ບໍລິສັດຈະເລີນເຊກອງພະລັງງານຈໍາກັດ ຢູ່ ອັດຕະປືຊ່ວຍເຫຼືອສັງຄົມ 45 ລ້ານກວ່າກີບ

       ບໍລິສັດ ຈະເລີນເຊກອງ ພະລັງງານຈຳກັດ ໄດ້ມອບເຄື່ອງຊ່ວຍເຫລືອ ມູນຄ່າ 45 ລ້ານກວ່າກີບ ໃຫ້ສະພາປະຊົນທ້ອງຖິ່ນ ແຂວງ ອັດຕະປື ເພື່ອນໍາໄປຊ່ວຍ ເຫລືອສັງຄົມ ແລະ ຄອບຄົວທຸກຍາກຢູ່ ເມືອງ ສະໜາມໄຊ ແລະ ເມືອງ ພູວົງ. ພິທີມອບເຄື່ອງ ຊ່ວຍເຫລືອດັ່ງກ່າວ, ໄດ້ຈັດຂຶ້ນໃນວັນທີ 7 ພຶດສະພາ 2018 ທີ່ສະພາປະຊຊົນທ້ອງຖິ່ນແຂວງ ເຊິ່ງມອບໂດຍ ທ່ານ ສຸວັດ ສີສຸທຳ ຜູ້ອຳນວຍການ ບໍລິສັດ ຈະເລີນເຊກອງ ຈຳກັດ ແລະ ຮັບໂດຍ ທ່ານ ເພັດແກ້ວ ເຮືອງປັນຍາ ປະທານສະພາ ປະຊາຊົນທ້ອງຖິ່ນແຂວງ, ມີທ່ານ ມະນີໂສ ຊາມົນຕີ ສະມາຊິກສະພາ ແຫ່ງຊາດປະຈຳ ເຂດເລືອກຕັ້ງທີ 17 ຮອງປະທານກໍາມະທິການ ເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ, ມີບັນດາທ່ານ ສະມາຊິກສະພາ ປະຊາຊົນແຂວງ, ປະທານຄະນະກຳມະການ, ຄະນະເລຂາທິການ, ຫົວໜ້າຂະແໜງພາຍໃນ ສະພາເຂົ້າຮ່ວມ. ເຄື່ອງທີ່ນໍາມາມອບ ໃນຄັ້ງນີ້ ປະກອບມີ ສັງກະສີ 1,500 ແຜ່ນ, ເຫຼັກຕາປູ 50 ແກັດ ໃນມູນຄ່າລວມສູງເຖິງ 45 ລ້ານກວ່າກີບ ໂດຍທາງບໍລິສັດ ມອບໃຫ້ສະພາປະຊາຊົນແຂວງອັດຕະປື ເພື່ອນຳໄປສ້ອມແປງໂຮງຮຽນທີ່ເປ້ເພ ຈຳນວນ 4 ແຫ່ງຢູ່ເມືອງສະໜາມໄຊ ແລະ ເມືອງພູວົງຄື: ໂຮງຮຽນປະຖົມບ້ານປເຂ, ໂຮງຮຽນປະຖົມບ້ານມີດສຳພັນ, ໂຮງຮຽນບ້ານຫາດຍາວ ເຊິ່ງໄດ້ຮັບຜົນກະທົບຈາກ ໄຟທຳມະຊາດພະຍຸພັດ ໃນປີ 2016 ຜ່ານມາ.

ໂດຍ: ມາລາທິບ