banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:63
ມື້ວານນີ້:ມື້ວານນີ້:488
ອາທິດນີ້:ອາທິດນີ້:2146
ເດືອນນີ້:ເດືອນນີ້:7160
ທັງໝົດ:ທັງໝົດ:206123

Lao National Radio

radio

ແຜນທີແຂວງ ອັດຕະປື

administrative map

 

 

ອາດີດປະທານປະເທດໂອ້ລົມປະຊົນ ຢູ່ເມືອງສະໜາມໄຊ

      ໃນວັນທີ 18 ມິຖຸນາ 2018 ທ່ານ ຈູມມະລີ ໄຊຍະສອນ ອາດີດ ເລຂາທິການໃຫຍ່ ພັກປະຊາຊົນ ປະຕິວັດລາວ, ອາດີດ ປະທານປະເທດ ສປປລ ໄດ້ເດີນທາງ ໄປຢ້ຽມຢາມ ປະຊາຊົນ ຢູ່ ບ້ານແທ້ ເຊິ່ງແມ່ນບ້ານໜຶ່ງທີ່ຂຶ້ນກັບເຂດຈຸດສຸມການຜະລິດ ເຂດ 3 ຫີນລາດ-ແທ ເມືອງສະໜາມໄຊ ແຂວງອັດຕະປື ໂດຍມີຄະນະນຳຈາກສູນກາງ, ຄະນະນຳຂອງແຂວງ, ເມືອງ, ອຳນາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມ.

      ໃນຄະດຽວກັນ ທ່ານ ບຸນງອນ ໄຊທອງຈຳ ເລຂາພັກຮາກຖານ ນາຍບ້ານແທ ເມືອງສະໜາມໄຊ ກໍໄດ້ລາຍງານຜົນ ຂອງການຈັດຕັ້ງ ປະຕິບັດການຜະລິດ ລະດູແລ້ງສົກປີ 2017-2018 ແລະ ແຜນສືບຕໍ່ 6 ເດືອນທ້າຍປີ 2018 ເຊິ່ງໃນເຂດຈຸດສຸມການຜະລິດຫີນລາດ-ແທ ລວມມີ 8 ບ້ານຂຶ້ນກັບ, ມີ 1.579 ຄົວເຮືອນ, ມີ 1.802 ຄອບຄົວ, ມີພົນລະເມືອງທັງໝົດ 8.343 ຄົນ, ຍິງ 4.081 ຄົນ, ມີເນື້ອທີ່ທຳການຜະລິດຕົວຈິງທັງໝົດ 2.550 ເຮັກຕາ, ທຽບໃສ່ແຜນການປະຕິບັດໄດ້ 100%, ຄອບຄົວຜະລິດຕະພາບໂດຍສະເລ່ຍໄດ້ 2.65 ໂຕນຕໍ່ເຮັກຕາ ລວມຜົນຜະລິດໄດ້ 5.705,48 ໂຕນ ສະເລ່ຍໃສ່ຫົວຄົນ ໄດ້ຮັບເຂົ້າເປືອກ 683 ກິໂລ/ຄົນ/ປີ, ປັດຈຸບັນ ເຂດຈຸດສຸມ ບ້ານຫີນລາດ-ແທ ມີຄອບຄົວພັດທະນາ 971 ຄອບຄົວ, ໄດ້ສ້າງເປັນບ້ານພັດທະນາ ແລະ ບ້ານວັດທະນະທໍາມີ 6 ບ້ານ, ໃນເຂດ 3 ຫີນລາດ-ແທ ມີ ຄອບຄົວພົ້ນທຸກ 703 ຄອບຄົວ ແລະ ຍັງມີຄອບຄົວທຸກຍາກ 128 ຄອບຄົວ ກວມເອົາ7,1% ໃນນີ້ ບ້ານ ແທ ລວມມີຄອບຄົວພົ້ນທຸກ 321 ຄອບຄົວ ແລະ ຍັງມີຄອບຄົວທຸກຍາກຢູ່ 27 ຄອບຄົວ ກວມເອົາ 3% ໃນຄອບຄົວທັງໝົດ 780 ຄອບຄົວ.

      ໂອກາດ ດັ່ງກ່າວ ທ່ານ ຈູມມະລີ ໄຊຍະສອນ ອາດີດ ເລຂາ ທິການໃຫຍ່ ພັກປະຊາຊົນ ປະຕິວັດລາວ, ອາດີດ ປະທານປະເທດ ສປປລ ໄດ້ໃຫ້ການຊີ້ນໍາ ໂດຍຊຸກຍູ້ໃຫ້ອຳນາດການປົກແຂວງ ເມືອງ ແລະ ຄະນໍາຂັ້ນບ້ານເອົາໃຈໃສ່ ສືບຕໍ່ ປະຕິບັດ ວຽກງານ ສາມສ້າງ ເຊິ່ງເປັນວຽກ ທີ່ຕ້ອງ ເຮັດປະຈຳ ທັງເປັນວຽກ ຍຸດທະສາດ ແລະ ຍາວນານ ພ້ອມທັງສຸມໃສ່ທິດທາງ ການພັດທະນາໄປຕາມທ່າແຮງ ຂອງທ້ອງຖິ່ນໃນນີ້ສຸມໃສ່ ການພັດທະນາ ເສດຖະກິດ-ສັງຄົມ ແກ້ໄຂ ແລະ ລົບລ້າງ ຄວາມທຸກຍາກ ຊຸກຍູ້ສົ່ງເສີມ ການປູກ, ການລ້ຽງ ສ້າງກຸ່ມ ການຜະລິດ, ສ້າງຄອບຄົວ ຕົວແບບ ການຜະລິດ ເປັນສິນຄ້າຕິດພັນກັບ ຄວາມຕ້ອງການ ຂອງຕະຫຼາດ ເພື່ອສ້າງແຫລ່ງລາຍຮັບ ພັດທະນາຊີວິດການເປັນຢູ່ດີຂຶ້ນເທື່ອລະກ້າວ ຕາມແນວທາງຂອງພັກ-ລັດວາງອອກ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008