banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:467
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3987
ເດືອນນີ້:ເດືອນນີ້:9001
ທັງໝົດ:ທັງໝົດ:207964

Lao National Radio

radio

ແຜນທີແຂວງ ອັດຕະປື

administrative map

 

 

   ກອງປະຊຸມໃຫຍ່ຄັ້ງ ທີ່ IV ຂອງຄະນະຊາວໜຸ່ມຮາກຖານຫ້ອງວ່າການແຂວງ ໄດ້ໄຂຂື້ນຢ່າງເປັນທາງການໃນຕອນບ່າຍ ຂອງວັນທີ 11 ຕຸລາ 2018 ທີ່ຫ້ອງປະຊຸມຊັ້ນ5 ຕຶກສໍານັກງານອົງການປົກຄອງແຂວງ ເຊິ່ງດໍາເນີນໄປເປັນເວລາເຄິ່ງວັນ ໂດຍພາຍໃຕ້ການເປັນປະທານຂອງສະຫາຍ ທະນູໄຊ ບັນຊາລິດ ກໍາມະການພັກແຂວງ ເລຂາຄະນະພັກ ຫົວໜ້າຫ້ອງວ່າການແຂວງ, ສະຫາຍ ລິດຄໍາ ໂຮມອິນຕາ ເລຂາຄະນະ ຊາວໜຸ່ມຮາກຖານ ຫ້ອງວ່າການແຂວງ ແລະ ສະຫາຍ ຄໍາພາສີ ເວັນມະສອນ ເລຂາຄະນະຊາວໜຸ່ມແຂວງ ພ້ອມບັນດາສະຫາຍໃນຄະນະຊາວໜຸ່ມຮາກຖານ ແລະ ສະມາຊິກຊາວໜຸ່ມເຂົ້າຮ່ວມ 44 ກວ່າສະຫາຍ ເຊິ່ງກ່ອນອື່ນຜູ້ເຂົ້າຮ່ວມໄດ້ຮັບຟັງການລາຍງານຕີລາຄາການຈັດຕັ້ງປະຕິບັດວຽກງານຮອບດ້ານ ຂອງຊາວໜຸ່ມຮາກຖານຫ້ອງວ່າການແຂວງ ໄລຍະ 5 ປີ ແລະ ທິດທາງແຜນການພາຍໃນ 5 ປີ ​ລາຍ​ງານ​ໂດຍ ສະຫາຍ ລິດຄໍາ ໂຮມອິນຕາ ເລຂາຄະນະ ຊາວໜຸ່ມຮາກຖານ ຫ້ອງວ່າການແຂວງ ເຊິ່ງກອງປະຊຸມໃຫຍ່ຄັ້ງທີ IV ຂອງຊາວໜຸ່ມຮາກຖານຫ້ອງວ່າການແຂວງ ໄດ້ດຳເນີນພາຍໃຕ້ຄຳຂວັນ “ ເພີ່ມທະວີຄວາມສາມາດນຳພາ, ຂຸດຄົ້ນເສີມຂະຫຍາຍທ່າແຮງບົ່ມຊ້ອນ, ຍາດແຍ່ງການສະໜັບສະໜູນຂອງຊາວໜຸ່ມ ແລະ ເສີມກຳລັງຂອງຊາວໜຸ່ມ ເພື່ອສ້າງບາດກ້າວບຸກທະລຸໃນຂະບວນການວຽກງານ 4 ບຸກ ຕິດພັນກັບການເປັນເສນາທິການ, ປະສານງານ ແລະ ບໍລິຫານຮັບໃຊ້ທີ່ດີ ໃຫ້ປະກົດຜົນເປັນຈິງເທື່ອລະກ້າວ ”. ກອງປະຊຸມໄດ້ດໍາເນີນໄປຢ່າງອົບອຸ່ນ ແລະ ມີເນື້ອໃນກ້ວາງຂວາງເລິກເຊິ່ງ, ບົນຈິດໃຈສາມັກຄີເອກະພາບສູງ, ຄວາມຮັບຜິດຊອບອັນເຕັມປ່ຽມ ແລະ ຄວາມເປັນຈິງ ເຊິ່ງເຫັນໄດ້ເຖິງຜົນສໍາເລັດໃນຫຼາຍດ້ານ ໃນໄລຍະ 5 ປີຜ່ານມາເປັນຕົ້ນ ວຽກງານສຶກສາອົບຮົມການເມືອງ-ແນວຄິດ ຊາວໜຸ່ມຮາກຖານຫ້ອງວ່າການແຂວງພວກເຮົາ ຍາມໃດກໍ່ໄດ້ຖືສໍາຄັນເປັນບູລິມະສິດໜຶ່ງໃນວຽກງານການ ເມືອງ-ແນວຄິດ, ປັບປຸງຕົນເອງໃຫ້ສອດຄ່ອງກັບສະພາບຄວາມເປັນຈິງໃນແຕ່ລະໄລຍະ, ເຂົ້າຮ່ວມເຊື່ອມຊຶມບັນດາມະຕິ, ຄໍາສັ່ງ, ຂໍ້ກໍານົດ ແລະ ບັນດານິຕິກຳລຸ່ມກົດໝາຍຕ່າງໆ ຂອງລັດຖະບານ, ເຂົ້າຮ່ວມຮັບຟັງການປາຖະກາຖາມູນເຊື້ອຕ່າງໆ ຂອງຊາດ, ຂອງພັກ ຕາມການຈັດຕັ້ງ ແລະ ຕາມການເຊີນຈາກພາກສ່ວນອື່ນຈັດຂຶ້ນໃນແຕ່ລະໄລຍະ ຢ່າງເປັນປົກກະຕິ. ຈາກຂະບວນການດັ່ງກ່າວຈຶ່ງເຫັນໄດ້ວ່າ ສະມາຊິກຊາວໜຸ່ມມີນໍ້າໃຈຮັກຊາດ, ມີຄຸນສົມບັດສິນທໍາປະຕິວັດ, ມີຄວາມຫ້າວຫັນໃນຂະບວນການຕ່າງໆ, ມີຄວາມຕື່ນຕົວຝຶກຝົົນຫຼໍ່ຫຼອມຕົນເອງ ສາມາດເປັນແບບຢ່າງນໍາໜ້າໃນການຈັດຕັ້ງປະຕິບັດໜ້າທີ່ວຽກງານຖືກຕ້ອງຕາມແນວທາງຂອງພັກ ແລະ ລະບຽບກົດໝາຍຂອງລັດ. ວຽກງານປັບປຸງກໍ່ສ້າງການຈັດຕັ້ງຊາວໜຸ່ມຊາວໜຸ່ມພວກເຮົາໄດ້ສ້າງທຸກເງື່ອນໄຂ ໃຫ້ສະມາຊິກຊາວໜຸ່ມໄດ້ເຂົ້າຮ່ວມຄົ້ນຄ້ວາຮ່ຳຮຽນ ເພື່ອຍົກລະດັບຄວາມຮູ້ທາງດ້ານວິຊາສະເພາະ ແລະ ທິດສະດີຂອງຕົນຫຼາຍຂຶ້ນເປັນຕົ້ນ: ມີສະມາຊິກຊາວໜຸ່ມໄປຍົກລະດັບທາງດ້ານວິຊາສະເພາະ ແລະ ທິດສະດີການເມືອງ-ການປົກຄອງລະບົບຊັ້ນກາງ, ຊັ້ນສູງ, ປະລິນຍາຕີ ແລະ ປະລິນຍາໂທ ຈໍານວນ 10 ສະຫາຍທຽບໃສ່ແຜນການລື່ນ 3 ສະຫາຍ ເທົ່າ 42,8%. ໃນນັ້ນ, ຮຽນວິຊາສະເພາະພາຍໃນແຂວງ ( ວິທະຍາໄລຄອມບິສ ) ມີ 03 ສະຫາຍ, ຍິງ 01 ສະຫາຍ, ທິດສະດີການເມືອງ-ການປົກຄອງພາຍໃນແຂວງ 01 ສະຫາຍ ແລະ ຕ່າງແຂວງ 05 ສະຫາຍ, ຕ່າງປະເທດ 01 ສະຫາຍ; ຝຶກອົບຮົມກົດໝາຍໄລຍະສັ້ນລະບົບ 45 ວັນມີ 01 ສະຫາຍ; ພ້ອມນັ້ນ, ຍັງໄດ້ຈັດສົ່ງສະມາຊິກຊາວໜຸ່ມເຂົ້າອົບຮົມພາສາອັງກິດ, ພາສາຈີນ ແລະ ພາສາຫວຽດນາມ ໄລຍະ 9 ເດືອນມີ 06ສະຫາຍ, ຍິງ 01 ສະຫາຍ.ວຽກງານຂະບວນການໄດ້ເອົາໃຈໃສ່ ຊີ້ນໍາ-ນໍາພາ ແຕ່ລະໜ່ວຍຊາວໜຸ່ມເຄື່ອນໄຫວວຽກງານຕາມການມອບໝາຍຂອງຂັ້ນເທິງ ໃນທຸກດ້ານທີ່ມີຜົນສໍາເລັດ, ເພື່ອເປັນການສ້າງຂະບວນການ, ສ້າງຜົນງານດີຂຶ້ນ ພ້ອມນີ້ຍັງມີວຽກງານດ້ານວິຊາຊີບ ແລະ ສ້າງວຽກເຮັດງານທຳ, ວຽກງານວິຊາສະເພາະ ແລະ ວຽກງານອື່ນໆກໍ່ໄດ້ຮັບຜົນເລັດເປັນທີ່ໜ້າເພິ່ງພໍໃຈເຊັນກັນ.

   ໃນຕອນທ້າຍຂອງກອງປະຊຸມໄດ້ຮັບຟັງຄໍາເຫັນໂອ້ລົມຂອງ ສະຫາຍ ທະນູໄຊ ບັນຊາລິດ ກໍາມະການພັກແຂວງ ເລຂາຄະນະພັກ ຫົວໜ້າຫ້ອງວ່າການແຂວງ ແລະ ຮັບຮອງບັນດາເນື້ອໃນຕົ້ນຕໍຂອງກອງປະຊຸມ ແລະ ໄດ້ເລືອກຕັ້ງ ເລຂາຄະນະຊາວໜຸ່ມຮາກຖານຫ້ອງວ່າການຜູ້ໃໝ່ ເຊິ່ງຜົນການເລືອກຕັ້ງໄດ້ເຫັນດີເປັນເອກະພາບ ຮັບຮອງເອົາສະຫາຍ ເພັດຈິນດາ ແກ້ວຫຼວງໂຄດ ເປັນເລຂາຄະນະຊາວໜຸ່ມຮາກຖານ ຫ້ອງວ່າການແຂວງຜູ້ໃໝ່ ແທນ ສະຫາຍ ລິດຄໍາ ໂຮມອິນຕາ ເລຂາຄະນະ ຊາວໜຸ່ມຮາກຖານ ຫ້ອງວ່າການແຂວງ ຜູ້ເກົ່າ ແລະ ມີຄະນະຊາວໜຸ່ມຮາກຖານຫ້ອງວ່າການແຂວງ ສະໄໝທີ່ IV ຜູ້ໃໝ່ທັງໝົດ 5 ສະຫາຍ ເພື່ອເປັນແກ່ນສານນໍາພາທົ່ວຊາວໜຸ່ມຮາກຖານຫ້ອງວ່າການແຂວງ ໃຫ້ມີຜົນສໍາເລັດໃໝ່ ແລະ ສ້າງບາດກ້າວບຸກທະລຸໃນການຊີ້ນໍາວຽກງານ 4 ບຸກຕໍ່ໄປ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008