banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:75
ມື້ວານນີ້:ມື້ວານນີ້:440
ອາທິດນີ້:ອາທິດນີ້:370
ເດືອນນີ້:ເດືອນນີ້:10015
ທັງໝົດ:ທັງໝົດ:325474

Lao National Radio

radio

ແຜນທີແຂວງ ອັດຕະປື

administrative map

 

 

ໃນໂອກາດ ການລົງ ເຄື່ອນໄຫວ ຢ້ຽມຢາມ ແລະ ເຮັດວຽກ ຢູ່ແຂວງ ອັດຕະປື, ທ່ານ ແລວ ພາເບີ ( Leo Faber ) ທູດ EU ( ສະຫະພາບ ເອີຣົບ ) ປະຈໍາ ສປປ ລາວ ພ້ອມຄະນະ ໄດ້ເຂົ້າຢ້ຽມ ຂໍ່ານັບ ການນໍາ ແຂວງອັດຕະປື ໂດຍການ ຕ້ອນຮັບ ຂອງ ທ່ານ ເລັດ ໄຊຍະພອນ ເລຂາ ພັກແຂວງ - ເຈົ້າແຂວງໆ ອັດຕະປື ພ້ອມດ້ວຍ ພາກ ສ່ວນກ່ຽວຂ້ອງ ຂອງແຂວງເຂົ້າຮ່ວມຕ້ອນຮັບ.

ພິທີ່ດັ່ງກ່າວ ໄດ້ມີຂື້ນ ໃນຕອນເຊົ້າ ວັນທີ 11 ມີນາ ປີ 2020 ທີ່ຫ້ອງ ຮັບແຂກ ຕຶກສໍານັກງານ ອົງການ ປົກຄອງແຂວງ, ໂອກາດນີ້ ທ່ານ ເລັດ ໄຊຍະພອນ ເລຂາພັກ ແຂວງ - ເຈົ້າແຂວງໆ ອັດຕະປື ໄດ້ສະແດງ ຄວາມຍິນດີ ຕ້ອນຮັບ ແລະ ຕີລາຄາສູງ ຕໍ່ການມາ ຢ້ຽມຢາມ ແລະ ເຮັດວຽກຢູ່ ແຂວງອັດຕະປື, ເຊິ່ງເປັນ ບາດກ້າວ ສຳຄັນ ໃນການ ຮັດແໜ້ນ ແລະ ເສີມຂະຫຍາຍ ສາຍພົວພັນ ແລະ ການຮ່ວມມື ລະຫວ່າງ ສປປ ລາວ ກັບ ເອີຣົບ, ແລະ ໄດ້ລາຍງານ ສະພາບ ການພັດ ທະນາ ເສດຖະກິດ - ສັງຄົມຂອງ ແຂວງໂດຍຫຍໍ້, ລາຍງານ ການໄດ້ ຮັບທຶນ ຊ່ວຍເຫຼືອຈາກ ອີຢູ ໃນໄລຍະຜ່ານມາ, ພ້ອມປຶກສາ ຫາລື ຮ່ວມມືກັນ ໃນການ ພັດທະນາ ດ້ານເສດຖະກິດ - ສັງຄົມ ຢູ່ແຂວງ ອັດຕະປື, ໂດຍສະເພາະ ການຜະລິດ ສິນຄ້າ, ຜະລິດ ຕະພັນໄມ້ ສໍາເລັດຮູບ ແລະ ຜະລິດ ຕະພັນ ສິນຄ້າ ອື່ນໆຂອງແຂວງ ເພື່ອສົ່ງເສີມ ການສົ່ງອອກ ໄປສະຫະພາບ ເອີຣົບ ໃຫ້ຫຼາຍຂື້ນ, ເຊິ່ງຜ່ານມາ ສິນຄ້າ ຂອງແຂວງອັດຕະປື ທີ່ໂດດເດັ່ນ ໄດ້ສົ່ງອອກ ໄປສະຫະພາບ ເອີຣົບ ກໍ່ມີແຕ່ ສິນຄ້າ ປະເພດ ນໍ້າຕານ ອໍການິກ ຂອງບໍລິສັດ TTC ນໍ້າຕານ ອອ້ຍ ແຂວງອັດຕະປື.

ນອກນັ້ນ ຍັງໄດ້ ປຶກສາຫາລືແຜນ ທີ່ ອີຢູ ຈະໃຫ້ ການຊ່ວຍເຫຼືອ ແຂວງ ໃນຕໍ່ໜ້າ ເປັນຕົ້ນ: ເສັ້ນທາງ, ຕາໜ່າງດ້ານສຶກສາ ແລະ ສາທາລະນະສຸກ ໃນເຂດຊົນນະບົດ ເພື່ອໃຫ້ ຊີວິດ ການເປັນຢູ່ ຂອງປະຊາຊົນ ໃນເຂດດັ່ງກ່າວ ມີການພັດທະນາທີ່ດີຂື້ນກວ່າເກົ່າ.

ການເຄື່ອນໄຫວ ຢ້ຽມຢາມ ແລະ ເຮັດວຽກ ຢູ່ແຂວງອັດຕະປື ຄັ້ງນີ້ ທ່ານ ແລວ ພາເບີ ( Leo Faber ) ທູດ EU ປະຈໍາ ສປປ ລາວ ພ້ອມຄະນະ ຍັງຈະໄດ້ ລົງພາກ ສະໜາມ ເພື່ອເບິ່ງ ໂຄງການທີ່ ອີຢູ ໃຫ້ການ ຊ່ວຍເຫຼືອ ໃນໄລຍະຜ່ານມາ ອີກດ້ວຍ.