banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:90
ມື້ວານນີ້:ມື້ວານນີ້:419
ອາທິດນີ້:ອາທິດນີ້:397
ເດືອນນີ້:ເດືອນນີ້:9606
ທັງໝົດ:ທັງໝົດ:195060

Lao National Radio

radio

ແຜນທີແຂວງ ອັດຕະປື

administrative map

 

 

    ຕອນເຊົ້າ ຂອງວັນທີ 14 ກັນຍາ 2018 ທີ່ ສໍານັກງານ ອົງການປົກຄອງ ແຂວງອັດຕະປື ຫ້ອງປະຊຸມຊັ້ນ 5, ຫ້ອງວ່າການແຂວງ ໄດ້ ຈັດພິທີ ສະຫຼຸບ ການເຄື່ອນ ໄຫວວຽກງານ 6 ເດືອນ ຕົ້ນປີ ແລະ ທິດທາງ ແຜນການ 6 ເດືອນ ທ້າຍປີ2018. ໃຫ້ກຽດການ ເປັນປະທານ ໃນພິທີດັ່ງກ່າວ ໂດຍແມ່ນທ່ານ ທະນູໄຊ ບັນຊາລິດ ກໍາມະການ ພັກແຂວງ ເລຂາຄະນະ ພັກຮາກຖານ ຫົວໜ້າ ຫ້ອງວ່າການແຂວງ , ມີບັນດາ ຄະນະ ພັກຮາກຖານ ຄະນະ ຫ້ອງວ່າການ, ພະນັກງານ ລັດຖະກອນ ພາຍໃນ ຫ້ອງວ່າການ ແລະ ແຂກຖືກເຊີນເຂົ້າຮ່ວມ 60 ກວ່າສະຫາຍ.

    ໃນພິທີ ດັງກ່າວ ທ່ານ ຄໍາມ່ວນ ຄູນມາລາ ຄະນະ ພັກຮາກຖານ ຮອງຫົວໜ້າ ຫ້ອງວ່າການແຂວງ ໄດ້ຂື້ນ ລາຍງານ ຜົນ ການເຄື່ອນ ໄວວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2018. ຜົນການເຄື່ອນ ໄວຈັດຕັ້ງ ປະຕິບັດ ວຽກງານ 6 ເດືອນ ຕົ້ນປີ ຜ່ານມາ ແມ່ນມີຫຼາຍ ວຽກງານ ໄດ້ຮັບ ຜົນສຳເລັດ ແລະ ພົ້ນເດັ່ນ ເປັນຕົ້ນ ວຽກງານ ການເມືອງ-ນຳພາແນວຄິດ ແມ່ນໄດ້ ເອົາໃຈໃສ່ ຊີ້ນຳ-ນຳພາ ຖັນແຖວ ພະນັກງານ ລັດຖະກອນ ໄດ້ຫຼາຍ ຮູບແບບ, ຫຼາຍວິທີການ , ປຸກລະດົມ ພະນັກງານລັດຖະກອນ ເຂົ້າຮ່ວມ ຮັບຟັງ ປາຖະກາຖາ ເລົ່າມູນເຊື້ອ ວັນປະຫວັດສາດ ຂອງຊາດ, ເຊື່ອມຊຶມ ມະຕິ ຄຳສັ່ງ ຂອງພັກ, ລະບຽບ ກົດໝາຍຂອງລັດ ແລະ ບັນດາ ເອກະສານຕ່າໆ ທັງໝົດ ພາຍໃນ 6 ເດືອນ ຕົ້ນປີໄດ້ 4 ຄັ້ງ, ມີ 16 ເອກະສານ, ມີຜູ້ເຂົ້າຮ່ວມ 180 ເທື່ອຄົນ; ດ້ານກົງຈັກ ການຈັດຕັ້ງ ແບບແຜນວີທີນໍາ ແລະ ເຮັດວຽກ ກໍ່ໄດ້ ມີຄວາມເອົາໃຈໃສ່ ຊີ້ນໍາ-ນໍາພາ ແລະ ຍົກສູງ ພາລະ ບົດບາດສິດ ແລະ ໜ້າທີ່ ກໍ່ຄື ລະບຽບການ ຈັດຕັ້ງຢ່າງ ເຂັ້ມງວດ, ຄົ້ນຄວ້າ ນະໂຍບາຍ ຕໍ່ພະນັກງານ ທີ່ມີ ຄວາມຫ້າວຫັນ ໃນການ ຈັດຕັ້ງ ປະຕິບັດວຽກງານ ດ້ວຍຫຼາຍຮູບການ, ການປະຕິບັດໜ້າ ທີ່ວຽກງານ ຂອງແຕ່ລະ ຂະແໜງການ ແລະ ຫ້ອງການ ທີ່ສັງກັດ ແມ່ນປະຕິບັດຕາມ ຫຼັກການ ລວມສູນ ປະຊາທິປະໄຕ. ພ້ອມ ກັນນັ້ນ ໄດ້ເອົາໃຈໃສ່ ປະກອບສ່ວນ ຈັດຕັ້ງປະຕິບັດ ວຽກງານປ້ອງກັນຊາດ-ປ້ອງກັນ ຄວາມສະຫງົບ ແຕ່ລະ ສະຫາຍ ມີຄວາມສາມັກຄີ ຮັກແພງເຊິ່ງກັນ ແລະ ກັນ, ດໍາລົງ ຊີວິດດ້ວຍຄວາມ ສັດຊື່ບໍລິສຸດ ປອດໃສ ຂາວສະອາດ ເຮັດໃຫ້ ສະພາບ ພາຍໃນ ຫ້ອງວ່າການແຂວງ ມີຄວາມສະຫງົບ ແລະ ເປັນລະບຽບ ຮຽດຮ້ອຍ. ດ້ານວຽກງານ ວິຊາ ສະເພາະແຕ່ ລະຂະ ແໜງການ ກໍ່ໄດ້ເອົາໃຈໃສ່, ມີຄວາມຫ້າວຫັນ ຈັດຕັ້ງປະຕິບັດ ວຽກງານ ຂອງຕົນ ໄດ້ເປັນຢ່າງດີ ແລະ ມີ ປະສິດທິຜົນ ປະຕິບັດຕາມ ທິດ ນໍາທີ່ວ່າ: ເປັນເສນາທິການທີ່ດີ, ເປັນຜູ້ ປະສານງານທີ່ດີ ແລະ ບໍລິການທີ່ດີ ອັນໄດ້ ສ້າງເງື່ອນໄຂ ອໍານວຍຄວາມສະດວກ ໃຫ້ແກ່ການນໍາເພື່ອຕັດສິນ, ແກ້ໄຂ ບັນຫາຕ່າງໆ ໄດ້ຢ່າງຖືກຕ້ອງ, ສອດຄ່ອງ, ມີປະສິດທິຜົນ ແລະ ຮັບຜົນສໍາເລັດ. ຄຽງຄູ່ກັບ ຜົນສໍາເລັດ ດັ່ງກ່າວກໍ່ຍັງມີ ຂໍ້ຄົງຄ້າງ ທີ່ຈະຕ້ອງ ສືບຕໍ່ແກ້ໄຂ ແລະ ວາງ ທິດທາງ ຄາດໝາຍ ສູ້ຊົນ ໃຫ້ພະນັກງາ ນລັດຖະກອນ ມີທັດສະນະ ຫຼັກໝັ້ນ ຊົນຊັ້ນປະຕິວັດດີ, ມີຄຸນທາດ ການເມືອງ ໜັກແໜ້ນ, ມີຄຸນສົມບັດ ສິນທໍາປະຕິວັດ, ມີນໍ້າໃຈ ເສຍສະຫຼະ, ຮັບໃຊ້ຊາດ ຮັບໃຊ້ ປະຊາຊົນ ຢ່າງສຸດກົກ ສຸດປາຍ ດ້ວຍຄວາມ ຈິງໃຈ ມີສະ ຕິຕືນຕົວສູງ ຕໍ່ການເຄົາລົບ ລະບຽບກົດໝາຍ ແລະ ເຄົາລົບນັບຖື ການຈັດຕັ້ງ. ສູ້ຊົນຍົກສູງ ປະສິດທິພາບ ແລະ ປະສິດທິຜົນ ໃນການ ເຮັດວຽກງານຂອງແຕ່ລະຂະແໜງ ການໃຫ້ສູງຂື້ນ, ປັບປຸງແບບແຜນ ວິທີເຮັດວຽກ ຂອງຄະນະ ບັນດາ ຂະແໜງການຕ່າງໆ ໃຫ້ຄ່ອງຕົວ ແລະ ເຂັ້ມງວດ ກວ່າເກົ່າ ຕິດພັນ ກັບການ ບໍາລຸງສ້າງ ພະນັກງານ-ລັດຖະກອນ ໃຫ້ມຄວາມຮູ້ ຄວາມສາມາດ ແລະ ປະສົບການ ຫຼາຍຂື້ນ. ປັບປຸງ ວຽກງານ ກວດກາ ໃຫ້ມີການ ເຄື່ອໄຫວ ຢ່າງເປັນປົກກະຕິ, ສະກັດກັ້ນ ແລະ ແກ້ໄຂ ໃຫ້ໄດ້ຢ່າງ ທັນການ.

 

    ຈາກນັ້ນ ຜູ້ເຂົ້າຮ່ວມ ກອງປະຊຸມ ໄດ້ປະກອບ ຄໍາເຫັນ ໃສ່ຮ່າງ ບົດລາຍງານ ທິດທາງແຜນການ ໃນຕໍ່ໜ້າ ເພື່ອໃຫ້ຮ່າງ ແຜນປະຕິບັດງານ 6 ເດືອນ ທ້າຍປີ2018 ຕໍ່ໜ້າ ນີ້ມີຄວາມສົມບູນ ແລະ ສາມາດ ນໍາໄປ ຜັນຂະຫຍາຍ ຈັດຕັ້ງ ປະຕິບັດໄດ້. ເພື່ອເປັນການ ຢັ້ງຢືນ ຕໍ່ຜົນງານ ທີ່ຍາດມາໄດ້ ໃນໄລຍະ ຜ່ານມາ ໂອກາດດັ່ງກ່າວ ທ່ານ ສຸລິສັກ ເດດພະຈັນ ຄະນະພັກຮາກຖານ ຮອງຫົວໜ້າ ຫ້ອງວ່າການແຂວງ ໄດ້ຂື້ນຜ່ານ ຂໍ້ຕົກລົງ ຂອງເຈົ້າແຂວງ ວ່າດ້ວຍ ມອບໃບຍ້ອງຍໍ ສັນລະເສີນ ໃຫ້ແກ່ບຸກຄົນ ແລະ ກຸມກອງດີ ເດັ່ນໃນການ ຈັດຕັ້ງ ປະຕິບັດວຽກງານ ປະຈໍາປີ 2016-2017 ລວມ 58 ທ່ານ ແລະ 1 ກົມກອງ ໃນນີ້ໄດ້ຮັບຍ້ອງຍໍ 5 ທ່ານ ແລະ 1 ກົມກອງ; ຊົມເຊີນ 53 ທ່ານ ຍິງ 13 ທ່ານ. ພ້ອມທັງ ຜ່ານມະຕິຕົກລົງ ຂອງເຈົ້າແຂວງ ວ່າດ້ວຍການ ໃຫ້ພະນັກງານ ພັກວຽກເຂົ້າຮັບກິນເບ້ຍບໍານານ ສອງທ່ານທີ່ເຄີຍ ເປັນອະດີດ ຄະນະຫ້ອງ ວ່າການແຂວງ ອັດ ຕະປືຄື: ທ່ານ ດຣ ບຸນເປັນ ສັງສົມສັກ ແລະ ທ່ານ ວົງໄຊ ໃສແສງຈັນ.

 

    ໂອກາດດັ່ງກ່າວ ທ່ານ ຫົວໜ້າ ຫ້ອງວ່າການແຂວງ ທັງເປັນປະທານກອງປະຊຸມ ໄດ້ໃຫ້ກຽດ ມີຄໍາເຫັນໂອ້ລົມ ເຊິ່ງກ່ອນອື່ນ ທ່ານກໍ່ໄດ້ຍ້ອງຍໍ ຊົມເຊີຍ ຕໍ່ຜູ້ທີ່ມີຜົນງານໃນການຈັດຕັ້ງ ປະຕິບັດ ໜ້າວຽກ 6 ເດືອນຕົ້ນປີຜ່ານມາ ເຊິ່ງພະນັກງານການນໍາ ແລະ ບັນດາພະນັກງານ ລັດຖະກອນ ພາຍໃນຫ້ອງວ່າການ ຂອງພວກເຮົາ ໄດ້ມີຄວາມເອົາໃຈ  ໃສ່ຢ່າງ ຕັ້ງໜ້າ, ໄດ້ສຸມໃສ່ສະຕິປັນຍາ, ກໍາກາຍກໍາລັງລັງໃຈ ຢ່າງຈິງຈັງ, ມີຄວາມດຸໝັ່ນ ຂະຫຍັນພຽນ ຫ້າວຫັນ ຕໍ່ໜ້າທີ່ວຽກງານ, ປະຕິບັດແນວທາງ ນະໂຍບາຍ, ລະບຽບກົດໝາຍຢ່າງເຂັ້ມງວດ, ມີຄວາມສາມັກຄີ ພາຍໃນ ແລະ ພາຍນອກ ເຫັນໄດ້ຢ່າງຊັດເຈນ ຕໍ່ກັບການເຄື່ອນໄຫວ ດັ່ງກ່າວ ເຊິ່ງເຮັດໃຫ້ວຽກ ງານພາຍໃນ ຫ້ອງວ່າການ ໄດ້ຮັບ  ຜົນສໍາເລັດ ຢ່າງທີ່ໜ້າເພິງພໍໃຈ. ພ້ອມນັ້ນ ທ່ານຍັງໄດ້ຮຽກຮ້ອງ ໃຫ້ພະນັກງານ ລັດຖະກອນພາຍໃນ ຫ້ອງວ່າການແຂວງ ສືບຕໍ່ເສີມ ຂະຫຍາຍຈຸດດີ ແລະ ແກ້ໄຂຈຸດອອ່ນ ທີ່ຍັງຄົງຄ້າງ ແລະ ສືບຕໍ່ ມີຄວາມສາມັກຄີພາຍໃນ ເປັນເອກະພາບ, ປະຕິບັດໜ້າ ທີ່ວຽກງານທີ່ພັກ-ລັດມອບໝາຍ ໃຫ້ສໍາເລັດຜົນ ເປັນຢ່າງດີ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008