banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:112
ມື້ວານນີ້:ມື້ວານນີ້:97
ອາທິດນີ້:ອາທິດນີ້:87
ເດືອນນີ້:ເດືອນນີ້:3342
ທັງໝົດ:ທັງໝົດ:149229

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ຕີລາຄາວຽກງານການເງິນ-ງົບປະມານທົ່ວແຂວງ

     ວັນທີ 2 ກຸມພາ 2018 ທີ່ຫ້ອງປະຊຸມ ເມືອງສາມັກຄີໄຊ ພະແນກການເງິນແຂວງ ອັດຕະປື ໄດ້ຈັດກອງປະຊຸມສະຫຼຸບຕີລາຄາ ວຽກງານການເງິນ-ງົບປະມານ ປີ 2017 ແລະ ທິດທາງແຜນການປີ 2018 ຂຶ້ນ ໂດຍການເປັນປະທານຂອງ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງ ອັດຕະປື, ມີ ທ່ານ ບຸນທະມາລີ ໝັ້ນອານົງ ກຳມະການພັກແຂວງ ຫົວໜ້າພະແນກການເງິນແຂວງ ອັດຕະປື, ມີບັນດາທ່ານຫົວໜ້າ-ຮອງຫົວໜ້າພະແນກການ, ເຈົ້າເມືອງ-ຮອງເຈົ້າເມືອງ, ພະນັກງານຫ້ອງການ-ການເງິນຈາກ 5 ຕົວເມືອງ ແລະ ພະນັກງານໃນຂະແໜງການເງິນກ່ຽວຂ້ອງເຂົ້າຮ່ວມ.    

                                                   

     ກອງປະຊຸມ ທ່ານ ພຸດທະມາລີ ໝັ້ນອານົງ ຫົວໜ້າພະແນກການເງິນ ແຂວງ ອັດຕະປື ໄດ້ຍົກໃຫ້ເຫັນວ່າ: ສະເພາະໃນປີ 2017 ຜ່ານມາ ການຈັດຕັ້ງປະຕິບັດແຜນງົບປະມານແຫ່ງລັດຂອງພະແນກການເງິນແຂວງ ອັດຕະປື ພູດລາຍຮັບສູນກາງມີ 25,65 ຕື້ກີບ ເທົ່າກັບ 120,46% ຂອງແຜນການ, ໃນນີ້ ດ່ານພາສີສາກົນພູເກືອປະຕິບັດໄດ້ 24,61 ຕື້ກີບ ເທົ່າກັບ 136,75% ຂອງແຜນການດັດແກ້, ກອງກວດກາພາສີປະຈຳແຂວງປະຕິບັດໄດ້ 1,04 ຕື້ກີບ ເທົ່າກັບ 31,61% ເຫັນໄດ້ວ່າ ບັນລຸຕາມແຜນການ. ສ່ວນລາຍຮັບທ້ອງຖິ່ນໃນປີຂອງແຂວງ ຈາກ ຊ່ວຍສາອາກອນ, ທີ່ດິນ, ຊັບສິນ ແລະ ຄຸ້ມຄອງລັດວິສາຫະກິດ ສາມາດປະຕິບັດໄດ້ 87,83 ຕື້ກີບ ເທົ່າກັບ 64% ຂອງແຜນການດັດແກ້ ໃນນີ້ລາຍຮັບຈາກຫ້ອງການ-ການເງິນ 5 ຕົວເມືອງ ປະຕິບັດໄດ້ 10,48 ຕື້ກີບ ເທົ່າກັບ 95.67% ຂອງແຜນດັດແກ້ຫຫ ພ້ອມນີ້ ບັນດາຜູ້ແທນກອງປະຊຸມໄດ້ພ້ອມກັບປະກອບຄຳຄິດຄຳເຫັນໃຫ້ບົດສະຫຼຸບ ແລະ ທິດທາງແຜນການປີ 2018 ເພື່ອຊອກໃຫ້ເຫັນດ້ານດີ ແລະ ແກ້ໄຂຈຸດອ່ອນ ທັງເປັນການປຶກສາຫາລືແຜນການຈັດຕັ້ງປະຕິບັດໃນຕໍ່ໜ້າ ຂອງພະແນກການເງິນແຂວງ ໃຫ້ໄດ້ມີປະສິດທິຜົນດີ ຂຶ້ນກວ່າເກົ່າ. ກອງປະຊຸມຍັງໄດ້ມອບຍ້ອງຍໍຂອງທ່ານເຈົ້າແຂວງໃຫ້ແກ່ບັນດາພະແນກການ, ຫ້ອງການການເງິນເມືອງ ແລະ ຫົວໜ່ວຍທຸລະກິດ ທີ່ໄດ້ມີຜົນງານປະກອບສ່ວນເສຍພັນທະໄດ້ ຕາມລະດັບຄາດໝາຍ.

     ຕອນທ້າຍ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງກໍ່ໄດ້ມີຄວາເຫັນ ເຊິ່ງ ທ່ານໄດ້ຕີລາຄາສູງ ຕໍ່ໝາກຜົນການຈັດຕັ້ງປະຕິບັດ ວຽກງານການເງິນ ແລະ ງົບປະມານ ໃນໄລຍະທີ່ຜ່ານມາ ພ້ອມດຽວກັນ ທ່ານໄດ້ເນັ້ນໜັກໃຫ້ຂະແໜງການເງິນ ແລະ ພາກສ່ວນທີ່ກ່ຽວຂ້ອງ ເອົາໃຈໃສ່ຕື່ມ ບາງບັນຫາ ເປັນຕົ້ນ ຕ້ອງເພີ່ມທະວີ ການສຶກສາອົບຮົມແນວຄິດ ໃຫ້ແກ່ພະນັກງານທີ່ປະຕິບັດໜ້າທີ່ ວຽກງານການເງິນ-ງົບປະມານ ໃຫ້ມີຄວາມໜັກແໜ້ນ, ເຂັ້ມແຂງ, ແທດເຖິງ ແລະ ກວ້າງຂວາງກວ່າເກົ່າ, ມີຄວາມຕື່ນຕົວປະຕິບັດພັນທະຂອງຕົນ, ມີຄວາມຈິງໃຈປະສ່ວນ ເຂົ້າໃນການພັດທະນາ ປະເທດຊາດ, ຊຸກຍູ້ ແລະ ປັບປຸງໃຫ້ບັນດາວິສາຫະກິດ ໃຫ້ມີຄວາມເຂັ້ມແຂງ, ພ້ອມກັນເອົາ ໃຈໃສ່ປະຕິບັດ ມາດຕະການປະຢັດມັດທະຍັດ, ຫຼີກລ້ຽງການໃຊ້ຈ່າຍຟູມເຟືອຍ ເພື່ອຫຼຸດຜ່ອນ ການນຳໃຊ້ງົບປະມານຂອງລັດ ແລະ ຊັບພະຍາກອນຂອງຊາດໃນອະນາຄົດ.

ໂດຍ: ມາລາທິບ

98810753

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008