banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:145
ມື້ວານນີ້:ມື້ວານນີ້:300
ອາທິດນີ້:ອາທິດນີ້:1322
ເດືອນນີ້:ເດືອນນີ້:1407
ທັງໝົດ:ທັງໝົດ:329197

Lao National Radio

radio

ແຜນທີແຂວງ ອັດຕະປື

administrative map

 

 

 

ໃນວັນທີ 26 ທັນວາ 2019 ສະຫາຍ ເລັດ ໄຊຍະພອນ ເລຂາພັກ ແຂວງ-ເຈົ້າແຂວງໆ ອັດຕະປື ໄດ້ຮັບກຽດ ເຂົ້າຮ່ວມ ເປັນປະທານ ໃນກອງປະຊຸມ ຜ່ານຮ່າງບົດລາຍ ງານ ການເມືອງ, ແຜນພັດທະນາ ເສດຖະກິດ-ສັງຄົມ ແລະ ທາບທາມ ຮອບທີ II ຄະນະ ບໍລິຫານງານພັກ ເມືອງສະໜາມໄຊ; ເຂົ້າຮ່ວມມີ ສະຫາຍ ບຸນໂຮມ ພົມມະສານ ເລຂາພັກ ເມືອງ-ເຈົ້າເມືອງໆ ສະໜາມ ໄຊ, ມີບັນດາ ສະຫາຍຄະນະ ພັກເມືອງ, ຄະນະພັກ ຮາກຖານຫ້ອງການ, ກຸ່ມບ້ານ ແລະ ແຂກຖືກເຊີນ ເຂົ້າຮ່ວມ.

ກອງປະຊຸມ ໃນຄັ້ງນີ້ ໄດ້ໄຂຂື້ນ ທີ່ຫ້ອງປະຊຸມໃຫຍ່ ຂອງ ເມືອງສະໜາມໄຊ, ເຊິ່ງກ່ອນອື່ນ ບັນດາສະຫາຍ ເຂົ້າຮ່ວມ ກອງປະຊຸມ ໄດ້ຮັບຟັງ ການຜ່ານເອກະສານ ຮ່າງລາຍງານ ການເມືອງ ທັງສອງພາກ, ຮັບຟັງການຜ່ານຮ່າງ ແຜນພັດທະນາ ເສດຖະ ກິດ-ສັງຄົມ, ຜ່ານຮ່າງ ບົດສໍາຫຼວດ ການນໍາພາລວມ ຂອງຄະນະ ບໍລິຫານງານພັກ ເມືອງຄັ້ງທີ XI ຕໍ່ກອງປະຊຸມໃຫຍ່ ຄັ້ງທີ XII ຂອງຄະນະ ບໍລິຫານງານ ພັກເມືອງສະໜາມໄຊ; ຈາກນັ້ນ ບັນດາສະຫາຍ ທີ່ເຂົ້າຮ່ວມ ກໍ່ໄດ້ພ້ອມກັນ ປະກອບຄໍາຄິດ ຄໍາເຫັນ ຕໍ່ຮ່າງ ເອກະສານ ດັ່ງກ່າວ ເພື່ອໃຫ້ມີ ຄວາມຄົບຖ້ວນ ສົມບູນຂື້ນ ແທດເໝາະ ກັບສະພາບຕົວຈິງ ແລະ ມີຄວາມເປັນ ເອກະພາບກັນ, ສາມາດ ຕົກລົງຮັບຮອງ ບັນດາເອກະສານ ດັ່ງກ່າວໄດ້, ເພື່ອແນ່ໃສ່ ກະກຽມເປີດ ກອງປະຊຸມໃຫຍ່ ຂອງອົງຄະນະພັກ ເມືອງສະໜາມໄຊ ຄັ້ງທີ XII ທີ່ຈະໄຂຂື້ນ ໃນມໍ່ໆນີ້ ໃຫ້ໄດ້ຮັບ ຜົນສໍາເລັດ. ນອກຈາກນັ້ນ, ຜູ້ເຂົ້າຮ່ວມ ຍັງໄດ້ ຮັບຟັງ ການຜ່ານ ມາດຖານເງື່ອນໄຂ ຂອງຜູ້ມີສິດ ຮັບສະໝັກ ເລືອກຕັ້ງ ຄະນະ ບໍລິຫານງານ ພັກເມືອງ ເພື່ອໃຫ້ ຜູ້ເຂົ້າຮ່ວມ ໄດ້ເຂົ້າໃຈເລິກເຊິ່ງ ແລະ ເລືອກໄດ້ ຜູ້ທີ່ມີ ມາດຖານ ເງື່ອນໄຂຄົບຖ້ວນ, ມີຄວາມຮູ້ ຄວາມສາມາດ ຊື່ສັດບໍລິສຸດ ເພື່ອເປັນຜູ້ຊີ້ນໍາ-ນໍາພາ ປົກປັກຮັກສາ ແລະ ສ້າງສາພັດ ທະນາບ້ານ ເມືອງ ແລະ ປະເທດຊາດ ໃຫ້ມີ ຄວາມຈະເລີນ ກ້າວໜ້າຂື້ນເລື້ອຍໆ.

ໂອກາດນີ້, ສະຫາຍ ເລັດ ໄຊຍະພອນ ເລຂາພັກ ແຂວງ-ເຈົ້າແຂວງໆ ອັດຕະປື ໄດ້ມີຄໍາເຫັນ ໂອ້ລົມ ເຊິ່ງກ່ອນອື່ນ ສະຫາຍ ໄດ້ຍ້ອງຍໍ ຊົມເຊີຍ ຄະນະພັກ ເມືອງສະໜາມໄຊ ກໍ່ຄືຄະນະ ຮັບຜິດຊອບ ເນື້ອໃນ ຮ່າງເອກະສານ ຕ່າງໆ ເພື່ອກະກຽມໃສ່ ກອງປະຊຸມໃຫຍ່ ຄັ້ງທີ XII ຂອງຄະນະ ບໍລິຫານງານ ພັກເມືອງ ສະໜາມໄຊ ທີ່ໄດ້ ມີຄວາມເອົາໃຈໃສ່ ປະຕິບັດ ວຽກງານຂອງຕົນ ຢ່າງມີຜົນສໍາເລັດ; ພ້ອມນັ້ນ ສະຫາຍ ຍັງໄດ້ຮຽກຮ້ອງ ໃຫ້ສືບຕໍ່ ເອົາໃຈໃສ່ ສ້າງຄວາມສາມັກຄີ ເປັນເອກະພາບ ພາຍໃນຄະນະພັກ ແລະ ທົ່ວປ່ວງຊົນ ໃຫ້ໜັກແໜ້ນ, ສືບຕໍ່ຊີ້ນໍາ-ນໍາພາ ຈັດຕັ້ງປະຕິບັດ ວຽກງານ ຕາມໜ້າທີ່ ຄວາມຮັບຜິດຊອບ ຢ່າງເປັນເຈົ້າການ ແລະ ເອົາໃຈໃສ່ ປັບປຸງຮ່າງ ເອກະສານ ຕາມທີ່ ຜູ້ເຂົ້າຮ່ວມ ກອງປະຊຸມ ໄດ້ປະກອບ ຄໍາຄິດເຫັນ ໃຫ້ຄົບຖ້ວນ ຖືກຕ້ອງຕາມ ສະພາບຕົວຈິງ ໂດຍເນັ້ນ ໃຫ້ມີຍຸດທະສາດ ໃນການວາງແຜນ ພັດທະນາ ເສດຖະກິດ-ສັງຄົມ, ການຄຸ້ມຄອງ ໃຫ້ມີຄວາມລະອຽດ ຈະແຈ້ງ ເພື່ອສະດວກ ໃນການຈັດຕັ້ງ ປະຕິບັດ; ຮຽກຮ້ອງ ໃຫ້ບັນດາສະຫາຍ ຜູ້ແທນທີ່ຈະເລືອກ ຜູ້ຊີ້ນໍາ-ນໍາພາ ພັດທະນາ ບ້ານເມືອງ ແມ່ນໃຫ້ເລືອກ ຜູ້ທີ່ຄົບ ຕາມມາດຖານ ເງື່ອນໄຂແທ້, ມີຄວາມສາມັກຄີ, ມີຄວາມຮູ້, ຄວາມສາມາດ ແລະ ມີຫຼັກໝັ້ນແທ້ ເພື່ອໃຫ້ໄດ້ ຄະນະ ບໍລິຫານງານພັກ ເມືອງສະໜາມໄຊ ຄັ້ງທີ XII ຄັ້ງນີ້ ໄດ້ຕາມ ລະດັບຄາດໝາຍ ແລະ ມີຜົນສໍາເລັດ ອັນຈົບງາມ.