫອມສົມບັດ ແລະ ສະຫາຍ ທອງແສນ ເດດເຮືອງສາ ເປັນຄະ ນະ ປະຈຳ ພັກເມືອງ, ພ້ອມດຽວກັນ ໃນກອງປະຊຸມ ຍັງໄດ້ ເລືອກຕັ້ງ ເອົາຜູ້ແທນ ສົມບູນ - ສຳຮອງ ຈຳນວນ 13 ສະຫາຍ; ຍິງ 2 ສະຫາຍ ເພື່ອເຂົ້າຮ່ວມ ກອງປະຊຸມ ໃຫຍ່ ຄັ້ງທີ XI ຂອງ ອົງຄະນະພັກ ແຂວງອັດຕະປື.

ເພື່ອຮັກສາໄດ້ ຕໍ່ແຜນການ ທີ່ມະຕິ ກອງປະຊຸມ ໃຫຍ່ ກຳນົດໄວ້ ປັນຕົ້ນ: ສືບຕໍ່ ຮັກສາ ໃຫ້ໄດ້ ສະຖຽນ ລະພາບ ທາງດ້ານ ການເມືອງ, ສັງຄົມ ມີຄວາມ ສະຫງົບສຸກ ໂດຍພື້ນຖານ, ຄາດໝາຍ ເສດຖະກິດ ມະຫາພາກ ເມືອງສະໜາມໄຊ ຮອດປີ 2024 ໃຫ້ບັນລຸ 330,38 ຕື້ີກີບ, ເສດຖະກິດ ໄດ້ຮັບການ ຂະຫຍາຍຕົວ ຢ່າງຕໍ່ເນື່ອງ, ລາຍຮັບ ສະ ເລ່ຍ ຕໍ່ຫົວຄົນ ໃຫ້ໄດ້ 919 ໂດລາ ຕໍ່ຄົນ/ ຕໍ່ປີ, ອັດຕາ ການ ຂະຫຍາຍຕົວ ສະເລ່ຍ ລາຍຮັບ ຕໍ່ຫົວຄົນ ເພິ່ມຂຶ້ນ 9-10% ຕໍ່ປີ, ຂົງເຂດ ກະສິກຳ ເພິ່ມຂຶ້ນ 7,7% ຕໍ່ປີ ກວມເອົາ 38,60% ຂອງ GDP, ຂົງເຂດ ອຸດສະຫະກຳ ເພິ່ມຂຶ້ນ 8,04/ປີ ກວມເອົາ 40,20% ຂອງ GDP, ຂົງເຂດ ການບໍລິການ ເພິ່ມຂຶ້ນ 4,24% ຕໍ່ປີ ກວມເອົາ 21,20% ຂອງ GDP ແລະ ບັນຫາ ຈຸດສຸມອື່ນໆ ໃຫ້ໄປຕາມ ທິດທີ່ພັກ ກຳນົດໄວ້ນັ້ນ, ສະຫາຍ ເລັດ ໄຊຍະພອນ ເລຂາພັກແຂວງ ອັດຕະປື ໄດ້ເນັ້ນ ໃຫ້ຄະນະພັກ ຊຸດໃໝ່ ເອົາໃຈໃສ່ເພີ່ມທະວີໃນການສຶກສາອົບຮົມ ການເມືອງ-ແນວຄິດ, ນໍາເອົາແນວທາງ, ມະຕິ, ຄໍາສັ່ງຂອງພັກ, ລະບຽບກົດໝາຍຂອງລັດ ເຜີຍແຜ່ເຊື່່ອມຊືມ ໃຫ້ແກ່ ຖັນແຖວ ພະນັກ ງານ -ສະມາຊິກ ພັກ ແລະ ປະຊາຊົນ ບັນດາເຜົ່າ ຢ່າງທົ່ວເຖິງ ຮາກຖານ, ເສີມຂະຫຍາຍ ຄວາມສາມັກຄີ ເປັນປຶກແຜ່ນ ຂອງປະຊາຊົນ, ເສີມຂະຫຍາຍ ຈິດໃຈ ເປັນເຈົ້າ ຕົນເອງ ເພິ່ງຕົນເອງ ສ້າງຄວາມ ຮັ່ງມີ ເຂັ້ມແຂງ ດ້ວຍຕົນເອງ, ແກ້ໄຂ ບັນຫາ ປະກົດການ ຫຍໍ້ທໍ້ ຂອງສັງຄົມ ແລະ ອື່ນໆ ທີ່ຂັດ ກັບລະບຽບ ກົດໝາຍ ໃຫ້ດີກວ່າເກົ່າ, ຂຸດຄົ້ນ ກຳລັງ ແຮງ ບົ່ມຊ້ອນ ພາຍໃນເມືອງ ໃຫ້ຂະຫຍາຍຕົວ ດ້ວຍບາດກ້າວ ອັນໝັກແໜ້ນ.