banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:179
ມື້ວານນີ້:ມື້ວານນີ້:281
ອາທິດນີ້:ອາທິດນີ້:721
ເດືອນນີ້:ເດືອນນີ້:8574
ທັງໝົດ:ທັງໝົດ:296512

Lao National Radio

radio

ແຜນທີແຂວງ ອັດຕະປື

administrative map

 

 

ໃນວັນທີ 5 ກຸມພາ 2020 ສະຫາຍ ຄຳໄຕ ສີພັນດອນ ອາດີດ ເລຂາ ທິການໃຫຍ່ ຄະນະ ບໍລິຫານງານ ສູນກາງພັກ, ອາດີດ ປະທານ ປະເທດ ແຫ່ງ ສປປ ລາວ ໄດ້ ໂອ້ລົມ ພະນັກງານ ຫຼັກແຫຼ່ງ ຢູ່ແຂວງ ອັດຕະປື, ຂຶ້ນທີ່ ຫ້ອງວ່າການແຂວງ ໂດຍມີ ການນຳແຂວງ, ເມືອງ, ພະແນກການ ແລະ ພະນັກງານ ວິຊາການ ພາຍໃນແຂວງ ເຂົ້າຮ່ວມ.

ສະຫາຍ ເລັດ ໄຊຍະພອນ ເລຂາ ພັກແຂວງ ເຈົ້າແຂວງໆ ອັດຕະປື ໄດ້ລາຍງານ ສະພາບ ການພັດທະນາ ເສດຖະກິດ-ສັງຄົມ ຂອງແຂວງ ໃນໄລຍະ 1 ປີ ຜ່ານມາ ເປັນຕົ້ນ ແມ່ນການແກ້ໄຂ ຄວາມທຸກຍາກ, ການຟື້ນຟູ ຊີວິດການເປັນຢູ່ ຂອງປະຊາຊົນ ຜູ້ຖືກ ຜົນກະທົບ ຢູ່ເມືອງສະໜາມໄຊ, ວຽກງານ ປ້ອງກັນຊາດ - ປ້ອງກັນ ຄວາມສະຫງົບ, ວຽກງານ ວັດທະນາທໍາ - ສັງຄົມ, ວຽກກະກຽມ - ດໍາເນີນ ກອງປະຊຸມໃຫຍ່ 3 ຂັ້ນ ແລະ ທິດທາງ ຈຸດສຸມ ປີ 2020, ເຊິ່ງຍົກ ໃຫ້ເຫັນ ຜົນສຳເລັດ ໃນຫຼາຍດ້ານ ແລະ ຮັກສາ ໄດ້ ສະຖຽນລະພາບ ທາງດ້ານການເມືອງ ໜັກແໜ້ນ, ສັງຄົມ ມີຄວາມ ເປັນລະບຽບ ຮຽບຮ້ອຍ, ເສດຖະກິດ ຂະຫຍາຍຕົວ ຕໍ່ເນື່ອງ ແລະ ຊີວິດ ການເປັນຢູ່ ຂອງປະຊາຊົນ ມີ ການພັດທະນາດີຂື້ນ.

ໂອກາດນີ້, ສະຫາຍ ອາດດີດ ເລຂາ ທິການໃຫຍ່ ອາດີດ ປະທານ ປະເທດ ໄດ້ໂອ້ລົມ ໂດຍເນັ້ນໃຫ້ ເອົາໃຈໃສ່ ແກ້ໄຂ ຊີວິດການເປັນຢູ່ ຂອງປະຊາຊົນ ຜູ້ຖືກຜົນກະທົບ ຈາກສັນເຂື່ອນ ເຊປຽນ - ເຊນ້ຳນ້ອຍ ແຕກຢູ່ ເມືອງສະໜາມໄຊ ໃຫ້ສູ່ປົກກະຕິ ໃນລະດັບພື້ນຖານ ໂດຍໄວ, ເອົາໃຈໃສ່ ສຶກສາອົບຮົມ ວຽກງານ ການເມືອງ - ນຳພາ ແນວຄິດ ເພື່ອສ້າງ ສະພາບ ເເວດລ້ອມ, ສັງຄົມນີຍົມ ເຂົ້າສູ່ຊີວິດ ຕົວຈິງ, ໃຫ້ພະນັກງານ ສະມາຊິກພັກ ຕະຫຼອດຮອດ ພໍ່ແມ່ ປະຊາຊົນ ໄດ້ກຳແໜ້ນ ຕໍ່ກັບການ ປະຕິບັດ ລະບຽບກົດໝາຍ ແລະ ລະບອບ ການເມືອງ ໃຫ້ເລິກເຊິ່ງ ໃນທົ່ວສັງຄົມ.

ເອົາໃຈໃສ່ ສ້າງບັນດາ ປະຖົມປັດໄຈ ແລະ ໜໍ່ແໜງ ສັງຄົມນິຍົມ ຢູ່ຮາກຖານ, ທ້ອງຖິ່ນ, ເພື່ອໃຫ້ ປະເທດຊາດ ກ້າວຂື້ນ ສັງຄົມນິຍົມ ເທື່ອລະກ້າວ; ເອົາໃຈໃສ່ ສ້າງ ຄວາມເຂັ້ມແຂງ ໃນວຽກງານ ຢ່າງຮອບດ້ານ ໂດຍຕິດພັນ ຄຽງຄູ່ກັບ ການແກ້ໄຂ ຊີວິດ ການເປັນຢູ່ ຂອງປະຊາຊົນ ໃຫ້ດີຂື້ນ, ຊຸກຍູ້ ໃຫ້ປະຊາຊົນ ປູກພືດ ຕາມລະດູ, ນຳໃຊ້ຊັບ ພະຍາກອນ ທຳມະຊາດ ໃຫ້ມີຄວາມຍືນຍົງ ໄປຄຽງຄູ່ ກັບການ ທ່ອງທ່ຽວ ເພືື່ອສ້າງ ໃຫ້ເກີດ ປະໂຫຍດສູງສຸດ.

ການດຳເນີນ ກອງປະຊຸມ ໃຫຍ່ ຕ້ອງເອົາໃຈໃສ່ ຕາມການ ເເນະນຳ, ກະກຽມ ຮອບດ້ານ, ຫັນລົງ ກໍ່ສ້າງຮາກຖານ ໃຫ້ຫຼາຍຂຶ້ນ ເພື່ອກໍ່ສ້າງ ພະນັກງານ ແລະ ພັດທະນາບ້ານ, ກວດກາຄືນ ບ້ານພັດທະນາ ບັນດາເງື່ອນໄຂ ຕ່າງໆ ໂດຍເນັ້ນ ຄຸນນະພາບ ເປັນຫຼັກ; ພ້ອມນັ້ນ, ໃຫ້ເອົາໃຈໃສ່ ເພີ່ມທະວີ ສ້າງ ແລະ ພັດທະນາ ຊັບພະຍາກອນ ມະນຸດ, ໃຫ້ປະຊາຊົນ ມີວຽກເຮັດ ງານທຳ ເພື່ອຮ່ວມກັນ ປົກປັກຮັກສາ ແລະ ພັດທະນາ ແຂວງອັດຕະປື ກໍ່ຄື ການປົກປັກ ຮັກສາ ແລະ ພັດທະນາ ປະເທດຊາດ ໃຫ້ຈະເລີນ ກ້າວໜ້າ ຂື້ນເປັນກ້າວໆ.