banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:62
ມື້ວານນີ້:ມື້ວານນີ້:473
ອາທິດນີ້:ອາທິດນີ້:860
ເດືອນນີ້:ເດືອນນີ້:3872
ທັງໝົດ:ທັງໝົດ:216458

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ຍັງພົບຂໍ້ຫຍຸ່ງຍາກ ຫຼາຍຢ່າງ ໃນການຄຸ້ມ ຄອງທີ່ດິນ

     ການຂຶ້ນ ສໍາມະໂນທີ່ດິນ ແລະ ການອອກ ເອກະສານ ສິດນໍາໃຊ້ທີ່ດິນ ໃຫ້ພາກສ່ວນ ຕ່າງໆ ເພື່ອການນໍາ ໃຊ້ທີ່ຖືກຕ້ອງ ຕາມລະບຽບ ກົດໝາຍ ຢູ່ພາຍໃນ ແຂວງ ອັນຕະປື ຍັງພົບຂໍ້ ຫຍຸ່ງຍາກ ແລະ ເປັນບັນຫາ ສິ່ງທ້າທາຍ ທີ່ຄະນະພັກ ອໍານາດການ ປົກຄອງທຸກ ຂັ້ນພາຍໃນ ແຂວງ ຈະຕ້ອງ ໄດ້ເປັນເຈົ້າການ ຮ່ວມກັນແກ້ໄຂ.

     ທ່ານ ລັດສະໝີ ວັນໄຊ ກໍາມະການ ພັກແຂວງ ຫົວໜ້າ ພະແນກ ຊັບພະຍາ ກອນທໍາ ມະຊາດ ແລະ ສິ່ງແວດລ້ອມ ແຂວງ ອັດຕະປື ໄດ້ເປີດເຜີຍ ເມື່ອບໍ່ດົນ ຜ່ານມາວ່າ: ບັນຫາການ ຄຸ້ມຄອງ ການນໍາ ໃຊ້ທີ່ດິນ ກໍ່ຄືການຂຶ້ນ ສໍາມະໂນທີ່ດິນ ແລະ ການອອກ ເອກະສານສິດ ນໍາໃຊ້ທີ່ດິນຢູ່ ແຂວງອັດຕະປື ຍັງພົບຂໍ້ ຫຍຸ່ງຍາກ ຫຼາຍຢ່າງສາເຫດ ກໍ່ຍ້ອນວ່າ ໄລຍະຜ່ານມາ ແຂວງ ອັດຕະປື ຍັງບໍ່ທັນມີແຜນແມ່ບົດ ເປັນອັນລະອຽດ ກ່ຽວກັບການ ຄຸ້ມຄອງການຈັດ ສັນທີ່ດິນ, ຈຶ່ງເຮັດໃຫ້ການ ຂື້ນທະບຽນທີ່ດິນ ການອອກ ເອກະສານສິດາ ນໍາໃຊ້ທີ່ດິນ ພົບຄວາມຫຍຸ່ງຍາກ, ພ້ອມດຽວ ກັນການຄຸ້ມຄອງບັນຫາ ທີ່ດິນຍັງບໍ່ທັນ ເຂັ່ມແຂງ ໂດຍສະເພາະ ດ້ານກົນໄກ ການແບ່ງຄວາມ ຮັບຜິດຊອບ ໃນການອອກ ອະນຸຍາດ ສິດນໍາໃຊ້ທີ່ ດິນລະຫວ່າງ ຂັ້ນແຂວງ, ເມືອງ ແລະ ບ້ານ ຍັງບໍ່ທັນ ລະອຽດຈະແຈ້ງ, ປະຊາຊົນ ສ່ວນຫຼາຍ ຍັງບໍ່ທັນຕື່ນຕົວ ແລະ ບັນທັນຮັບ ຮູ້ເຂົ້າໃຈ ໃນການມາ ແຈ້ງເອກະສານ ຫຼື ມາຂຶ້ນທະບຽນ ສໍາມະໂນທີ່ດິນ.

ທ່ານ ລັດສະໝີ ວັນໄຊ ຫົວໜ້າພະແນກ ຊັບພະຍາກອນ ທໍາມະຊາດ ແລະ ສິ່ງແວ້ດລ້ອມແຂວງ ອັດຕະປື ຍັງໄດ້ກ່າວຕື່ມວ່າ: ເພື່ອເຮັດ ໃຫ້ວຽກງານການ ຄຸ້ມຄອງ ແລະ ນໍາໃຊ້ທີ່ດິນ ພາຍໃນແຂວງ ອັດຕະປື ໃຫ້ໄດ້ຮັບ ການຈັດຕັ້ງປະຕິບັດ ຢ່າງປະສິດທິຜົນ ແລະ ເປັນໄປຕາມ ລະບຽບຫຼັກການນັ້ນ ໃນຕໍ່ໜ້າ ຕ້ອງໄດ້ມີການ ປັບປຸງລະບົບການ ຈັດຕັ້ງປະຕິບັດ ວຽກງານຄຸ້ມຄອງ ທີ່ດິນຄືນໃໝ່, ຄຽງຄູ່ກັບການ ອອກນິຕິກໍາ ລຸ່ມກົດໝາຍ ເພື່ອເປັນ ບ່ອນອີງ ໃນການປະຕິບັດ, ເພີ່ມທະວີວຽກງານ ປະສານສົມທົບ ລະຫວ່າງສູນກາງ ແລະ ທ້ອງຖິ່ນ, ຫັນພະນັກງານ ລົງສົມທົບກັບ ບັນດາເມືອງ ເຮັດວຽກ ແບບມີຈຸດສຸມ ແລະ ເປົ້າໝາຍຈະແຈ້ງ, ພ້ອມດຽວກັນ ກໍ່ຕ້ອງໄດ້ ເຮັດວຽກງານ ການໂຄສະນາ ລະບຽບກົດໝາຍ ກ່ຽວກັບທີ່ດິນ ເພື່ອສ້າງຄວາມ ຮັບຮູ້ເຂົ້າໃຈ ໃຫ້ພໍ່ແມ່ປະຊາຊົນ.

 ສໍາລັບສົກປີ 2017 ນີ້ ແຂວງອັດຕະປື ໄດ້ຮັບຕົວ ເລກຈາກສູນກາງ ໃນການອອກໃບຕາດິນໃຫ້ໄດ້ທັງໝົດ 4.000 ຕອນ, ຜ່ານການຈັດຕັ້ງ ປະຕິບັດໄລຍະ 9 ເດືອນ ທົ່ວແຂວງ ສາມາດອອກ ໃບຕາດິນ ສົມບູນໄດ້ 2.595 ຕອນ, ມີເນື້ອທີ່ 5.953 ກວ່າຕາແມັດ, ທຽບໃສ່ແຜນການ ປະຕິບັດໄດ້ 64,88% ແລະ ພວມກໍາລັງ ກວດກາຄວາມຖືກຕ້ອງມີ 957 ຕອນ, ຄາດວ່າໝົດປີ ຈະໃຫ້ສໍາເລັດໃນ 4.000 ຕອນ ຕາມຕົວເລກ ມອບໝາຍ ຂອງສູນກາງ.

ໂດຍ: ອັດຕະປື

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008