banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:73
ມື້ວານນີ້:ມື້ວານນີ້:165
ອາທິດນີ້:ອາທິດນີ້:1436
ເດືອນນີ້:ເດືອນນີ້:6386
ທັງໝົດ:ທັງໝົດ:144856

Lao National Radio

radio

ແຜນທີແຂວງ ອັດຕະປື

administrative map

 

 

 

ແຂວງອັດຕະປື ກຳນົດ 11 ຈຸດສຸມ ໃນ 5 ເມືອງ ພ້ອມສົ່ງ ພະນັກງານແຂວງ ລົງປັງປຸງ ແລະ ພັດທະນາ: ໃນວັນທີ 26 ກຸມພາ 2018 ແຂວງອັດຕະປື ໄດ້ເປີດ ບັ້ນເຊື່ອມຊືມ ບັນດາມະຕິ ແລະ ເອກະ ສານຕ່າງໆ ເພື່ອກະກຽມ ໃຫ້ແກ່ ການຫັນລົງ ກໍ່ສ້າງຮາກຖານ ການເມືອງ ປະຈຳປີ 2018 ເຊິ່ງພິທີ ດັ່ງກ່າວ ໄດ້ຈັດຂື້ນ ທີ່ຫ້ອງປະຊຸມຊັ້ນ 5 ສຳນັກງານ ອົງການ ປົກຄອງແຂວງ ພາຍໃຕ້ ການເປັນ ປະທານ ຂອງ ທ່ານ ເລັດ ໄຊຍະພອນ ເລຂາ ພັກແຂວງ, ເຈົ້າແຂວງ ອັດຕະປື ເຂົ້າຮ່ວມມີ ບັນດາຄະນະ ປະຈຳພັກແຂວງ, ຫົວໜ້າ ພະແນກການ ພ້ອມດ້ວຍ ພະນັກງານ ເປົ້າໝາຍ ທີ່ຈະລົງ ຮາກຖານ ເຂົ້າຮ່ວມ ຢ່າງພ້ອມພຽງ. ໃນພິທີ ຄະນະຈັດຕັ້ງແຂວງ ໄດ້ຂື້ນຜ່ານ ມະຕິຮັບຮອງເອົາ ຈຸດສຸມ ອ່ອນແອ-ຫຼໍ່ແຫຼມ ໃນທົ່ວແຂວງ ລວມມີ 11 ຈຸດສຸມຄື: ເມືອງສາມັກຄີໄຊ: ຈຸດສຸມ ບ້ານໃຫຍ່ ເຊກະຫມານ, ຈຸດສຸມບ້ານໃຫຍ່ ມື່ນຫົວເມືອງ ແລະ ເຂດບ້ານລະຍາວ. ເມືອງໄຊເສດຖາ: ຈຸດສຸມພະເມືອງ, ຈຸດສຸມບ້ານພອກ, ຈຸດສຸມໂພນງາມ. ເມືອງພູວົງ: ຈຸດສຸມ ບ້ານວົງສຳພັນ -ວັງ ແຄນ, ຈຸດສຸມ ນໍ້າກົງ-ວຽງໄຊ, ຈຸດສຸມສົມບູນ. ເມືອງສະໜາມໄຊ: ຈຸດສຸມ ສົ້ມປ່ອຍ, ຈຸດສຸມ ໜອງຫີນ. ເມືອງຊານໄຊ: ຈຸດສຸມ ວັງຕັດ.

ພ້ອມນັ້ນ: ຍັງໄດ້ຜ່ານ ມະຕິຕົກລົງ ວ່າດ້ວຍ ການແຕ່ງຕັ້ງ ພະນັກງານນຳພາ-ຄຸ້ມຄອງ ຂັ້ນແຂວງ ຈຳນວນ 117 ສະຫາຍ ເພື່ອລົງສົມທົບ ກັບຄະນະ ຮັບຜິດຊອບ ຂັ້ນເມືອງ ເພື່ອລົງປັບປຸງ ວຽກງານ ກໍ່ສ້າງຮາກຖານ ການເມືອງ ແລະ ພັດທະນາ ຊົນນະບົດຮອບດ້ານ ຢູ່ຕາມຈຸດ ອ່ອນແອ, ຫຼໍ່ແລມ ແລະ ເຄັ່ງຮ້ອນ ຈຳນວນ 11 ຈຸດ ໃນ 5 ຕົວເມືອງ ທົ່ວແຂວງ. ໂດຍມີ ຄະນະປະຈຳ ພັກແຂວງ ຊີ້ນຳ ໃນແຕ່ລະເມືອງ. ຈາກນັ້ນ ທີ່ປະຊຸມ ຍັງໄດ້ເຊື່ຶອມຊືມ ເອກະສານ ຄຳສັ່ງເລກທີ 03/ກມສພ ວ່າດ້ວຍ ການສ້າງບ້ານ ເປັນຫົວໜ່ວຍ ພັດທະນາ, ມະຕິ 25/ກມສພ ວ່າດ້ວຍ ທິດທາງ ເປົ້າໝາຍ ແລະ ມາດຕະການ ສ້າງແຂວງ ເປັນຫົວໜ່ວຍ ຍຸດທະສາດ, ສ້າງເມືອງ ເປັນຫົວໜ່ວຍເຂັ້ມແຂງ ຮອບດ້ານ, ສ້າງບ້ານ ເປັນຫົວໜ່ວຍ ພັດທະນາ ແລະ ນິຕິກຳອື່ນໆ ທີ່ກ່ຽວພັນ ກັບວຽກງານ ຮາກຖານ. ທີ່ປະຊຸມ ຍັງໄດ້ມີການ ປະກອບຄໍາຄິດ, ຄຳເຫັນ ເຂົ້າໃສ່ບັນຫາ ທີ່ຍັງຄົງຄ້າງ ໂດຍສະເພາະ ແມ່ນບົດຮຽນ ໃນການລົງເຮັດ ວຽກງານກໍ່ສ້າງ ຮາກຖານຜ່ານມາ ເພື່ອເຮັດໃຫ້ ບັ້ນການ ຫັນລົງ ຮາກຖານ ຄັ້ງນີ້ ມີຄວາມ ໜັກແໜ້ນ ແລະ ໂດດເດັ່ນ ຮອບດ້ານ.

ໃນຕອນທ້າຍ ຂອງກອງປະຊຸມ ທ່ານເລັດ ໄຊຍະພອນ ເລຂາພັກແຂວງ, ເຈົ້າແຂວງ ອັດຕະປື ປະທານທີ່ປະຊຸມ ໄດ້ເນັ້ນຕື່ມໃຫ້ຄະນະຮັບຜິດຊອບ ຄົ້ນຄວ້າ ແລະ ກຳນົດຄືນໃໝ່ ມາດຖານ ແລະ ນະໂຍບາຍ ຕໍ່ພະນັກງານ ທີ່ເຮັດວຽກ ກໍ່ສ້າງຮາກຖານ ຢ່າງເໝາະສົມ ລວມທັງ ຕໍ່ບຸກຄົນ ທີ່ມີຜົນງານ ໂດດເດັ່ນ ໃນການນຳພາ ໃນບັ້ນຫັນລົງ ຮາກຖານ ຄັ້ງນີ້, ພ້ອມນັ້ນ ທ່ານ ຍັງໄດ້ ຮຽກຮ້ອງ ມາຍັງ ຄະນະ ຮັບຜິດຊອບ ແຕ່ຈຸດສຸມ ພ້ອມສຳມະຊິກ ທຸກສະຫາຍ ຈົ່ງເຊີດຊູ ຄວາມເປັນເຈົ້າການ, ເດັດດ່ຽວ ໜັກແໜ້ນ, ມີຄວາມ ຮັບຜິດຊອບໂດຍກົງ ໃນການນຳພາ ແລະ ຊີ້ນຳ ວຽກງານ ຍຸດທະສາດ ຂອງພັກໃນຄັ້ງນີ້ ໂດຍໃຫ້ມີການ ສະຫຼຸບ ຕີລາຄາ ແລະ ລາຍງານ ເປັນປົກກະຕິ. ທັງນີ້ ກໍ່ເພື່ອ ເຮັດໃຫ້ວຽກງານ ກໍ່ສ້າງຮາກຖານ ການເມືອງ ແລະ ພັດທະນາ ຊົນນະບົດ ຮອບດ້ານ ຕິດພັນ ກັບວຽກງານ ສາມສ້າງ ຢູ່ແຂວງອັດຕະປື ໄດ້ຮັບການ ຈັດຕັງປະຕິບັດ ຢ່າງເປັນຮູບປະທຳ ແລະ ນຳພາ ແຂວງອັດຕະປື ກ້າວຂື້ນ ດ້ວຍທ່ວງທ່າ ທີ່ໜັກແໜ້ນກວ່າເກົ່າ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008