banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:115
ມື້ວານນີ້:ມື້ວານນີ້:419
ອາທິດນີ້:ອາທິດນີ້:422
ເດືອນນີ້:ເດືອນນີ້:9631
ທັງໝົດ:ທັງໝົດ:195085

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ສຸມໃສ່ການຊ່ວຍເຫລືອ ປະຊາຊົນທີ່ປະສົບໄພນຳ້ຖ້ວມ ຢູ່ເມືອງສະໜາມໄຊ

    ເຫດການກະທົກກະໄພ ທີ່ເມືອງສະໜາມໄຊ ແຂວງ ອັດຕະປື ເນື່ອງຈາກປະມວນນ້ຳເຂື່ອນໄຟຟ້າເຊປຽນ-ເຊນ້ຳນ້ອຍແຕກ ສົ່ງຜົນກະທົບເປັນບໍລິເວນກວ້າງຕໍ່ຊີວິດ ແລະ ຊັບສິນຂອງປະຊາຊົນ ເຮັດໃຫ້ຫຼາຍບ້ານຂອງເມືອງ ສະໜາມໄຊ ໄດ້ຖືກໄພນ້ຳຖ້ວມ.

    ອີງຕາມການລາຍງານເບື້ອງຕົ້ນ ຂອງຄະນະໄພພິບັດຂັ້ນແຂວງ ແລະ ຂັ້ນເມືອງໃນວັນທີ 24 ກໍລະກົດ 2018 ມີບ້ານໄດ້ຮັບຜົນກະທົບນໍ້າຊູ້ໜັກຈໍານວນ 6 ບ້ານ ຄື: ບ້ານໃໝ່, ບ້ານຫີນລາດ, ບ້ານທ່າແສງຈັນ, ບ້ານໃຫຍ່ແທ, ບ້ານ ທ່າຫີນ ແລະ ສະໝອງ ລວມມີ 1.370 ກວ່າຄອບຄົວ ແລະ ມີພົນລະເມືອງທີ່ຖືກຜົນກະທົບເບື້ອງຕົ້ນ 6.630 ກວ່າຄົນ, ພ້ອມນີ້ ຍັງມີບ້ານໃກ້ຄຽງອື່ນໆທີ່ໄດ້ຮັບມວນນໍ້າຖ້ວມກວມເອົາບໍລິເວນຫຼາຍບ້ານ, ຜົນຜະລິດປະຊາຊົນຖືກຜົນກະທົບ, ປະຊາຊົນໄດ້ປະເຊີນກັບໄພນໍ້າຮູນແຮງ ບາງເຂດແມ່ນນໍ້າຖ້ວມສູງກາຍຫຼັງຄາ ປະຊາຊົນເລືອດຮ້ອນສັບສິນສົມບັດກໍ່ຖືກເສຍຫາຍ, ບ້ານເຮືອນ, ວັດວາອາຮາມ ບາງຄົນຖືກສູນຫາຍກໍ່ມີ, ປັດຈຸບັນຍັງບໍ່ມີປະເມີນມູນຄ່າເສຍຫາຍ ແລະ ຂໍ້ມູນຜູ້ສູນຫາຍໄດ້.

    ເລີມແຕ່ວັນທີ 23/7/2018 ເປັນຕົ້ນມາ ທາງການແຂວງອັດຕະປື ເລັ່ງອົບພະຍົກປະຊາຊົນທີ່ລອດຊີວິດໃນຫຼາຍບ້ານດັ່ງກ່າວ ໄປຢູ່ເຂດທີ່ປອດໄພຊົ່ວຄາວ, ປະຊາຊົນຈໍານວນຫລາຍທີ່ຍັງຕິດຢູ່ບ້ານເຮືອນໂຕເອງອອກມາບໍ່ໄດ້ລໍຖ້າການຊ່ວຍເຫລືອຈາກທາງການ, ຄະດຽວກັນ ທ່ານ ເລັດ ໄຊຍະພອນ ເຈົ້າແຂວງອັດຕະປື ພ້ອມຄະນະ ໄດ້ສືບຕໍ່ລົງຕິດຕາມ ຊ່ວຍເຫລືອປະຊາຊົນຜູ້ໄດ້ຮັບຜົນກະທົບ ໂດຍມີຄະນະກູ້ໄພຈາກສູນກາງສົມທົບກັບຄະນະກູ້ໄພຈາກແຂວງ ອັດຕະປື, ຄະນະກູ້ໄພຈາກກອງພົນນ້ອຍທີ 5, ຄະນະກູ້ໄພແຂວງ ເຊກອງ ແລະ ຄະນະກູ້ໄພຂັ້ນເມືອງສຸມໃສ່ໃນການຊ່ວຍເຫຼືອປະຊາຊົນທີ່ໄດ້ຮັບຜົນກະທົບ, ເສັ້ນທາງລົດຖືກຕັດຂາດບາງຈຸດ ຈໍາເປັນຕ້ອງເດີນທາງດ້ວຍເຮືອ ແລະ ໄດ້ນຳໃຊ້ຍົນກອງທັບ ດຳລຽງຂົນຢາ, ເຄື່ອງນຸ່ງຮົມ ເຊິ່່ງນໍາໂດຍທ່ານ ຮອງສາດສະດາຈານ ບຸນກອງ ສີຫະວົງ ລັດຖະມົນຕີກະຊວງສາທາລະນະສຸກ ພ້ອມດ້ວຍວິຊາການທາງດ້ານການເເພດ.ປະຕິບັດການມອບເຄື່ອງບັນເທົາທຸກເບື້ອງຕົ້ນ ພ້ອມທັງດູເເລຮັກສາປິ່ນປົວຜູ້ໄດ້ຮັບ ໃນເຂດປະສົບໄພນໍ້າຖ້ວມ.

    ສາເຫດທີ່ເຮັດໃຫ້ທີ່ພາໃຫ້ເກີດໄພນ້ຳຖ້ວມ ຄັ້ງນີ້ ຍ້ອນວ່າ ມີສະພາບຝົນຕົກໜັກຕິດຕໍ່ກັນເປັນເວລາຫຼາຍວັນເຮັດໃຫ້ຄູກັນນ້ຳ ເຄື່ອນໄຟຟ້າເຊປຽນ-ເຊນ້ຳນ້ອຍ ບໍ່ສາມາດກັກຂັງນ້ຳໄດ້ ຈິ່ງເກີດມີນ້ໍາໄຫຼຊູ້ແຮງຕາມລໍາເຊປຽນ-ເຊນ້ຳນ້ອຍ ສ່ວນຂໍ້ມູນຈະມີຄວາມຄືບໜ້າແນວໃດນັ້ນຈະເເຈ້ງໃຫ້ຊາບຕາມທີຫຼັງ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008