banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:76
ມື້ວານນີ້:ມື້ວານນີ້:473
ອາທິດນີ້:ອາທິດນີ້:874
ເດືອນນີ້:ເດືອນນີ້:3886
ທັງໝົດ:ທັງໝົດ:216472

Lao National Radio

radio

ແຜນທີແຂວງ ອັດຕະປື

administrative map

 

 

 

ພູວົງ ຍັງມີເດັກ ຂາດສານອາຫານ ສູງເຖິງ 400 ກວ່າຄົນ: ການແກ້ໄຂ ບັນຫາ ເດັກນ້ອຍ ຂາດສານອາຫານ ຢູ່ເມືອງ ເມືອງ ພູວົງ ແຂວງ ອັດຕະປື ຍັງເປັນ ບັນຫາທ້າທາຍ ແລະ ເປັນອຸປະສັກ ຕໍ່ແຜນການ ພັດນາ ເສຖກິດ-ສັງຄົມ ໃນອະນາຄົດ ຍ້ອນວ່າ ເດັກນ້ອຍ ກຸ່ມດັ່ງກ່າວ ເປັນຊັບຍາກອນ ມະນຸດ ຂອງຊາດ, ປັດຈຸບັນ ເດັກນ້ອຍ ຜູ້ທຸກຍາກ ແລະ ປະຊາຊົນ ໂດຍທົ່ວໄປ ໃນຫລາຍບ້ານ ຍັງບໍ່ສາມາດເຂົ້າເຖິງ ລະບົບ ສາທາລະນະສຸກ ເທົ່າທີ່ຄວນ.

ອີງຕາມ ການລາຍ ງານຂອງ ທ່ານ ນາງ ມະນີວອນ ຫອມລັດສະໝີ ຫົວໜ້າ ຫ້ອງການ ສາທລະນະສຸກ ເມືອງ ພູວົງ ແຂວງ ອັດຕະປື ຢັ້ງຢືນ ຕໍ່ສື່ມວນຊົນ ຫວ່າງ ບໍ່ດົນມານີ້ ວ່າ: ເມືອງ ພູວົງ ມີເດັກນ້ອຍ ຈໍານວນຫຼາຍ ສົມຄວນຍັງຂາດ ສານອາຫານ ດ້ານໂພສະນາການ ເຊິ່ງບັນຫາ ການຂາດ ສານອາຫານ ດັ່ງກ່າວ ແມ່ນ ເປັນຜົນສະທ້ອນ ໂດຍກົງຕໍ່ການ ມີຊີວິດ ຢູ່ລອດຂອງເດັກ ເຊັ່ນ: ເດັກຈະຂາດການ ຈະເລີນເຕີບໂຕ, ເດັກຈະຂາດ ພັດທະນາການ ທາງດ້ານຮ່າງກາຍ ແລະ ມັນສະໝອງ, ເດັກຈະບໍ່ ມີສຸຂະພາບ ແຂງແຮງ, ອິດເມື່ອຍ, ພູມຕ້ານທານ ຂອງຮ່າງກາຍ ຂອງເດັກລຸດລົງ ແລະ ເຈັບປ່ວຍ ໄດ້ງ່າຍກວ່າ ປົກກະຕິ. ສຳລັບ ໃນທົ່ວເມືອງ ພູວົງ ສະຫຼຸບ ລວມເເລ້ວ ມີເດັກອາຍຸ 1-5 ປີ ທັງໝົດ 1.378 ຄົນ, ຜ່ານການ ກັ່ນຕອງ ກວດຕົວ ຈາກໜ່ວຍງານ ແມ່ ແລະ ເດັກ ຂັ້ນເມືອງ ໄດ້ທັງໝົດ 1, 437 ຄົນ ໃນນີ້ ໄດ້ພົບ ເດັກຂາດສານອາຫານຢູ່ 460 ຄົນ ເຊິ່ງຈັດຢູ່ໃນ 3 ປະເພດເຊັ່ນ: ເດັກ ຂາດສານ ອາຫານ ປະເພດເຕ້ຍ ມີ 189 ຄົນ ຫຼື ເທົ່າກັບ 13,77%; ເດັກ ຂາດສານ ອາຫານ ປະເພດຈ່ອຍ ມີ 156 ຄົນ ຫຼື ເທົ່າກັບ 11,34% ແລະ ເດັກຂາດ ສານອາຫານ ປະເພດ ນໍ້າໜັກຫຼຸດ ມາດຕາຖານມີ 115 ຄົນ ຫຼື ເທົ່າກັບ 8,35%.

ທ່ານ ນາງ ມະນີວອນ ຫອມລັດສະໝີ ເວົ້າຕື່ມອີກວ່າ: ໃນໄລຍະທີ່ຜ່ານ ມາພາກສ່ວນ ກ່ຽວຂ້ອງ ກໍ່ໄດ້ເອົາໃຈໃສ່ ເປັນພິເສດ ແຕ່ກໍ່ຫຼີກລຽງ ບໍ່ໄດ້ຍ້ອນ ຄວາມຮັບຮູ້ ຂອງພໍ່ແມ່ຜູ້ປົກຄອງ ສະນັ້ນ ໃນຕໍ່ໜ້ານີ້ ເພື່ອເຮັດໃຫ້ອັດຕາ ການຂາດ ສານອາຫານ ຂອງເດັກນ້ອຍ ດັ່ງກ່າວ ຢູ່ໃນເມືອງ ພູວົງ ໃຫ້ຫຼຸດລົງເທື່ອລະກ້າວ ແມ່ນທາງ ໜ່ວຍງານ ຮັບຜິດຊອບ ກໍ່ຄື ຫ້ອງການ ສາທາລະນະສຸກເມືອງ ຈະສືບຕໍ່ ລົງໂຄສະນາ ສຸຂະສຶກສາ ໃຫ້ຄວາມຮູ້ ແກ່ຜູ້ປົກຄອງເດັກ ເປັນຕົ້ນ ແມ່ນ ຈະໄດ້ແນະນຳ ກ່ຽວກັບ ດ້ານໂພສະນາການ ທີ່ເປັນປະໂຫຍດ ແລະ ການປຸງແຕ່ງ ອາຫານເສີມ ສຳລັບເດັກ ໃນເກນອາຍຸ ໃຫ້ຫຼາຍຂຶ້ນ, ລົງເຮັດການກວດ ກັ່ນຕອງ ຊອກຫາເດັກ ທີ່ຂາດສານອາຫານ ເພື່ອຈະໄດ້ ຕິດຕາມດ້ານ ໂພສະນາການ ຂອງເດັກ ໄດ້ທັນເວລາ, ແຈກຢາຍ ອາຫານເສີມ ໃຫ້ເດັກໃນ ເກນອາຍຸ 6 ເດືອນ-5 ປີ ເຊັ່ນ: ຝຸ່ນວິຕາມີນ ແລະ ເກືອແຮ່, ຊຸກຍູ້ ໃຫ້ພາກສ່ວນ ຂະແໜງການ ກ່ຽວຂ້ອງ ໂດຍສະເພາະ ແມ່ນ ຫ້ອງການ ກະສິກຳ-ປ່າໄມ້ເມືອງ ເອົາໃຈໃສ່ ວຽກງານ ສົ່ງເສີມການປູກ-ການລ້ຽງ ຂອງປະຊາຊົນ ເພື່ອແນໃສ່ ພໍ່ແມ່ປະຊາຊົນ ໄດ້ມີອາຫານ ດ້ານໂພສະນາການ ພຽງພໍ ພິເສດ ອາຫານ ທີ່ມີຜົນປະໂຫຍດ ສຳລັບເດັກ ທີ່ພໍ່ແມ່ ຜູ້ປົກຄອງ ຄວນເອົາໃຈ ໃສ່ຕໍ່ເດັກ ມີ 3 ປະເພດ ເຊັ່ນ: ໝວດ ໃຫ້ຮ່າງກາຍ ຈະເລີນເຕີບໂຕ ໄດ້ແກ່ ຊິ້ນງົວ, ຄວາຍ, ເປັດໄກ່, ກົບ, ຂຽດ, ປູ, ປາ; ອາຫານ    ໝວດໃຫ້ ພະລັງງານ ໄດ້ແກ່ ທາດແປ້ງ, ທາດນໍ້າມັນ ເຊັ່ນ: ເຂົ້າ, ສາລີ, ຫົວມັນຕ່າງໆ; ອາຫານ ໝວດ ເຮັດໃຫ້ ຮ່າງກາຍ ສົດໃສແຂງແຮງ ໄດ້ແກ່ ປະເພດຜັກ ໃບຂຽວ ແລະ ໝາກໄມ້ ທຸກຊະນິດ ແຕ່ສິ່ງທີ່ ຈຳເປັນທີ່ສຸດ ນອກຈາກ ອາຫານ ດັ່ງກ່າວ ນີ້ແລ້ວ ເດັກ ນ້ອຍແຕ່ ມື້ເກີດ ຈົນຮອດ 6 ເດືອນ ຕ້ອງກິນ ນົມແມ່ ຢ່າງດຽວ ເພາະນົມແມ່ ໄດ້ມີອາຫານ ທີ່ຂົບຖ້ວນພຽງ ພໍສໍາລັບ ເດັກເກີດໃໝ່.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008