banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:153
ມື້ວານນີ້:ມື້ວານນີ້:394
ອາທິດນີ້:ອາທິດນີ້:806
ເດືອນນີ້:ເດືອນນີ້:153
ທັງໝົດ:ທັງໝົດ:307051

Lao National Radio

radio

ແຜນທີແຂວງ ອັດຕະປື

administrative map

 

 

ກອງປະຊຸມໃຫຍ່ ຄັ້ງທີ XIII ຂອງອົງຄະນະພັກ ເມືອງຊານໄຊ ແຂວງອັດຕະປື ໄດ້ສໍາເລັດ ຢ່າງເປັນທາງການ, ພາຍຫຼັງ ດຳເນີນໄປ ເປັນເວລາ 2 ວັນ ໃນວັນທີ 17 - 18 ກຸມພາ 2020 ທີ່ຫໍ ປະຊຸມໃຫຍ່ ຂອງເມືອງ, ໂດຍເປັນກຽດ ເຂົ້າຮ່ວມຂອງ ສະຫາຍ ເລັດ ໄຊຍະພອນ ເລຂາພັກແຂວງ ເຈົ້າແຂວງໆ ອັດຕະປື, ເຊິ່ງມີ ຜູ້ແທນ ສົມບູນເຂົ້າ ຮ່ວມທັງໝົດ 117 ສະຫາຍ ທີ່ເປັນ ຕົວແທນ ໃຫ້ສະມາຊິກພັກ ທົ່ວເມືອງ ທັງໝົດ 1.232 ສະຫາຍ, ມີແຂກ ທີ່ຖືກເຊີນ ຈາກພະແນກການ ອ້ອມຂ້າງແຂວງ, ພະນັກງານ ບໍານານ ເຂົ້າຮ່ວມ.

ຕະຫລອດ ວາລະ ດຳເນີນ ກອງປະຊຸມໃຫຍ່ ຜູ້ແທນ ທີ່ເຂົ້າຮ່ວມ ຕ່າງກໍ່ໄດ້ ພ້ອມກັນ ຄົ້ນຄວ້າ ຕີລາຄາຄືນ ການຈັດຕັ້ງ ປະຕິບັດ ເນື້ອໃນ ຈິດໃຈ ມະຕິ ກອງປະຊຸມ ໃຫຍ່ ຂອງອົງຄະນະ ພັກເມືອງ ຄັ້ງທີ XII ຜ່ານມາ, ເພື່ອ ເສີມຂະຫຍາຍ ດ້ານຕັ້ງໜ້າ, ຊອກຫາ ວິທີແກ້ໄຂ ຂໍ້ຂາດຕົກ ບົກຜ່ອງ ແລະ ພ້ອມກັນ ປັບປຸງ ແກ້ໄຂ ໃຫ້ດີກວ່າເກົ່າ, ຄົ້ນຄົ້ວ ຢ່າງເລິກເຊິ່ງ ແລະ ໄດ້ຮັບຮອງ ຢ່າງເປັນເອກະສັນ ຕໍ່ເນື້ອໃນ ລາຍງານການເມືອງ ແລະ ແຜນພັດທະນາ ເສດຖະກິດ-ສັງຄົມ, ບົດສຳຫຼວດ ນຳພາລວມ ຂອງອົງຄະນະ ພັກຊຸດເກົ່າ ເຊິ່ງໄດ້ ສະເເດງ ໃຫ້ເຫັນ ເຖິງຜົນງານ ອັນພົ້ນເດັ່ນ ໂດຍສະເພາະ ເສດຖະກິດ-ສັງຄົມ ໄດ້ຂະຫຍາຍຕົວ ຢ່າງຕໍ່ເນື່ອງ ມາຮອດ ທ້າຍປີ 2019 ລວມຍອດ ລາຍຮັບ ຜະລິດຕະພັນ ພາຍໃນ (GDP) ສາມາດ ບັນລຸໄດ້ ສະເລ່ຍ 119,46 ຕື້ກີບ ເທົ່າກັບ 4.871.00 ກີບ ສະເລ່ຍ ລາຍຮັບ ຕໍ່ຫົວຄົນ ໄດ້ເພີ່ມຂຶ້ນຈາກ 573 ໂດລາຄົນ ທຽບໃສ່ໃນປີ 2014 ເພີ່ມຂຶ້ນ 766.000 ກີບ ແລະ ທຽບໃສ່ ແຜນການບັນລຸໄດ້ 68,21%, ພົນລະເມືອງ ເພີ່ມຂຶ້ນສະເລ່ຍ 1,12% ຕໍ່ປີ; ມາຮອດ ປັດຈຸບັນ ບ້ານພົ້ນທຸກ ປະຕິບັດໄດ້ 82% ຂອງ ຈຳນວນ ບ້ານທັງໝົດ, ຄອບຄົວ ທຸກຍາກ ຍັງເຫຼືອ 13,46% ຂອງຈຳນວນ ຄອບຄົວ ທັງໝົດ ທຽບໃສ່ປີ 2014 ຫຼຸດລົງ 7,39% ຂອງຈຳນວນ ຄອບຄົວ ທັງໝົດ, ອັດຕາ ການ ຂະຫຍາຍຕົວ ຂອງຂະແໜງ ການກກະສິກຳ-ປ່າໄມ້ ເພີ່ມຂຶ້ນ ສະເລ່ຍ 28,86% ກວາມເອົາ 72,16% ຂອງ GDP; ຂະແໜງ ອຸດສະຫະກໍາ ເພີ່ມຂຶ້ນ ສະເລ່ຍ 25,50% ຕໍ່ປີ ກວມເອົາ 8,51% ຂອງ GDP; ຂະແໜງ ການບໍລິການ ເພີ່ມຂຶ້ນ ສະເລ່ຍ 27,34% ຕໍ່ປີ ກວມເອົາ 19,33% ຂອງ GDP.

ກອງປະຊຸມໃຫຍ່ ໄດ້ດຳເນີນ ການປ່ອນບັດ ເລືອກຕັ້ງ ເອົາຄະນະ ບໍລິຫານ ງານພັກ ເມືອງຊຸດໃໝ່ ເຊິ່ງມີ ຜູ້ຮັບສະໝັກ ທັງໝົດ 29 ສະຫາຍ, ຍິງ 5 ສະຫາຍ, ໃນນີ້ ເລືອກເອົາ 25 ສະຫາຍ, ກອງປະຊຸມ ປະຖົມ ມະລຶກ ໄດ້ຕົກລົງ ເລືອກເອົາ ສະຫາຍ ສຸວັນສີ ແກ້ວວີເສີດ ເປັນເລຂາ ຄະນະ ບໍລິຫານງານ ພັກເມືອງຄົນໃໝ່, ສະຫາຍ ບຸນເນັມ ໄຊຍະເສັ້ມ, ສະຫາຍ ນາງ ເເກ້ວສະໝອນ ແກ້ວນະສັກ ເປັນຮອງເລຂາ, ສະຫາຍ ບົວລາ ພັນມີໄຊ, ສະຫາຍ ທອງວັນ ຢວງຢາເຢຍ, ສະຫາຍ ພັທ ຄຳໂພໄຊ.; ສະຫາຍ ບົວຄຳ ຮຽງລະເຢ ເປັນຄະນະປະຈຳ ແລະ ອີກ 18 ສະຫາຍ ກຳມະການ ພັກເມືອງ, ພ້ອມດຽວກັນນີ້ ກອງປະຊຸມໃຫຍ່ ໄດ້ເລືອກເອົາ ຜູ້ແທນສົມບູນ - ສຳຮອງ ເພື່ອເປັນ ຕົວແທນ ຂອງ ອົງຄະນະພັກ ເມືອງ ໄປຮ່ວມ ກອງປະຊຸມໃຫຍ່ ຄັ້ງທີ XI ອົງຄະນະ ພັກແຂວງ ອັດຕະປື ນຳອີກ ຈຳນວນ 12 ສະຫາຍ.

ໂອກາດນີ້ ສະຫາຍ ເລັດ ໄຊຍະພອນ ເລຂາ ຄະນະ ບໍລິຫານງານ ພັກແຂວງ ເຈົ້າແຂວງ ອັດຕະປື ໄດ້ສະແດງ ຄວາມຊົມເຊີຍ ຕໍ່ຜົນສຳເລັດ ທີ່ຄະນະ ບໍລິຫານງານພັກ ເມືອງ ຊານໄຊ ຍາດມາໄດ້ ຕະຫຼອດ ໄລຍະ ທີ່ຜ່ານມາ, ຈາກນີ້ ສະຫາຍ ໄດ້ເນັ້ນໜັກ ໃຫ້ຄະນະ ບໍລິຫານງານ ພັກເມືອງ ຊຸດໃໝ່ ເອົາໃຈໃສ່ ເພີ່ມທະວີ ໃນການ ສຶກສາອົບຮົມ ການເມືອງ-ແນວຄິດ, ນໍາເອົາ ແນວທາງ ຂອງພັກ, ລະບຽບ ກົດໝາຍ ຂອງລັດ ເຜີຍແຜ່ ເຊື່່ອມຊືມ ໃຫ້ແກ່ ຖັນແຖວ ພະນັກງານ-ສະມາຊິກພັກ ແລະ ປະຊາຊົນ ບັນດາເຜົ່າ ຢ່າງ ທົ່ວເຖິງ ແລະ ໃຫ້ເປັນ ຮູບປະທຳ ຫຼາຍຂຶ້ນ, ພ້ອມກັນ ຕັ້ງໜ້າ ແກ້ໄຂ ບັນດາ ປະກົດການ ຫຍໍ້ທໍ້ ທີ່ເກີດຂຶ້ນ ໃຫ້ໄດ້ຮັບຜົນດີ. ຮຽກຮ້ອງ ໃຫ້ອົງຄະນະ ພັກ ເມືອງຊານໄຊ ຊຸດໃໝ່ ສືບຕໍ່ແກ້ໄຂ ບັນຫາທີ່ຍັງຄົງຄ້າງ ຢູ່ເມືອງ ໃນໄລຍະ ຜ່ານມາ   ເປັນຕົ້ນ ໃນແງ່ຂົງເຂດ ວຽກງງານ ເສດຖະກິດ-ສັງຄົມ, ບັນຫາສາສະໜາ ແລະ ບັນຫາອື່ນໆ ໃຫ້ເກີດຜົນເປັນຈິງ ແລະ  ພ້ອມກັນ ຈັດຕັ້ງ ຜັນຂະຫຍາຍ ມະຕິ ກອງປະຊຸມໃຫຍ່ ຄັ້ງນີ້ ໃຫ້ເກີດຜົນສໍາເລັດ ຕາມຄາດໝາຍທີ່ວາງໄວ້.