banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:63
ມື້ວານນີ້:ມື້ວານນີ້:488
ອາທິດນີ້:ອາທິດນີ້:2146
ເດືອນນີ້:ເດືອນນີ້:7160
ທັງໝົດ:ທັງໝົດ:206123

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ປະຖະກະຖາ ວຽກງານກາເເດງລາວ

          ເພື່ອເປັນການ ສ້າງຂະບວນການ ຄໍານັບຮັບຕ້ອນວັນສ້າງຕັ້ງ ອົງການກາແດງໂລກຄົບຮອບ 155 ປີ (8 ພຶດສະພາ 1863-8 ພຶດສະພາ 2018) ທີ່ໝົນວຽນມາ ເຖິງໃນຕໍ່ໜ້ານີ້ ມາໃນວັນທ 21 ມີນາ 2018 ອົງການກາເເດງລາວ ໄດ້ຈັດພິທີປະຖະກາຖາ ກ່ຽວກັບວຽກງານ ກາແດງລາວຂຶ້ນ ທີ່ຫໍປະຊຸມໃຫຍ່ ຂອງແຂວງ ອັດຕະປື ໂດຍການໃຫ້ກຽດ ປະຖະກະຖາຂອງ ທ່ານ ຄຳຮຸ່ງ ເຮືອງວົງສີ ປະທານອົງ ການກາເເດງລາວ, ມີຄະນະຈາກອົງການກ າແດງລາວປະຈຳຢູ່ສູນກາງ, ຄະນະນຳອົງການການແດງແຂວງ, ພະນັກງານສະມາຊິກພັກ, ກຳລັງປ້ອງກັນຊາດ-ປ້ອງກັນຄວາມສະຫງົບ ແລະ ນັກຮຽນ-ນັກສຶກສາເຂົ້າຮ່ວມ.

          ອົງການກາແດງລາວ ໄດ້ຖືກສ້າງຕັ້ງຂຶ້ນໃນປີ 1955 ມີພາລະບົດບາດເປັນເສນາ ທິການໃຫ້ລັດຖະບານ ໃນການປະຕິບັດ ວຽກງານບັນເທົາທຸກໃ ຫ້ແກ່ປະຊາຊົນຜູ້ທຸກຍາກຂາດເຂີນ, ຜູ້ປະສົບໄພພິບັດຕ່າງໆ, ປົກປັກຮັກສາສົ່ງເສີມສຸຂະພາບຂັ້ນພື້ນຖານ ຈັດຕັ້ງປະຕິບັດວຽກ ງານການບໍລິຈາກເລືອດ, ສະໜອງເລືອດປອດໄພ ແລະ ສົ່ງເສີມຄຸນຄ່າດ້ານມະນຸດສະທຳ, ຂົນຂວາຍແຫຼ່ງທຶນ ແລະ ອາສາສະໝັກກາແດງ ເພື່ອປະກອບສ່ວນເຂົ້າ ໃນວຽກງານມະນຸດສະທຳຕາມ 7 ຫຼັກການພື້ນຖານຂອງ ຂະບວນການກາແດງສາກົນ.

          ທ່ານ ຄຳຮຸ່ງ ເຮືອງວົງສີ ປະທານອົງການກາເເດງລາວ ໄດ້ຍົກໃຫ້ເຫັນວ່າ: ໃນຕະຫຼອດໄລຍະທີ່ຜ່ານມາ ອົງການກາເເດງລາວນັບ ທັງສູນການຮອດທ້ອງຖິ່ນ ໄດ້ເອົາໃຈໃສ່ໂຄສະນາ ປຸກລະດົມການ ບໍລິຈາກເລືອດແບບສະໝັກໃຈ, ບໍ່ຮຽກຮ້ອງສິ່ງຕອບແທນ ແລະ ນອກຈາກນັ້ນ ຍັງໄດ້ຈັດຕັ້ງການອົບຮົມໃຫ້ຄວາມຮູ້ແກ່ປະຊາຊົນ, ພະນັກງານ, ນັກຮຽນນັກສຶກສາກ່ຽວກັບຄວາມ ສຳຄັນຂອງການບໍລິຈາກ ເລືອດຕາມໂຮງຮຽນ, ວິທະຍາໄລ, ມະຫາວິທະຍາໄລ, ໂຮງຮຽນເອກະຊົນ, ຄ້າຍທະຫານ, ສຳນັກງານຕຳຫຼວດ, ວັດ ແລະ ຕາມບັນດາອົງການຈັດຕັ້ງຕ່າງໆ ເພື່ອໃຫ້ໄດ້ຜູ້ບໍລິຈາກເລືອດ ແບບສະໝັກໃຈດ້ວຍ ຮັບຜິດຊອບສູງ ດັ່ງນັ້ນ ໃນຕໍ່ໜ້ານີ້ ຄະນະນຳ ອົງການກາແດງພວກ ເຮົາຕ້ອງໄດ້ສືບຕໍ່ປຸກລະດົມໃຫ້ພີ່ນ້ອງ ແລະ ຫມູ່ເພື່ອນຂອງຄົນ ເຈັບມາບໍລິຈາກເລືອດ ເພື່ອສ້າງບຸນກຸສົນຊ່ວຍ ເຫລືອເພື່ອນມະນຸດດ້ວຍກັນ ກໍ່ຄື ຄົນເຈັບສຸກເສີນຢູ່ຕາມໂຮງໝໍ ພ້ອມດ່ຽວກັນນັ້ນ ກໍ່ໃຫ້ສືບໂຄສະນາປຸກລະດົມໃຫ້ ກັບອາສາສະຫມັກຊາວຫນຸ່ມ ຫັນມາຮ່ວມໃຈບໍລິຈາກເລືອດ ແບບສະໝັກໃຈ ເພື່ອຊ່ວຍເຫລືອເພື່ອນ ມະນຸດດ້ວຍກັນ ໂດຍບໍ່ແມ່ນບໍລິຈາກເລືອດໃຫ້ສະເພາະແຕ່ພີ່ນ້ອງ ຂອງຕົນເອງແຕ່ຢ່າງດຽວເທົ່ານັ້ນ ຕ້ອງໄດ້ຊ່ວຍເຫຼືອເພື່ອນມະນຸດ ໂດຍມີຈຸດປະສົງ ຄືການປ້ອງກັນຊີວິດ ແລະ ສຸຂະພາບ ຈົ່ງພ້ອມກັນເຄົາ ລົບໃນສິດຂອງມະນຸດ ຮ່ວມໃຈກັນສົ່ງເສີມ ສຳພັນທະພາບຄວາມສາມັກຄີ ເພື່ອຄວາມສັນຕິສຸກທີ່ຍືນຍົງຂອງມະນຸດ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008