banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:166
ມື້ວານນີ້:ມື້ວານນີ້:252
ອາທິດນີ້:ອາທິດນີ້:361
ເດືອນນີ້:ເດືອນນີ້:8150
ທັງໝົດ:ທັງໝົດ:287051

Lao National Radio

radio

ແຜນທີແຂວງ ອັດຕະປື

administrative map

 

 

 

ກອງປະຊຸມຄົບຄະນະບໍລິຫານງານພັກແຂວງ ເປີດກວ້າງ ຄັ້ງທີ 13 ສະໄໝທີ X ໄດ້ໄຂຂື້ນ ຢ່າງເປັນທາງການ ໃນຕອນເຊົ້າ ວັນທີ 6 ມັງກອນ 2020 ທີ່ຫໍປະຊຸມໃຫຍ່ ຂອງແຂວງ ພາຍໃຕ້ການເປັນປະທານ ຂອງ ສະຫາຍ ເລັດ ໄຊຍະພອນ ເລຂາພັກແຂວງ, ເຈົ້າແຂວງອັດຕະປື; ເຂົ້າຮ່ວມມີບັນດາ ສະຫາຍ ຄະນະປະຈຳພັກແຂວງ, ກຳມະການ ພັກແຂວງ, ພະແນກການອອ້ມຂ້າງແຂວງ, ເມືອງ, ພະນັກງານອາວຸໂສບໍານານ ແລະ ແຂກຖືກເຊີນ ທີ່ກ່ຽວຂ້ອງເຂົ້າຮ່ວມ.

ໃນພິທີ ສະຫາຍ ເລຂາພັກແຂວງ, ເຈົ້າແຂວງອັດຕະປື ປະທານກອງປະຊຸມ ໄດ້ຕີລາຄາສູງໃນການດຳເນີນ ກອງປະຊຸມຄັ້ງນີ້, ເຊິ່ງກ່ອນອື່ນ ຜູ້ເຂົ້າຮ່ວມກອງປະຊຸມ ຈະໄດ້ເຊື່ອມຊຶມມະຕິກອງປະຊຸມ ຄົບຄະນະບໍລິຫານງານສູນກາງພັກ ຄັ້ງທີ 9 ສະໄໝທີ 10 ແລະ ຈະໄດ້ຕີລາຄາການຊີ້ນຳ-ນໍາພາ ວຽກງານຮອບດ້ານ ຂອງຄະນະບໍລິຫານງານພັກ ແຂວງ ໃນ 1 ປີ ຜ່ານມາ ແລະ ທິດທາງ ປີ 2020 ຢ່າງພາວະວິໄສ, ຮັບຟັງການລາຍງານການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ ແລະ ງົບປະມານປະຈໍາ 1 ປີ ແລະ ທິດທາງປີ 2020, ການຈັດຕັ້ງປະຕິບັດວຽກງານ ການນໍາພາ ໃນການແກ້ໄຂບັນຫາໄພພິບັດ ຢູ່ເມືອງສະໜາມໄຊ, ວຽກງານກໍ່ສ້າງຮາກຖານການເມືອງ, ການເກັບກໍາລາຍງານ ສະພາບຫາງສຽງສັງຄົມ ແລະ ຄວາມຄືບໜ້າ ໃນການຈັດຕັ້ງປະຕິບັດ ດໍາເນີນກອງປະຊຸມໃຫຍ່ຄະນະພັກ 3 ຂັ້ນ, ໂດຍສະເພາະ ແມ່ນຄວາມຄືບໜ້າ ໃນການກະກຽມ ກອງປະຊຸມໃຫຍ່ ຂອງບັນດາເມືອງ ແລະ ບັນດາພະແນກການ ຂອງແຂວງ ເພື່ອໃຫ້ມີຜົນສໍາເລັດຕາມລະດັບຄາດໝາຍ. ພ້ອມນັ້ນ ໃນກອງປະຊຸມ ຍັງຈະໄດ້ຮັບຟັງການຜ່ານຮ່າງ ເອກະສານເນື້ອໃນ ກອງປະຊຸມອົງຄະນະພັກແຂວງ ຄັ້ງທີ XI ເປັນຕົ້ນແມ່ນ ຮ່າງລາຍງານການເມືອງ ( ສະບທີ1 ) ແລະ ຮ່າງແຜນພັດທະນາເສດຖະກິດ-ສັງຄົມ 5 ປີ ອີກດ້ວຍ.

ໂອກາດດັ່ງກ່າວ ສະຫາຍ ເລຂາພັກແຂວງ ຍັງໄດ້ຮຽກຮ້ອງ ມາຍັງຜູ້ແທນ ທີ່ເຂົ້າຮ່ວມ ຈົ່ງເປັນເຈົ້າການຄົ້ນຄວ້າ, ປະກອບຄຳເຫັນ ເພື່ອພ້ອມກັນ ຊອກວິທີທາງແກ້ໄຂ ເຮັດໃຫ້ການນຳພາ ຂອງຄະນະບໍລິຫານພັກແຂວງ ອັດຕະປື ໃນຕໍ່ໜ້າ ໃຫ້ມີຜົນສຳເລັດ ແລະ ມີອັນພົ້ນເດັ່ນ ຂື້ນກວ່າເກົ່າ ພ້ອມທັງກ່າວເປີດ ກອງປະຊຸມຢ່າງເປັນທາງການ.

ກອງປະຊຸມ ຄົບຄະນະບໍລິຫານງານພັກແຂວງ ຄັ້ງນີ້ ຍັງຈະໄດ້ຄົ້ນຄ້ວາຫຼາຍບັນຫາ ເປັນຕົ້ນ: ວຽກງານແກ້ໄຂໄພພິບັດ ຢູ່ເມືອງສະໜາມໄຊ, ບັນຫາຢາເສບຕິດ, ບັນຫາການລັກລອບຊັບພະຍາກອນ ທຳມະຊາດ ຕາມບໍລິເວນຊາຍແດນ ແລະ ບັນຫາອື່ນໆ ຕື່ມອີກ. ເຊິ່ງກອງປະຊຸມຄັ້ງນີ້ ຈະດຳເນີນໄປ ເປັນເວລາ 3 ວັນ ຈື່ງຈະສຳເລັດ.