banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:136
ມື້ວານນີ້:ມື້ວານນີ້:330
ອາທິດນີ້:ອາທິດນີ້:987
ເດືອນນີ້:ເດືອນນີ້:6197
ທັງໝົດ:ທັງໝົດ:168781

Lao National Radio

radio

ແຜນທີແຂວງ ອັດຕະປື

administrative map

 

 

ສາທາລະນະສຸກ ແຂວງ ອັດຕະປື ປະເມີນວຽກງານ 9 ເດືອນ

ໃນວັນທີ 9 ເດືອນ ພະຈິກ 2017 ທີ່ຫ້ອງປະຊຸມ ສະພາປະຊາຊົນ ແຂວງ ອັດຕະປື ພະແນກ ສາທາລະນະສຸກ ຈັດໃຫ້ມີ ກອງປະຊຸມ ປະເມີນການ ຈັດຕັ້ງວຽກງານ ສາທາລະນະສຸກ ຮອບດ້ານ 9 ຂຶ້ນ ໂດຍການ ເປັນປະທານ ຂອງທ່ານ ນາງ ດຣ ອ່ອນຜີວ ໂພທິລາດ ຫົວໜ້າພະເເນກ ສາທາລະນະສຸກແຂວງ, ມີຄະນະພະແນກ, ຫົວໜ້າຂະແໜງ, ອຳນວຍການ ໂຮງໝໍ, ຫົວໜ້າ ຫ້ອງການ ສາທາລະນະສຸກ 5 ຕົວເມືອງ ພ້ອມດ້ວຍ ພະນັກງານທີ່ກ່ຽວ ຂ້ອງເຂົ້າຮ່ວມ.

ກອງປະຊຸມ ວຽກງານສາທາ ລະນະສຸກຮອບດ້ານ ເທື່ອນີ້ ແມ່ນເປັນການ ທົບທວນ ປະເມີນຄືນການ ຈັດຕັ້ງປະຕິບັດ ໜ້າທີ່ວຽກງານ ຮອບດ້ານ 9 ເດືອນປີ 2017 ແລະ ທິດທາງ ແຜນການ 3 ເດືອນ ທ້າຍປີ 2017 ເຊິ່ງຜ່ານການ ປະເມີນກໍ່ ສັງເກດເຫັນໄດ້ວ່າ ຕາໜ່າງສາທາ ລະນະສຸກ ມາຮອດປັດຈຸບັນ ແມ່ນມີທ່ວງ ທ່າກ້າວຂຶ້ນຢູ່ ໃນລະດັບດີ ແລະ ຫຍັບເຂົ້າ ໃກ້ເປົ້າໝາຍ ທີ່ຄາດໄວ້ ຕະຫຼອດໄລຍະ 9 ເດືອນຜ່ານມາ ອັດຕາການຕາຍ ຂອງແມ່ ປະຕິບັດໄດ້ 70 ຕໍ່ 100.000 ແຜນປີ 182 ຕໍ່ 100.000, ອັດຕາ ການຕາຍ ຂອງເດັກລຸ່ມ 1 ປີ ປະຕິບັດໄດ້ 11 ຕໍ່ 1.000 ແຜນປີ 43 ຕໍ່ 1.000, ອັດຕາເດັກລຸ່ມ 5 ປີ ປະຕິບັດໄດ້ 13 ຕໍ່ 1.000 ແຜນປີ 56 ຕໍ່ 1.000, ອັດຕາເດັກລຸ່ມ 5 ປີ ນໍ້າໜັກຫຼຸດ ມາດຕາຖານ 9% ແຜນປີ 22%, ອັດຕາເດັກລຸ່ມ 5 ປີສູງຕໍ່າ ບໍ່ໄດ້ມາດຕາຖານ (ເຕ້ຍ) 11% ແຜນປີ 34%, ອັດຕາການ ເກີດລູກມີເເພດຊ່ວຍ 25% ແຜນປີ 70%, ອັດຕາຊົມໃຊ້ວິດຖ່າຍ 51% ແຜນປີ 87%, ອັດຕາການ ປົກຄຸມປະກັນ ສຸກຂະພາບ 100% ແຜນປີ 100% ພ້ອມນີ້ ກໍ່ຍັງມີວຽກງານອື່ນໆ.

ກອງປະຊຸມເທື່ອນີ້ ນອກຈາກທີ່ມີການຊີ້ ແຈ້ງບັນດາຜົນງານ ຂອງການຈັດຕັ້ງ ປະຕິບັດແຕ່ລະ ຂົງເຂດວຽກງານ ຜ່ານມາແລ້ວ ກໍ່ຍັງໄດ້ເປີດໂອກາດ ໃຫ້ຜູ້ເຂົ້າຮ່ວມ ປະກອບຄຳຄິດ ຄຳເຫັນ ເຂົ້າໃສ່ຜົນງານການ ຈັດຕັ້ງປະຕິບັດ ຜ່ານມາ ແລະ ທິດທາງແຜນ ພັດທະນາໃນ 3 ເດືອນຕໍ່ໜ້າ ເພື່ອພ້ອມ ກັນຈັດຕັ້ງປະຕິບັດ ເປົ້າໝາຍດ້ານ ສາທາລະນະສຸກ ຂອງ ແຂວງ ເປັນຕົ້ນແມ່ນ ຄາດໝາຍ ທີ່ຍັງຄົງຄ້າງ ໄດ້ພ້ອມ ກັນກໍານົດ ແລະ ປັບປຸງຍຸດທະສາດ ຕ່າງໆທີ່ກ່ຽວພັນ ກັບວຽກງານ ດັ່ງກ່າວ ໃຫ້ມີການພັດ ທະນາດີຂຶ້ນ ໃນຕໍ່ໜ້າ ແລະ ໂອກາດດຽວກັນ ກໍ່ຍັງ ໄດ້ຮັບຟັງການໂອ້ລົມ ຈາກທ່ານ ນາງ ດຣ ອ່ອນຜີ ໂພທິລາດ ຫົວໜ້າພະແນກ ສາທາລະນະສຸກ ແຂວງຕື່ມອີກ.

ໂດຍ: ຈັນສະໄໝ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008