banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:162
ມື້ວານນີ້:ມື້ວານນີ້:394
ອາທິດນີ້:ອາທິດນີ້:815
ເດືອນນີ້:ເດືອນນີ້:162
ທັງໝົດ:ທັງໝົດ:307060

Lao National Radio

radio

ແຜນທີແຂວງ ອັດຕະປື

administrative map

 

 

ກອງປະຊຸມ ໃຫຍ່ຄັ້ງທີ V ຂອງອົງຄະນະພັກ ເມືອງພູວົງ ແຂວງອັດຕະປື ໄດ້ໄຂຂຶ້ນ ຢ່າງເປັນ ທາງການ ໃນຕອນເຊົ້າ ວັນທີ 29 ມັງກອນ 2020, ທີ່ຫ້ອງ ປະຊຸມ ໃຫຍ່ຂອງເມືອງ ດັ່ງກ່າວ, ໂດຍການ ເປັນປະທານ ຂອງ ສະຫາຍ ບຸນນາວ ຈັນດອນ ກໍາມະການ ພັກແຂວງ, ເລຂາ ພັກເມືອງ, ເຈົ້າເມືອງ-ເມືອງ ພູວົງ, ເປັນກຽດ ເຂົ້າຮ່ວມ ມີ ສະຫາຍ ເລັດ ໄຊຍະພອນ ເລຂາ ພັກແຂວງ ເຈົ້າແຂວງ, ມີຄະນະ ຈັດຕັ້ງ ຈາກສູນກາງ, ຄະນະ ປະຈຳພັກ ແຂວງ, ກຳມະການ ພັກແຂວງ, ຄະນະ ປະຈຳພັກເມືອງ, ກຳມະການ ພັກເມືອງ, ມີພະນັກງານ ອາວຸໂສ ບຳນານ, ນັກທຸລະກິດ, ຜູ້ປະກອບການ, ແຂກຮັບເຊີນ ຈາກເມືອງ ອ້ອມຂ້າງເຂົ້າຮ່ວມ.

ກອງປະຊຸມ ໃຫຍ່ຄັ້ງນີ້ ມີຜູ້ແທນ ສົມບູນ ທີ່ມາຈາກ ຄະນະພັກ ຮາກຖານ ແລະ ໜ່ວຍພັກ ທົ່ວເມືອງ 117ສະຫາຍ, ຍິງ 23 ສະຫາຍ, ທີ່ເປັນຕົວແທນ ໃຫ້ແກ່ ສະມາຊິກພັກ ທັງໝົດ ໃນທົ່ວເມືອງ 910 ສະຫາຍ, ໃນວາລະ ດໍາເນີນ ກອງປະຊຸມ ສະຫາຍ ບຸນນາວ ຈັນດອນ ໄດ້ກ່າວໄຂ ກອງປະຊຸມ ຢ່າງເປັນ ທາງການ ພ້ອມທັງ ຜ່ານຮ່າງ ລາຍງານ ການເມືອງ ທັງສອງພາກ ຊຶ່ງໄດ້ທົບທວນ ແລະ ຕີລາຄາຄືນ ການຈັດຕັ້ງ ປະຕິບັດ ມະຕິ ກອງປະຊຸມໃຫຍ່ ຄັ້ງທີ IV ໂດຍຍົກ ໃຫ້ເຫັນ ເຖິງຜົນສຳເລັດ, ຂໍ້ຄົງຄ້າງ ແລະ ບົດຮຽນ ທີ່ຖອດຖອນໄດ້ ຈາກການ ປະຕິບັດ ໜ້າວຽກ ຕົວຈິງ, ພ້ອມທັງ ໄດ້ກໍານົດ ທິດທາງ ແລະ ຄາດໝາຍ ສູ້ຊົນ 5 ປີຕໍ່ໜ້າ ( 2019-2024 ), ໄລຍະ ຜ່ານມາ ທົ່ວເມືອງ ຍັງມີ ສະຖຽນລະພາບ ທາງດ້ານການເມືອງ, ສັງຄົມ ມີຄວາມສະຫງົບ ໂດຍພື້ນຖານ, ເສດຖະກິດ ໄດ້ຮັບການ ຂະຫຍາຍຕົວ ຢ່າງຕໍ່ເນື່ອງ ເພິ່ມຂຶ້ນ ອັດຕາ ເສດຖະກິດ ສະເລ່ຍ ໃນລະດັບ 6,7% ຕໍ່ປີ, ຂະແໜງ ກະສິກຳ-ປ່າໄມ້ ບັນລຸໄດ້ 81,309 ລ້ານກີບ ກວມເອົາ 35% ຂອງ (GDP), ຂະແໜງ ອຸດສະຫາກຳ ບັນລຸໄດ້ 53,809 ລ້ານກີບ ກວມເອົາ 23% ຂອງ (GDP), ຂະແໜງ ບໍລິການບັນລຸໄດ້ 98,352 ລ້ານກີບ ກວມເອົາ 42% ຂອງ (GDP), ສະເລ່ຍ ລາຍຮັບ ຕໍ່ຫົວຄົນ ບັນລຸໄດ້ 454 ໂດລາ/ຄົນ/ປີ, ທຽບໃສ່ປີ 2014 ເຫັນໄດ້ວ່າ ຊີວິດ ການເປັນຢູ່ ຂອງປະຊາຊົນ ດີຂຶ້ນ ແລະ ທຽບໃສ່ ແຜນການ 5 ປີປະຕິບັດໄດ້ ບັນລຸ ຕາມຄາດໝາຍ, ປີ 2015 ອີງໃສ່ ການປະເມີນ ຄອບຄົວໝົດ 2.636 ຄອບຄົວ ໃນນັ້ນ ຄອບຄົວ ທຸກຍາກ 429 ຄອບຄົວ ກວມເອົາ 16,27%, ປີ 2019 ຈຳນວນ ຄອບຄົວ ເພິ່ມຂຶ້ນ 3.086 ຄອບຄົວ ໃນນັ້ນ ຈຳນວນ ຄອບຄົວ ພັດທະນາ 2.254 ຄອບຄົວ ກວມເອົາ 73% ຂອງຈຳນວນ ຄອບຄົວທັງໝົດ; ພ້ອມນີ້ ກອງປະຊຸມ ຍັງໄດ້ ຮັບຟັງ ການປະກອບ ຄໍາຄິດຄໍາເຫັນ ຂອງບັນດາ ຫ້ອງການ, ກົມກອງ ແລະ ຄອບຄົວຕົວ ແບບ ອີກດ້ວຍ.

ໂອກາດດຽວ ກັນຍັງໄດ້ ຄົ້ນຄ້ວາ ແລະ ຮັບຮອງເອົາ ບັນດາ ເອກະສານ ສຳຄັນ ທີ່ເປັນຍຸດທະສາດ ຂອງຄະນະ ບໍລິຫານງານພັກເມືອງ ຄັ້ງທີV, ແລະ ຄັດເລືອກ ເອົາຄະ ນະບໍລິຫານງານ ພັກເມືອງຊຸດໃໝ່. ກອງປະຊຸມຄັ້ງນີ້ ຈະໄດ້ດຳເນີນເປັນເວລາ 2 ວັນຈິ່ງຈະສຳເລັດ.