banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:56
ມື້ວານນີ້:ມື້ວານນີ້:488
ອາທິດນີ້:ອາທິດນີ້:2139
ເດືອນນີ້:ເດືອນນີ້:7153
ທັງໝົດ:ທັງໝົດ:206116

Lao National Radio

radio

ແຜນທີແຂວງ ອັດຕະປື

administrative map

 

 

ຊານໄຊ ຍັງມີບ້ານທຸກຍາກ 8 ບ້ານ

          ຜ່ານມາຄະນະພັກ, ອຳນາດການປົກຄອງເມືອງ ຊານໄຊ ແຂວງ ອັດຕະປື ໄດ້ຖືເອົາວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ຂອງປະຊາຊົນ ບັນດາເຜົ່າຢູ່ພາຍໃນເມືອງເປັນ ວຽກສຳຄັນ ເຖິງສຸມໃສ່ຫັນເອົາພະນັກແຫຼງລົງ ກໍ່ສ້າງຮາກຖານ ການເມືອງ ເພື່ອຜັນຂະຫຍາຍ ແນວທາງຂອງພັກ, ລະບຽບກົດໝາຍ ຂອງລັດໃນໄລຍະໃໝ່ ລົງເຊື່ອມຊຶມໄດ້ຢ່າງທົ່ວເຖິງກໍ່ຕາມ ແຕ່ວ່າ ພາບລວມແລ້ວ ເມືອງຍັງມີບ້ານ ທຸກຍາກສູງຢູ່ ເຊິ່ງເປັນບັນຫາເລັ່ງທວງໃຫ້ອຳນາດ ການປົກຄອງເມືອງ ຈະຕ້ອງໄດ້ສືບຕໍ່ຊຸກຍູ້ ໃຫ້ມີການພັດທະນາ ແລະ ແກ້ໄຂໃຫ້ ໄດ້ໂດຍພື້ນຖານໃນປີ 2020.

          ທ່ານ ບຸນເນັ້ມ ໄຊຍະເສັ້ມ ຮອງເລຂາພັກເມືອງ ປະທານ ກວດກາພັກ-ລັດເມືອງ ຊານໄຊ ໃຫ້ສຳພາດຫວ່າບໍ່ດົນມານີ້ວ່າ: ປະຕິບັັດຕາມດຳລັດ 309/ນຍ ວ່າດ້ວຍມາດ ຕາຖານຄວາມທຸກຍາກ ແລະ ມາດຕາຖານ ພັດທະນາ ຕິດພັນກັບການຜັນຂະຫຍາຍຕາມ 4 ເນື້ອໃນ 4 ຄາດໝາຍ ແລະ ວຽກງານສາມສ້າງມາຮອດປັດຈຸບັນ ທົ່ວເມືອງບ້ານທຸກຍາກຍັງເຫຼືອ 8 ບ້ານ ເທົ່າກັບ 26,82% ຂອງບ້ານທັງໝົດມີ 41 ບ້ານ, ທຽບໃສ່ປີຜ່ານມາ ບ້ານທຸກຍາກຫຼຸດລົງ 3 ບ້ານ, ຄອບຄົວທຸກ ຍາກຍັງເຫຼືອ 762 ຄອບຄົບ, ລວມຄອບຄົວທົ່ວເມືອງມີ 4.273 ຄອບຄົວ, ພົນລະເມືອງທຸກຍາກຍັງເຫຼືອ 2.953 ຄົນ, ຍິງ 1.527 ຄົນ, ລວມພົນລະເມືອງ ທັງໝົດມີ 22.852 ຄົນ, ຍິງ 11.343 ຄົນ, ທົ່ວເມືອງມີບ້ານພັດທະນາແລ້ວ 5 ບ້ານ, ມີຄອບຄົວພັດທະນາ 2.347 ຄອບຄົວ, ທຽບໃສ່ປີຜ່ານມາເພີ່ມຂຶ້ນ 388 ຄອບຄົວ, ຈຳນວນບ້ານຊົມໃຊ້ໄຟຟ້າທັງໝົດມີ 36 ບ້ານ, ເທົ່າກັບ 92,68% ຂອງຈໍານວນ ບ້ານທັງໝົດ, ທຽບໃສ່ປີຜ່ານມາ ເພີ່ມຂຶ້ນ 16 ບ້ານ, ທົ່ວເມືອງບ້ານທີ່ມີເສັ້ນທາງເຂົ້າເຖິງ ແລະ ທຽວໄດ້ 2 ລະດູມີ 40 ບ້ານ.

          ທ່ານ ບຸນເນັ້ມ ໄຊຍະເສັ້ມ ໄດ້ເວົ້າຕື່ມອີກວ່າ ການແກ້ໄຂຄວາມ ທຸກຍາກຂອງປະຊາຊົນ ແມ່ນ​ໜຶ່ງ​ໃນ​ພາ­ລະ​ກຳ​ຂອງ​ພັກ ດັ່ງນັ້ນ ສຳລັບໃນຕໍ່ໜ້ານີ້ ຕ້ອງ​ໄດ້​ຮັບ​ການ ­ຈັດ­ຕັ້ງ​ປະ­ຕິ­ບັດ​ ຢ່າງ​ເຄັ່ງ­ຮ້ອນ ການ​ແກ້​ໄຂ​ຄວາມ ­ທຸກ​ຍາກ​ຂອງ​ປະຊາ­ຊົນ​ນັ້ນ ຕ້ອງ​ໄດ້​ດຳ­ເນີນ ​ໄປ​ຕິດ​ແໜ້ນ​ກັບ​ການ​ ພັດ­ທະ­ນາ​ຊົນ­ນະ­ບົດ ກໍ​ຄື​ການ​ສ້າງ​ບ້ານ ແລະ ກຸ່ມ​ບ້ານ​ພັດ­ທະ­ນາ ໂດຍ​ຖື​ເອົາ 4 ເນື້ອ​ໃນ 4 ຄາດ­ໝາຍ ທີ່​ກົມ​ການ­ເມືອງ​ສູນ​ກາງ​ ພັກ​ວາງ​ອອກ​ນັ້ນ ​ເປັນ​ທິດ​ນຳ ເພື່ອ​ເປັນ​ແບບ­ ຢ່າງ​ອັນ​ດີໃນ​ການ​ແກ້​ໄຂ​ ຄວາມ­ທຸກ​ຍາກ​ຢ່າງມີ​ຈຸດ​ສຸມ ແລະ ໃຫ້ສຳເລັດຕາມ ຄາດໝາຍທີ່ວາງໄວ້.

ໂດຍ: ຈັນສະໄໝ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008