banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:85
ມື້ວານນີ້:ມື້ວານນີ້:473
ອາທິດນີ້:ອາທິດນີ້:883
ເດືອນນີ້:ເດືອນນີ້:3895
ທັງໝົດ:ທັງໝົດ:216481

Lao National Radio

radio

ແຜນທີແຂວງ ອັດຕະປື

administrative map

 

 

ຊານໄຊ ຍົກລະດັບ ຮັບໃຊ້ປີທ່ອງທ່ຽວ: ວັນທີ 24 ຕຸລາ 2017 ພະແນກ ຖະແຫຼງຂ່າວ-ວັດທະນະທຳ ແລະ ທ່ອງທ່ຽວ ໄດ້ເປີດ ຊຸດອົບຮົມ ດ້ານການບໍລິການ ໂຮງແຮມ, ເຮືອນພັກ ແລະ ຮ້ານອາຫານ ໃຫ້ນັກທຸລະກິດ ຮ້ານອາຫານ ໃນລະດັບຂັ້ນທ້ອງຖິ່ນ ຢູ່ເມືອງ ຊານໄຊ ແຂວງ ອັດຕະປື ໂດຍການ ເປັນປະທານຂອງ ທ່ານ  ຄຳໝັ້ນ ບຽງດາວົງ ຮອງເຈົ້າເມືອງ ຊານໄຊ, ມີ ທ່ານ ຂັນຄໍາ ພົມມະລານ ຫົວໜ້າ ຫ້ອງການ ຖະແຫຼງຂ່າວ-ວັດທະນະທຳ ແລະ ທ່ອງທ່ຽວ, ພະນັກງານ ຖວທ ເມືອງ ແລະ ນັກສຳມະນາກອນ ພ້ອມດ້ວຍ ຄູຝືກເຂົ້າຮ່ວມ.

ທ່ານ ຄຳໝັ້ນ ບຽງດາວົງ ໄດ້ມີຄຳເຫັນວ່າ: ​ຊຸດ​ອົບຮົມ ວິຊາ​ຊີບ​ ຕໍ່​ຜູ້​ປະກອບການ ດ້ານ​ການ ທ່ອງທ່ຽວທີ່ເມືອງ ຊານໄຊນີ້ ຈະ​ເປັນການ ຊຸກຍູ້​ຄວາມ​ເຂົ້າ​ໃຈ​ ໃນວົງ​ການທ່ອງ​ທ່ຽວ ​ຂອງທ້ອງ​ຖິ່ນ​ ຢ່າງ​​ແຂງ​ແຮງ ເຖິງວ່າ ເມືອງຊານໄຊ ການພັດທະນາ ດ້ານການທ່ອງທ່ຽວ ບໍ່ທັນເປັນຕົວຕົນ ເທົ່າທີ່ຄວນກໍ່ຕາມ ແຕ່ຂໍ້ມູນ ຫຼັກຖານເບຶ້ອງຕົ້ນ ແມ່ນຍັງມີ ແຫຼ່ງທ່ອງທ່ຽວ ອັດຫຼາກຫຼາຍ ເຊິ່ງວຽກງານ ການທ່ອງທ່ຽວ ໃນຕໍ່ໜ້າ ຈະ​ຊຸກຍູ້ ​ການ​ພັດທະນາ​ ເສດຖະກິດ-ສັງຄົມ ​ເປັນ​ຢ່າງ​ດີ ກວ່າ​ເກົ່າ. ປັດຈຸບັນ ທົ່ວເມືອງ ມີບ້ານພັກຢູ່ 3 ແຫ່ງ, ຮ້ານບັນເທິງ 7  ແຫ່ງ ແລະ ຮ້ານອາຫານມີ 3 ແຫ່ງ, ມີແຫຼ່ງທ່ອງທ່ຽວ ທີ່ເປີດບໍລິການ 1 ແຫ່ງ ໃນຄະນະທີ່ ທົ່ວເມືອ ງມີແຫຼ່ງ ທ່ອງທ່ຽວ ຂຶ້ນບັນຊີ ໄວ້ທັງໝົດ 8 ແຫ່ງ.

ການຝຶກອົບການ ບໍລິການ ໂຮງແຮມ, ເຮືອນພັກ ແລະ ຮ້ານອາຫານ ຢູ່ທີ່ເມືອງ ຊານໄຊ ແຂວງ ອັດຕະປື ແມ່ນເປັນ ເທື່ອທີ 4 ເຊິ່ງຂະແໜງທ່ອງທ່ຽວ ຈະສືບຕໍ່ຝືກ ໃຫ້ຄົບ 5 ຕົວເມືອງ ໃຫ້ສຳເລັດໃນໄວໆນີ້, ການຝຶກແມ່ນ ສຶກສາ ເລື່ອງລະດັບ ຄວາມຮູ້ທົ່ວໄປ ໃນລະດັບທ້ອງຖິ່ນ ກ່ຽວກັບການ ບໍລິການ ພັກແຮມ, ການບໍລິການ ອາຫານ ແລະ ເຄື່ອງດື່ມ, ໜ້າທີ່ ແລະ ຄວາມຮັບ ຜິດຊອບຂອງ ການເປັນແມ່ ເຮືອນທີ່ດີ ເຊິ່ງມີທາງ ດ້ານທິດສະດີ ແລະ ພາກປະຕິບັດ ຕົວຈິງ ເຊັ່ນ: ຮຽນຮູ້ວິທີພັບ ຜ້າຊັດໂຕ ທີ່ເປັນຮູບ ຕ່າງໆ, ວິທີ ແກະສະຫຼັກ ໝາກໄມ້ສົດ, ການຈັດ ໂຕະອາຫານ ແລະ ວິທີການ ຕົບແຕ່ງອື່ນໆ.

ທັງນີ້ກໍ່ເພື່ອ ເປັນການຍົກ ລະດັບພັດ ທະນາຄວາມຮູ້ ຕໍ່ວຽກງານ ການບໍລິການ, ເພີ່ມຄວາມ ຊຳນິຊຳນານ ແລະ ການປ່ຽນແປງ ບາງທັດ ສະນະຄະຕິ ຂອງບຸກຄົນ ໃຫ້ສາມາດ ປະຕິບັດ ວຽກງານ ດ້ານການ ບໍລິການດ້ານການທ່ອງທ່ຽວ ປະກອບສ່ວນ ເຂົ້າໃນການ ພັດທະນາ ເສດຖະກິດ-ສັງຄົມ ທຽບທັນກັບ ປະເທດໃກ້ຄຽງ ຫຼື ພາຍໃນ ປະເທດຂອງຕົນ ດີຂຶ້ນ ເທື່ອລະກ້າວ ແລະ  ກຽມພ້ອມ ໃສ່ປີທ່ອງທ່ຽວລາວ 2018 ຊຸດຝືກອົບຮົມ ແມ່ນໄດ້ດຳ ເນີນໄປ ເປັນເວລາ 3 ວັນຈິ່ງຈະສຳເລັດ. ​

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008