banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:433
ມື້ວານນີ້:ມື້ວານນີ້:499
ອາທິດນີ້:ອາທິດນີ້:1227
ເດືອນນີ້:ເດືອນນີ້:10872
ທັງໝົດ:ທັງໝົດ:326331

Lao National Radio

radio

ແຜນທີແຂວງ ອັດຕະປື

administrative map

 

 

ຕະຫຼອດ ໄລຍະ ຜ່ານມາ ຈົນເຖິງ ປັດຈຸບັນ ພາກລັດ ກໍ່ຄື ພາກສ່ວນ ກ່ຽວຂ້ອງ ຂອງແຂວງ ອັດຕະປື ໄດ້ສູ້ຊົນ ແລະ ເອົາໃຈໃສ່ ຢ່າງຈິງຈັງ ໃນການ ປະຕິບັດ ວຽກ ງານ ແກ້ໄຂ ແລະ ຟື້ນຟູ ຊີວິດການ ເປັນຢູ່ ຂອງປະຊາຊົນ ທີ່ໄດ້ ຮັບຜົນກະທົບ ຈາກອຸປະ ຕິເຫດ ເຂື່ອນໄຟຟ້າ ເຊປຽນ - ເຊນໍ້ານ້ອຍ ແຕກ ຢູ່ເມືອງ ສະໜາມໄຊ ແຂວງອັດຕະ ປື ໃຫ້ມີ ຊີວິດ ການເປັນຢູ່ ທີດີຂື້ນ ແລະ ໃຫ້ ກັບຄືນ ສູ່ສະພາບ ປົກກະຕິ ໂດຍໄວ; ໃນນີ້, ວຽກງານ ຊົດເຊີຍ ຜົນເສຍຫາຍ ກໍ່ເປັນ ວຽກງານ ທີ່ສໍາຄັນ ເພື່ອ ຊົດເຊີຍ ໃຫ້ເປັນທຶນ ຮອນ ແກ່ຜູ້ ທີ່ໄດ້ ຮັບຜົນ ກະທົບ ໄດ້ມີ ທຶນຮອນ ໃນການ ສ້າງສາ- ພັດທະນາ ຕົນເອງ, ພັດທະນາ ຄອບຄົວ ແລະ ສາມາດ ກຸ້ມຕົນເອງ ໄດ້.

ດ້ວຍຄວາມ ເອົາໃຈໃສ່, ຊີ້ນໍາ - ນໍາພາ ແລະ ສູ້ຊົນ ຕໍ່ວຽກງານ ດັ່ງກ່າວ ມາເຖິງ ປັດຈຸບັນ ບັນດາ ວຽກງານ ຕ່າງໆ ໃນການ ຟື້ນຟູ ແລະ ພັດທະນາ ຊີວິດ ການເປັນຢູ່ ຂອງ ປະຊາຊົນ ທີ່ໄດ້ ຮັບຜົນກະທົບ ຈາກ ອຸປະ ຕິເຫດ ເຂື່ອນໄຟຟ້າ ເຊປຽນ- ເຊນໍ້ານ້ອຍ ແຕກ ຢູ່ເມືອງ ສະໜາມໄຊ ແມ່ນມີ ຄວາມຄືບໜ້າ ຫຼາຍສົມຄວນ, ເຊິ່ງຫຼ້າສຸດ ໃນວັນ ທີ 10 ເມສາ 2020 ນີ້ ຢູ່ຕຶກ ສໍານັກງານ ອົງການ ປົກຄອງແຂວງ, ໄດ້ມີ ພິທີ ເຊັນບົດ ບັນທຶກ ຮັບຮອງ ຜົນການ ເຈລະຈາ ລະຫວ່າງ ພາກລັດ ( ແຂວງອັດຕະປື ) ແລະ ບໍລິ ສັດ ຜູ້ພັດທະນາ ໂຄງການ ເຂື່ອນໄຟຟ້າ ເຊປຽນ - ເຊນໍ້ານ້ອຍ, ໂດຍພາຍໃຕ້ ການການ ເປັນປະທານ ຂອງ ທ່ານ ເລັດ ໄຊຍະພອນ ເລຂາ ພັກແຂວງ - ເຈົ້າແຂວງ ອັດຕະປື, ມີບັນດາ ພາກສ່ວນ ກ່ຽວຂ້ອງ ຂອງແຂວງ ແລະ ບໍລິສັດ ຜູ້ພັດທະນາ ໂຄງການ ເຂື່ອນໄຟຟ້າ ເຊປຽນ -ເຊນໍ້ານ້ອຍ ເຂົ້າຮ່ວມ.

ເນື້ອໃນ ລາຍລະອຽດ ໃນບົດບັນທຶກ ສະບັບນີ້ ແມ່ນເຊັນ ຮັບຮອງເອົາ ບັນດາ ມູນຄ່າ ຂອງແຕ່ລະ ໂຄງການ ທີ່ປະຕິບັດ ໃນໄລຍະ ຜ່ານມາ, ກໍາລັງ ດໍາເນີນ ປະຕິບັດ ແລະ ແຜນການ ປະຕິບັດ ໃນຕໍ່ໜ້າ ເຊິ່ງລວມມີ 2 ພາກສ່ວນ ໃຫຍ່ຄື: ມູນຄ່າ ການຊົດເຊີຍ ໂດຍກົງ ມີ: ມູນຄ່າ ການຊົດເຊີຍ ຜູ້ເສຍຊີວິດ ແລະ ເດັກກໍາພ້າ ກໍາພອຍ, ເສດຖະ ກິດ ຄົວເຮືອນ ໃນ 6 ບ້ານ 1 ຄຸ້ມ (ກະທົບໜັກ), 13 ບ້ານ (ກະທົບເບົາ), ມູນຄ່າ ການຊົດເຊີຍ ດ້ານຫົວໜ່ວຍ ທຸລະກິດ, ພື້ນຖານ ໂຄງລ່າງ ແລະ ສິ່ງແວດລ້ອມ ເຊິ່ງມີ ມູນຄ່າ ຈໍານວນ 475 ຕື້ກວ່າກີບ ແລະ ມູນຄ່າ ໃນແຜນ ແມ່ບົດ ທີ່ພວມ ຈັດຕັ້ງ ປະຕິບັດ ແລະ ປະຕິບັດ ໃນຕໍ່ໜ້າ ມີມູນຄ່າ ຈໍານວນ 353 ຕື້ກວ່າກີບ, ລວມມູນຄ່າ ທັງໝົດ ທັງມູນຄ່າ ການຊົດເຊີຍ ໂດຍກົງ ແລະ ມູນຄ່າ ໃນແຜນແມ່ບົດ ມີມູນຄ່າ ທັງໝົດ 828 ຕື້ກວາກີບ.

ໂອກາດ ດຽວກັນ, ບໍລິສັດ ຜູ້ພັດທະນາ ໂຄງການ ເຂື່ອນໄຟຟ້າ ເຊປຽນ -ເຊນໍ້ານ້ອຍ ຍັງໄດ້ ມອບເງິນ ຊົດເຊີຍ ຜົນເສຍຫາຍ ດ້ານພື້ນຖານ ໂຄງລ່າງ ໃຫ້ 3 ຫົວໜ່ວຍ ບໍລິສັດ ຄື: ບໍລິສັດ ລາວໂທ ລະຄົມ, ບໍລິສັດ ອີທີແອວ ແລະ ບໍລິສັດ ຢູນີເທວ ລວມມູນຄ່າ ທັງໝົດ ຈໍານວນ 3 ຕື້ກວ່າກີບ.