banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:109
ມື້ວານນີ້:ມື້ວານນີ້:97
ອາທິດນີ້:ອາທິດນີ້:84
ເດືອນນີ້:ເດືອນນີ້:3339
ທັງໝົດ:ທັງໝົດ:149226

Lao National Radio

radio

ແຜນທີແຂວງ ອັດຕະປື

administrative map

 

 

ວັນທີ 24 ​ເດືອ​ນ ທັນວາ ນີ້, ທ່ານ ສະເຫລີມໄຊ ກົມມະສິດ ລັດຖະມົນຕີ ຊ່ວຍວ່າການ ກະຊວງການຕ່າງປະເທດ, ປະທານ ຄະນະກຳມະການ ຊາຍແດນແຫ່ງຊາດ, ທ່ານ ປຣະສິດ ໄຊຍະສິດ ເອກອັກ ຄະລັດຖະທູດລາວ ປະຈຳຣາຊະອານາຈັກ ກຳປູເຈຍ, ທ່ານນາງ ຫວັດສະດີ ໂຄດໂຍທາ ຮອງເຈົ້າແຂວງ ປະທານ ຄະນະກຳມະການ ຊາຍແດນ ແຂວງ ອັດຕະປື ໄດ້ລົງສຳຫລວດ​ ເນື້ອທີ່ຕົວຈິງ; ການກຳນົດ ຫລັກໜາຍ ເສັ້ນຊາຍແດນ ລາວ - ກຳປູເຈຍ ຫລັງ​ຍັງ​ມີ​ເຖິງ 60 ກິ​ໂລ​ແມັດ ​ທີ່​ຍັງ​ ບໍ່​ທັນ​ ໄດ້​ກຳນົດ​ຫລັກ​ໝາຍ​ ຊາຍ​ແດນ​ເທື່ອ, ຂະນະ​ທີ່ ທ່ານ ສົມໄຊ ແກ້ວໂພສິງ ເຈົ້າເມືອງໆ ສະໜາມໄຊ ​ໄດ້ລາຍງານ ສະພາບການ ຢູ່ບໍລິເວນຊາຍແດນ ລາວ - ກຳປູເຈຍ ​ໃນ​ໄລຍະ​ຜ່ານ​ມາ ​ເຊ່ິງເຫັນ​ ວ່າ: ການໄປ ມາຫາສູ່ ຂອງປະຊາຊົນ 2 ຊາດ, ການເຂົ້າ - ອອກເມືອງ ຂອງເຈົ້າໜ້າທີ່ ແລະ ປະຊາຊົນ ກຳປູເຈຍ ຍັງປະຕິບັດ ບໍ່ຖືກຕາມ ລະບຽບການ ​ໂດຍ​ສະ​ເພາະ ການເຂົ້າມາ ເຄື່ອນໄຫວ ຂອງເຈົ້າ ໜ້າທີ່ ແລະ ປະຊາຊົນ ກຳປູເຈຍ ຢູ່ຕາມບ້ານ ລຽບຊາຍແດນເບື້ອງລາວ, ການລັກລອບ ຕັດໄມ້ ຢູ່ເຂດບໍ່ທັນ ຕົກລົງກັນ, ການລັກລອບ ແຕ່ງດອງ ຂອງ ເຈົ້າໜ້າທີ່ ກຳປູເຈຍ ກັບປະຊາຊົນລາວ, ການພົບປະ ແລກປ່ຽນສະພາບ ຊາຍແດນຕາມ ບົດບັນທຶກ ຜ່ານມາ ຍັງປະຕິບັດ ບໍ່ທັນໄດ້ ໂດຍ ຝ່າຍກຳປູເຈຍ ບໍ່ເຂົ້າຮ່ວມ ​ແລະ ບັນຫາອື່ນໆ.

ທ່ານ ສະເຫລີມໄຊ ກົມມະສິດ ລັດຖະມົນຕີ ຊ່ວຍວ່າການ ກະຊວງການ ຕ່າງປະເທດ, ປະທານ ຄະນະກຳມະການ ຊາຍແດນແຫ່ງຊາດ ກໍໄດ້ຍົກໃຫ້ເຫັນ ແນວທາງ ອັນຖືກຕ້ອງ ຂອງພັກ ຕໍ່ການພົວພັນ ຕ່າງປະທດ ໂດຍເປີດກວ້າງ ການພົວພັນ ຮ່ວມມືກັບ ທຸກປະເທດ ບົນຫລັກການ ຢູ່ຮວ່ມກັນ ຢ່າງສັນຕິ ຕ່າງຝ່າຍຕ່າງ ມີຜົນປະໂຫຍດ.​ ແນວ​ໃດ​ກໍ​ດີ​ ທ່ານກໍ່ໄດ້ ຮຽກຮ້ອງ ຄະນະພັກ, ອົງການ ປົກຄອງເມືອງ ຈົ່ງເພີ່ມທະວີ ການສຶກສາອົບຮົມ ພໍ່ແມ່ປະຊາຊົນ ທີ່ດຳລົງຊີວິດ ຢູ່ລຽບບໍລິເວນ ຊາຍແດນ ໃຫ້ມີສະຕິ ຕໍ່ຊາດ ສະຕິຕໍ່ການ ຈັດຕັ້ງ ຕາມຫລັກການ ດິນເພິ່ນບໍ່ໃຫ້ເອົາ ດີນເຮົາບໍ່ໃຫ້ເສຍ ​ແລະ ພ້ອມກັນປົກປັກ ຮັກສາຊາຍແດນ ໃຫ້ມີຄວາມ ສະຫງົບເປັນ ລະບຽບຮຽບຮ້ອຍ ກາຍເປັນຊາຍແດນ ແຫ່ງສັນຕິພາບ ແລະ ມິດຕະພາບ. ​ໂອກາດ​ດັ່ງກ່າວ ກໍໄດ້ລົງສຳຫລວດ ​ເນື້ອທີ່ຕົວຈິງ ຈຸດທີ່ຍັງຄົງຄ້າງ ​ເປັນຕົ້ນ ເຂດປາກ ເຊປຽນ, ຫ້ວຍດາກລາວ, ຫ້ວຍອາໄລ, ດ່ານ 48, ຫ້ວຍ​ໄຜ່, ກະໂຕມ ຕະຫລອດຮອດ​ ເຂດທຳມາ ຫາກິນແຕ່ດັ້ງເດີມ ຂອງພໍ່ແມ່ ປະຊາຊົນ ເຂດບ້ານ ສົ້ມປ່ອຍ ເພື່ອເກັບກຳ ຂໍ້ມູນຕົວຈິງ. ແຂວງອັດຕະປື ມີຊາຍແດນ ຕິດກັບຣາຊະອານາ ຈັກກຳປູເຈຍ 225 ກິໂລແມັດ ແລະ ຍັງອີກ 60 ກິໂລ ແມັດ ຍັງບໍ່ສາມາດ ຕົກລົງກັນໄດ້.( ຮູບ AP.1 )

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008