banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:153
ມື້ວານນີ້:ມື້ວານນີ້:603
ອາທິດນີ້:ອາທິດນີ້:3122
ເດືອນນີ້:ເດືອນນີ້:4119
ທັງໝົດ:ທັງໝົດ:353864

Lao National Radio

radio

ແຜນທີແຂວງ ອັດຕະປື

administrative map

 

 

ໃນຊ່ວງໄລຍະ ພະຍາດ ປອດອັກເສບ ຫຼື ໂຄວິດ 19 ພວມແຜ່ ລະບາດ ມີທ່າເພີ່ມຂື້ນ ກວ້າງຂວາງ ໃນທົ່ວໂລກ ແລະ ເປັນຊ່ວງ ໄລຍະ ທີ່ທຸກປະເທດ ໃນໂລກ ພວມ ປະຈັນບານ ຕໍ່ສູ້ ກັບໂລກ ດັ່ງກ່າວ ເຊັ່ນດຽວກັນ ກັບ ສປປ ລາວ ຂອງພວກເຮົາ ທີ່ພວມ ຕໍ່ສູ້ ຢ່າງເອົາໃຈໃສ່ ຈິງຈັງ ເພື່ອປ້ອງກັນ, ຄວບຄຸມ ແລະ ຢຸດການ ແຜ່ລະບາດ ຂອງພະຍາດ ໂຄວິດ 19 ໃຫ້ໄດ້ຢ່າງ ທັນການ ກ່ອນທີ່ ຈະມີ ທ່າອ່ຽງ ແຜ່ລະບາດ ເພີ່ມຂື້ນ; ເຊິ່ງມາຮອດວັນທີ 06 ເມສາ 2020 ປະເທດລາວ ຂອງພວກເຮົາ ມີຜູ້ ຕິດເຊື້ອ ພະຍາດ ປອດອັກເສບ ທັງໝົດ 12 ຄົນ ( ແຕ່ຍັງບໍ່ມີຜູ້ເສຍຊີວິດ ).

ຕໍ່ກັບສະພາບ ດັ່ງກ່າວ, ໃນວັນທີ 6 ເມສາ 2020 ນີ້, ຄະນະ ສະເພາະກິດ ປ້ອງກັນ ແລະ ຄວບຄຸມ ການແຜ່ລະບາດ ພະຍາດ ໂຄວິດ 19 ຂັ້ນສູນກາງ ໄດ້ຈັດ ປະຊຸມ ຮີບດ່ວນ ເຊິ່ງເປັນ ກອງປະຊຸມ ທາງໄກ ຜ່ານວີດີໂອ Video Conference ກັບ ບັນດາແຂວງ ໃນຂອບເຂດ ທົ່ວປະເທດ ໂດຍພາຍໃຕ້ ການເປັນ ປະທານ ຂອງ ທ່ານ ທອງລຸນ ສີສຸລິດ ນາຍົກ ລັດຖະມົນຕີ ແຫ່ງ ສປປ ລາວ; ເຊິ່ງ ແຂວງອັດຕະປື ໄດ້ຮ່ວມ ປະຊຸມ ຮັບຟັງ ຢູ່ຫ້ອງປະຊຸມ ທາງໄກ ຜ່ານວີດີໂອ Video Conference ຫ້ອງ 502 ຕຶກສໍານັກ ງານ ອົງການ ປົກຄອງແຂວງ, ເຂົ້າຮ່ວມໂດຍ ທ່ານ ເລັດ ໄຊຍະພອນ ເລຂາພັກແຂວງ - ເຈົ້າແຂວງ ອັດຕະປື, ມີບັນດາທ່ານ ໃນຄະນະ ສະເພາະກິດ ປ້ອງກັນ ແລະ ຄວບຄຸມ ການ ແຜ່ລະບາດ ພະຍາດ ໂຄວິດ19 ຂັ້ນແຂວງ ແລະ ພາກສ່ວນ ກ່ຽວຂ້ອງ ເຂົ້າຮ່ວມ.

ກອງປະຊຸມ ຄັ້ງນີ້, ກ່ອນອື່ນ ໄດ້ຮັບຟັງ ການລາຍງານ ສະພາບ ການຈັດຕັ້ງ ປະຕິບັດ ການປ້ອງກັນ ແລະ ຄວບຄຸມ ການແຜ່ລະບາດ ຂອງພະຍາດ ໂຄວິດ19 ຈາກບັນ ດາແຂວງ ແລະ ກະຊວງ ກ່ຽວຂ້ອງ ໂດຍສະເພາະ ແມ່ນການ ຜັນຂະຫຍາຍ ແລະ ຈັດຕັດ ຕັ້ງປະຕິບັດ ຄໍາສັ່ງ, ຄໍາແນະນໍາ ຂອງລັດຖະບານ ເປັນຕົ້ນ: ຄໍາສັ່ງ ເລກທີ 06/ນຍ, ລົງວັນທີ 29 ມີນາ 2020 ວ່າດ້ວຍ ການເພີ່ມ ທະວີ ມາດຕະການ ສະກັດກັ້ນ, ກັນການລະບາດ, ຄວບຄຸມ ແລະ ກຽມພ້ອມ ຮອບດ້ານ ເພື່ອຕ້ານ ພະຍາດ ໂຄວິດ 19 ແລະ ລວມ ທັງນິຕິກໍາ ອື່ນໆ ທີ່ກ່ຽວຂ້ອງ. ຜ່ານການ ລາຍງານ ເຫັນວ່າ ບັນດາແຂວງ ແລະ ພາກສ່ວນ ກ່ຽວຂ້ອງ ໃນຂອບເຂດ ທົ່ວປະເທດ ໄດ້ເອົາໃຈໃສ່ ປະຕິບັດ ຄໍາສັ່ງ, ຄໍາແນະນໍາ ຂອງ ລັດຖະບານ ຢ່າງຈິງຈັງ ແລະ ເຂັ້ມງວດ, ພໍ່ແມ່ ປະຊາຊົນ ບັນດາເຜົ່າ, ພະນັກງານ ລັດຖະກອນ ກໍ່ຄື ສັງຄົມ ໃນຂອບເຂດ ທົ່ວປະເທດ ໄດ້ຮັບຮູ້ ເຂົ້າໃຈ ແລະ ຮ່ວມກັນ ປ້ອງກັນ, ຄວບຄຸມ ແລະ ຕໍ່ສູ້ ກັບໂລກດັ່ງກ່າວ ເພື່ອໃຫ້ສູນຫາຍໄປ.

ໂອກາດນີ້ ທ່ານ ເລັດ ໄຊຍະພອນ ເລຂາພັກແຂວງ - ເຈົ້າແຂວງອັດຕະປື ທັງເປັນ ປະທານ ຄະນະ ສະເພາະກິດ ປ້ອງກັນ ແລະ ຄວບຄຸມ ການແຜ່ລະບາດ ຂອງພະ ຍາດ ໂຄວິດ19 ຂັ້ນແຂວງ ໄດ້ລາຍງານ ສະພາບ ການຈັດຕັ້ງ ປະຕິບັດ ການປ້ອງກັນ ແລະ ຄວບຄຸມ ການແຜ່ລະບາດ ພະຍາດໂຄວິດ19 ຢູ່ແຂວງອັດຕະປື ຕໍ່ກອງ ປະຊຸມ ຄັ້ງນີ້ ຮູ້ວ່າ: ແຂວງອັດຕະປື ໄດ້ເອົາໃຈໃສ່ ປະຕິບັດ ຄໍາສັ່ງ, ຄໍາແນະນໍາ ຂອງລັດຖະບານ ຢ່າງເຂັ້ມງວດ ແລະ ໄດ້ລົງຕິດຕາມ ກວດກາ ຊຸກຍູ້ ຢ່າງໃກ້ຊິດ, ໃນນີ້ ໄດ້ແຕ່ງຕັ້ງ ຄະນະ ສະເພາະກິດ ຂັ້ນແຂວງ ແລະ 05 ຕົວເມືອງ, ຜັນຂະຫຍາຍ ທຸກຄໍາສັ່ງ ຂອງລັດຖະບານ, ຄະນະ ສະເພາະກິດ ແຫ່ງຊາດ, ແຈ້ງປິດດ່ານ ປະເພນີ 03 ດ່ານ: ດ່ານພູຍາງ ເມືອງພູວົງ, ດ່ານອູໜຶ່ງ ເມືອງຊານໄຊ, ດ່ານເຊປຽນ ເມືອງສະໜາມໄຊ, ຕັ້ງຈຸດ ກວດກັ່ນກອງ ຄົນເຂົ້າເມືອງ ດ່ານສາກົນ ພູເກືອ-ເບີອີ, ຕັ້ງຈຸດ ກວດກັ່ນກອງ ຄົນເຂົ້າແຂວງ 03 ຈຸດ: ຈຸດຫຼັກ 52 ບ້ານແບ່ງພູຄໍາ ເມືອງສາມັກຄີໄຊ, ຈຸດໄຊດອນໂຂງ ເມືອງສະໜາມໄຊ, ຈຸດພອນມະນີ ເມືອງສະໜາມໄຊ, ມາຮອດວັນທີ 5 ເມສາ 2020 ໄດ້ກວດ ກັ່ນກອງ ຄົນ ເຂົ້າ-ອອກ ລວມທັງໝົດ 1,731 ຄົນ ບໍ່ທັນມີກໍລະນີສົງໄສ. ໄດ້ຕັ້ງຈຸດ ກັກກັນ ນັກສຶກສາ ແລະ ແຮງງານ ທີ່ມາຈາກ ໄທ 11 ຈຸດ, ມາຮອດ ວັນທີ 5 ເມສາ 2020 ມີ 238 ຄົນ, ກັກກັນ ຢູ່ເຮືອນ ຕົນເອງ ( ແຮງງານ ) ມີ 75 ຄົນ, ລວມທັງໝົດ 313 ຄົນ ( ອາການ ປົກກະຕິ ບໍ່ທັນມີ ກໍລະນີ ສົງໄສ ), ໄດ້ກວດ ກັ່ນກອງ ປົກກະຕິ ຢູ່ໂຮງໝໍແຂວງ ແລະ 04 ຕົວເມືອງ, ມີ 2,942 ຄົນ ພົບກໍລະນີ ສົງໄສ 05 ຄົນ, ສົ່ງຕົວຢ່າງ ໄປກວດ ທັງໝົດ 05 ກໍລະນີ ( ບໍ່ພົບເຊື້ອ ) ແຕ່ຕົ້ນ ຮອດວັນທີ 06 ເມສາ 2020 ຢູ່ແຂວງອັດຕະປື ຍັງ ບໍ່ພົບ ຜູ້ຕິດເຊື້ອ ໂຄວິດ19. ພ້ອມກັນນັ້ນ ແຂວງອັດຕະປື ໄດ້ເອົາ ໃຈໃສ່ ເຄື່ອນໄຫວ ໂຄສະນາ ສຸຂະສຶກສາ ທາງວິທະຍຸ, ໂທລະພາບ, ປົດສະເຕີ້ ແລະ ລົດເຄື່ອນທີ່, ອອກຄໍາສັ່ງ ປິດ ການສັນຈອນ ລະຫວ່າງແຂວງ ຕໍ່ແຂວງ, ລະຫວ່າງ ເມືອງຕໍ່ເມືອງ ແຕ່ 22:00-05:00 ນັບແຕ່ວັນ 02 ເມສາ 2020 ຮອດ ວັນທີ 19 ເມສາ 2020 ຫຼື ຈົນກວ່າ ສະພາບ ປົກ ກະຕິ, ຄະນະ ປະຕິບັດງານ ວິຊາການ ດ້ານສາທາ ລະນະສຸກ ແລະ ກອງເລຂາ ຄະນະສະ ເພາະກິດ ໄດ້ປະຈໍາການ ທຸກວັນ ແລະ ຈັດກອງປະຊຸມ ປະຕິບັດ ການສຸກເສີນ ດ້ານສາທາ ລະນະສຸກ ທຸກວັນຈັນ, ພຸດ, ສຸກ ແລະ ຕິດຕັ້ງ ເບີສາຍດ່ວນ ສະເພາະກິດ 036166 ເພື່ອໃຫ້ ປະຊາຊົນ ບັນດາເຜົ່າຊາວ ແຂວງອັດຕະປື ມີຄວາມສະດວກ, ວອງໄວ ໃນການ ຕິດຕໍ່ ພົວພັນ ກໍ່ລະນີ ມີສະພາບ ແລະ ເຫດ ສຸກເສີນ ຕ່າງໆ.

ກອງປະຊຸມ ຄັ້ງນີ້, ທ່ານ ນາຍົກລັດຖະມົນຕີ ສະແດງ ຄວາມຍ້ອງຍໍ ຊົມເຊີຍ ຕໍ່ຄະນະ ສະເພາະກິດ ທັງສູນກາງ ແລະ ທ້ອງຖິ່ນ, ຂະແໜງການ ແລະ ທ້ອງຖິ່ນ ທີ່ໄດ້ ສຸມ ທຸກກໍາລັງແຮງ ເຂົ້າໃນການ ຈັດຕັ້ງ ປະຕິບັດ ໜ້າທີ່ຂອງຕົນ ເພື່ອສະກັດກັ້ນ ແລະ ແກ້ໄຂ ການແຜ່ລະບາດ ຂອງພະຍາດ ໂຄວິດ 19 ທີ່ພວມ ເກີດຂຶ້ນ ຢູ່ປະເທດເຮົາ. ພ້ອມ ດຽວ ກັນນັ້ນ, ໄດ້ສະແດງ ຄວາມເປັນຫ່ວງ ເປັນໃຍ ແລະ ໄດ້ເນັ້ນໜັກ ໃຫ້ທຸກ ພາກສ່ວນ ທີ່ກ່ຽວຂ້ອງ ສືບຕໍ່ ເອົາໃຈໃສ່ ຄື:

1. ຕ້ອງສືບຕໍ່ ໂຄສະນາ ເຜີຍແຜ່ ໃຫ້ປະຊາຊົນ ເຂົ້າໃຈ ກ່ຽວກັບ ຜົນຮ້າຍ ແລະ ຜົນກະທົບ ຈາກພະຍາດ ໂຄວິດ 19 ໂດຍສະເພາະ ຜູ້ທີ່ຖືກ ກັກກັນ ຢູ່ເຮືອນ, ຢູ່ບ້ານ ຫຼື ສູນ ຕ້ອງເຂົ້າໃຈ ສະພາບການ ໃຫ້ດີ ແລະ ບໍ່ໃຫ້ປະໝາດ. ບຸກຄົນ ຕ້ອງມີ ຄວາມຮັບຜິດຊອບ ຕໍ່ຕົນເອງ, ຄອບຄົວ, ສັງຄົມ ແລະ ປະເທດຊາດ.

2. ຕ້ອງເຂັ້ມງວດ ໃນການ ປິດດ່ານ, ບໍ່ອະນຸຍາດ ໃຫ້ຄົນ ຕ່າງປະເທດ ເຂົ້າມາ ປະເທດເຮົາ, ແຕ່ອະນຸຍາດ ໃຫ້ ເປີດ ສຳລັບ ການຂົນສົ່ງ ສິນຄ້າ ເຂົ້າ-ອອກ ໂດຍຕ້ອງ ມີ ມາດຕະການ ຄຸ້ມຄອງ ຢ່າງເຂັ້ມງວດ. ມອບໃຫ້ ຄະນະ ສະເພາະກິດ ສົມທົບ ກັບກະຊວງ ການຕ່າງປະເທດ ແລະ ພາກສ່ວນ ກ່ຽວຂ້ອງ ຄົ້ນຄວ້າ ຈະເປີດດ່ານໃດ. ພ້ອມກັນນີ້ ໃຫ້ ບັນດາແຂວງ ທີ່ມີ ຊາຍແດນ ຕິດກັບ ປະເທດ ເພື່ອນບ້ານ ເຈລະຈາ ກັບແຂວງ ຂອງປະເທດ ດັ່ງກ່າວ ທີ່ເປັນຄູ່ ດ່ານກັນ ເພື່ອຂໍ ການຮ່ວມມື ແລະ ມີມາດ ຕະການ ໃນການ ປ້ອງກັນ ແຜ່ລະບາດ ຂອງເຊື້ອ ພະຍາດ ຊ່ວຍກັນ ເປັນຕົ້ນ ການກັກຕົວ 14 ວັນ ໂດຍສະເພາະ ຕໍ່ແຮງງານລາວ ທີ່ຈະເດີນທາງ ກັບຄືນ ມາປະເທດ.

3. ເນື່ອງຈາກສູນ ກັກກັນ ມີຄວາມສ່ຽງ ຍ້ອນມີຄວາມ ແອອັດ, ສະນັ້ນ ສຳລັບ ຜູ້ທີ່ຖືກ ໃຫ້ກັກກັນ ຕົນເອງ ຢູ່ເຮືອນໃຜ ເຮືອນລາວ ຕ້ອງມີ ຄວາມເຂັ້ມງວດ ຈຶ່ງຈະ ສາມາດ ຮັບປະກັນ ບໍ່ໃຫ້ ເຊື້ອພະຍາດ ແຜ່ລາມ ອອກໄປ ສູ່ຄອບຄົວ ແລະ ສັງຄົມ ໃນກໍລະນີ ຜູ້ກັກກັນ ຕົນເອງ ມີການ ຕິດເຊື້ອ.

4. ສຳລັບ ເຄື່ອງບໍລິຈາກ ເປັນຕົ້ນ ຜ້າອັດປາກ - ດັງ, ເຈລລ້າງມື, ເຫລົ້າເກົ້າສິບ, ໃຫ້ສູນກາງ ຈັດສັນ ສົ່ງໃຫ້ ແຂວງຕ່າງໆ ເພື່ອແຈກ ຢາຍລ້າ ໃຫ້ປະຊາຊົນ ໂດຍສະ ເພາະ ແຂວງ ທີ່ຂາດເຂີນ ແລະ ຢູ່ຫ່າງໄກ. ພ້ອມດຽວ ກັນນັ້ນ, ໃຫ້ສືບຕໍ່ ຊຸກຍູ້ ແລະ ລະດົມ ຜູ້ທີ່ມີ ຈິດໃຈ ເຜື່ອແຜ່ ໃນສັງຄົມ ໃຫ້ຄວາມ ຊ່ວຍເຫຼືອ ແລະ ບໍລິຈາກ ເຄື່ອງມື ແລະ ອຸປະກອນ ການແພດ ແລະ ອື່ນໆ ເພື່ອນຳ ໄປໃຫ້ ໂຮງໝໍ ແລະ ແຈກຢາຍ ໃຫ້ບັນດາແຂວງ. ສຳລັບ ການຂໍການ ຊ່ວຍເຫຼືອ ຈາກອົງການ ຈັດຕັ້ງສາກົນ ແລະ ປະເທດ ເພື່ອນມິດ ໃຫ້ບັນດາ ແຂວງ ສະເໜີຫາ ຄະນະ ສະເພາະກິດ ເພື່ອສະເໜີຜ່ານ ປະຕູດຽວ.

5. ໃຫ້ຄະນະ ສະເພາະກິດ ຈັດຊື້ ອຸປະກອນ ທາງການແພດ ທີ່ຍັງບໍ່ທັນພຽງພໍ ເພື່ອຈັດສົ່ງ ໄປໃຫ້ບັນດາແຂວງ. ການຈັດຊື້ ຕ້ອງຮັບປະກັນ ຄວາມໂປ່ງໃສ, ບໍ່ໃຫ້ມີ ການສວຍ ໂອກາດ.

6. ໃຫ້ນະຄອນຫຼວງ ວຽງຈັນ ແລະ ບັນດາແຂວງ ໃນທົ່ວປະເທດ ເປັນເຈົ້າການ ເອົາໃຈໃສ່ ຄຸ້ມຄອງ ລາຄາສິນຄ້າ ໃຫ້ດີ ພ້ອມທັງ ໃຫ້ມີການ ຈັດຫາ ເກັບສິນຄ້າໄວ້ ເພື່ອ ຮັບປະກັນ ບໍ່ໃຫ້ຂາດແຄນ (ແຕ່ບໍ່ແມ່ນການກັກຕຸນ). ພ້ອມກັນນີ້, ກໍ່ໃຫ້ສົມທົບ ກັບກະຊວງ ກ່ຽວຂ້ອງ ຈັດຕັ້ງ ການຜະລິດ, ປູກຝັງ ກຸ້ມຕົນເອງ ເພື່ອບໍ່ໃຫ້ ມີສະພາບ ຂາດແຄນ ສະບຽງ ອາຫານ ແລະ ໃຫ້ກະກຽມ ໄວ້ ພາຍຫຼັງ ທີ່ຜ່ານພົ້ນ ວິກິດ ພະຍາດ ໂຄວິດ-19 ແລ້ວ ໃຫ້ສາມາດ ຜະລິດ ຢ່າງເປັນ ຂະບວນ ເພື່ອຮັບ ປະກັນ ການສະໜອງ ສະບຽງ ອາຫານ ໃຫ້ພຽງພໍ ກັບຄວາມ ຕ້ອງການ ຂອງສັງຄົມ. ມອບໃຫ້ແຂວງ, ເມືອງ ເປັນຜູ້ຕັດສິນ ແລະ ຄຸ້ມຄອງ ປະຊາຊົນ ໃນການ ອອກຈາກເຮືອນ ເພື່ອໄປ ເຮັດການ ປູກຝັງ, ຜະລິດ ສິນຄ້າ ລວມທັງ ການອອກ ໄປວຽກງານ ຈຳເປັນອື່ນໆ ຕາມທີ່ໄດ້ ອະນຸຍາດ ໃນຄຳສັ່ງ 06/ນຍ.

7. ສຳລັບ ການຈໍລະຈອນ ຂົນສົ່ງ ສິນຄ້າ ພາຍໃນປະເທດ ບໍ່ໄດ້ຫ້າມ ແຕ່ໃຫ້ ມີມາດຕະການ ຄຸ້ມຄອງ ທີ່ຮັດກຸມ. ສຳລັບ ແຂວງໃດ ທີ່ມີການຜະລິດ, ມີສິນຄ້າເຫຼືອ ກໍຂໍ ໃຫ້ນຳໄປຊ່ວຍ ແຂວງອື່ນ ທີ່ມີບໍ່ພຽງພໍ.

8.ສືບຕໍ່ ເອົາໃຈໃສ່ ຮ່ວມມື ກັບສາກົນ ແລະ ປະເທດ ເພື່ອນມິດ ເພື່ອຂໍ ການຊ່ວຍເຫຼືອ ແລະ ແລກປ່ຽນ ບົດຮຽນ ໂດຍສະເພາະ ເພື່ອຊ່ວຍເຫຼືອ ແລະ ແນະນຳ ໃຫ້ຄວາມຮູ້ ແກ່ທີມແພດລາວ. ໃຫ້ສືບຕໍ່ ຄົ້ນຄວ້າ ສ້າງໂຄງການ ເພື່ອຮັບເອົາ ການຊ່ວຍເຫຼືອ ຈາກອົງການ ຈັດຕັ້ງສາກົນ ( ທີ່ໄດ້ມີການ ປະກາດ ໃຫ້ການ ຊ່ວຍເຫຼືອ ບັນດາ ປະເທດ ທີ່ໄດ້ ຮັບຜົນ ກະທົບ ) ເພື່ອນຳມາ ຈັດຕັ້ງ ປະຕິບັດ ບັນດາ ນະໂຍບາຍ ຂອງລັດຖະບານ ທີ່ໄດ້ປະກາດໄປ.

9.ໃຫ້ບັນດາ ຂະແໜງການ ແລະ ທ້ອງຖິ່ນ ປັບປຸງ ບັນດາຈຸດອ່ອນ ຂໍ້ຄົງຄ້າງ ໃນການ ຈັດຕັ້ງ ປະຕິບັດ ຄຳສັ່ງ 06/ນຍ ເພື່ອຮັບປະກັນ ໃຫ້ແກ່ ວຽກງານ ສະກັດກັ້ນ, ກັນການລະບາດ, ຄວບຄຸມ ແລະ ກຽມຄວາມພ້ອມ ຮອບດ້ານ ເພື່ອຕ້ານ ພະຍາດ ໂຄວິດ-19.

10. ໃຫ້ຄະນະ ສະເພາະກິດ ໃຫ້ຄວາມຮູ້ ກ່ຽວກັບ ການຈັດລະດັບ ຂອງການ ແຜ່ລະບາດ ຂອງພະຍາດ ໂຄວິດ-19 ຕາມຫຼັກການ ຂອງອົງການ ອະນາໄມໂລກ ພ້ອມທັງ ປະເມີນ ແລະ ຈັດລະດັບ ສະພາບການ ແຜ່ລະບາດຢູ່ ສປປ ລາວ ແລ້ວປະກາດ ໃຫ້ສັງຄົມ ຮັບຮູ້ ແລະ ເຂົ້າໃຈ.

ໃນຕອນທ້າຍ, ທ່ານ ນາຍົກລັດຖະມົນຕີ ໄດ້ຮຽກຮ້ອງ ໃຫ້ທຸກຂະແໜງການ, ທ້ອງຖິ່ນ, ທຸກພາກສ່ວນໃນສັງຄົມ ແລະ ປະຊາຊົນ ຮ່ວມແຮງຮ່ວມໃຈກັນ ເຂັ້ມງວດ ຈັດຕັ້ງ ປະຕິບັດ ຄຳສັ່ງ 06/ນຍ, ມາດຕະການ ຕ່າງໆ ທີ່ລັດຖະບານ ແລະ ຄະນະສະ ເພາະກິດ ວາງອອກ, ຕ້ອງເດັດຂາດ ບໍ່ໃຫ້ ການລະບາດ ຢູ່ປະເທດເຮົາ ເພີ່ມຂຶ້ນ ໄປອີກລະດັບໜຶ່ງ.