banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:108
ມື້ວານນີ້:ມື້ວານນີ້:419
ອາທິດນີ້:ອາທິດນີ້:415
ເດືອນນີ້:ເດືອນນີ້:9624
ທັງໝົດ:ທັງໝົດ:195078

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ປະຊາຊົນ ຜ່າຕັດແກ່ນຕາຂຸ້ນ 125 ຄົນ: ບັນຫາຕາບອດ ສາຍຕາພິການ ຫຼື ສາຍຕາບົກຜ່ອງ ປັດຈຸບັນ ຍັງເປັນສິ່ງ ທ້າທາຍຕໍ່ ວຽກງານ ສາທາລະນະສຸກ ເຊິ່ງບັນຫາ ດັ່ງກ່າວ ຍາມໃດ ພັກ-ລັດ ກໍ່ໄດ້ເລັ່ງທວງ ໃຫ້ເອົາໃຈ ໃສ່ມາໂດຍຕະຫຼອດ ເພື່ອຮັບປະ ກັນການບໍລິການຮັກສາສຸ ຂະພາບຕາ ຂອງປະຊາຊົນ ຖືເອົາວຽກງານປ້ອງກັນ ແລະ ປິ່ນປົວຢ່າງ ທົ່ວເຖິງໃນປະເທດ ເພື່ອບັນລຸມາດຖານສູງສຸດ ຂອງການມີ ສຸຂະພາບຕາທີ່ດີ.

ດັ່ງນັ້ນ ວັນທີ 9-11 ພະຈິກ 2017 ຜ່ານມາ ທີມງານປິ່ນປົວ ແລະ ຮັກສາສຸຂະພາບຕາ ໂຮງໝໍແຂວງ ຈໍາປາສັກຮ່ວມກັບໂຮງໝໍ ແຂວງອັດຕະປື ໄດ້ເຄື່ອນໄຫວກວດ, ປີນປົວ ແລະ ຜ່າຕັດພະຍາດ ແກ່ນຕາຂຸ້ນໃຫ້ ພໍ່ແມ່ປະຊາຊົນໂດຍບໍ່ເສຍຄ່າ ຢູ່ ໂຮງໝໍ ເມືອງສະໜາມໄຊ, ເມືອງ ໄຊເສດຖາ ແລະຢູ່ໂຮງໝໍແຂວງ ອັດຕະປື ໂດຍມີປະຊາຊົນໃຫ້ຄວາມສົນໃຈ ແລະ ເຂົ້າມາຮັບ ບໍລິການກວດຕາມີທັງໝົດ 500 ກວ່າຄົນ,ໃນນັ້ນ ມີຜູ້ທີ່ເປັນພະຍາດແກ່ນຕາຂຸ້ນ ທີ່ໄດ້ຮັບການຜ່າຕັດມີ 125 ຄົນ.

ທ່ານ ດຣ ບຸນຖັນ ຜາຍມະນີ ຫົວໜ້າຂະແໜງປິ່ນປົວ ແລະ ຮັກສາສຸຂະພາບຕາ ໂຮງໝໍແຂວງ ຈໍາປະສັກ ທັງເປັນ ຄະນະຮັບຜິດຊອບ ວຽກງານ ໂຄງການຮັກສາ ສຸກຂະພາບຕາໃນ 4 ແຂວງພາກໃຕ້ ໄດ້ກ່າວວ່າ: ໂຄງການຜ່າຕັດພະຍາດແກ່ນຕາຂຸນນີ້ ແມ່ນໄດ້ຮັບການ ຈັດຕັ້ງປະຕິບັດ ໃນທຸກໆປີ ເລີ່ມແຕ່ປີ 1998 ເປັນຕົ້ນມາ ໂດຍໄດ້ຮັບທຶນຊ່ວຍເຫຼືອຈາກມູນ ນິທິຊ່ວຍເຫຼືອຄົນຕາ ບອດຂອງອົງການສາກົນ ຫຼື CBM, ເຊິ່ງຄັ້ງນີ້ ແມ່ນເປັນຮອບ ທີສອງທີ່ໄດ້ຈັດຕັ້ງປະຕິບັດຢູ່ ແຂວງ ອັດຕະປື, ໂດຍໄດ້ເນັ້ນ ໜັກໃສ່ການກວດ ປິນປົວ ແລະ ຜ່າຕັດ ຜູ້ທີ່ເປັນພະຍາດ ແກ່ນຕາຂຸ້ນ, ພະຍາດຊີ້ນຕາປົ່ງ ແລະ ພະຍາດຕາກະດັນ, ເຊິ່ງແຕ່ລະປີແມ່ນ ໄດ້ມີການເຄື່ອນ ໄຫວກວດ ປິນປົວ ແລະ ຜ່າຕັດພະຍາດຕາຢູ່ຕາມແຕ່ລະໂຮງໝໍເມືອງ ແລະ ໂຮງໝໍແຂວງໃນ 4 ແຂວງພາກໃຕ້ ມີແຂວງຈໍາປາສັກ, ສາລະວັນ, ເຊກອງ ແລະແຂວງ ອັດຕະປື.

ທ່ານ ດຣ ບຸນຖັນ ຜາຍມະນີ ຍັງໄດ້ກ່າວຕື່ມວ່າ: ພະຍາດແກ່ນຕາຂຸ້ນ ແມ່ນການສູນເສຍຄວາມໃສ ຂອງແກ່ນຕາ ເທື່ອລະໜ້ອຍແລ້ວ ເຮັດໃຫ້ສາຍຕາຄ່ອຍໆ ມົວລົງຈົນເປັນຕາບອດໄດ້, ຄົນທີ່ເປັນພະຍາດແກ່ນຕາຂຸ້ນ ຈະມີອາການຕາມົວ ທີ່ບໍ່ມີອາການເຈັບ, ຕາບໍ່ແດງ ແລະ ບໍ່ມີຂີ່ຕາ, ການເປັນພະຍາດນີ້ ໄລຍະເບື້ອງຕົ້ນຕາ ມົວຄ້າຍຄືເມກ ໝອກມາບັງ, ຕາບໍສາມາດ ຈໍາແນກແສງສີ ໄດ້ຢ່າງສັດເຈນ ບາງຄັ້ງຕາມົວຫຼາຍ ໃນເວລາອອກແດດ ຫຼື ເວລາເບິ່ງດອກໄຟ, ວີທີປິ່ນປົວພະຍາດ ແກ່ນຕ່າຂຸ້ນທີ່ດີທີ່ສຸດ ແມ່ນການຜ່າຕັດເອົາ ແກ່ນຕາຂຸ້ນອອກ. ໃນໂອກາດດຽວກັນ ທ່ານ ດຣ ໜູພິດ ພອນສະຫວັນ ຫົວໜ້າ ຂະແໜງພາຍນອກ ໂຮງໝໍແຂວງ ອັດຕະປື ຍັງໄດ້ມອບຢາປິ່ນປົວຄົນເຈັບທີ່ໄດ້ຮັບການຜ່າຕັດ ແກ່ນຕາຂຸ້ນຈຳນວນອີກ ຈຳນວນໜຶ່ງ ລວມມູນຄ່າ 5 ແສນກວ່າກີບ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008