banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:462
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3982
ເດືອນນີ້:ເດືອນນີ້:8996
ທັງໝົດ:ທັງໝົດ:207959

Lao National Radio

radio

ແຜນທີແຂວງ ອັດຕະປື

administrative map

 

 

    ກອງປະຊຸມ ຄົບຄະນະບໍລິຫານງານພັກແຂວງ ອັດຕະປື ຄັ້ງທີ 8 ສະໄໝທີ X ໄດ້ສໍາເລັດ ຢ່າງເປັນທາງການ ພາຍຫຼັງ ດຳເນີນໄປເປັນເວລາ 2 ວັນ ຄືລະຫວ່າງວັນທີ 15-16 ຕຸລາ 2018 ຢູ່ທີ່ຫ້ອງປະຊຸມຊັ້ນ5 ຕຶກສຳນັກງານ ອົງການປົກຄອງແຂວງ ໂດຍໃຫ້ກຽດ ເປັນປະທານຂອງ ສະຫາຍ ເລັດ ໄຊຍະພອນ ເລຂາພັກແຂວງ, ເຈົ້າແຂວງໆ ອັດຕະປື, ມີຄະນະປະຈໍາພັກແຂວງ, ຄະນະ ບໍລິຫານງານພັກແຂວງ, ພະແນກການ ອ້ອມຂ້າງແຂວງ ແລະ ເມືອງເຂົ້າຮ່ວມ.

    ສະຫາຍ ເລັດ ໄຊຍະພອນ ເລຂາພັກແຂວງ, ເຈົ້າແຂວງ ອັດຕະປື ໄດ້ກ່າວເປີດ ກອງປະຊຸມ ຢ່າງເປັນທາງການ ແລະ ກ່າວຈຸດປະສົງ ໃນການຈັດຕັ້ງປະຕິບັດ ແຜນດຳເນີນງານ ຂອງຄະນະບໍລິຫານງານພັກແຂວງ ອັດຕະປື ຄັ້ງທີ 8 ສະໄໝທີ X ນີ້ວ່າ: ຜ່ານມາຄະນະບໍລິຫານງານພັກແຂວງ ອັດຕະປື ໄດ້ເສີມຂະຫຍາຍ ຄວາມເປັນເຈົ້າການ ຍົກສູງຄວາມສາມັກຄີເປັນເອກະພາບ ແລະ ພ້ອມກັນຜັນຂະຫຍາຍຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ X ຂອງຄະນະບໍລິຫານງານພັກແຂວງ ແລະ ແຜນພັດທະນາເສດຖະກິດສັງຄົມ 5 ປີຂອງແຂວງ ເພື່ອກວດກາຕີລາຄາຢ່າງຮອບດ້ານ ການຈັດຕັ້ງປະຕິບັດ ມະຕິກອງປະຊຸມໃຫຍ່ຂອງພັກ, ມະຕິຂອງອົງຄະນະພັກແຂວງ ກໍຄືການຊີ້ນຳ-ນຳພາ ຂອງຄະນະບໍລິຫານງານພັກແຂວງ ໃນປີ 2018 ແລະ ທິດທາງໃນຕໍ່ຫນ້າປີ 2020. ການຊີ້ນໍາ-ນໍາພາ ຂອງອົງຄະນະພັກແຂວງ ອັດຕະປື ໃນໄລຍະທີ່ຜ່ານມາ ໄດ້ມີຜົນສຳເລັດຫລາຍດ້ານ ສະແດງອອກ ດ້ານວຽກງານການເມືອງແນວຄິດ ໄດ້ຖືເປັນກົກສອດຫ້ອຍເຂົ້າໃນທຸກຂົງເຂດວຽກງານ ຕິດພັນກັບການກໍ່ສ້າງພັກ, ກໍ່ສ້າງພະນັກງານ ໂດຍການສຸມໃສ່ ໂຄສະນາເຜີຍແຜ່ ແນວທາງນະໂຍບາຍຂອງພັກ ກົດໝາຍຂອງລັດ, ບັນດານິຕິກຳ, ລະບຽບການຕ່າງໆ ນັບແຕ່ຂັ້ນແຂວງ ລົງຮອດຮາກຖານ ທ້ອງຖີ່ນ ຢ່າງຕໍ່ເນື່ອງລຽນຕິດ. ກອງປະຊຸມ ຈະໄດ້ສຸມໃສ່ ການປຶກສາຫາລື, ປະກອບ ຄຳຄິດຄຳເຫັນຕໍ່ຫມາກ ຜົນການຊີ້ນຳໆພາ ຂອງຄະນະບໍລິຫານງານພັກແຂວງ ເພື່ອຍົກໃຫ້ເຫັນດ້ານດີຜົນງານ, ດ້ານອ່ອນຂໍ້ຄົງຄ້າງ ໃນການຊີ້ນໍາໆພາ ຂອງຄະນະບໍລິຫານງານພັກແຂວງ ຕະຫລອດໄລຍະຜ່ານມາ ພ້ອມທັງ ສຳຫລວດກວດກາ ແລະ ຕີລາຄາ ຄວາມຮັບຜິດຊອບລວມ ໃນການຈັດຕັ້ງ ຜັນຂະຫຍາຍ ມະຕິກອງປະຊຸມໃຫຍ່ຂອງພັກ, ຂອງຂັ້ນຕົນ ຕິດພັນກັບຜົນການດຳເນີນຊີວິດການເມືອງ ປັບປຸງປົວແປງທົ່ວພັກ ແລະ ແກ້ໄຂບັນຫາ ທີ່ສຳຄັນ ຮີບດ່ວນຢູ່ພາຍໃນຄະນະພັກ ແລະ ສັງຄົມ ໃຫ້ດີຂຶ້ນ ເທື່ອລະກ້າວ.

 

    ກອງປະຊຸມ ໄດ້ຮັບຟັງການລາຍງານ ບົດສະຫຼຸບຕີລາຄາການຊີ້ນຳ-ນຳພາວຽກງານຮອບດ້ານ ຂອງແຂວງໄລຍະ 9 ເດືອນ ແລະ ທິດທາງແຜນການ 3 ເດືອນທ້າຍປີ 2018 ເຊິ່ງລາຍງານ ໂດຍ ສະຫາຍ ພອນສະໄໝ ມຽງລາວັນ ຮອງເລຂາພັກແຂວງ ຮອງເຈົ້າແຂວງ ຜົນການຈັດຕັ້ງ ປະຕິບັດວຽກງານ ຮອບດ້ານຂອງແຂວງ ໄລຍະ 9 ເດືອນ ຕົ້ນປີ 2018 ເຫັນໄດ້ເຖິງຜົນງານ ແລະ ຜົນສຳເລັດຢ່າງຮອບດ້ານ ເປັນຕົ້ນ ການຊີ້ນຳ-ນຳພາຂົງເຂດ ການເມືອງແນວຄິດ ແລະ ວຽກງານພັກ-ພະນັກງານ ຄະນະພັກແຕ່ລະຂັ້ນ ໄດ້ຖືສຳຄັນ ໃນການຕິດຕາມ, ກຳສະພາບ ແນວຄິດຫາງສຽງສັງຄົມ ແລະ ເອົາໃຈໃສ່ຊີ້ນຳ-ນຳພາ ສຶກສາອົບຮົມ ການເມືອງແນວຄິດ ໃຫ້ຖັນແຖວພະນັກງານ, ສະມາຊິກພັກ, ລັດຖະກອນ ຕະຫຼອດຮອດ ປະຊາຊົນບັນດາເຜົ່າ ດ້ວຍການໂຄສະນາ-ປາຖະກາຖາມູນເຊື້ອ ຂອງພັກ, ຂອງຊາດ ແລະ ຂອງສາກົນ, ເຜີຍແຜ່ມະຕິ 5 ສະໄໝທີ x ຂອງພັກ ແລະ ມະຕິ 6 ຂອງອົງຄະນະພັກແຂວງ ເຊິ່ງເຫັນໄດ້ໝາກຜົນເຮັດໃຫ້ພະນັກງານ ສະມາຊິກພັກ ແລະ ປະຊາຊົນບັນດາເຜົ່າ ມີທັດສະນະຫຼັກໝັ້ນຊົນຊັ້ນ ປະຕິວັດດີ, ມີຄຸນທາດການເມືອງ ຢ່າງໜັກແໜ້ນ, ອຸ່ນອ່ຽງທຸ່ນທ່ຽງ, ບໍ່ຫວາດຫວັນຢ້ານກົວຕໍ່ສະພາບການທີ່ເກີດຂື້ນ ເວົ້າລວມແມ່ນມີຄວາມເຊື່ອໝັ້ນ ຕໍ່ການນຳພາ ຂອງພັກ. ຂົງເຂດ ວຽກງານ ເສດຖະກິດ ກໍ່ໄດ້ມີການຂະຫຍາຍຕົວ ແລະ ມີບາດກ້າວໃໝ່ ການນຳຂັ້ນແຂວງ ໄດ້ຊີ້ນຳການຄຸ້ມຄອງ ເສດຖະກິດມະຫາພາກ, ປະຕິບັດນະໂຍບາຍ ສົ່ງເສີມເສດຖະກິດ ຂະໜາດນ້ອຍ-ຂະໜາດກາງ ແລະ ຊີ້ນຳຈັດຕັ້ງປະຕິບັດ ໂຄງການລົງທຶນ ຂອງລັດ ທີ່ສະພາແຫ່ງຊາດຮັບຮອງ ຢ່າງເປັນເຈົ້າການ ແລະ ໄດ້ມີການຊຸກຍູ້ ສົ່ງເສີມການຜະລິດກະສິກຳເປັນສິນຄ້າ ເປັນຕົ້ນ: ການຜະລິດເຂົ້ານາແຊງ, ນາປີ, ການລ້ຽງສັດໃຫຍ່-ສັດນ້ອຍເປັນຟາມ, ການປູກສາລີ, ມັນຕົ້ນ ແລະ ພືດຜັກອື່ນໆ ເຮັດໃຫ້ພື້ນຖານເສດຖະກິດ ມີຈັງວະຂະຫຍາຍຕໍ່ເນື່ອງ, ຄຸ້ມຄອງການເກັບລາຍຮັບເຂົ້າງົບປະມານໄດ້ 61,74 ຕື້ກີບ ເທົ່າກັບ 49%, ລາຍຮັບພາຍໃນແຂວງ 47,75 ຕື້ກີບ ເທົ່າກັບ 48,33% ຂອງແຜນການ, ພ້ອມນີ້ຂົງເຂດວຽກງານອື່ນໆກໍ່ມີທ່າຂະຫຍາຍຕົວ.

    ໃນຕອນທ້າຍ ຂອງກອງປະຊຸມ ຍັງໄດ້ຮັບຮອງ ບັນດາເນື້ອໃນເອກະສານວຽກງານ ແລະ ຮ່າງມະຕິ ແຜນດໍາເນີນງານ ໃນ 3 ເດືອນທ້າຍປີ 2018 ເພື່ອເປັນທິດ ໃນການກໍານົດທິດທາງ ແຜນການ ວິທີການ ແລະ ມາດຕະການ ແກ້ໄຂບັນຫາຕ່າງໆ ໃນຕໍ່ໜ້າໃຫ້ດີຂື້ນເປັນກ້າວໆ ພ້ອມທັງຮັບຟັງ ຄໍາເຫັນໂອ້ລົມຂອງສະຫາຍ ເລຂາພັກແຂວງ ເຈົ້າແຂວງ ເຊິ່ງທ່ານ ໄດ້ຮຽກຮ້ອງໃຫ້ສະມາຊິກພັກ, ພະງານ-ລັດຖະກອນ, ທະຫານ, ຕໍາຫຼວດ ແລະ ປະຊາຊາຊົນບັນດາເຜົ່າ ຊາວແຂວງອັດຕະປື ຈົ່ງເຊີດຊູ ຄວາມສາມັກຄີເປັນປຶກແຜ່ນຢູ່ອອ້ມຂ້າງອົງຄະນະພັກ ແລະ ອົງການປົກຄອງແຂວງ ພ້ອມກັນຍົກສູງຄວາມຮັບຜິດຊອບ ແລະ ເປັນເຈົ້າການໃນການເຊື່ອມຊຶມ, ກໍາແໜ້ນ ແລະ ຈັດຕັ້ງຜັນຂະຫຍາຍມະຕິກອງປະຊຸມ ຄົບຄະນະບໍລິຫານງານພັກແຂວງຄັ້ງທີ່8 ສະໄໝທີ x ໃຫ້ເປັນຂະບວນຟົດຟື້ນ, ແຂງແຮງ ແລະ ຕໍ່ເນື່ອງ ເຮັດໃຫ້ແຂວງມີສະຖຽນນະພາບ ທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບສຸກ, ເປັນລະບຽບຮຽບຮ້ອຍ ແລະ ນໍາພາແຂວງອັດຕະປືມີໂສມໜ້າໃໝ່ໃນການພັດທະນາຢ່າງບໍ່ຢຸດຢັ້ງ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008