banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:97
ມື້ວານນີ້:ມື້ວານນີ້:473
ອາທິດນີ້:ອາທິດນີ້:895
ເດືອນນີ້:ເດືອນນີ້:3907
ທັງໝົດ:ທັງໝົດ:216493

Lao National Radio

radio

ແຜນທີແຂວງ ອັດຕະປື

administrative map

 

 

ສະພາປະຊາຊົນແຂວງ ອັດຕະປື ເປີດກອງປະຊຸມສະໄໝສາມັນເທື່ອທີ 5

ສະພາປະຊາຊົນແຂວງ ອັດຕະປື ຊຸດທີ I ໄດ້ໄຂກອງປະຊຸມສະໄໝສາມັນ ເທື່ອທີ 5 ຂຶ້ນໃນວັນທີ 25 ກັນຍາ 2018 ຢູ່ທີ່ຫ້ອງວ່າການປົກຄອງແຂວງ ພາຍໃຕ້ການເປັນປະທານ ຂອງ ທ່ານ ເພັດແກ້ວ ເຮືອງປັນຍາ ກໍາມະການພັກແຂວງສະມາຊິກສະພາແຫ່ງຊາດ ປະທານສະພາປະຊາຊົນແຂວງ, ເປັນກຽດເຂົ້າຮ່ວມມີ ທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ, ມີສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 17, ສະມາຊິກສະພາປະຊາຊົນທ້ອງຖິ່ນ ​ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ. ​

ໃນກອງປະຊຸມປະຈໍາປີ ຂອງສະພາປະຊາຊົນແຂວງເທື່ອນີ້ ໄດ້ດຳເນີນໄປເປັນເວລາ 2 ວັນ ເຊິ່ງຈະໄດ້ສຸມໃສ່ພິຈາລະນາ ແລະ ຮັບຮອງເອົາບັນຫາສຳຄັນຂອງແຂວງ ເປັນຕົ້ນແມ່ນ ບົດລາຍງານຂອງທ່ານເຈົ້າແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຜນງົບປະມາແຫ່ງລັດ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018, ພິຈາລະນາບົດສະຫຼຸບການຈັດຕັ້ງປະຕິບັດແຜນການເຄື່ອນໄຫວ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ຂອງຄະນະປະຈໍາສະພາປະຊາຊົນແຂວງ, ພິຈາລະນາບົດລາຍງານຂອງຄະນະຮັບຜິດຊອບກ່ຽວກັບການແກ້ໄຂ, ການຟື້ນຟູຊີວິດການເປັນຢູ່ຂອງປະຊາຊົນເມືອງ ສະໜາມໄຊທີ່ໄດ້ຮັບຜົນກະທົົບ ຈາກສັນເຂື່ອນຄູກັນນ້ຳເຊປຽນ-ເຊນ້ໍານ້ອຍແຕກ ແລະ ພິຈາລະນາຮັບຮອງ ມະຕິວ່າດ້ວຍແຜນພັດທະນາເສດຖະກິດ-ສັງຄົມ ແຜນງົບປະມານແຫ່ງລັດ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ;

ແນວໃດກໍ່ຕາມ ຕໍ່ກອງປະຊຸມຄັ້ງນີ້ ທ່ານ ເພັດແກ້ວ ເຮືອງປັນຍາ ກຳມະການພັກແຂວງ ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 17 ປະທານສະພາປະຊາຊົນແຂວງ ອັດຕະປື ໄດ້ຍົກໃຫ້ເຫັນວ່າ: ກອງປະຊຸມຄັ້ງນີ້ ຍ້ອນວ່າ ແຂວງ ອັດຕະປື ນອນຢູ່ໃນເຫດການສຸກເສີນລະດັບຊາດ ສະນັ້ນ ວຽກງານອື່ນໆຕາມທີ່ໄດ້ກໍານົດໄວ້ໃນມາດຕາ 89 ຂອງກົດໝາຍ ແມ່ນຈະໄດ້ເລື່ອນໄປສູ່ກອງປະຊຸມສະໄໝສາມັນເທື່ອທີ 6 ດັ່ງນັ້ນ ໃນຄັ້ງນີ້ຂໍຮຽກຮ້ອງມາຍັງບັນດາສະມາຊິກສະພາປະຊາຊົນ, ບັນດາຜູ້ເເທນກອງປະຊຸມຈົ່ງໄດ້ພ້ອມກັນສຸມສະຕິປັນຍາ ແລະ ເສີມຂະຫຍາຍປະຊາທິປະໄຕເຂົາໃນການຄົ້ນຄວ້າ ເພື່ອປະກອບສ່ວນເຮັດໃຫ້ກອງປະຊຸມຄັ້ງນີ້ບັນລຸຜົນສຳເລັດຕາມຄາດໝາຍທີ່ວາງໄວ້. ນອກຈາກນີ້ກອງປະຊຸມຍັງໄດ້ຮັບຟັງການອະທິບາຍ, ຊີ້ແຈງແກ້ໄຂຂໍ້ຂ້ອງໃຈ ແລະ ຕອບຄຳຊັກຖາມຂອງປະຊາຊົນ ພ້ອມທັງເປີດເບີໂທລະສັບສາຍດ່ວນ 036 156.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008