banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:189
ມື້ວານນີ້:ມື້ວານນີ້:281
ອາທິດນີ້:ອາທິດນີ້:731
ເດືອນນີ້:ເດືອນນີ້:8584
ທັງໝົດ:ທັງໝົດ:296522

Lao National Radio

radio

ແຜນທີແຂວງ ອັດຕະປື

administrative map

 

 

ແຂວງອັດຕະປື ສໍາເລັດ ການດໍາເນີນ ກອງປະຊຸມ ຄົບຄະນະ ບໍລິຫານງານ ພັກແຂວງ ເປີດກວ້າງຄັ້ງທີ 13 ສະໄໝທີ X ພາຍຫຼັງ ດໍາເນີນ ຢ່າງເປັນ ທາງການ ໃນລະ ຫວ່າງ ວັນທີ 6-8 ມັງກອນ 2020 ທີ່ຫໍ ປະຊຸມໃຫຍ່ ຂອງແຂວງ, ໂດຍພາຍໃຕ້ ການເປັນ ປະທານ ຂອງ ສະຫາຍ ເລັດ ໄຊຍະພອນ ເລຂາ ພັກແຂວງ-ເຈົ້າແຂວງໆ ອັດຕະປື, ເຂົ້າຮ່ວມ ມີບັນດາ ສະຫາຍ ຄະນະ ປະຈຳພັກ ແຂວງ, ກຳມະການ ພັກແຂວງ, ພະແນກການ ອອ້ມຂ້າງແຂວງ, ເມືອງ, ພະນັກງານ ອາວຸໂສ ບໍານານ ແລະ ແຂກຖືກເຊີນ ທີ່ ກ່ຽວຂ້ອງເຂົ້າຮ່ວມ.

ການດໍາເນີນ ກອງປະຊຸມ ຄັ້ງນີ້ ໄດ້ມີ ຫຼາຍວຽກງານ ທີ່ສໍາຄັນ ເພື່ອສະຫຼຸບ ຕີລາຄາ ແລະ ຍົກມາ ຄົ້ນຄວ້າ ປຶກສາຫາລື ຮ່ວມກັນ ເປັນຕົ້ນ: ໄດ້ສະຫຼຸບ ຕີລາຄາການ ເຄື່ອນໄຫວ ຊີ້ນໍາ-ນໍາພາ ວຽກງານ ຮອບດ້ານຂອງ ຄະນະ ບໍລິຫານງານ ພັກແຂວງ ແລະ ການຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ແລະ ງົບປະມານ ໃນໄລຍະ 1 ປີຜ່ານມາ ແລະ ທິດທາງ ແຜນການປີ 2020; ຕີລາຄາ ສະພາບ ຫ່າງສຽງ ສັງຄົມ ຕໍ່ການ ຊີ້ນໍາ-ນໍາພາ ຂອງຄະນະ ບໍລິຫານງານ ພັກແຂວງ ແລະ ການຈັດຕັ້ງ ປະຕິບັດ ວຽກງານ ກໍ່ສ້າງຮາກຖານ ການເມືອງ, ລວມເຖິງ ວຽກງານ ການແກ້ໄຂ ໄພພິບັດ ແລະ ວຽກງານ ກະກຽມ ດໍາເນີນ ກອງປະຊຸມ ໃຫຍ່ 3 ຂັ້ນ ຂອງແຂວງ ໃນໄລຍະ 1 ປີຜ່ານມາ ແລະ ທິດທາງ ແຜນການປີ 2020, ພ້ອມນັ້ນ ຜູ້ເຂົ້າຮ່ວມ ຍັງໄດ້ ພ້ອມກັນ ປະກອບຄໍາຄິດ ຄໍາເຫັນ ຕໍ່ການສະຫຼຸບ ຕີລາຄາ ແລະ ທິດທາງ ແຜນການ ວຽກງານ ດັ່ງກ່າວ ຢ່າງ ພ້ອມພຽງ ແລະ ເປັນເຈົ້າການ; ເຫັນໄດ້ ອັນພົ້ນເດັ່ນ ແລະ ເປັນໜໍແໜງໃໝ່ ໃນການ ພັດທະນາ ແລະ ເສີມຂະຫຍາຍ ໃຫ້ກວ້າງຂວາງ; ເຫັນໄດ້ ບາງບັນຫາ ທີ່ຈະຕ້ອງ ສຸມໃສ່ ແກ້ໄຂ ເພື່ອສ້າງ ບາດກ້າວ ຫັນປ່ຽນ ຢ່າງຕັ້ງໜ້າ ຮອບດ້ານ ແລະ ເກີດປະໂຫຍດ ສູງສຸດ ແກ່ປະຊາຊົນ ບັນດາເຜົ່າຊາວ ແຂວງອັດຕະປື.

ໃນປີ 2019 ການຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ສາມາດ ປະຕິບັດ ລວມຍອດ ຜະລິດຕະ ພັນບັນລຸໄດ້ 2.295 ຕື້ກີບ ທຽບໃສ່ປີ 2018 ເພີ່ມຂື້ນ 7,59; ສະເລ່ຍ ຕໍ່ພົນລະເມືອງ ບັນລຸໄດ້ 2.214 ໂດລາ/ຄົນ, ການເກັບ ລາຍຮັບ ພາຍໃນແຂວງ ບັນລຸໄດ້ 103,82 ຕື້ກີບ ເທົ່າກັບ 100% ແລະ ຮັບການ ດຸ່ນດ່ຽງ ຈາກສູນກາງ ບັນລຸໄດ້ 36,52 ຕື້ກີບ ເທົ່າກັບ 100% ຂອງ ແຜນການປີ ແລະ ດ້ານ ລາຍຈ່າຍ ມີ 359,44 ຕື້ກີບ ເທົ່າກັບ 100%; ການລົງທຶນ ຂອງລັດ ມີ 70 ໂຄງການ ມູນຄ່າ 13,72 ຕື້ກີບ ເທົ່າກັບ 51% ໃນນັ້ນ; ໄດ້ຊຸກຍູ້ ນັກທຸລະກິດ ຜູ້ປະກອບການ ເຂົ້າມາ ລົງທຶນ ດ້ານຕ່າງໆເຊັ່ນ: ໂຮງງານ ປຸ່ງແຕ່ງໄມ້, ການລ້ຽງສັດ ແບບເປັນຟາມ, ການປູກຝັງ ລວມມີ 9 ໂຄງການ ມູນຄ່າ 71,4ລ້ານໂດລາ ຫຼື ເທົ່າກັບ 636 ຕື້ກີບ ເທົ່າກັບ 79% ແລະ ໄດ້ເຊັນ ( MOU ) 6 ໂຄງການ ຮັບຮອງ ເຂົ້າແຜນ 21 ໂຄງການ ມູນຄ່າ 134,33 ລ້ານໂດລາ ແລະ ຊຸກຍູ້ ຜະລິດ ຕະພັນ ອຸດສາຫະກໍາ ປຸງແຕ່ງ ແລະ ຫັດຖະກໍາ ເຊັ່ນ: ອຸດສາຫະ ກໍາໄມ້ ( ສໍາເລັດຮູບ, ເຄິ່ງສໍາເລັດຮູບ ) ນໍ້າຕານອອ້ຍ, ຢາງພາລາ; ກຸ່ມການ ຜະລິດ ຫັດຖະກໍາ ຕໍ່າແຜ່ນ, ຈັກສານ, ແກະສະຫຼັກ, ເຄື່ອງປັ້ນ ດິນເຜົ່າ ແລະ ອື່ນໆ ມີການ ຂະຫຍາຍຕົວ ຢ່າງຕໍ່ເນື່ອງ ອັນພົ້ນເດັ່ນ ສາມາດ ສົ່ງອອກສິນຄ້າ ບັນລຸໄດ້ 101,63 ລ້ານໂດລາ ເທົ່າກັບ 88,49% ແລະ ການນໍາເຂົ້າ ສິນຄ້າ ບັນລຸ 2,24 ລ້ານໂດລາ ເທົ່າກັບ 45,16% ແລະ ເກີນດູນ ການຄ້າ 83,63 ລ້ານ ໂດລາສະຫະລັດ. ພ້ອມນັ້ນ ໃນຂົງເຂດ ການກໍ່ສ້າງ ພື້ນຖານໂຄງລ່າງ ແລະ ການບໍລິການ ຍັງໄດ້ ມີການ ຂະຫຍາຍຕົວ ຢ່າງຕໍ່ເນື່ອງ ເຊັ່ນກັນ ເຊິ່ງໃນປີ 2019 ການສ້ອມແປງ ຂົວທາງ ມີ 39 ໂຄງການ ມູນຄ່າ 232,27 ຕື້ກີບ ປະຕິບັດ ໜ້າວຽກໄດ້ 175,02 ຕື້ກີບ ເທົ່າກັບ 75,35% ອັນພົ້ນເດັ່ນ ແມ່ນສຸມໃສ່ ການກໍ່ສ້າງ ແລະ ສ້ອມແປງ ພື້ນຖານ ໂຄງລ່າງ ໃນເຂດ ໄພພິບັດ ຢູ່ ເມືອງ ສະໜາມໄຊ ເຊິ່ງ ມາຮອດ ປັດຈຸບັນ ໄດ້ມີ ຫຼາຍໂຄງການ ໄດ້ຮັບ ຜົນສໍາເລັດ ແລະ ມີ ບາງໂຄງການ ທີ່ຍັງ ຈະສືບຕໍ່ ຈັດຕັ້ງປະຕິບັດ ເພື່ອໃຫ້ ສໍາເລັດ ໂດຍໄວ. ນອກນັ້ນ, ກອງປະຊຸມ ຄັ້ງນີ້ ຍັງໄດ້ ມີການຮັບຮອງ ບັນດາ ເນື້ອໃນເອກະສານ ແລະ ວຽກງານສໍາຄັນ, ວຽກງານຈຸດສຸມ ທີ່ຈະສຸມໃສ່ ຈັດຕັ້ງປະຕິບັດ ໃນປີ 2020 ອີກດ້ວຍ.

ໂອກາດ ສໍາເລັດ ການດໍາເນີນ ກອງປະຊຸມ ຄັ້ງນີ້ ສະຫາຍ ເລັດ ໄຊຍະພອນ ເລຂາ ພັກແຂວງ ເຈົ້າແຂວງ ປະທານ ກອງປະຊຸມ ໄດ້ມີ ຄໍາໂອ້ລົມ ເຊິ່ງກ່ອນອື່ນ ທ່ານ ໄດ້ສະແດງ ຄວາມຍ້ອງຍໍ ຊົມເຊີຍ ຕໍ່ຜົນສໍາເລັດ ຂອງການ ຊີ້ນໍາ-ນໍາພາ ໃນການ ຈັດຕັ້ງ ປະຕິບັດ ວຽກງານ ຂອງຄະນະ ບໍລິຫານງານ ພັກແຂວງ ແລະ ບັນດາ ສະຫາຍ ໃນໄລຍະ ຜ່ານມາ, ສະແດງ ຄວາມຊົມເຊີຍ ຕໍ່ຜົນສໍາເລັດ ຂອງກອງປະຊຸມ ໃນຄັ້ງນີ້ ແລະ ໄດ້ມີ ຄໍາເຫັນ ໂອ້ລົມວ່າ: ກອງປະຊຸມ ຄັ້ງນີ້ ໂດຍລວມ ເຫັນວ່າ ພວກເຮົາ ມີຄວາມ ເປັນເອກະພາບ ໃນແຕ່ລະ ເນື້ອໃນ, ແຕ່ລະບັນຫາ; ບັນດາ ສະຫາຍ ໄດ້ພ້ອມກັນ ຄົ້ນຄວ້າ ປຶກສາຫາລື ແລະ ຍົກໃຫ້ເຫັນ ດ້ານດີ, ດ້ານອອ່ອນ, ຂໍ້ສະດວກ, ຂໍ້ຫຍຸ້ງຍາກ ແລະ ບົດຮຽນ ທີ່ຖອດຖອນໄດ້ ເພື່ອພ້ອມກັນ ຊອກວິທີທາງ ແກ້ໄຂ ດ້ວຍຄວາມ ຮັບຜິດຊອບ ແລະ ຮຽກຮ້ອງ ມາຍັງ ບັນດາສະຫາຍ ຈົ່ງພ້ອມກັນ ສຸມສະຕິ ປັນຍາ ສູ້ຊົນ ຈັດຕັ້ງ ປະຕິບັດ ວຽກງານ ຕາມຄວາມ ຮັບຜິດຊອບ ຢ່າງຮອບດ້ານ ແລະ ພ້ອມກັນ ຈັດຕັ້ງ ຜັນຂະຫຍາຍ ມະຕິກອງປະຊຸມ ຄົບຄະນະ ບໍລິຫານງານ ພັກແຂວງ ເປີດກວ້າງຄັ້ງທີ 13 ສະໄໝທີ X ຄັ້ງນີ້ ໃຫ້ເກີດຜົນ ຢ່າງແທ້ຈິງ ເພື່ອໃຫ້ແຂວງອັດຕະປື ມີໂສມໜ້າໃໝ່ ໃນການພັດທະນາ ຢ່າງບໍ່ຢຸດຢັ້ງ.