banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:426
ມື້ວານນີ້:ມື້ວານນີ້:499
ອາທິດນີ້:ອາທິດນີ້:1220
ເດືອນນີ້:ເດືອນນີ້:10865
ທັງໝົດ:ທັງໝົດ:326324

Lao National Radio

radio

ແຜນທີແຂວງ ອັດຕະປື

administrative map

 

 

ທ່ານ ເລັດ ໄຊຍະພອນ ເຈົ້າແຂວງໆ ອັດຕະປື ພ້ອມດ້ວຍ ຄະນະ ສະເພາະກິດ ໄດ້ລົງ ຕິດຕາມ ກວດກາ ແລະ ຊີ້ນໍາ ວຽກງານ ປ້ອງກັນ ແລະ ຄວບຄຸມ ການແຜ່ ລະບາດ ຂອງພະຍາດ ໂຄວິດ 19 ໃນຕອນບ່າຍ ວັນທີ 1 ເມສາ 2020, ໂດຍມີ ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງ ທັງເປັນ ຮອງປະທານ, ເປັນຜູ້ ປະຈໍາການ ຄະນະ ກໍາ ມະການ ປ້ອງກັນ ແລະ ຄວບຄຸມ ການແຜ່ລະບາດ ຂອງພະຍາດ ໂຄວິດ 19 ຂັ້ນແຂວງ ພ້ອມດ້ວຍ ພາກສ່ວນ ກ່ຽວຂ້ອງ ເຂົ້າຮ່ວມ.

ການລົງ ຕິດຕາມ ກວດກາ ແລະ ຊີ້ນໍາ ວຽກງານ ປ້ອງກັນ ແລະ ຄວບຄຸມ ການແຜ່ ລະບາດ ຂອງພະຍາດ ໂຄວິດ 19 ຄັ້ງນີ້ ໄດ້ລົງ ເຄື່ອນໄຫວ ຢູ່ 4 ຈຸດສໍາຄັນ ເປັນຕົ້ນແມ່ນ ຈຸດກວດ ກັ່ນກອງຄົນ ຢູ່ດ່ານ ທ້ອງຖິ່ນ ຫຼັກ52, ຈຸດກັກກັນ ເພື່ອຕິດຕາມ ອາການ 14 - 27 ວັນ ບຸກຄົນ ທີ່ມາ ແຕ່ຕ່າງປະເທດ ຫຼື ມາແຕ່ ປະເທດ ທີ່ມີ ຄວາມ ສ່ຽງ ແລະ ໂຮງໝໍ ແຂວງ ທີ່ເປັນບ່ອນ ບໍລິການ ປິ່ນປົວ ຄົນເຈັບ ຫຼື ບ່ອນກຽມພ້ອມ ບໍລິການ ປິ່ນປົວ ບຸກຄົນ ທີ່ຕິດ ພະຍາດ ໂຄວິດ 19. ສໍາລັບ ຈຸດກວດ ກັ່ນກອງ ຄົນເຂົ້າ -ອອກ ຢູ່ດ່ານ ທ້ອງຖິ່ນ ຫຼັກ52 ພາກສ່ວນ ກ່ຽວຂ້ອງ ຂອງແຂວງ ໂດຍສະເພາະ ປກສ ແຂວງ ແລະ ພະນັກງານ ແພດໝໍ ໄດ້ກວດ ກັ່ນກອງ ຄົນເຂົ້າ -ອອກ ໂດຍໃຫ້ ບຸກຄົນທີ່ ເຂົ້າ-ອອກ ຕ້ອງຜ່ານ ການກວດ ອຸ່ນຫະພູມ, ຈົດປະຫວັດ ຄັກແນ່, ຖ້າມີ ກໍລະນີ ສົ່ງໃສ ຫຼື ມາແຕ່ເຂດ ທີ່ມີ ຄວາມສ່ຽງ ແມ່ນຈະຖືກ ນໍາໄປ ກັກກັນ ຕິດຕາມ ອາການ 14 -27 ວັນ, ເຊິ່ງໃນ ປັດຈຸບັນ ຢູ່ແຂວງ ມີບ່ອນ ຮອງຮັບ ກັກກັນ ຢູ່ແຕ່ລະເມືອງ ຄື ເມືອງໄຊເສດຖາ 4 ຈຸດ, ເມືອງສາມັກຄີໄຊ 1 ຈຸດ, ເມືອງພູວົງ 1 ຈຸດ, ເມືອງຊານໄຊ 2 ຈຸດ, ເມືອງ ສະໜາມໄຊ 1 ຈຸດ ແລະ ດ່ານສາກົນພູເກືອ 1 ຈຸດ, ນອກນັ້ນ ຍັງກັກກັນຢູ່ ເຮືອນຕົວເອງ, ລວມທັງໝົດ ຢູ່ຈຸດກັກກັນ ຂອງແຂວງ ແລະ ຢູ່ເຮືອນຕົວເອງ ມີ 232 ຄົນ ແຕ່ລະຈຸດ ກັກກັນ ມີພະນັກງານ ແພດໝໍ ພ້ອມພາກສ່ວນ ກ່ຽວຂ້ອງ ຕິດຕາມ 24 ຊົ່ວໂມງ/ທຸກວັນ; ມາຮອດ ປັດຈຸບັນ ມີກໍລະນີ ສົງໃສ 4 ຄົນ ແຕ່ຜົນ ການກວດ 2 ຄົນ ບໍ່ພົບເຊື້ອ ແລະ ອີກ 2 ຄົນ ລໍ່ຖ້າ ຜົນກວດ.

ຕາມການ ລາຍງານ ຂອງ ດຣ ຢະໂລມ ເຮືອງສັກ ຫົວໜ້າ ສາທາ ລະນະສຸກ ເມືອງສາມັກຄີໄຊ ທັງເປັນຫົວໜ້າ ສະເພາະກິດ ປ້ອງກັນ ແລະ ຄວບຄຸມ ການແຜ່ ລະບາດ ຂອງພະຍາດ ໂຄວິດ 19 ຂັ້ນເມືອງ ແລະ ເປັນຜູ້ ຊີ້ນໍາ ປະຈໍາການ ຢູ່ຈຸດກວດ ກັ່ນກອງ ຄົນເຂົ້າ-ອອກ ຢູ່ດ່ານ ທ້ອງຖິ່ນ ຫຼັກ52 ໃຫ້ຮູ້ວ່າ: ເລີ່ມແຕ່ເວລາ 9:00 ໂມງ - 22:00 ໂມງ ຂອງວັນທີ 31/3/2020 ໄລຍະ 1 ມື້, ມີຄົນລາວ ເຂົ້າ-ອອກ ຢູ່ຈຸດກວດ ກັ່ນກອງ ຄົນເຂົ້າ-ອອກ ດ່ານທ້ອງຖິ່ນ ຫຼັກ52 ຈໍານວນ 623 ຄົນ, ຄົນຫວຽດນາມ 37 ຄົນ, ຄົນລາວ ມາແຕ່ ປະເທດໄທ 5 ຄົນ, ຄົນຈີນ 1 ຄົນ, ຄົນຟີລິບປິນ 1 ຄົນ ລວມທັງໝົດ 667 ຄົນ, ຜ່ານການກວດ ອາການ ເຂົ້າກັບນິຍາມ ພະຍາດໂຄວິດ 0 ຄົນ.

ໂອກາດນີ້, ທ່ານ ເລັດ ໄຊຍະພອນ ເຈົ້າແຂວງໆ ອັດຕະປື ໄດ້ເນັ້ນ ໃຫ້ພະນັກງານ ທີ່ກ່ຽວຂ້ອງ ໂດຍສະເພາະ ຄະນະ ກໍາມະການ ປ້ອງກັນ ແລະ ຄວບຄຸມ ການແຜ່ ລະບາດ ຂອງພະຍາດ ໂຄວິດ 19 ຂັ້ນແຂວງ ເພີ່ມທະວີ ເອົາໃຈໃສ່ ຢ່າງຈັງ ແລະ ປະຕິບັດ ຕາມຄໍາສັ່ງ ຂອງລັດຖະບານ ກໍ່ຄື ຄໍາສັ່ງ ຂອງແຂວງ ກ່ຽວກັບ ການເພີ່ມ ທະວີມາດ ຕະການ ສະກັດກັ້ນ, ກັນການລະບາດ, ຄວບຄຸມ ແລະ ກຽມພ້ອມ ຮອບດ້ານ ເພື່ອຕ້ານ ພະຍາດ ໂຄວິດ 19; ເນັ້ນໃຫ້ ພາກສ່ວນ ກ່ຽວຂ້ອງ ທີ່ປະຈໍາ ຢູ່ຈຸດກວດ ຄົນເຂົ້າ - ອອກ ຢູ່ດ່ານ ທ້ອງຖິ່ນ ຫຼັກ52 ແລະ ດ່ານທ້ອງຖິ່ນ ອື່ນໆ ຂອງແຂວງ ປິດດ່ານເຂົ້າ - ອອກ ຍົກເວັ້ນແຕ່ ຜູ້ທີ່ສົ່ງເຄື່ອງ ອຸປະໂພກ - ບໍລິໂພກ ທີ່ຈໍາເປັນ ແລະ ທຸກການ ເຂົ້າ-ອອກ ບຸກຄົນ ຕ້ອງຜ່ານ ການກວດ ອຸ່ນຫະພູມ, ຈົດປະຫວັດ, ພາຫະນະ ແລະ ສິນຄ້າ ຕ້ອງໄດ້ຜ່ານ ການຊີດຢາ ຂ້າເຊື້ອ ແລະ ໃຫ້ເລີ່ມ ຈັດຕັ້ງປະຕິບັດ ຕັ້ງແຕ່ 2 ເມສາ 2020 ຈົນກວ່າ ສະພາບ ປົກກະຕິ. ພ້ອມນັ້ນ ໃຫ້ເອົາໃຈໃສ່ ຕິດຕາມ ກວດກາ ບຸກຄົນ ທີ່ຢູ່ ຈຸດກັກກັນ ແຕ່ລະຈຸດ ຕິດຕາມ ອາການ 14-27 ວັນ ຢ່າງເຂັ້ມງວດ, ກຽມພ້ອມ ດ້ານການ ບໍລິການ ປິ່ນປົວ ແລະ ດ້ານອື່ນໆ ທີ່ສໍາຄັນ ເພື່ອພ້ອມ ຮັບມື ໃນກໍ່ລະນີ ເກີດມີການລະບາດ ຂອງພະຍາດ ດັ່ງກ່າວ ຢູ່ພາຍໃນແຂວງ ຂອງພວກເຮົາ.