banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:162
ມື້ວານນີ້:ມື້ວານນີ້:394
ອາທິດນີ້:ອາທິດນີ້:815
ເດືອນນີ້:ເດືອນນີ້:162
ທັງໝົດ:ທັງໝົດ:307060

Lao National Radio

radio

ແຜນທີແຂວງ ອັດຕະປື

administrative map

 

 

ໃນລະຫວ່າງວັນທີ 18-19 ມີນາ 2020 ເມືອງໄຊເສດຖາ ແຂວງອັດຕະປື ໄດ້ດໍາເນີນ ກອງປະຊຸມໃຫຍ່ ຜູ້ແທນ ອົງຄະນະພັກເມືອງ ຄັ້ງທີ VIII ສໍາເລັດລົງ ຢ່າງເປັນ ທາງການ ໂດຍການ ເປັນປະທານ ຂອງ ສະຫາຍ ເລັດ ໄຊຍະພອນ ເລຂາພັກແຂວງ ເຈົ້າແຂວງ ອັດຕະປື , ມີສະຫາຍ ນາງ ມີນາພອນ ໄຊຊົມພູ ຮອງເລຂາ ພັກແຂວງ ຫົວຫນ້າ ຄະນະ ຈັດຕັ້ງແຂວງ ພ້ອມດ້ວຍ ການນໍາ ທຸກພາກສ່ວນ ເຂົ້າຮ່ວມ.

ກອງປະຊຸມ ຄັ້ງນີ້ ສະຫາຍ ສີໄລ ສີສະແຫວງສຸກ ເລຂາ ພັກເມືອງ ເຈົ້າເມືອງ ໄຊເສດຖາ ໄດ້ໃຫ້ກຽດ ຂື້ນຜ່ານ ຮ່າງບົດລາຍງານ ການເມືອງ ເຊິ່ງໄດ້ ຍົກໃຫ້ເຫັນ ຜົນ ຂອງການ ຊີ້ນໍາໆພາ ຂອງຄະນະ ບໍຫານງານ ພັກເມືອງ ຕະຫຼອດ ໄລຍະ 5 ປີຜ່ານມາ, ມີຫຼາຍອັນ ທີ່ພົ້ນເດັ່ນ ຢ່າງໜ້າ ເພິ່ງພໍໃຈ, ສະມາຊິກພັກ ແລະ ປະຊາຊົນ ບັນດາເຜົ່າ ທົ່ວ ເມືອງ ໄດ້ຮັບຮູ້ ເຂົ້າໃຈ ແນວທາງ ນະໂຍບາຍ ຂອງພັກ ແລະ ລະບຽບ ກົດໝາຍ ຂອງລັດ ເປັນຢ່າງດີ ເຮັດໃຫ້ເມືອງ ຮັກສາໄດ້ ສະຖຽນລະພາບ ທາງການເມືອງ , ສັງຄົມມີ ຄວາມສະຫງົບ ປອດໄພ, ເສດຖະກິດ ມີການ ຂະຫຍາຍຕົວ ຢ່າງຕໍ່ເນືອງ, ພື້ນຖານ ໂຄງລ່າງ ໄດ້ຮັບການ ພັດທະນາດີຂື້ນ.

ຕະຫຼອດ ໄລຍະ 5 ປີຜ່ານມາ ເມືອງໄຊເສດຖາ ໄດ້ເອົາໃຈໃສ່ ຢ່າງຈິງຈັງ ຕໍ່ການ ຈັດຕັ້ງ ປະຕິບັດ ແຜນພັດທະນາ ກໍ່ຄື ມະຕິ ກອງປະຊຸມ ໃຫຍ່ຄັ້ງທີ VII ຂອງເມືອງ ແລະ ຍາດໄດ້ ຜົນງານ ທີ່ໂດດເດັ່ນ ເປັນຕົ້ນ: ດ້ານວຽກງານ ປ້ອງກັນຊາດ - ປ້ອງກັນ ຄວາມສະຫງົບ, ໄດ້ເອົາໃຈໃສ່ ສຶກສາ ອົບຮົມ ການເມືອງ - ແນວຄິດ, ສາມາດ ສ້າງຄອບ ຄົວ ແລະ ບ້ານ ປ້ອງກັນຊາດ ເຂັ້ມແຂງໄດ້ 1 ພັນກ່ວາ ຄອບຄົວ, ປັບປຸງ ຈັດຕັ້ງ ກອງຫຼອນໄດ້ 13 ບ້ານ, ສ້າງຄອບຄົວ ແລະ ບ້ານ ປ້ອງກັນ ຄວາມສະຫງົບ ໄດ້ 4 ບ້ານ, ດ້ານເສດຖະກິດ ລວມຍອດ ຜະລິດ ຕະພັນ ພາຍໃນ ປະຕິບັດໄດ້ 432,7 ຕື້ກີບ, ເທົ່າກັບ 78,3% ຂອງແຜນການ ແລະ ຊຸກຍູ້ ປະຊາຊົນ ຜະລິດ ກະສິກໍາ ເປັນສີນຄ້າ ຕາມກະ ສິກໍາ ສະອາດ ແລະ ຍືນຍົງ ເຮັດໃຫ້ ຊາວກະສິກອນ ມີລາຍຮັບ ສ້າງເສດຖະກິດ ຄອບຄົວ ພາໃຫ້ ຄອບຄົວ ພົ້ນທຸກ ເທື່ອລະກ້າວ. ສົ່ງສີມ ການຜະລິດ ເຄື່ອງຫັດຖະກໍາ ພູມປັນ ຍາຊາວບ້ານ, ໄດ້ຮັບຮອງ ກາໝາຍ ສິນຄ້າ 1 ເມືອງ 1 ຜະລິດ ຕະພັນ ໂດຍສະເພາະ ກຸ່ມຜະລິດ ເຫຼົ້າຂາວ ບ້ານຊ້າຍ, ພ້ອມນັ້ນ ກໍ່ໄດ້ສຸມໃສ່ ການຂະຫຍາຍ ຕາຫນ່າງ ໄຟຟ້າ ລົງສູ່ ຊົນນະບົດ ໄດ້ຢ່າງທົ່ວເຖິງ ອັດຕາ ການຊົມໃຊ້ ໄຟຟ້າ ກວມເອົາ 93% ຂອງຄົວເຮືອນ ທັງຫມົດ, ຂະຫຍາຍ ຕາຫນ່າງ ເສັ້ນທາງ ຕົວເມືອງ -. ຊົນນະບົດ ຢ່າງທົ່ວເຖິງ, ສາມາດ ອອກທະ ບຽນທີ່ດິນໄດ້ 165% ທຽບໃສ່ປີ 2014 ແມ່ນລື່ນແຜນ, ດ້ານສາທາ ລະນະສຸກ ເຮັດໃຫ້ ປະຊາຊົນ ໄດ້ຮັບ ການປີ່ນປົວ ສຸຂະພາບ ຕາມນະໂຍບາຍ ບໍ່ເສຍຄ່າ ໂດຍນໍາສິດ ກອງທືນ ປະກັນ ສຸຂະພາບ ແຫ່ງຊາດ ແລະ ສາມາດ ສ້າງຄອບຄົວ ແລະ ບ້ານແບບຢ່າງ ສາທາລະນະສຸກ ກວມເອົາ 91%.

ກອງປະຊຸມ ຄັ້ງນີ້ ຜູ້ແທນສົມບູນ ກອງປະຊຸມ ໄດ້ພ້ອມກັນ ໃຊ້ສິດ ປະຊາທິປະໄຕ ຂອງຕົນ ປ່ອນບັດເລືອກຕັ້ງ ເອົາຄະນະ ບໍລິຫານງານ ພັກເມືອງຊຸດໃຫມ່ ບົນພື້ນຖານ ຖືກຕ້ອງ ຕາມມາດຖານ ເງື່ອນໄຂ ທີ່ໄດ້ກໍານົດໄວ້ ເຊິ່ງມີ ຜູ້ອອກສະຫມັກ ເລືອກຕັ້ງ 29 ສະຫາຍ, ຍິງ 4 ສະຫາຍ, ເລືອກເອົາ 25 ສະຫາຍ,

ຜົນກອງປະຊຸມ ຄັ້ງປະຖົມມະລຶກ ຄົບຄະນະ ບໍລິຫານງານພັກເມືອງ ໄຊເສດຖາ ໄດ້ເຫັນດີ ເປັນເອກະພາບ ເລືອກຕັ້ງເອົາ ສະຫາຍ ສີໄລ ສີສະແຫວງສຸກ ເປັນເລຂາ ພັກ ເມືອງຊຸດໃຫມ່, ສະຫາຍ ອຸດສະຫະ ກົມມະເມືອງ ແລະ ສະຫາຍ ນາງ ບັນທະໄລ ໄຊຍະສິນ ເປັນຮອງເລຂາ, ຫະຫາຍ ພັທ ຄໍາເຄື້ອນ ລຽງບຸນທອນ, ສະຫາຍ ຄໍາແບນ ມິງສະຫວັນ, ສະຫາຍ ສຸລິກາ ຈັນທະຄໍາເມິງ, ສະຫາຍ ດຣ ວົງອໍາໄພ ວົງສາລະຊິດ ເປັນຄະນະ ປະຈໍາພັກເມືອງ ແລະ ອີກ 18 ສະຫາຍ ເປັນຄະນະ ບໍລິຫານງານພັກເມືອງ;

ກອງປະຊຸມ ໄດ້ເລືອກເອົາ ສະຫາຍ ອຸດສະຫະ ກົມມະເມືອງ ເປັນປະທານ ກວດກາພັກ, ສະຫາຍ ວິລະພັນ ດວງປະເສີດ ແລະ ສະຫາຍ ກິລາວັນ ສີສະແຫວງສຸກ ເປັນຮອງ ປະທານ ກວດກາພັກ. ໂອກາດດຽວກັນ ຜູ້ແທນສົມບູນ ຍັງໄດ້ ໃຊ້ສິດຂອງຕົນ ປ່ອນບັດ ເລືອເອົາ ຜູ້ແທນສົມບູນ ແລະ ຜູ້ແທນສໍາຮອງ ເຂົ້າຮ່ວມ ກອງປະຊຸມໃຫຍ່ ຄັ້ງທີ XI ຂອງອົງຄະນະ ພັກແຂວງ, ເຊິ່ງມີຜູ້ສະຫມັກ 19 ສະຫາຍ, ຍິງ 3 ສະຫາຍ, ເລືອກໄດ້ຜູ້ແທນສົມບູນ 13 ສະຫາຍ, ສໍາຮອງ 3 ສະຫາຍ.