banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:91
ມື້ວານນີ້:ມື້ວານນີ້:419
ອາທິດນີ້:ອາທິດນີ້:398
ເດືອນນີ້:ເດືອນນີ້:9607
ທັງໝົດ:ທັງໝົດ:195061

Lao National Radio

radio

ແຜນທີແຂວງ ອັດຕະປື

administrative map

 

 

ໜ່ວຍຊາວໝຸ່ມ ຫ້ອງວ່າການແຂວງ ແຮກສ່ຽວ ກັບ ກອງຮ້ອຍຊາຍແດນ 541: ໂດຍປະຕິບັດ ຕາມຂໍ້ແຂ່ງຂັນ 4 ບຸກ ຂອງສູນກາງ ຊາວໝຸ່ມປະຊາຊົນ ປະຕິວັດລາວ ວາງອອກ; ໃນມື້ ວັນທີ 14 ກໍລະກົດ 2015 ໜ່ວຍຊາວໝຸ່ມ ຫ້ອງວ່າການ ປົກຄອງແຂວງ ແລະ ໜ່ວຍຊາວໜຸ່ມ ກອງຮ້ອຍທະຫານຊາຍແດນ 541 ໄດ້ຈັດພິທີແຮກ ສ່ຽວຂື້ນ ຢ່າງເປັນທາງການ ທີ່ສະໂມສອນ ກອງຮ້ອຍຊາຍແດນ ຫຼັກຮ້ອຍ ເຂົ້າຮ່ວມເປັນກຽດ ໃນພິທີ ດັ່ງກ່າວ ມີທ່ານ ວົງໄຊ ມະນີວົງ ຄະນະພັກຮາກຖານ ຮອງຫົວໜ້າ ຫ້ອງວ່າການແຂວງ ມີທ່ານ ຮ້ອຍເອກ ຄຳປະສົງ ວຽງພະຈັນ ຮອງເລຂາໜ່ວຍພັກ ຫົວໜ້າກອງຮ້ອຍຊາຍແດນ 541 ພ້ອມດ້ວຍ ເລຂາໜ່ວຍ ຕະຫຼອດຮອດ ສຳມະຊິກຊາວໝຸ່ມ ສອງຝ່າຍເຂົ້າຮ່ວມ 60 ສະຫາຍ.

ໃນພິທີ ສະຫາຍ ໂດແສງດາ ພິຈີດ ເລຂາໜ່ວຍ ຊາວໜຸ່ມຮາກຖານ ຫ້ອງວ່າການ ປົກຄອງແຂວງ ແລະ ສະຫາຍຮ້ອຍໂທ ໄຊຊະນະ ຟອງຄຳແດງ ເລຂາໜ່ວຍຊາວໝຸ່ມ ຮາກຖານກອງຮ້ອຍ ຊາຍແດນ 541 ໄດ້ຜັດປ່ຽນກັນ ຂື້ນລາຍງານ ສະພາບການເຄື່ອນໄຫວ ວຽກງານໄລຍະ ຜ່ານມາ ພາຍໃນໜ່ວຍ ຂອງຕົນໃຫ້ກັນຊາບ ເປັນຕົ້ນ: ທີ່ຕັ້ງພາລະບົດບາດ, ແບບແຜນ ວິທີເຮັດວຽກ, ການເຄື່ອນໄຫວ ວຽກງານ ວິຊາສະເພາະ ແລະ ວຽກຂະບວນການ ຈາກນັ້ນ, ເລຂາໜ່ວຍຊາວ ໝຸ່ມຮາກຖານ ທັງສອງໜ່ວຍ ກໍ່ໄດ້ເອກະພາບ ຕໍ່ຮ່າງເນື້ອໃນ ບົດບັນທືກແຮກສ່ຽວ ແລະ ກ້າວໄປເຖິງ ພິທີລົງນາມ ຢ່າງເປັນທາງການ ໂດຍຊ່ອງໜ້າ ຄະນະນຳ ແລະ ສຳມະຊິກ ຊາວໝຸ່ມສອງຝ່າຍ ເຂົ້າຮ່ວມ ເປັນສັກຂີພິຍານ ໃນນີ້ທັງສອງໜ່ວຍ ເຫັນດີທີ່ຈະພ້ອມກັນ ປະຕິບັດຕາມ ຂໍ້ແຂ່ງຂັນສີ່ບຸກ ຄື: ດ້ານແນວຄິດການເມືອງ, ດ້ານການຝືກຝົນ ຫຼໍ່ຫຼອມ, ດ້ານວຽກງານ ການຈັດຕັ້ງ, ດ້ານວິຊາຊີບ ແລະ ສ້າງວຽກເຮັດງານທຳ ພ້ອມກັນນັ້ນ ສອງໜ່ວຍ ຊາວໝຸ່ມ ດັ່ງກ່າວ ຍັງຈະສືບຕໍ່ ພົບປະແລກປ່ຽນບົດຮຽນ ໃນດ້ານຕ່າງໆ ໂດຍຜັດປ່ຽນກັນ ເປັນເຈົ້າພາບ ຕິດພັນກັບການສ້າງ ກິດຈະກຳດ້ານກິລາ, ສີນລະປະ ວັນນະຄະດີ ຕະຫຼອດເຖິງ ການສົ່ງເສີມ ແລກປ່ຽນທາງດ້ານ ການສ້າງລາຍຮັບ ເຂົ້າຄັງຂອງໜ່ວຍ ກໍ່ຄືຄອບຄົວ ສຳມະຊິກຊາວໜຸ່ມ ແຕ່ລະສະຫາຍ ເພື່ອເຮັດໃຫ້ ຊີວິດການເປັນຢູ່ດີຂື້ນ ແລະ ຫຼຸດພົ້ນອອກຈາກ ຄວາມທຸກຍາກ ເທື່ອລະກ້າວ.

ຕອນທ້າຍ ຂອງພິທີ ທ່ານ ວົງໄຊ ມະນີວົງ ຄະນະພັກຮາກຖານ ຮອງຫົວໜ້າ ຫ້ອງວ່າການແຂວງ ແລະ ທ່ານ ຮ້ອຍເອກ ຄຳປະສົງ ວຽງພະຈັນ ຫົວໜ້າກອງຮ້ອຍ ຊາຍແດນ 541 ໄດ້ຜັດປ່ຽນກັນ ໃຫ້ກຽດໂອ້ລົມ ທັງສອງທ່ານ ໄດ້ຕີລາຄາສູງ ຕໍ່ຄວາມພະຍາຍາມ ຂອງສອງ ຄະນະໜ່ວຍ ທີ່ໄດ້ສ້າງເງື່ອນໄຂ ໃນການພົບປະ ແລກປ່ຽນບົດຮຽນ ປະສົບການ ໃນດ້ານຕ່າງໆ ເພື່ອສ້າງຄວາມ ສາມັກຄີຮັກແພງ ເສີມຂະຫຍາຍ ຫົວຄິດປະດິດສ້າງອັນໃໝ່ ເພື່ອປະກອບສ່ວນ ເຂົ້າໃນການປະຕິບັດ ໜ້າທີ່ວຽກ ກໍ່ຄືການພັດທະນາ ອົງການ ຈັດຕັ້ງຊາວໝຸ່ມ, ສຳມະຊິກຊາວໝຸ່ມ ໃຫ້ມີບາດກ້າວ ຂະຫຍາຍຕົວ ຂື້ນເປັນກ້າວໆ ໂອກາດດັ່ງກ່າວ ໜ່ວຍຊາວໝຸ່ມ ຮາກຖານຫ້ອງວ່າການ ຍັງໄດ້ມອບ ອຸປະກອນກິລາ, ປື້ມປະຫວັດ ການເຄື່ອນໄຫວ ຂອງການນຳ ພ້ອມທັງຮ່ວມກັນ ປູກຕົ້ນໄມ້ ເປັນທີ່ລະລືກ ມີການແຂ່ງຂັນກິລາ ແລະ ເບີກບານມ່ວນຊື່ນ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008