banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:141
ມື້ວານນີ້:ມື້ວານນີ້:330
ອາທິດນີ້:ອາທິດນີ້:992
ເດືອນນີ້:ເດືອນນີ້:6202
ທັງໝົດ:ທັງໝົດ:168786

Lao National Radio

radio

ແຜນທີແຂວງ ອັດຕະປື

administrative map

 

 

ເຈົ້າໜ້າທີ່ກູ້ໄພຍັງສືບຕໍ່ໃນການຊອກຫາຜູ້ສູນຫາຍແຕ່ພົບອຸປະສັກພາຍຫລັງນ້ຳຫລຸດລົງ

     ບັນດາ​ໜ່ວຍ​ກູ້ ໄພຍັງສືບຕໍ່ຄົ້ນຫາ ຜູ້ເຄາະຮ້າຍ ຈາກໄພນ້ຳຖ້ວມ ຫລັງສັນເຂື່ອນເຊປຽນແຕກ ຢູ່ເມືອງ ສະໜາມໄຊ ແຂວງ ອັດຕະປື ຢ່າງເລັ່ງດ່ວນ ເຖິງວ່າໄດ້ຮັບຄວາມຄືບໜ້າໃນພາກ ປະຕິບັດຕົວຈິງກໍ່ຕາມ ແຕ່ການຄົ້ນຫາສືບເນື່ອງມາໄດ້ 11 ວັນພໍດີ ເຈົ້າໜ້າທີ່ກູ້ ໄພຈາກທຸກພາກສ່ວນທີ່ເຂົ້າ ມາຊ່ວຍເຫລືອໄດ້​ພົບ ອຸປະສັກຫຍຸ້ງຍາກຫລາຍຢູ່ ຄະນະທີ່ລະດັບນ້ຳກໍ່ລົດລົງ ແລະ ສະພາບ​ດີນ​ຟ້າ​ອາ ກາດກໍ່ເປັນໃຈນັ້ນ ແຕ່ບັນຫາອຸປະສັກທີ່ເຈົ້າໜ້າ ທີ່ກູ້ໄພຕ້ອງໄດ້ປະເຊີນຕໍ່ໜ້າງານ ເຊັ່ນ ພື້ນທີ່ບ່ອນສົງໃສ ໃນການຊອກຄົ້ນຜູ້ສູນຫາຍນີ້ເຕັມໄປດ້ວຍ ຂີ້ຕົມເຫລືອປະລິມານຫລວງຫາຍ ແລະ ເລີກຈົນເຖິງພຽງແອວ, ພຽງຄໍ ໃນບາງພື້ນທີ່, ສ່ວນຫລາຍສົບຜູ້ສູນຫາຍ ທີ່ເສຍຊີວິດນັ້ນ ແມ່ນຖືກຟັງຢູ່ໃນຂີ້ຕົມ ເຄື່ອງມືຄົ້ນຫາທີ່ທັນສະໄໝ່ ແລະ ລົດບໍ່ສາມາດເຂົ້າເຖິງພື້ນທີ່ໄດ້.

    ທ່ານ ພົນຈັດຕະວາ ຜາລົມ ລິນທອງ ຮອງຫົວໜ້າກົມ ໃຫຍ່ກະຊວງປ້ອງກັນປະເທດ ຜູ້ບັນຊາການພາກສະໜາມ ເກັບກູ້ຊາກສົບຜູ້ສູນຫາຍ ໄດ້ກ່າວໃນບົດຖະແຫລງການກ່ຽວກັບການກອບກູ້ຜູສູນຫາຍ ຈາກໄພພິບັດນ້ຳຖ້ວມຢູ່ເມືອງ ສະໝາມໄຊ ວ່າ: ນັບແຕ່ມື້ວັນທີ 23 ເປັນຕົ້ນມນ ຄະນະຮັບຜິດຊອບປ້ອງກັນ ແລະ ຄວບຄຸມໄພພິບັດໄດ້ມີຄວາມພະຍາຍາມຢ່າງສຸດຄວາມສາມາດ ໃນການເລັ່ງຊອກຄົ້ນຜູ້ສູນຫາຍ ແລະ ມາຮອດວັນທີ 3 ສິງຫາ 2018 ນີ້ ສາມາດເກັບກູ້ສົບຜູ້ ເສຍຊີວິດໄດ້ທັງໝົດ 23 ສົບ, ເປັນຍິງ 6 ສົບ, ເດັກ 5 ສົບ ແລະ ຍັງມີອີກ 2 ສົບບໍ່ມີຍາດພີ່ນ້ອງມາຢັ້ງຢືນເອົາ. ທ່ານ ຍັງໄດ້ເວົ້າຕື່ມອີກວ່າ ແນວກໍ່ຕາມ ເຈົ້າໜ້າທີ່ກູ້ໄພ ຍັງຈະໄດ້ສືບຕໍ່ຊອກຄົ້ນຫາ ສົບຜູ້ສູນຫາຍໃນຈຳນວນ 108 ສົບທີ່ຍັງບໍ່ທັນໄດ້ພົບ ໃຫ້ກັບຄືນສູ່ຍາດພີ່ນ້ອງຜູ້ຖືກຜົນກະທົບໂດຍໄວ.

    ສ່ວນຍອດ ການຊ່ວຍເຫລືອ ດ້ານສິ່ງຂອງອຸປະໂພກ-ບໍລິໂພກ, ເຂົ້າສານອາຫານແຫ້ງ, ເຄື່ອງຫົ່ມ ແລະ ເງິນທີ່ໄດ້ຮັບ ຈາກອົງການຈັດຕັ້ງ ພາກລັດ-ສາກົນ, ບໍລິສັດ, ຕ່າງປະເທດ, ນັກທຸລະກິດ ແລະ ອື່ນໆພາຍໃນ ແລະ ຕ່າງປະເທດລວມ ຍອດຕົວເລກລ້າສຸດມີຈໍານວນ 1,799 ພາກສ່ວນໄດ້ໃຫ້ການຊ່ວຍເຫລືອ ມີມູນຄ່າທັງໝົດ 64,959,000,781ກີບ ໃນນີ້ ເງິນສົດໄດ້ທັງໝົດ 25,408,878,912 ກີບ, ວັດຖຸເຄືອງອຸປະກອນຕ່າງໆລວມເປັນເງິນໄດ້ 39,550,121,869 ກີບ ແນວໃດກໍ່ຕາມ ເຈົ້າໜ້າທີ່ອຳນາດການປົກຄອງແຂວງ ອັດຕະປື ຍັງຍິນດີຕ້ອນຮັບເອົາເຄື່ອງ ຊ່ວຍເຫລືອ ຈາກທຸກພາກສ່ວນທີ່ຈິງໃຈປະກອບສ່ວນທັງພາຍໃນ ແລະ ຕ່າງປະເທດ ຢ່າງຕໍ່ເນື່ອງ ແລະ ຍິນດີຮັບເອົາເຄື່ອງຊ່ວຍເຫລືອຈາກສັງຄົມທຸກພາກສ່ວນຢູ່ສະເໝີ ໃນຈຳນວນເຄື່ອງຊ່ວຍເຫລືອ ທີ່ຮັບຈາກທຸກພາກສ່ວນຜ່ານມານັ້ນມີ ຈຳນວນຫລາຍໄດ້ຮອດເຖິງ ມືຂອງປະຊາຊົນທີ່ໄດ້ຮັບຜົນກະທົບແລ້ວ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008