banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:90
ມື້ວານນີ້:ມື້ວານນີ້:419
ອາທິດນີ້:ອາທິດນີ້:397
ເດືອນນີ້:ເດືອນນີ້:9606
ທັງໝົດ:ທັງໝົດ:195060

Lao National Radio

radio

ແຜນທີແຂວງ ອັດຕະປື

administrative map

 

 

ຫ້ອງວ່າການ ແຂວງອັດຕະປື ສະຫຼຸບວຽກງານປະຈຳປີ ໃນວັນທີ 5 ຕຸລາ 2016 ຜ່ານມາ ຫ້ອງວ່າການແຂວງອັດຕະປື ໄດ້ຈັດກອງປະຊຸມ ສະຫຼຸບວຽກງານປະຈຳ ສົກປີ 2015-2016 ໂດຍການເປັນ ປະທານຂອງ ທ່ານ ທະນູໄຊ ບັນຊາລິດ ກໍາມະການພັກແຂວງ ເລຂາຄະນະພັກຮາກຖານ, ຫົວໜ້າຫ້ອງວ່າການແຂວງ, ໃຫ້ກຽດເຂົ້າຮ່ວມ ມີ ທ່ານ ປອ ນາມ ວິຍະເກດ ກຳມະການສູນກາງພັກ ເລຂາພັກແຂວງ ເຈົ້າແຂວງ, ມີຮອງເຈົ້າແຂວງ, ຫົວໜ້າຫ້ອງການ ທີ່ສັງກັດ, ຫົວໜ້າ ຂະແໜງ-ຮອງຂະແໜງ ແລະ ພະນັກງານ-ລັດຖະກອນ ເຂົ້າຮ່ວມ ຢ່າງພ້ອມພຽງ. ໃນວາລະດຳເນີນ ກອງປະຊຸມ ທ່ານ ບຸນເປັນ ສັງສົມສັກ ຄະນະຫ້ອງວ່າການແຂວງ ໄດ້ເປັນກຽດຂຶ້ນ ຜ່ານບົດສະຫຼຸບຜົນງານການ ເຄື່ອນໄຫວໃນໜື່ງປີ ຜ່ານມາ ເຊິ່ງທ່ານ ໄດ້ຕີລາຄາຄືນ ການຈັດຕັ້ງປະຕິບັດ ໜ້າທີ່ວຽກງານ ເປັນຕົ້ນແມ່ນ ການເຮັດໜ້າທີ່ ພາລະບົດບາດ ເປັນເສນາທິການ ແກ່ການນຳຂອງແຂວງ ຕາມທິດນຳທີ່ວ່າ: ເປັນເສນາທິການ ທີ່ດີ, ເປັນຜູ້ປະສານງານ ທີ່ດີ, ເປັນຜູ້ບໍລິຫານ ແລະ ບໍລິການທີ່ດີ; ຜ່ານການຈັດຕັ້ງ ປະຕິບັດຕົວຈິງ ເຫັນວ່າມີຫຼາຍດ້ານ ທີ່ພົ້ນເດັ່ນ ໂດຍສະເພາະ ແມ່ນການສ້າງ ແຜນການ, ແຜນດຳເນີນງານ, ຄົ້ນຄ້ວາສັງລວມ ຄຸມຄອງເອກະສານ ກວດກາປະເມີນຜົນ, ວິເຄາະ, ວິໃຈ ບັນຫາຕ່າງໆ ໃຫ້ແກ່ການນຳ ອັນໄດ້ສ້າງເງື່ຶອນໄຂ ອຳນວຍຄວາມສະດວກ ໃຫ້ແກ່ການຕັດສີນໃຈ ຂອງການນຳ ໃນການ ແກ້ໄຂບັນ ຫາຕ່າງໆ ຢ່າງສອດຄ່ອງ ແລະ ຖືກຕ້ອງຕາມແນວທາງ ນະໂຍບາຍ, ລະບຽບກົດໝາຍ ເຮັດໃຫ້ການຊີ້ນຳໆພາ ການສ້າງ ສາພັດທະນາ ເສດຖະກິດ-ສັງຄົມ ແຂວງອັດຕະປື ຈະເລີນເຕີບໂຕ ໃນອັດຕາສະເລ່ຍ ແບບກ້າວກະໂດດ ແລະ ບັນລຸຕາມ ເປົ້າໝາຍທີ່ວາງໄວ້.

ຕໍ່ຜົນສຳເລັດດັ່ງກ່າວ ຍ້ອນວ່າເວລາໃດ ກໍ່ໄດ້ຮັບການຊີ້ນຳ ຢ່າງໄກ້ຊິດ ຈາກຄະນະນຳຂັ້ນແຂວງ, ຄະນະນຳ ຫ້ອງວ່າການ ຕະຫຼອດຮອດ ພະນັກງານ, ລັດຖະກອນ ມີຄວາມຮູ້, ຄວາມສາມາດ ມີແນວຄິດປະດິດສ້າງ, ມີຄວາມສາມັກຄີ ເປັນເອກະພາບ ເຮັດໃຫ້ການ ຈັດຕັ້ງມີຄວາມ ໜັກແໜ້ນ ສາມາດຫັນແນວທາງ ນະໂຍບາຍລວມ ຂອງພັກ ມາເປັນແຜນງານ ໂຄງການ ດຳເນີນງານ ຂອງແຕ່ລະ ຂະແໜງການ ເພື່ອນຳພາ ຈັດຕັ້ງປະຕິບັດ ຢ່າງເປັນລະບົບ ມີການຕິດຕາມ ກວດກາ ສະຫຼຸບຖອດ ຖອນບົດຮຽນ ແລະ ປັບປຸງ, ກໍ່ສ້າງ ເຊື່ອມຊືມ ເປັນແຕ່ລະໄລຍະ ເພື່ອເຮັດຫຼ້ອນໜ້າທີ່ ໃນການເປັນເສນາທິການ ໃຫ້ການນຳຂອງແຂວງ. ຄຽງຄູ່ກັບຜົນງານ ດັ່ງກ່າວ ຫ້ອງວ່າການແຂວງ ຍັງມີຈຸດອ່ອນ ທີ່ຈະຕ້ອງໄດ້ ປັບປຸງແກ້ໄຂ ເປັນຕົ້ນ: 1 ແບບແຜນວິທີເຮັດວຽກ ຂອງຄະນະຫ້ອງວ່າການ, ຫ້ອງການ ແລະ ຂະແໜງການ ຈຳນວນໜຶ່ງ ຍັງບໍ່ສອດຄ່ອງ ກັບສະພາບຕົວຈິງ ຂອງກົມກອງ. 2 ການເກັບກຳສະພາບ ການລາຍງານ ຕໍ່ຂັ້ນເທິງຍັງ ບໍ່ໜັກແໜ້ນ ເຮັດໃຫ້ການຊີ້ນຳ ແກ້ໄຂບັນຫາຕ່າງໆ ບໍ່ແທດເໝາະ ກັບຕົວຈິງ. ແລະ ອື່ນໆ. ສ່ວນທິດທາງ ໃນສົກປີ 2016-2017 ທາງຫ້ອງ ວ່າການແຂວງ ຈະສຸມໃສ່ ສູ້ຊົນເຮັດໃຫ້ ພະນັກງານ, ລັດຖະກອນ ຍົກສູງຄວາມຮູ້ ທາງດ້ານການເມືອງ ຄຸນສົມບັດ ສິນທຳປະຕິວັດ ມີທັດສະນະຫຼັກໝັ້ນ, ຊົນຊັ້ນປະຕິວັດ ໄປພ້ອມໆ ກັບການປະຕິບັດໜ້າທີ່ ວຽກງານ ໃຫ້ມີປະສິທິພາບ, ປະສິດທິຜົນ ຂອງແຕ່ລະຂະແໜງ ການໃຫ້ສູງຂື້ນ ໂດຍມີການກວດກາ ຢ່າງເປັນປົກກະຕິ ແລະ ແກ້ໄຂສະພາບການຕ່າງໆ ໃຫ້ທັນເວລາ. ຖືໂອກາດສຳຄັນສະຫຼຸບ ວຽກງານປະຈຳປີ ທ່ານ ວົງໄຊ ມະນີວົງ ຄະນະຫ້ອງວ່າການແຂວງ ໄດ້ຂື້ນຜ່ານຂໍ້ຕົກລົງ ຂອງເຈົ້າແຂວງ ວ່າດ້ວຍການຍົກຍ້າຍ ແລະ ແຕ່ງຕັ້ງຫົວ ໜ້າຂະແໜງ ແລະ ຮອງຂະແໜງ ພາຍໃນຫ້ອງວ່າການ ໃນນີ້ ໄດ້ຍົກຍ້າຍ ທ່ານ ດາວັນ ຫຼວງອາໄພ ຫົວໜ້າຂະແໜງ ສັງລວມພັກ ຜູ້ເກົ່າ ໄປເປັນຫົວໜ້າ ບໍລິຫານການເງິນ ແລະຈັດຕັ້ງ ຜູ້ໃໝ່, ແຕ່ງຕັ້ງ ທ່ານ ລິດຄຳ ໂຮມອິນຕາ ຮອງຂະແໜງເລຂານຸການ ໄປເປັນຫົວໜ້າຂະແໜງ ສັງລວມພັກ ຜູ້ໃໝ່ ແລະ ແຕ່ງຕັ້ງ ທ່ານ ວິສິດ ບຸດດາວົງ ເປັນຮອງຂະແໜງ ສັງລວມພັກ, ແຕ່ງຕັ້ງທ່ານ ອຸດທະລີ ສິງທຳມະວົງ ວ່າການຫົວໜ້າຂະແໜງ ເລຂານຸການ-ໄອທີ ຂື້ນເປັນຫົວໜ້າ ຂະແໜງເລຂານຸການ-ໄອທີ ຜູ້ໃໝ່ ແລະ ແຕ່ງຕັ້ງທ່ານ ວິລະກອນ ຈັນທະນູ ເປັນຮອງຂະແໜງເລຂາ. ຈາກນັ້ນ, ກອງປະຊຸມຄັ້ງນີ້ ແຕ່ລະຂະແໜງການ, ຫ້ອງການທີ່ຂື້ນກັບ ຍັງໄດ້ຂື້ນຜ່ານບົດປະເມີນ ການຈັດຕັ້ງປະຕິບັດ ຂໍ້ແຂ່ງຂັນຮັກຊາດ ແລະ ພັດທະນາ ໃນຫົວຂໍ້ 3 ດີ 4 ມີ ຕາມທີ່ໄດ້ຈັບມືກັນ ແຂ່ງຂັນໃນປີ ຜ່ານມາ, ຜ່ານການຈັດຕັງປະຕິບັດຕົວ ຈິງເຫັນວ່າ ຍັງບໍສາມາດປະເມີນ ໄດ້ຊັດເຈນ ເພາະບໍ່ມີຕົວຊີ້ວັດ ທີ່ເປັນຮູບປະທຳໄດ້ ແລະ ບໍ່ມີມາດຖານ ໃດມາເປັນບ່ອນອີງ ຈື່ງເຮັດໃຫ້ການປະເມີນ ວຽກງານດັ່ງກ່າວ ຍັງບໍ່ຖືກຕ້ອງ ກັບຄວາມເປັນຈິງ ເຊິ່ງກອງປະຊຸມສະຫຼຸບ ວຽກງານ ປະຈຳປີ ຄັ້ງນີ້ດຳເນີນໄປ ເປັນເວລານື່ງຄາບ ກໍ່ໄດ້ສຳເລັດລົງ ຢ່າງຈົບງາມ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008