banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:78
ມື້ວານນີ້:ມື້ວານນີ້:440
ອາທິດນີ້:ອາທິດນີ້:373
ເດືອນນີ້:ເດືອນນີ້:10018
ທັງໝົດ:ທັງໝົດ:325477

Lao National Radio

radio

ແຜນທີແຂວງ ອັດຕະປື

administrative map

 

 

ກອງປະຊຸມ ໃຫຍ່ຄັ້ງທີ V ຂອງ ອົງຄະນະພັກ ເມືອງພູວົງ ແຂວງອັດຕະປື ໄດ້ໄຂຂື້ນ ຢ່າງເປັນທາງການ ໃນວັນທີ 29 ມັງກອນ 2020 ແລະ ປິດລົງ ໃນວັນທີ 30 ມັງກອນ 2020 ດ້ວຍຜົນສໍາເລັດ ອັນຈົບງາມ ພາຍໃຕ້ ຄໍາຂວັນທີ່ວ່າ: “ຍົກສູງ ຄວາມສາມາດ ນໍາພາ ຂອງອົງຄະນະພັກ ຕໍ່ທຸກຂົງເຂດ ວຽກງານ, ປັບປຸງ ອໍານາດລັດ ໃຫ້ເຂັ້ມ ແຂງ, ຂຸດຄົ້ນ ເສີມຂະຫຍາຍ ທ່າແຮງ ບົ່ມຊ້ອນ ແລະ ສຸມກໍາລັງ ເພື່ອບຸກທະລຸ 4 ດ້ານ ໃນການ ພັດທະນາ ເມືອງພູວົງ ໃຫ້ກາຍເປັນເມືອງ ພົ້ນທຸກ”.

ກອງປະຊຸມຄັ້ງນີ້ ເປັນກຽດ ເຂົ້າຮ່ວມມີ ສະຫາຍ ເລັດ ໄຊຍະພອນ ເລຂາພັກແຂວງ ເຈົ້າແຂວງ ແລະ ມີຜູ້ແທນ ສົມບູນ ທີ່ມາຈາກ ຄະນະພັກ ຮາກຖານ ແລະ ໜ່ວຍພັກ ທົ່ວເມືອງ 117 ສະຫາຍ, ທີ່ເປັນ ຕົວແທນ ໃຫ້ແກ່ ສະມາຊິກພັກ ທັງໝົດ ທົ່ວເມືອງພູວົງ 910 ສະຫາຍ, ຕະຫລອດ ວາລະ ດຳເນີນ ກອງປະຊຸມ ຜູ້ແທນທີ່ເຂົ້າຮ່ວມ ໄດ້ພ້ອມກັນ ຄົ້ນຄວ້າ ຕີລາຄາຄືນ ການຈັດຕັ້ງ ປະຕິບັດ ແນວທາງ ປຽ່ນແປງໃໝ່ ຮອບດ້ານ ທີ່ມີຫລັກການ ຂອງພັກ ກໍ່ຄື ການຈັດຕັ້ງ ປະຕິບັດ ເນື້ອໃນ ຈິດໃຈ ມະຕິ ກອງປະຊຸມໃຫຍ່ ຂອງ ອົງຄະນະພັກ ເມືອງ ຄັ້ງທີ IV ຜ່ານມາ, ເພື່ອເສີມຂະຫຍາຍ ດ້ານຕັ້ງໜ້າ, ຊອກຫາ ວິທີແກ້ໄຂ ຂໍ້ຂາດຕົກ ບົກຜ່ອງ ແລະ ພ້ອມກັນ ປັບປຸງ ແກ້ໄຂ ໃຫ້ດີກວ່າເກົ່າ.

ກອງປະຊຸມ ໄດ້ເປັນ ເອກະພາບກັນ ຮັບຮອງ ເອົາຮ່າງລາຍງານ ການເມືອງ, ແຜນພັດທະນາ ເສດຖະກິດ-ສັງຄົມ ແລະ ບັນດາ ເອກະສານ ທີ່ສໍາຄັນ ເພື່ອເປັນທິດທາງ ໃນການ ຈັດຕັ້ງ ປະຕິບັດ ວຽກງານ ໃນ 5 ປີຕໍ່ຫນ້າ; ແລະ ໄດ້ດຳເນີນ ການປ່ອນບັດ ເລືອກຕັ້ງ ເອົາຄະນະ ບໍລິຫານງານພັກເມືອງ ຊຸດໃໝ່ ເຊິ່ງມີ ຜູ້ຮັບສະໝັກ ທັງໝົດ 29 ສະຫາຍ, ຍິງ 8 ສະຫາຍ, ໃນນີ້ ເລືອກເອົາ 25 ສະຫາຍ, ກອງປະຊຸມ ປະຖົມມະລຶກ ໄດ້ຕົກລົງ ເລືອກເອົາ ສະຫາຍ ສຸລິຈັນ ໂຊກຄຳຈັນ ເປັນເລຂາ ຄະນະ ບໍລິຫານງານພັກ ເມືອງຄົນໃໝ່, ສະຫາຍ ຄຳໃບ ແກ້ວມະນີ ເປັນ ຮອງເລຂາ ແລະ ເປັນປະທານ ຄະນະ ກວດກາພັກ ເມືອງ, ສະຫາຍ ສີທົນ ຊາວພູວົງ ຮອງເລຂາ, ສະຫາຍ ນາງ ພົງສິດ ໄຊສົງຄາມ, ສະຫາຍ ພັທ ຄຳກ້ອນ ດວງສົມປານ, ສະຫາຍ ຄຳເກີດ ບຸດດາວັນ ແລະ ສະຫາຍ ຄຳຊຽງ ພິມມະຈັນ ເປັນຄະນະປະຈຳ ແລະ ອີກ 18 ສະຫາຍ ເປັນກຳມະການ ພັກເມືອງ.

ໂອກາດນີ້, ກອງປະຊຸມ ຍັງໄດ້ຮັບຟັງ ການໂອ້ລົມ ຂອງ ສະຫາຍ ເລັດ ໄຊຍະພອນ ເລຂາ ຄະນະ ບໍລິຫານງານ ພັກແຂວງ ເຈົ້າແຂວງ, ເຊິ່ງກ່ອນອື່ນ ສະຫາຍ ໄດ້ສະ ແດງຄວາມຮູ້ສຶກ ພາກພູມໃຈ ແລະ ເປັນກຽດຢ່າງສູງ ທີ່ໄດ້ຕາງໜ້າ ຄະນະ ປະຈຳພັກແຂວງ ໄດ້ມາຮ່ວມ ກອງປະຊຸມໃຫຍ່ ຄັ້ງທີ V ຂອງ ອົງຄະນະ ພັກເມືອງພູວົງ ຄັ້ງນີ້, ພ້ອມ ທັງສະແດງ ຄວາມຊົມເຊີຍ ຕໍ່ຜົນສໍາເລັດ ຂອງກອງປະຊຸມ; ໂອກາດນີ້ ສະຫາຍ ໄດ້ຮຽກຮ້ອງ ໃຫ້ຄະນະ ບໍລິຫານງານ ພັກເມືອງ ຊຸດໃໝ່ ເອົາໃຈໃສ່ ເພີ່ມທະວີ ໃນການ ສຶກສາ ອົບຮົມ ການເມືອງ - ແນວຄິດ, ນໍາເອົາແນວທາງ, ມະຕິ, ຄໍາສັ່ງ ຂອງພັກ, ລະບຽບ ກົດໝາຍ ຂອງລັດ ເຜີຍແຜ່ ເຊື່່ອມຊືມ ໃຫ້ແກ່ ຖັນແຖວ ພະນັກງານ - ສະມາຊິກພັກ ແລະ ປະຊາຊົນ ບັນດາເຜົ່າ ຢ່າງທົ່ວເຖິງ, ເສີມຂະຫຍາຍ ຄວາມສາມັກຄີ ເປັນປຶກແຜ່ນ ຂອງປະຊາຊົນ, ຊັ້ນຄົນ ບັນດາເຜົ່າ, ເສີມຂະຫຍາຍ ຈິດໃຈ ເປັນເຈົ້າ ຕົນເອງ ເພິ່ງຕົນເອງ ສ້າງ ຄວາມຮັ່ງມີ ເຂັ້ມແຂງ ດ້ວຍຕົນເອງ ໃຫ້ເປັນ ຮູບປະທຳ ຫຼາຍຂຶ້ນ, ຕັ້ງໜ້າ ແກ້ໄຂ ບັນດາ ປະກົດການ ຫຍໍ້ທໍ້ ທີ່ເກີດຂື້ນ ໃນຖັນແຖວ ພະນັກງານ, ສະມາຊິກພັກ ແລະ ໃນໝູ່ປະ ຊາຊົນ ເປັນຕົ້ນ ແມ່ນບັນຫາ ປະກົດການ ຫຍໍ້ທໍ້ ຂອງສັງຄົມ ແລະ ອື່ນໆ ທີ່ຂັດ ກັບລະບຽບ ກົດໝາຍ ແລະ ພ້ອມກັນ ຈັດຕັ້ງ ຜັນຂະຫຍາຍ ມະຕິ ກອງປະຊຸມໃຫຍ່ ຄັ້ງນີ້ ໃຫ້ມີ ຜົນສຳເລັດ ຕາມລະດັບ ຄາດໝາຍ ທີ່ວາງໄວ້ ເພື່ອໃຫ້ ເມືອງພູວົງ ກໍ່ຄື ແຂວງອັດຕະປື ມີໂສມໜ້າໃໝ່ ໃນການ ພັດທະນາ ຈະເລີນ ກ້າວໜ້າຂື້ນເລື້ອຍໆ.