banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:175
ມື້ວານນີ້:ມື້ວານນີ້:342
ອາທິດນີ້:ອາທິດນີ້:852
ເດືອນນີ້:ເດືອນນີ້:7221
ທັງໝົດ:ທັງໝົດ:180884

Lao National Radio

radio

ແຜນທີແຂວງ ອັດຕະປື

administrative map

 

 

 

ເຈົ້າແຂວງອັດຕະປື ລົງຢ້ຽມຢາມ ປະຊາຊົນບ້ານພອກ ໃນຕອນ ເຊົ້າວັນທີ 13 ມີນາ 2018 ທ່ານ ເລັດ ໄຊຍະພອນ ເລຂາພັກແຂວງ, ເຈົ້າແຂວງອັດຕະປື, ທັງເປັນ ສຳມະຊິກ ສະພາແຫ່ງຊາດ ປະຈຳເຂດ ເລືອກຕັ້ງທີ 17 ແຂວງອັດຕະປື ພ້ອມດ້ວຍ ສຳມະຊິກ ສະພາທ້ອງຖິ່ນແຂວງ ປະຈຳເມືອງ ໄຊເສດຖາ ແລະ ຄະນະປະຈຳ ສະພາແຂວງ ໄດ້ລົງພົບປະ ໂອ້ລົມ ປະຊາຊົນ ບ້ານພອກ, ເມືອງໄຊເສດຖາ ຢູ່ທີ່ວັດ ບ້ານພອກ ໂດຍມີອຳນາດ ການປົກຄອງບ້ານ ແລະ ພໍ່ແມ່ປະຊາຊົນ ໃຫ້ການຕ້ອນຮັບ ແລະ ເຂົ້າຮ່ວມ ຮັບຟັງ ການໂອ້ລົມ. ໃນພິທີ ທ່ານ ນາຍບ້ານ ບ້ານພອກ ໄດ້ລາຍງານ ສະພາບ ການຈັດຕັ້ງ ປະຕິບັດ ການພັດທະນາ ເສດຖະກິດ-ສັງຄົມຂອງບ້ານ ເຊິ່ງໄດ້ຍົກໃຫ້ເຫັນ ຈຸດພິເສດ ທີ່ຕັ້ງບ້ານ, ຂໍ້ສະດວກ, ຂໍ້ຫຍຸ້ງຍາກ ໃນການພັດທະນາ ລວມທັງ ຂໍ້ສະເໜີຕ່າງໆ.

ໂອກາດດັ່ງກ່າວ ທ່ານ ເລັດ ໄຊຍະພອນ ເລຂາພັກແຂວງ, ເຈົ້າແຂວງອັດຕະປື, ທັງເປັນສຳມະຊິກ ສະພາແຫ່ງຊາດ ປະຈຳເຂດເລືອກຕັ້ງທີ 17 ແຂວງອັດຕະປື ໄດ້ໃຫ້ກຽດໂອ້ລົມ ໃນນີ້ທ່ານໄດ້ ເຜີຍແຜ່ ມະຕິ ທີ່ສຳຄັນ ທີ່ໄດ້ຮັບຮອງ ໃນກອງປະຊຸມ ສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ແລະ ສະພາປະຊາຊົນແຂວງ ຊຸດທີ I ໃຫ້ຜູ້ເຂົ້າຮ່ວມ ໃນຄັ້ງນີ້ ຮັບຮູ້ເຊື່ອມຊື່ມ ເນື່ອໃນຈິດໃຈ ທີ່ກອງປະຊຸມໄດ້ຮັບຮອງ, ພ້ອມກັນນັ້ນ ທ່ານຍັງໄດ້ຮຽກຮ້ອງ ໃຫ້ການຈັດຕັ້ງບ້ານ ປະສານສົມທົບ ກັບເມືອງໄຊເສດຖາ ເພື່ອຈັດສັນທີ່ດີນ ປຸກສ້າງໃຫ້ປະຊາຊົນ ຕາມເງື່ອນໄຂ, ພ້ອມທັງກວດກາຄຸ້ມຄອງ ເນື້ອທີ່ບ້ານ ຕາມສິດຂອບເຂດ ແລະ ຄວາມຮັບຜິດຊອບ ນອກຈາກນີ້ ກໍ່ຕ້ອງປັບປຸງ ແບບແຜນການນຳພາ, ແບບແຜນ ວິທີເຮັດວຽກ ຂອງການຈັດຕັ້ງບ້ານໃຫ້ມີຄວາມເຂັ້ມແຂງ, ເອົາໃຈໃສ່ ປຸກລະດົມພໍ່ແມ່ປະຊາຊົນ ໃນການເສີມຂະຫຍາຍມູນເຊື້ອ ດຸໝັ່ນ ໃນການຜະລິດ ເປັນສິນຄ້າ ເປັນຕົ້ນການປູກການລ້ຽງ ເພື່ອປ້ອນຕະຫຼາດ ເມືອງໃໝ່ ເພື່ອສ້າງລາຍຮັບໃຫ້ຄອບຄົວ ທັງເປັນການພັດທະນາ ຄຸນນະພາບຊີວິດໃຫ້ດີຂື້ນ. ບ້ານພອກ ແມ່ນເປັນບ້ານໝື່ງ ທີ່ມີຫຼາຍຊົນເຜົ່າຢູ່ຮ່ວມກັນ, ມີ 549 ຫຼັງຄາເຮືອນ, 611 ຄອບຄົວ, ພົນລະເມືອງ 2.590 ຄົນ. ມີເນື້ອທີ່ນາ 793 ເຮັກຕາ, ສັດລ້ຽງ ຄວາຍ 631 ໂຕ, ງົວ 193 ໂຕ, ໝູ 604 ໂຕ ແລະ ສັດປີກ 3. 623ໂຕ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008