banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:246
ມື້ວານນີ້:ມື້ວານນີ້:394
ອາທິດນີ້:ອາທິດນີ້:947
ເດືອນນີ້:ເດືອນນີ້:10156
ທັງໝົດ:ທັງໝົດ:195610

Lao National Radio

radio

ແຜນທີແຂວງ ອັດຕະປື

administrative map

 

 

ກຳມະບານຮາກຖານ ຫ້ອງວ່າການແຂວງ ສຳເລັດກອງປະຊຸມໃຫຍ່ ຄັ້ງທີ IV: ກອງປະຊຸມໃຫຍ່ ຄັ້ງທີ IV ຂອງໜ່ວຍກຳມະບານ ຮາກຖານ ຫ້ອງວ່າການ ປົກຄອງແຂວງ ໄດ້ດຳເນີນ ຢ່າງເປັນທາງການ ໃນມື້ ວັນທີ 30 ຕຸລາ 2015 ທີ່ສະໂມສອນ ຫ້ອງວ່າການ ໂດຍການເປັນ ປະທານຂອງ ທ່ານ ອຸດົມໄຊ ວົງຊາລະຊີິດ ປະທານ ກຳມະບານ ຮາກຖານ ຫ້ອງວ່າການແຂວງ; ເປັນກຽດເຂົ້າຮ່ວມ ໃນກອງປະຊຸມ ຄັ້ງນີ້ ມີທ່ານ ພົງສະຫວັນ ພົມມະວົງ ຮອງປະທານ ສະຫະພັນ ກຳມະບານແຂວງ, ທ່ານ ວົງໄຊ ມະນີວົງ ຄະນະພັກຮາກຖານ ຮອງຫົວໜ້າ ຫ້ອງວ່າການ ປົກຄອງແຂວງ ພ້ອມດ້ວຍ ສຳມະຊິກກຳມະບານ ພາຍໃນໜ່ວຍ ແລະ ແຂກຖືກເຊີນ ເຂົ້າຮ່ວມ ທັງໝົດ 65 ສະຫາຍ. ໃນພິທີທ່ານ ທ່ານ ໂກ໋ຍ ວໍວົງຈິດ ຄະນະໜ່ວຍ ກຳມະບານຮາກຖານ ຫ້ອງວ່າການແຂວງ ໄດ້ຂື້ນຜ່ານ ບົດສະຫຼຸບ ການຈັດຕັ້ງປະຕິບັດ ວຽກງານກຳມະບານ ຂອງຫ້ອງ ວ່າການແຂວງ ໄລຍະ 2 ປີຜ່ານມາ ຄືແຕ່ ປີ 2013-2015 ໃນນີ້ ໄດ້ຖືເອົາການ ສືກສາອົບຮົມການເມືອງ ແນວຄິດໃຫ້ສຳມະຊິກ ກຳມະບານ ພາຍໃນໜ່ວຍ ເປັນບັນຫາ ສຳຄັນ ມີການຈັດຕັ້ງ ຝືກອົບຮົມ, ຍົກລະດັບ ທາງດ້ານທິດສະດີ ການເມືອງ, ຮໍ່າຮຽນແນວທາງ ນະໂຍບາຍຂອງພັກ, ຂອງແຂວງ ແລະ ແຜນຍຸດທະສາດ ວຽກງານກຳມະບານ ກົດໝາຍ ກຳມະບານ, ກົດໝາຍ ແຮງງານ, ເນື້ອໃນ ຂໍ້ແຂ່ງຂັນ 2 ດີ 5 ເປັນເຈົ້າ ຕະຫຼອດຮອດ ການຈັດຕັ້ງ ປະຕິບັດວຽກງານ ວິຊາສະເພາະ. ນອກຈາກນັ້ນ ຍັງໄດ້ເຂົ້າຮ່ວມ ທຸກການເຄື່ອນໄຫວ ໃນວັນສໍາຄັນຕ່າງໆ ຂອງຊາດ ແລະ ຂອງແຂວງ ລວມທັງໝົດ 45 ຄັ້ງ, ມີຜູ້ເຂົ້າຮ່ວມ 450 ຄົນ, ລົງໂຄສະນາ ເຄື່ອນທີ່ວຽກ ງານກຳມະບານ ແລະ ລົງຢ້ຽມຢາມ ບັນດາໂຮງງານ, ຟາມລ້ຽງສັດ ຕ່າງໆ ມີ 7 ຄັ້ງ ມີຜູ້ເຂົ້າຮ່ວມ 45 ຄົນ. ຕໍ່ການນຳພາ ຂອງໜ່ວຍໄລຍະ ສອງປີຜ່ານມາ ໄດ້ເຮັດໃຫ້ສຳມະຊີກ ແຕ່ລະສະຫາຍ ມີຄວາມເຊື່ອໝັ້ນ ປະກອບສ່ວນຕັ້ງໜ້າ ປະຕີບັດວຽກງານວິຊາສະເພາະ ຂອງຕົນດວ້ຍຄວາມ ຮັບຜິດຊອບສູງ ແລະ ມີຜົນສຳເລັດ ສະແດງອອກ ໄດ້ຮັບໃບຍ້ອງຍໍ ຈາກສະຫາພັນ ກຳມະບານແຂວງ ມີ 56 ສະຫາຍ, ຍິງ 24 ສະຫາຍ, ໃບຊົມເຊີຍ 25 ສະຫາຍ ຍິງ 14 ສະຫາຍ.

ສ່ວນທິດທາງ ໃນຕໍ່ໜ້າ ທາງໜ່ວຍຈະສີບຕໍ່ ເພີ່ທະວີການ ສືກສາອົບຮົມການ ເມືອງແນວຄິດ ໄປພ້ອມໆ ກັບການປັບປຸງ ຂະຫຍາຍສຳມະຊິກ ກຳມະບານ ໃຫ້ເຕີບໃຫຍ່ເຂັ້ມແຂງ, ຍົກສູງສະຕິປັນຍາ ຄວາມຮູ້ ຄວາມສາມາດ, ສ້າງຂະບວນການ ແຂ່ງຂັນ 2 ດີ 5 ເປັນເຈົ້າ ກໍ່ຄືການສົ່ງເສີມ ເຂົ້າຮ່ວມກອງທືນ ຊ່ວຍເຫຼືອເຊິ່ງກັນ ແລະ ກັນ. ໜ່ວຍກຳມະບານ ຮາກຖານ ຫ້ອງວ່າການ ປົກຄອງແຂວງ ປະກອບມີຫ້າ ຫ້ອງການທີ່ຂື້ນກັບ, ມີສຳມະຊິກ ທັງໝົດ 88 ສະຫາຍ, ຍິງ 4 ສະຫາຍ. ໃນກອງປະຊຸມ ຄັ້ງນີ້ ຍັງໄດ້ມີການປ່ອນບັດ ເລືອກຕັ້ງເອົາ ຄະນະກໍາມະບານຮາກຖານ ຫ້ອງວ່າການຊຸດໃໝ່ ເຊິ່ງມີຜູ້ສະໝັກ 7 ສະຫາຍ, ຍິງ 2 ສະຫາຍ ເລືອກເອົາ 5 ສະຫາຍ ເຊິ່ງໄດ້ ຕາມລະດັບ ຄາດໝາຍ ທີ່ປະຊຸມໄດ້ເອກະພາບ ເລືອກເອົາ ສະຫາຍ ອຸດົມໄຊ ວົງຊາລະຊິດ ເປັນປະທານກຳມະບານ ຮາກຖານ ຫ້ອງວ່າການອີກ ໜຶງສະໄໝ, ສະຫາຍ ອຸດທະລີ ສິງທຳມະວົງ, ສະຫາຍ ໂດແສງດາ ພິຈິດ, ສະຫາຍ ຄຳລຽນ ແສງກະເລົາ, ສະຫາຍ ນາງ ພິມພອນ ກອງບົວຄຳ ເປັນຄະນະ. ຈາກນັ້ນ ໃນຕອນທ້າຍ ຂອງພິທີ ທ່ານ ພົງສະຫວັນ ພົມມະວົງ ແລະ ທ່ານ ວົງໄຊ ມະນີວົງ ປະທານທີ່ປະຊຸມ ໄດ້ຜັດປ່ຽນກັນ ມີຄຳເຫັນໂອ້ລົມ ບັນຫາສຳຄັນ ທ່ານໄດ້ຮຽກຮ້ອງ ໃຫ້ຄະນະກຳມະບານ ຫ້ອງວ່າການຊຸດ ໃໝ່ ເອົາໃຈໃສ່ ໃນການນຳພາ, ສືກສາອົບຮົມ ການເມືອງແນວຄິດ ສຳມະຊິກກຳມະບານ ໃຫ້ມີຄວາມໜັກແໜ້ນ, ເປັນແບບຢ່າງທີ່ດີ, ເພື່ອເປັນກຳລັງແຮງ ແກ່ຄະນະພັກ, ພ້ອມທັງ ຖືສຳຄັນ ຂະບວນການ 2 ດີ 5 ເປັນເຈົ້າ ໄປພ້ອມໆ ກັບການສົ່ງເສີມ ວຽກງານວິຊາສະເພາະ ສ້າງພະນັກງານ ໃຫ້ສາມາດສືບທອດ, ປ່ຽນແທນກັນໄດ້ ໃນແຕ່ລະໄລຍະ ເຮັດໃຫ້ອົງການ ຈັດຕັ້ງກຳມະບານ ມີຄວາມເຂັ້ມແຂງ ສົມກັບເປັນທີ່ໄວ້ວາງໃຈ ຂອງພັກ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008