banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:136
ມື້ວານນີ້:ມື້ວານນີ້:207
ອາທິດນີ້:ອາທິດນີ້:1027
ເດືອນນີ້:ເດືອນນີ້:3857
ທັງໝົດ:ທັງໝົດ:266231

Lao National Radio

radio

ແຜນທີແຂວງ ອັດຕະປື

administrative map

 

 

ແຂວງອັດຕະປື ສໍາເລັດ ການດຳເນີນ ກອງປະຊຸມ ອົງການປົກຄອງແຂວງ ປະຈໍາໄຕມາດທີ່ III ( 7,8,9 ) ປີ 2019 ພາຍຫຼັງ ໄດ້ດໍາເນີນ ຢ່າງເປັນທາງການ ໃນລະຫວ່າງວັນທີ 9-10 ຕຸລາ ປີ 2019 ນີ້ ທີ່ຫ້ອງປະຊຸມຊັ້ນ5 ຕຶກສຳນັກງານ ອົງການປົກຄອງແຂວງ ໂດຍພາຍໃຕ້ ການເປັນປະທານ ຂອງ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງໆອັດຕະປື, ມີຄະນະປະຈຳ ພັກແຂວງ, ກຳມະການພັກແຂວງ, ເຈົ້າເມືອງ 5 ຕົວເມືອງ, ບັນດາຫົວໜ້າ ພະແນກການ ແລະ ແຂກທີ່ຖືກເຊີນເຂົ້າຮ່ວມ.

ການດຳເນີນ ກອງປະຊຸມຄັ້ງນີ້ ແມ່ນມີຄວາມໝາຍ ຄວາມສໍາຄັນຫຼາຍ ເຊິ່ງຜູ້ເຂົ້າຮ່ວມ ໄດ້ພ້ອມກັນທົບທວນ ຫວນຄືນການ ຊີ້ນຳ-ນຳພາ; ໂດຍສະເພາະ ການຈັດຕັ້ງ ຜັນຂະຫຍາຍ ມະຕິກອງປະຊຸມ ອົງການປົກຄອງແຂວງ ປະຈໍາໄຕ ມາດ I ແລະ ໄຕມາດ II ຜ່ານມາ, ການຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ແລະ ແຜນງົບປະມານ ແຫ່ງລັດ ໃນໄລຍະ 9 ເດືອນຕົ້ນປີ 2019 ແລະ ການສະຫຼຸບ ຕີລາຄາຄືນ ການຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ໃນໄລຍະ 9 ເດືອນຕົ້ນປີ, ຄາດຄະເນ 3 ເດືອນທ້າຍປີ ແລະ ທິດທາງປີ 2020. ຜ່ານການ ສະຫຼຸບຕີລາຄາ ໄລຍະ 9 ເດືອນຕົ້ນປີເຫັນວ່າ ລວມຍອດ ຜະລິດຕະພັນພາຍໃນ ( GDP ) ຂະຫຍາຍຕົວ ໃນລະດັບ 7,59% ( ຫຼຸດມະຕິສະພາ 0,41% ),ໃນນີ້: ຂະແໜງກະສິກໍາ ແລະ ປ່າໄມ້ ເພີ່ມຂື້ນ 5,71% ( ຫຼຸດມະຕິສະພາ 1,1%), ຂະແໜງອຸດຫາສະ ກໍາເພີ່ມຂື້ນ 10,20% ( ຫຼຸດມະຕິສະພາ 4,3% ) ແລະ ຂະແໜງບໍລິການເພີ່ມຂື້ນ 12,96% ( ລື່ນມະຕິສະພາ 40,28% ). ພົນລະເມືອງໃນປີ 2019 ມີ 151.708 ຄົນ; ( GDP ) ສະເລ່ຍຕໍ່ຫົວຄົນ ໄດ້ 2.295 ໂດລາ ( ອັດຕາ ແລກປ່ຽນ 8.200ກີບ/ໂດລາ ). ໂດຍລວມ ສະພາບພັດທະນາ ເສດຖະກິດ-ສັງຄົມ ຂອງແຂວງ ແມ່ນສືບຕໍ່ ຂະຫຍາຍຕົວ ເຖິງວ່າຈະຢູ່ໃນຈະວະທີ່ຊ້າກໍ່ຕາມ ແຕ່ຍ້ອນ ຄວາມເອົາໃຈໃສ່ ຊີ້ນໍາ-ນໍາພາ ຂອງພັກ-ລັດ ແລະ ອົງການປົກຄອງ ແຕ່ລະຂັ້ນ ເຮັດໃຫ້ ການຂະຫຍາຍຕົວ ຂອງເສດຖະກິດ ຫັນໄປສູ່ ຄຸນນະພາບ ແລະ ໝັ້ນທ່ຽງ; ເຫັນໄດ້ເຖິງ ການຫັນຈາກການອາໄສ ຊັບພະຍາກອນ ທໍາມະຊາດ ແລະ ຂາດການ ຄຸ້ມຄອງທີ່ດີ ໄປສູ່ ຂະແໜງການຜະລິດ ໃຫ້ກາຍເປັນ ເສົາຄໍ້າ ຂອງການພັດທະນາ ທີ່ໜັກແໜ້ນເຊັ່ນ: ອຸດສາຫະກໍາ ປຸງແຕ່ງ, ການຜະລິດ ກະສິກໍາ ເປັນສິນຄ້າ, ການ ຊຸກຍູ້ສົ່ງເສີມ ( SME ) ເພື່ອສ້າງ ມູນຄ່າເພີ່ມ ໃຫ້ສິນຄ້າ ກ້າວສູ່ ການສົ່ງອອກ ເພື່ອສ້າງລາຍຮັບໃຫ້ສູງຂື້ນ.

ກອງປະຊຸມຄັ້ງນີ້ ນອກຈາກຈະຮັບຟັງ ແລະ ປະກອບ ຄໍາຄິດເຫັນ ຕໍ່ການຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ຂອງແຂວງແລ້ວ, ຜູ້ເຂົ້າຮ່ວມ ຍັງໄດ້ ຮັບຟັງການລາຍງານ ສະພາບ ຜົນກະທົບ ຈາກໄພພິບັດ ທໍາມະຊາດ ( ໂດຍສະເພາະຢູ່ ເມືອງສະໜາມໄຊ ), ການແກ້ໄຂ ການລະບາດ ຂອງພະຍາດ ອາຫິວາໝູ ອາຟຣິກາ , ແຜນຟື້ນຟູການຜະ ລິດລະດູແລ້ງ ເພື່ອທົດແທນ ຜົນເສຍຫາຍ ຈາກໄພພິບັດ ຜ່ານມາ, ການປັບປຸງ ຂໍ້ກໍານົດ ໃຊ້ບິນອາກອນ, ລວມທັງ ທິດທາງ ແກ້ໄຂ ບາງບັນຫາ ທີ່ພົ້ນເດັ່ນ ຂອງແຂວງໃນໄລຍະ ຜ່ານມາ ແລະ ວຽກງານອື່ນໆ ທີ່ສໍາຄັນ ຈໍານວນໜຶ່ງ. ໂອກາດດຽວກັນ ຜູ້ເຂົ້າຮ່ວມຍັງ ໄດ້ປະກອບ ຄວາມຄິດເຫັນ ເພື່ອເປັນການ ປຶກສາຫາລື ໃນການຊອກໃຫ້ເຫັນ ດ້ານດີ ເພື່ອສົ່ງເສີມ ແລະ ຊອກໃຫ້ເຫັນ ດ້ານຄົງຄ້າງ ເພື່ອພ້ອມກັນ ຫາວິທີທາງແກ້ໄຂ, ເພື່ອເປັນມະຕິ ແຜນການຈັດຕັ້ງ ປະຕິບັດ ວຽກງານໃນຕໍ່ໜ້າ ແລະ ເພື່ອເຮັດໃຫ້ ໄດ້ການຈັດຕັ້ງ ປະຕິບັດ ວຽກງານ ຮັບຜົນສໍາເລັດ ຕາມລະດັບ ຄາດໝາຍ.

ໂອກາດນີ້ ທ່ານ ເລັດ ໄຊຍະພອນ ເລຂາພັກແຂວງ, ເຈົ້າແຂວງໆ ອັດຕະປື ທັງໃນນາມ ເປັນປະທານກອງ ປະຊຸມ ໄດ້ມີຄໍາເຫັນ ໃນມື້ສໍາເລັດ ການດໍາເນີນ ກອງປະຊຸມຄັ້ງນີ້ວ່າ: ກອງປະຊຸມ ອົງການປົກຄອງແຂວງ ຄັ້ງນີ້ ໄດ້ດໍາ ເນີນພາຍໃຕ້ ບັນຍາກາດ ທີ່ມີຄວາມໝາຍ ຄວາມສໍາຄັນ, ມີເນື້ອໃນ ອັນເລິກເຊິ່ງ ແລະ ໜັກແໜ້ນ; ມີຄວາມສາມັກຄີ ເປັນຈິດໜຶ່ງໃຈດຽວ ໃນການຊີ້ນໍາ-ນໍາພາ ແລະ ຈັດຕັ້ງ ປະຕິບັດວຽກງານ; ບັນດາຜູ້ແທນ ແລະ ຜູ້ເຂົ້າຮ່ວມ ກອງປະຊຸມ ໄດ້ເຊີດຊູ ຄວາມຮັບຜິດຊອບ ແລະ ພ້ອມກັນ ປະກອບ ຄວາມຄິດ ຄວາມເຫັນ ອັນເປັນປະໂຫຍດ ຢ່າງກົງໄປກົງມາ, ເຊິ່ງເຮັດໃຫ້ ກອງປະຊຸມ ໄດ້ມີບັນຍາກາດ ທີ່ມີເນື້ອໃນ ເລິກເຊິ່ງ ແລະ ສົມບູນຂື້ນ, ເຊິ່ງຕະຫຼອດ ໄລຍະ ການດໍາເນີນ ກອງປະຊຸມ ພວກເຮົາ ໄດ້ພ້ອມກັນ ປຶກສາຫາລື ຢ່າງລະອຽດສົມຄວນ ໃນການກໍານົດ ຄາດໝາຍສູ້ຊົນວຽກງານ ແຕ່ລະດ້ານ ແລະ ໄດ້ເອກະພາບ ຮັບຮອງ ບັນດາຄາດໝາຍ ສູ້ຊົນ ໂດຍສະເພາະ ແຜນການ 3 ເດືອນທ້າຍປີ 2019. ເຊິ່ງໂອກາດດຽວ ກັນທ່ານ ໄດ້ຮຽກຮ້ອງ ໃຫ້ ບັນດາທ່ານ ບັນດາສະຫາຍ ຈົ່ງເອົາໃຈໃສ່ ຄົ້ນຄວ້າ, ກໍາແໜ້ນ ເນື້ອໃນ ຈິດໃຈຂອງ ກອງປະຊຸມ ຄັ້ງນີ້ ໂດຍສະເພາະ ການເປັນເຈົ້າການ ຄົ້ນຄວ້າ ແລະ ຜັນຂະຫຍາຍ ມະຕິ ກອງປະຊຸມຄັ້ງນີ້ ເພື່ອໃຫ້ເກີດໝາກ ເກີດຜົນເປັນຈິງ, ພ້ອມກັນ ເປັນເຈົ້າການ ຊຸກຍູ້ ຕິດຕາມ ແລະ ແລ້ວສະຫຼຸບ ຕີລາຄາຄືນ ຜົນການຈັດຕັ້ງ ປະຕິບັດ ມະຕິຂອງກອງປະຊຸມ ຄັ້ງນີ້ ຢ່າງພາວະວິໄສ. ເຊິ່ງອັນລວມ ແມ່ນເພື່ອແນ່ໃສ່ ເຮັດໃຫ້ແຂວງ ສືບຕໍ່ ມີສະຖຽນນະພາບ ທາງດ້ານການເມືອງ ຢ່າງໜັກແໜ້ນ, ສັງຄົມ ມີຄວາມສະຫງົບສຸກ, ເປັນລະບຽບ ຮຽບຮ້ອຍ ແລະ ນໍາພາ ແຂວງອັດຕະປື ມີການພັດທະນາ ໃຫ້ມີ ຄວາມຈະເລີນ ກ້າວໜ້າຂື້ນເລື້ອຍໆ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008