banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:199
ມື້ວານນີ້:ມື້ວານນີ້:257
ອາທິດນີ້:ອາທິດນີ້:1600
ເດືອນນີ້:ເດືອນນີ້:6810
ທັງໝົດ:ທັງໝົດ:169394

Lao National Radio

radio

ແຜນທີແຂວງ ອັດຕະປື

administrative map

 

 

ຫ້ອງວ່າການ ປົກຄອງແຂວງ ເປີດຂະບວນການ ແຂ່ງຂັນຮັກຊາດ ແລະ ພັດທະນາ: ຕອນບ່າຍ ວັນທີ 2 ກຸມພາ 2015 ນີ້ ຫ້ອງວ່າການ ປົກຄອງແຂວງ ອັດຕະປື ໄດ້ຈັດພິທີ ເປີດຂະບວນການ ແຂ່ງຂັນຮັກຊາດ ແລະ ພັດທະນາ ໃນຫົວຂໍ້ 3 ດີ 4 ມີ ພິທີດັ່ງກ່າວ ໄດ້ຈັດຂື້ນ ທີ່ສະໂມສອນ ຫ້ອງວ່າການ ປົກຄອງແຂວງ ໂດຍການເປັນ ປະທານຂອງ ທ່ານ ທະນູໄຊ ບັນຊາລິດ ກຳມະການພັກແຂວງ ເລຂາຄະນະພັກ ຮາກຖານ ຫົວໜ້າ ຫ້ອງວ່າການ ປົກຄອງແຂວງ ມີຂະແໜງການ, ຫ້ອງການ ທີ່ຂື້ນກັບ ຫ້ອງວ່າການ, ຫ້ອງວ່າການ 5 ຕົວເມືອງ ພະນັກງານ ວິຊາການ ພ້ອມດ້ວຍ ແຂກຖືກເຊີນ ເຂົ້າຮ່ວມ 70 ກວ່າຄົນ ໃນພິທີ ທ່ານ ທະນູໄຊ ບັນຊາລິດ ເລຂາຄະນະພັກຮາກຖານ ຫົວໜ້າ ຫ້ອງວ່າການ ປົກຄອງແຂວງ ໄດ້ຂື້ນກ່າວ ຈຸດປະສົງ ໃນການເປີດ ບັ້ນແຂ່ງຂັນ ຮັກຊາດ ແລະ ພັດທະນາ ບັນຫາສຳຄັນ ກໍ່ແມ່ນ ເພື່ອຈັດຕັ້ງ ຜັນຂະຫຍາຍ ມະຕິຕົກລົງ ເລກທີ 01/ກມສພ, ລົງວັນທີ 7/01/2010 ວ່າດ້ວຍ ການເພີ່ມທະວີ ວຽກງານແຂ່ງຂັນ - ຍ້ອງຍໍ ໃນໄລຍະໃໝ່, ດຳລັດ ຂອງນາຍົກ ລັດຖະມົນຕີ ເລກທີ 121/ນຍ, ລົງວັນທີ 24/2/2010 ວ່າດ້ວຍການ ເພີ່ມທະວີວຽກງານ ແຂ່ງຂັນ-ຍ້ອງຍໍ ໃນໄລຍະໃໝ່, ຄຳສັ່ງແນະນຳ ຂອງກົມການເມືອງ ວ່າດ້ວຍ ການກະກຽມ ສະເຫຼີມສະຫຼອງ ສອງວັນປະຫວັນສາດ ການຜັນຂະຫຍາຍ ຄຳສັ່ງ ຂອງເຈົ້າແຂວງ ວ່າດ້ວຍການ ເປີດຂະບວນ ການແຂ່ງຂັນ ( ຮັກຊາດ ແລະ ພັດທະນາ 4 ມີ ) ດັ່ງນັ້ນ ການເປີດ ຂະບວນການ ຈັບມືແຂ່ງຂັນ ຮັກຊາດ-ພັດທະນາ ຂອງຫ້ອງວ່າການ ແຂວງຄັ້ງນີ້ ກໍ່ເພື່ອເຮັດໃຫ້ ການຈັດຕັ້ງປະຕິບັດ ຄາດໝາຍສູ້ຊົນ ທີ່ວາງອອກ ໃນແຕ່ລະໄລຍະ ໄດ້ຮັບການ ຈັດຕັ້ງປະຕິບັດ ຕິດພັນກັບການ ແຂ່ງຂັນກັນຢ່າງເປັນ ຂະບວນຟົດຟື້ນ ສົ່ງເສີມສະຕິປັນຍາ ຫົວຄິດປະດິດສ້າງ ຄວາມຮູ້ ຄວາມສາມາດ ເຂົ້າໃນໜ້າ ທີ່ວິຊາສະເພາະ ເປັນການຊຸກຍູ້ ສົ່ງເສີມໃຫ້ທຸກຄົນ ອົງການຈັດຕັ້ງ ທີ່ຂື້ນກັບຫ້ອງ ວ່າການແຂວງ ມີການພັດທະນາ ດີຂື້ນເປັນກ້າວໆ ທັງເປັນການ ສ້າງຂະບວນການ ຕ້ອນຮັບກອງ ປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ການກະກຽມ ໃຫ້ແກ່ການສ້າງ ໜ່ວຍພັກຮາກຖານ ຫ້ອງວ່າການ ປົກຄອງແຂວງ ກາຍເປັນ ໜ່ວຍພັກແຂງ ຮູ້ນຳພາຮອບດ້ານ ຈາກນັ້ນ ບັນດາ ຂະແໜງການ, ຫ້ອງການ ທີ່ຂື້ນກັບ ແລະ ຫ້ອງວ່າການ ແຕ່ລະເມືອງ ກໍ່ໄດ້ຂື້ນຜ່ານ ຂໍ້ແຂ່ງຂັນ ຂອງຕົນ ສຳລັບ ຫ້ອງວ່າການ ປົກຄອງແຂວງ ແມ່ນຮັບຮອງເອົາ ຂໍ້ແຂ່ງຂັນ 3 ດີ, 4 ມີ ຄື: 1. ເປັນເສນາ ທີການທີ່ດີ 2. ເປັນຜູ້ປະສານ ງານທີ່ດີ 3. ເປັນຜູ້ບໍລິການ ຮັບໃຊ້ທີ່ດີ, 4 ມີ 1. ມີ ຄວາມໜັກແໜ້ນ ຕໍ່ແນວທາງການເມືອງ 2. ມີ ລະບຽບວິໄນ ເຂັ້ມແຂງ ຕໍ່ການຈັດຕັ້ງ 3. ມີ ແບບແຜນການ ເຄື່ອນໄຫວວຽກ ງານສອດຄ່ອງ ກັບຍຸກສະໃໝ 4. ມີ ສຸຂະພາບແຂງແຮງ ສະອາດ ສວຍງາມ ຫລັງຈາກນັ້ນ ຕາງໜ້າແຕ່ ລະພາກສ່ວນ ກໍ່ໄດ້ຂື້ນຈັບມືກັນ ເພື່ອເປັນສັນຍາລັກ ເປີດຂະບວນການ ແຂ່ງຂັນຮັກຊາດ ແລະ ພັດທະນາ ຂອງຫ້ອງວ່າການ ຢ່າງເປັນທາງການ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008