banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:150
ມື້ວານນີ້:ມື້ວານນີ້:603
ອາທິດນີ້:ອາທິດນີ້:3119
ເດືອນນີ້:ເດືອນນີ້:4116
ທັງໝົດ:ທັງໝົດ:353861

Lao National Radio

radio

ແຜນທີແຂວງ ອັດຕະປື

administrative map

 

 

ຕອນເຊົ້າ ວັນທີ 8 ເມສາ 2020 ທີ່ພະແນກ ສາທາ ລະນະສຸກ ແຂວງອັດຕະປື, ໄດ້ມີ ພິທີ ມອບ-ຮັບ ເງິນຊ່ວຍເຫຼືອ ລະຫວ່າງ ບໍລິສັດ ເຂື່ອນໄຟຟ້າ ນໍ້າກົງ3 ເປັນຜູ້ ມອບ ນໍາໂດຍ ທ່ານ ທອງໄສ ທໍາມະວົງ ຮອງ ຜູ້ຈັດການ ໂຄງການ ເຂື່ອນໄຟຟ້າ ນໍ້າກົງ3 ພ້ອມຄະນະ ແລະ ຕາງໜ້າ ການນໍາ ຂອງແຂວງ ໃຫ້ກຽດ ກ່າວຮັບ ໂດຍ ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງໆ ອັດຕະປື, ທັງເປັນ ຮອງປະທານ, ເປັນຜູ້ ປະຈໍາການ ຄະນະສະ ເພາະກິດ ປ້ອງກັນ ແລະ ຄວບຄຸມ ການແຜ່ ລະບາດ ພະຍາດ ໂຄວິດ 19 ຂັ້ນແຂວງ ພ້ອມ ພາກສ່ວນ ກ່ຽວຂ້ອງ ເຂົ້າຮ່ວມ.

ເງິນທີ່ ບໍລິສັດ ເຂື່ອນໄຟຟ້າ ນໍ້າກົງ3 ມາມອບ ຄັ້ງນີ້ ມີຈໍານວນ 250 ລ້ານກີບ ເຊິ່ງມີ ຈຸດປະສົງ ເພື່ອຊ່ວຍເຫຼືອ ນໍາໃຊ້ ເຂົ້າໃນ ວຽກງານ ປ້ອງກັນ, ຕ້ານ, ສະກັດກັ້ນ ແລະ ຄວບຄຸມ ການແຜ່ ລະບາດ ພະຍາດ ໂຄວິດ 19 ໂດຍສະເພາະ ແມ່ນສະໜັບ ສະໜູນ ໃຫ້ຈັດຊື້ ອຸປະກອນ ທາງການແພດ ທີ່ຈໍາເປັນ ຮີບດ່ວນ ເພື່ອກຽມພ້ອມ ແລະ ນໍາໃຊ້ ໃນການ ປ້ອງກັນ, ສະກັດກັ້ນ ແລະ ຄວບຄຸມ ການແຜ່ ລະບາດ ພະຍາດ ໂຄວິດ 19 ໃຫ້ທັນ ກັບສະພາບການ.

ໂອກາດນີ້, ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງໆ ອັດຕະປື, ທັງເປັນ ຮອງປະທານ, ເປັນຜູ້ ປະຈໍາການ ຄະນະ ສະເພາະກິດ ປ້ອງກັນ ແລະ ຄວບຄຸມ ການແຜ່ ລະບາດ ພະຍາດ ໂຄວິດ 19 ຂັ້ນແຂວງ ໄດ້ກ່າວ ສະແດງ ຄວາມຂອບໃຈ ທີ່ບໍລິສັດ ເຂື່ອນໄຟຟ້າ ນໍ້າກົງ3 ໄດ້ມີຈິດໃຈ ໃຫ້ການ ຊ່ວຍເຫຼືອ ແລະ ເຫັນ ຄວາມສໍາຄັນ ໃນວຽກ ງານ ຕໍ່ສູ້ ກັບພະຍາດ ໂຄວິດ19 ທີ່ເປັນ ພະຍາດ ຮ້າຍແຮງ ແລະ ພວມ ແຜ່ລະບາດ ທີ່ມີທ່າ ເພີ່ມຂື້ນ ຢູ່ບັນດາ ປະເທດຕ່າໆ ໃນໂລກ. ໂອກາດ ດຽວກັນ ຍັງໄດ້ ມອບ ໃບຍ້ອງ ຍໍ ໃຫ້ເຂື່ອນ ໄຟຟ້າ ນໍ້າກົງ3 ເພື່ອເປັນ ການຢັ້ງຢືນ ຍ້ອງຍໍ ສັນລະເສີນ ຜົນງານ ການຊ່ວຍ ເຫຼືອໃນຄັ້ງນີ້.

ການຊ່ວຍເຫຼືອ ຄັ້ງນີ້ ແລະ ອີງໃສ່ ໄລຍະ ສະພາບ ໃນປັດຈຸບັນ; ການປ້ອງກັນ, ສະກັດກັ້ນ ແລະ ຄວບຄຸມ ການແຜ່ ລະບາດພະຍາດ ໂຄວິດ 19, ເຫັນວ່າ ມັນໄດ້ ຮຽກຮ້ອງ ໃຫ້ພໍ່ແມ່ ປະຊາຊົນ ແລະ ທົ່ວສັງຄົມ ມີຄວາມສາມັກຄີ, ຮ່ວມມືກັນຕ້ານ ແລະ ຄວບຄຸມຊ່ວຍກັນ ດ້ວຍຄວາມ ເອົາໃຈໃສ່ ເປັນຕົ້ນ: ການ ສະໜັບໜູນ ຊ່ວຍເຫຼືອ ດ້ານທຶນ ຮອນ, ວັດຖຸ ແລະ ເຄື່ອງ ອຸປະໂພກ - ບໍລິໂພກ ທີ່ຈໍາເປັນ, ເອົາໃຈໃສ່ ປະຕິບັດ ຄໍາສັ່ງ ແລະ ນິຕິກໍາອື່ນໆ ຂອງ ລັດຖະບານ ກໍ່ຄື ຂອງຄະນະ ສະເພາະກິດ ຂັ້ນສູນກາງ ແລະ ທ້ອງຖິ່ນ ກ່ຽວກັບ ມາດຕະການ ຕ່າງໆ ເພື່ອ ເພີ່ມທະວີ ການປ້ອງກັນ, ສະກັດກັ້ນ ແລະ ຄວບຄຸມ ການແຜ່ລະບາດ ພະຍາດ ໂຄວິດ19 ຢ່າງເຂັ້ມງວດ. ໃຫ້ຄວາມເຂົ້າໃຈ  ເຖິງ ຜົນຮ້າຍ ແລະ ຜົນກະທົບ ທີ່ຮ້າຍແຮງ ຂອງພະຍາດ ດັ່ງກ່າວ, ເຂົ້າໃຈ ແລະ ຮູ້ ວິທີ ປ້ອງກັນ ເຊັ່ນ: ກັກຕົວເອງ ຢູ່ເຮືອນ, ຫຼີກລຽງ ການອອກ ໄປທ່ຽວ ຫຼື ຊຸມນຸມ ຫຼາຍຄົນ, ໃສ່ຜ້າ ອັດປາກ ທຸກຄັ້ງ ເວລາອອກ ນອກເຮືອນ, ລ້າງມື ໃສ່ສະບູ ຫຼື ເຈວລ້າງມື ທຸກໆຄັ້ງ ຫຼັງສໍາຜັດ ສິ່ງຂອງ, ຖ້າມີອາການ ຄ້າຍຄື ນິຍາມ ພະຍາດ ໂຄວິດ19 ໃຫ້ໄປ ພົບແພດ ໂດຍດ່ວນ ແລະ ວິທີອື່ນໆ ທີ່ທາງ ພາກສ່ວນ ກ່ຽວຂ້ອງ ໃຫ້ສຸຂະສຶກສາ ຫຼື ສາມາດ ສອບຖາມ ທີ່ເບີ ສາຍດ່ວນ ຂອງຄະນະ ສະເພາະກິດ ປ້ອງກັນ ແລະ ຄວບຄຸມ ການແຜ່ ລະບາດ ພະຍາດ ໂຄວິດ 19 ຂັ້ນແຂວງ ເບີ 036 166 ຫຼື ທ່ານໃດ ສົນໃຈຢາກ ປະກອບສ່ວນ ຊ່ວຍເຫຼືອ ສາມາດ ຕິດຕໍ່ ພົວພັນໄດ້ ເບີ 036 166, ຊື່ບັນຊີ ຮັບບໍລິຈາກ UNITE AGAINST COVID-19 ATP; ເລກບັນຊີ 080110001785803001.