banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:262
ມື້ວານນີ້:ມື້ວານນີ້:394
ອາທິດນີ້:ອາທິດນີ້:963
ເດືອນນີ້:ເດືອນນີ້:10172
ທັງໝົດ:ທັງໝົດ:195626

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ສະຫຼຸບວຽກງານ ສາທາລະນະສຸກ

        ວັນທີ 30 ມັງກອນ 2018 ທີ່ຫ້ອງປະຊຸມ ສະພາປະຊາຊົນແຂວງ ອັດຕະປື ພະແນກສາທາລະນະສຸກ ແຂວງ ໄດ້ຈັດກອງປະຊຸມສະຫຼຸບ ວຽກງານສາທາລະນະສຸກສົກປີ 2017 ແລະ ວາງທິດທາງແຜນການໃນສົກປີ 2018 ຂຶ້ນ ໂດຍເປັນກຽດເຂົ້າຮ່ວມຂອງ ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີ ທ່ານ ອຸ່ນຫຼ້າ ໄຊຍະສິດ ຄະນະປະຈຳພັກແຂວງ ຮອງເຈົ້າແຂວງ, ມີທ່ານ ນາງ ດຣ ອ່ອນຜີວ ໂພທິລາດ ຫົວໜ້າພະແນກສາທາລະນະສຸກແຂວງ, ມີຄະນະນຳຈາກກະຊວງ, ຫົວໜ້າ-ຮອງຫົວໜ້າພະແນກ ສາທາລະນະສຸກຈາກ 4 ແຂວງພາກໃຕ້, ຮອງເຈົ້າເມືອງ 5 ເມືອງ, ແຂກຖືກເຊີນ ຈາກພະແນກການອ້ອມຂ້າງແຂວງ, ຫົວໜ້າຫ້ອງການສາທາລະນະສຸກ 5 ຕົວເມືອງ ຕະຫຼອດຮອດພະນັກງານ-ລັດຖະກອນ ໃນພະແນກສາທາລະນະສຸກ ແຂວງເຂົ້າຮ່ວມ.

        ທ່ານ ນາງ ດຣ ອ່ອນຜີວ ໂພທິລາດ ຫົວໜ້າ ພະແນກສາທາລະນະສຸກ ແຂວງ ອັດຕະປື ໄດ້ຍົກໃຫ້ເຫັນວ່າ ໃນໄລຍະ 1 ປີຜ່ານມາ ພະແນກສາທາລະນະສຸກ ແຂວງ ອັດຕະປື ໄດ້ສຸມໃສ່ການປັບປຸງຄຸນນະພາບ ຂອງການບໍລິການດ້ານສາທາລະນະສຸກແຕ່ລະຂັ້ນ ແລະ ການພັດທະນາສຸຂະພາບຢູ່ຊຸມຊົນ ເພື່ອເຮັດໃຫ້ຊຸມຊົນຮູ້ວິທີປ້ອງກັນພະຍາດ, ຮັກສາສຸຂະພາບ ແລະ ຕື່ນຕົວມາຮັບການປິ່ນປົວສຸຂະພາບໃນສະຖານທີ່ບໍລິການໃກ້ບ້ານ ແລະ ຕາມເງື່ອນໄຂຕ່າງໆໃຫ້ຫຼາຍພ້ອມທັງສ້າງທຸກເງື່ອນໄຂໃຫ້ປະຊາຊົນບັນດາເຜົ່າໄດ້ຮັບການບໍລິການສຸຂະພາບເປັນປົກກະຕິ, ຫຼຸດຜ່ອນການໃຊ້ຈ່າຍໃນການປິ່ນປົວ ແລະ ຮັກສາສຸຂະພາບ ຊ່ວຍປະກອບສ້າງເຮັດໃຫ້ເສດຖະກິດຄອບຄົວ ແລະ ເສດຖະກິດ-ສັງຄົມຂອງແຂວງດີຂຶ້ນເທື່ອລະກ້າວ, ຕາໜ່າງສາທາລະນະສຸກ ທົ່ວແຂວງ ອັດຕະປື ໂຮງໝໍແຂວງ 1 ແຫ່ງ, ມີ 100 ຕຽງ, ໂຮງໝໍເມືອງປະເພດ ຂ 4 ແຫ່ງ, ມີ 80 ຕຽງ, ສຸສາລາປະເພດ ຂ 32 ແຫ່ງ, ມີ 99 ຕຽງ, ມີຈຳນວນຮ້ານຂາຍຢາທັງໝົດ 41 ຮ້ານ, ມີຫ້ອງກວດພະຍາດ 16 ແຫ່ງ ແລະ ມີຕູ້ຢາເຄື່ອນທີ່ 16 ຕູ້, ອັດຕາການຕາຍຂອງແມ່ ໃນປີ 2017 ປະຕິບັດໄດ້ 92 ຄົນ/ແສນ (ດກມຊວ), ແຜນປີ 2018 ໃຫໄດ້ 175/ແສນ, ອັດຕາການຕາຍຂອງເດັກລຸ່ມ 1 ປີ ປະຕິບັດໃນປີໄດ້ 12/ພັນ (ດກມຊວ), ແຜນປີ 2018 ໃຫ້ໄດ້ 38/ພັນ, ອັດຕາການຕາຍຂອງເດັກລຸ່ມ 5 ປີ ປະຕິບັດໃນປີໄດ້ 13/ພັນ, ແຜນປີ 2018 51/ພັນ, ອັດຕາເດັກລຸ່ມ 5 ປີນ້ຳໜັກຫຼຸຸດມາດຕາຖານປະຕິບັດໃນປີໄດ້ 12%, ແຜນປີ 2018 ໃຫ້ໄດ້ 21%, ອັດຕາເດັກລຸ່ມ 5 ປີ ສູງຕໍ່າບໍ່ໄດ້ມາດຕາຖານ (ເຕ້ຍ) ປະຕິບັດໃນປີໄດ້ 11% ແຜນປີ 2018 ໃຫ້ໄດ້ 33.2%, ອັດຕາການເກີດລູກມີເເພດຊ່ວຍປະຕິບັດໃນປີໄດ້ 37% ແຜນປີ 2018 ໃຫ້ໄດ້ 30%, ອັດຕາການສັກຢາກັນພະຍາດປະຕິບັດໃນປີໄດ້ 92% ແຜນປີ 2018 ໃຫ້ໄດ້ 951%, ອັດຕາຊົມໃຊ້ນ້ຳສະອາດ ປະຕິບັດໃນປີໄດ້ 77% ແຜນປີ 2018 ໃຫ້ໄດ້ 84%, ອັດຕາຊົມໃຊ້ວິດຖ່າຍປະຕິບັດໃນປີໄດ້ 60% ແຜນປີ 2018 ໃຫ້ໄດ້ 63%, ອັດຕາການປົກຄຸມປະກັນສຸກຂະພາບປະຕິບັດໃນປີໄດ້ 100% ແຜນປີ 2018 ໃຫ້ໄດ້ 100%.

        ກອງປະຊຸມ ໃນຄະນະດຽວກັນ ທ່ານ ອິນປັນ ອິນທິລາດ ຮອງຫົວໜ້າ ພະແນກສາທາ ລະນະສຸກແຂວງ ກໍ່ໄດ້ເປັນກຽດຂຶ້ນຜ່ານ ທິດທາງແຜນການ ພັດທະນາວຽກງານ ສາທາລະນະສຸກຮອບດ້ານໃນປີ 2018 ຈາກນັ້ນຜູ້ເຂົ້າຮ່ວມກໍ່ຍັງໄດ້ພ້ອມກັນ ປະກອບຄຳເຫັນ ໃສ່ບົດສະຫຼຸບ ແລະ ທິດທາງແຜນການ ເພື່ອໃຫ້ສອດຄ່ອງ ກັບກັບນິຕິກຳຂອງກະຊວງສາທາລະນະສຸກ ກໍ່ຄືຂອງແຂວງ ວາງອອກ ພ້ອມນີ້ ກອງປະຊຸມໄດ້ມີການຍ້ອງຍໍ, ໃບຢັ້ງຢືນ, ໃຫ້ກົມກອງດີເດັ່ນ, ບຸກຄົນດີເດັ່ນ, ຂັ້ນແຂວງ, ຂັ້ນເມືອງ, ສຸສາລາ ທີ່ຍາດໄດ້ຜົນງານໃນໜຶ່ງປີຜ່ານມາ ແລະ ຕອນທ້າຍຂອງກອງປະຊຸມກໍ່ຍັງໄດ້ຮັບຟັງການ ໃຫ້ທິດຊີ້ນຳຈາກ ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງ ສາທາລະນະສຸກ ແລະ ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງ ອັດຕະປື ນຳອີກ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008