banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:95
ມື້ວານນີ້:ມື້ວານນີ້:473
ອາທິດນີ້:ອາທິດນີ້:893
ເດືອນນີ້:ເດືອນນີ້:3905
ທັງໝົດ:ທັງໝົດ:216491

Lao National Radio

radio

ແຜນທີແຂວງ ອັດຕະປື

administrative map

 

 

ຕາດເເຊພະ-ແຊປ້ອງ ເລັ່ງປັບປຸງກຽມໃສ່ປີທ່ອງທ່ຽວລາວ

        ໂອກາດ ທີ່ທາງທິມງານ ຈາກສູນກາງ ແລະ ແຂວງ ອັດຕະປື ເຄື່ອນໄຫວ ເດີນສຳຫຼວດອອກແບບ ພື້ນທີ່ພັດທະນາ ແຫຼ່ງທ່ອງທ່ຽວ ເຂດປ່າສະຫງວນ ນ້ຳຕົກຕາດ ເເຊພະ-ເເຊປ້ອງໄລ ເມືອງ ສະໜາມໄຊ ແຂວງ ອັດຕະປື ໃນລະຫວ່າງ ວັນທີ 8-9 ພະຈິກ 2017 ຜ່ານມາ ເຊິ່ງສະຖານທີ່ ແຫ່ງດັ່ງກ່າວ ໄດ້ຖືກເປັນຂອງ ບໍລິສັດ ວົງວິໄລການຄ້າຂາອອກ-ຂາເຂົ້າຈຳກັດ ຜູ້ດຽວ ສຳປະທານ ເພື່ອພັດທະນາ ໃຫ້ເປັນແຫຼ່ງທ່ອງທ່ຽວ ທຳມະຊາດໃນລະດັບແຂວງ ແລະ ປັດຈຸບັນ ກຳລັງເປັນ ແຫຼ່ງດຶງດູດ ນັກເດີນທ່ອງທ່ຽວ ທັງພາຍໃນ ແລະ ຕ່າງປະເທດນຳອີກ.

        ທ່ານ ວົງວິໄລ ໄຊຍະສອນ ເຈົ້າຂອງ ສຳປະທານ ແຫຼ່ງທ່ອງທ່ຽວ ທາງທຳມະຊາດ ນ້ຳຕົກຕາດ ແຊພະ-ແຊປ້ອງໄລ ໄດ້ຊີ້ແຈງ ແລະ ວາງແນວຄວາມ ຄິດກຽມ ຈະປັບປຸງບູລະນະພື້ນ ທີ່ດັ່ງກ່າວ ໃຫ້ເປັນບັນຍາກາດ ໃໝ່ທີດີຂຶ້ນ ເຊິ່ງບາງຕ້ອນ ທ່ານກ່າວວ່າ: ເພື່ອກຽມ ຕ້ອນຮັບນັກ ທ່ອງທ່ຽວ ທັງພາຍໃນ ແລະ ຕ່າງປະເທດ ມາດຮອດ ປັດຈຸບັນ ການປັບປຸງ ແມ່ນສຳເລັດ ເປັນສ່ວນໃຫຍ່ ເປັນຕົ້ນ ແມ່ນໄດ້ມີ ການສ້ອມແປງ ລະບົບເສັ້ນ ທາງແຕ່ທາງ ເຂົ້າເຖິງສະຖານທີພັກແຮມ ໄລຍະທາງ 8 ກິໂມເເມັດ, ປັບປຸງສ້ອມ ແປງຂົວ ແລະ ເສັ້ນທາງ ລະຫວ່າງ ຈຸດພັກແຮມ ໄປຫາຕາດ ແຊປ້ອງໄລ 6 ກວ່າກິໂລເເມັດ, ສ້າງຕະຫຼາດ ຮັບໃຊ້ບໍລິການ ແລະ ສ້າງບ້ານພັກແຮມ ຮອງຮັບແກ່ ນັກທ່ອງທ່ຽວ ພ້ອມນີ້ ຍັງຈະໄດ້ມີການ ປັບປຸງບູລະນະ ສະຖານທີ່ ພັກຜ່ອນຕື່ມ ໃນຄົບວົງຈອນ ໂດຍຈະຈັດ ໃຫ້ມີຫຼາຍແບບເຊັ່ນ: ປັບປຸງຈຸດພັກຜ່ອນໃນຕູບ, ຕາມຈຸດພະລານຫີນ, ຈຸດທ່ອງທ່ຽວລ່ອງເຮືອ, ຂີ່ກົງເບັງລ່ອງແກ້ງ, ການເດີນປ່າ ເພື່ອສຶກສາທຳມະຊາດ ແລະ ກິດຈະກຳອື່ນໆ ໃຫ້ສົມກັບວ່າ ນ້ຳຕົກຕາດແຊພະ-ແຊປ້ອງໄລ ແມ່ນແຫຼ່ງ ທ່ອງທ່ຽວສະຫວັນແຫ່ງໃໝ່ທີ່ອັດສະຈັນ ຢູ່ໃນແຂວງ ອັດຕະປື.

        ທ່ານ ວົງວິໄລ ໄຊຍະສອນ ເວົ້າຕື່ມອີກວ່າ: ສຳລັບນັກ ທ່ອງທ່ຽວທັງ ພາຍໃນ ແລະ ຕ່າງປະເທດ ທ່ານໃດສົນໃຈຢາກ ໄປທ່ຽວຊົມສາມາດ ໄປສຳພັດໄດ້ ຕາມອັດຕາຍະໄສ ເຊິ່ງລະບົບເສັ້ນທາງ ກໍ່ສະດວກສະບາຍ, ການເດີນທາງ ໄປນໍ້າຕົກຕາດ ແຊພະ-ແຊປ້ອງໄລ ຖ້າບັນດາທ່ານ ໄດ້ມາແລ້ວ ແມ່ນຈະໄດ້ພົບ ກັບສະຖານທີ່ ສວຍງາມ, ນ້ຳຕົກຕາດ ແຊພະກວ້າງ 120 ແມັດສູງ 23 ແມັດ, ແຊປ້ອງໄລ ຫ່າງຈາກ ຕາດແຊພະ 8 ກມ, ນໍ້າຕົກຕາດ ແບ່ງເປັນສອງສາຍ ຝັ່ງຊ້າຍສູງ 20 ແມັດ, ຝັ່ງຂວາ 30-40 ແມັດ, ທ່ານ ສາມາດ ເດີນທາງໄປ ໄດ້ສອງລະດູ ດ້ວຍລົດໂອໂຕ, ລົດຈັກ, ລົດຖີບ ແລະລົດກະບະ ໄລຍະທາງ ຈາກແຂວງ ອັດຕະປື ຜ່ານສຳນັກ ເມືອງສະໜາມໄຊ-ບ້ານໄໝ່ ເຖິງຕາດເເຊພະ ຕາມສາຍທາງ 18 A ປະມານ 68 ກິໂລເເມັດ ຕະລອດການ ເດີນທາງທ່ານ ຈະໄດ້ສໍາພັດ ກັບທຳມະຊາດທີ່ສວຍງາມ ແລະ ວິຖີຊີວິດ ຂອງປະຊາຊົນ ຫຼື ອາດຈະເດີນ ທາງໄປທາງ ເມືອງປະທຸມພອນ ແຂວງ ຈຳປະສັກ ຈາກທາງເລກທີ 13 ໃຕ້ ທີ່ຫຼັກ 48 ເມືອງ ປະທຸມພອນ ແຂວງຈຳປປາສັກ ລ້ຽວຊ້າຍ ເຂົ້າສູ່ເສັ້ນທາງ ເລກ 18A ຈາກເມືອງປະທຸມພອນ ແຂວງຈຳປາສັກ ສູ່ແຂວງອັດຕະປື ຮອດ 3 ແຍກ ບໍລິເວນບ້ານໃໝ່ (ປະມານ 60 ກິໂລແມັດ) ໃຫ້ລ້ຽວຊ້າຍ ຂີ່ໄປຕາມເສັ້ນທາງ ຈາກ ສະຫນາມໄຊສູ່ເມືອງປາກຊ່ອງ ປະມານ 10 ກວ່າ ກິໂລແມັດ ກໍຈະຮອດຕາດແຊພະຕາມທີ່ທ່ານມຸ້ງຫວັງໄວ້.

ໂດຍ: ອັດຕະປື

 

 

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008