banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:90
ມື້ວານນີ້:ມື້ວານນີ້:419
ອາທິດນີ້:ອາທິດນີ້:397
ເດືອນນີ້:ເດືອນນີ້:9606
ທັງໝົດ:ທັງໝົດ:195060

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ເນັ້ນໃຫ້ເຫັນເຖິງຄວາມສະເໝີພາບລະຫວ່າງ ຍິງ-ຊາຍ ເນື່ອງໃນວັນສ້າງຕັ້ງສະຫາພັນແມ່ຍິງລາວ

ຄົບຮອບ 63 ປີ

     ເນື່ອງໃນໂອກາດທີ່ສະຫາພັນແມ່ຍິງແຂວງ ອັດຕະປື ຈັດພິທີ ປະຖະກາຖາເລົ່າມູນເຊື່ອ ວັນສ້າງຕັ້ງອົງການຈັດຕັ້ງ ສະຫາພັນແມ່ຍິງລາວ ຄົບຮອບ 63 ປີ (20/7/1955-20/7/2018) ໂດຍມີຄະນະພັກ, ການນໍາຂັ້ນແຂວງ ແລະ ສະມາຊິກເອື້ອຍນ້ອງແມ່ຍິງທົ່ວແຂວງ ເຂົ້າຮ່ວມຢ່າງຫຼວງຫຼາຍຢູ່ນັ້ນ.

     ທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ ຜູ້ຊີ້ນຳວຽກງານອົງການຈັດຕັ້ງມະຫາຊົນ ຫົວໜ້າຄະນະຈັດຕັ້ງແຂວງ ອັດຕະປື ໄດ້ມີຄຳເຫັນເນັ້ນເຖິງຄວາມສະເໝີພາບລະຫວ່າງ ຍິງ-ຊາຍ ວ່າ: ແມ່ຍິງ​ລາວບັນດາເຜົ່າ ທີ່​ປະກອບສ່ວນ​ເຂົ້າໃນ ​ພາລະກິດ​ປົກ​ປັກ​ຮັກສາ ແລະ ພັດທະນາ​ປະເທດ​ຊາດ ກໍ່​ຄືພັດທະ​ນາ​ແມ່ຍິງ​ນັ້ນ ແມ່ນເກີດຈາກການເອົາໃຈໃສ່ ແລະ ຊີ້​ນຳ​ຢ່າງ​ໃກ້ຊິດ ຈາກ​ຄະນະ​ບໍລິຫານ​ງານ ​ສູນ​ກາງສະຫະພັນ​ແມ່ຍິງ​ລາວ ແຕ່ລະໄລຍະ ສະນັ້ນ ມາຮອດປັດຈຸບັນ ໃນສັງຄົມລາວ ຄວນມີການ ປັບປຸງຄວາມ ສະເໝີພາບ ລະຫວ່າງ ຍິງ-ຊາຍ ຂຶ້ນຕື່ມອີກ ຍ້ອນວ່າ ແມ່ຍິງລາວ ຢູ່ແຂວງ ອັດຕະປື ໂດຍສະເພາະ ໃນເຂດ ຊົນນະບົດ ຍັງຖືກ ຜູ້ຊາຍທຳຮ້າຍ ຫລື ເອົາປຽບແມ່ຍິງ ຫຼາຍຢູ່, ການປັບປຸງ ຄວາມສເມີພາບທີ່ວ່ານີ້ ຄວນເລັງໃສ່ ໃຫ້ການສຶກສາຮ່ຳຮຽນແກ່ແມ່ຍິງ, ລົງໂຄສະປຸກລະດົມຈິດໃຈຂອງແມ່ຍິງ ໃຫ້ຮູ້ເຖິງ ສິດ ແລະ ໜ້າທີ່ ອັນຊອບທໍາຂອງຕົນ, ປະລະສິ່ງທີ່ເຄີຍຍຶດຖືປະຕິບັດມາ ແບບທີ່ບໍ່ມີຄວາມ ສະເໝີພາບກັບເພດຊາຍ, ພ້ອມກັນຫັນເຂົ້າມາປະຕິບັດສິດ ແລະ ພັນທະຂອງຕົນຕາມ ທີ່ລັດຖະທໍາມະນູນ, ກົດໝາຍ, ສົນທິສັນຍາ​ສາກົນ ​ທີ່​ຕິດ​ພັນ​ກັບ​ວຽກ​ງານ​ບົດບາດ ​ຍິງ-ຊາຍ ໄດ້ກຳນົດໄວ້.

       ອົງການຈັດຕັ້ງ ສະຫາພັນແມ່ຍິງທຸກຂັ້ນ ຕ້ອງເປັນເຈົ້າການໃນການ ເອົາໃຈໃສ່ ແກ້ໄຂ ປຸກລະດົມ ຈິດສຳນຶກ ຂອງເອື້ອຍນ້ອງແມ່ຍິງຢູ່ ໃນທົ່ວແຂວງ ອັດຕະປື ໄດ້ເຂົ້າເຖິງການຮຽນຮູ້ ກ່ຽວກັບ ຄວາມສະເໝີພາບລະຫວ່າງ ຍິງ-ຊາຍ ເປັນຕົ້ນ ແມ່ນໃນເຂດຊົນນະບົດ ຕ້ອງຄ່ອຍປັບປ່ຽນຕົວເອງເທື່ອລະກ້າວ  ເພື່ອຮັບເອົາອັນໃດມັນງາມ ແລະ ປະລະຮີດຄອງ ປະເພນີລ້າຫລັງເກົ່າແກ່, ຜູ້ຍິງຕ້ອງໃຫ້ມີສິດ ເທົ່າທຽມກັບຜູ້ຊາຍ ຜູ້ຊາຍຜ່ານມາ ອາດຈະຂົ່ມເຫັງຜູ້ຍິງ ແຕ່ສໍາລັບໃນຕໍ່ໄປນີ້ ບໍ່ໃຫ້ຂົ່ມເຫັງ ແລະ ໃຫ້ຖືວ່າ ຜູ້ຍິງ ມີສິດມີສຽງທິ ໃນການຮຽນ, ມີສິດໃນການປະກອບ ສ່ວນວຽກງານ ເພາະວ່າ ແມ່ຍິງລາວໃນປັດຈຸບັນນີ້ ໄດ້ມີການປ່ຽນແປງໄປຈາກ ເມື່ອກ່ອນຫລາຍຂຶ້ນ ແລະ ມີຕຳແໜ່ງສູງ, ມີຄວາມຮູ້ຄວາມສາມາດ ໃນດ້ານຕ່າງໆ ເພື່ອພັດນາຕົນເອງ ໃຫ້ເຂົ້າກັບ ສັງຄົມ ໃນຍຸກປັດຈຸບັນນີ້ໄດ້.

          ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008