banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:260
ມື້ວານນີ້:ມື້ວານນີ້:394
ອາທິດນີ້:ອາທິດນີ້:961
ເດືອນນີ້:ເດືອນນີ້:10170
ທັງໝົດ:ທັງໝົດ:195624

Lao National Radio

radio

ແຜນທີແຂວງ ອັດຕະປື

administrative map

 

 

ໃນວັນທີ 17 ມັງກອນ ນີ້ ທ່ານ ປອ ບຸນທອງ ຈິດມະນີ ກຳມະການ ກົມການເມືອງ ສູນກາງພັກ ຮອງນາຍົກ ລັດຖະມົນຕີ, ປະທານ ຄະນະ ກວດກາ ສູນກາງພັກ, ປະທານ ອົງການ ກວດກາ ລັດຖະ ບານ, ຫົວໜ້າ ອົງການ ຕ້ານການ ສໍ້ລາດບັງຫຼວງ ຂັ້ນສູນກາງ ພ້ອມດ້ວຍ ຄະນະ ໄດ້ເຄື່ອນໄຫວ ຢ້ຽມຢາມ ແລະ ເຮັດວຽກ ຢູ່ແຂວງອັດຕະປື ໂດຍໄດ້ຮັບ ການຕ້ອນຮັບ ອັນອົບອຸ່ນ ຈາກທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງ ອັດຕະປື ຜູ້ປະຈຳການ ເຈົ້າແຂວງ ພ້ອມດ້ວຍ ຄະນະປະຈໍາ, ໃຫ້ການ ຕ້ອນຮັບ ທີ່ສະໜາມບິນ ຂອງແຂວງ. ຈາກນັ້ນ ກໍ່ໄດ້ມີ ພິທີ ພົບປະ ໂອ້ລົມ ພະນັກງານ ການນຳ ອ້ອມຂ້າງແຂວງ ທີ່ສຳນັກງານ ອົງການ ປົກຄອງແຂວງ.

ໃນພິທີ ພາຍຫຼັງແຂວງ ໄດ້ລາຍງາຍ ສະພາບ ການພັດທະນາ ເສດຖະກິດ - ສັງຄົມ ຂອງແຂວງແລ້ວ ທ່ານ ປອ ບຸນທອງ ຈິດມະນີ ກຳມະການ ກົມການເມືອງ ສູນກາງພັກ ຮອງນາຍົກ ລັດຖະມົນຕີ ໄດ້ເນັ້ນ ໃຫ້ຄະນະນຳ ແຂວງອັດຕະປື ສືບຕໍ່ ເອົາໃຈໃສ່ ເປັນຕົ້ນ: ວຽກງານ ປ້ອງກັນຊາດ - ປ້ອງກັນ ຄວາມສະຫງົບ, ຖືເປັນ ວຽກງານ ພື້ນຖານ ຍາວນານ ຊຶ່ງເປັນໜ້າທີ່ ຂອງຄະນະພັກ ແຕ່ລະຂັ້ນ ຕ້ອງໄດ້ສຸມໃສ່ ເພື່ອຕ້ານ ກົນອຸບາຍ ຂອງອິດທິກຳລັງ ປໍລະປັກ ແລະ ກຸ່ມຄົນບໍ່ດີ ດ້ວຍການ ຫັນລົງຮາກຖານ ເພື່ອປຸກລະດົມ ຈິດໃຈ ປະຊາຊົນ ໃຫ້ມີສະຕິ ລະວັງຕົວສູງ ຂຶ້ນຕື່ມ.

ພ້ອມທັງ ເອົາໃສ່ ສະກັດກັ້ນ ປະກົດການ ຫຍໍ້ທໍ້ ໃນສັງຄົມ ໃຫ້ຫຼຸດນ້ອຍ ຖອຍລົງ ເທື່ອລະກ້າວ ລວມທັງການ ສະກັດກັ້ນ ການລັກລອບ ຊັບພະຍາກອນ ທຳມະຊາດ ບໍລິເວນຊາຍແດນ ໄປພ້ອມໆ ກັບການ ຊຸກຍູ້ ສົ່ງເສີມ ການປະຕິບັດ ແຜນພັດທະນາ ເສດຖະກິດ - ສັງຄົມ ປຸກລະດົມ ການປູກ - ການລ້ຽງ ໃຫ້ມີປະສິດ ທິຜົນກວ່າເກົ່າ ດ້ວຍການ ຫັນຈາກການ ຜະລິດ ແບບຄອບຄົວ ມາຜະລິດ ແບບເປັນກຸ່ມ - ເປັນຟາມ ນຳໃຊ້ເຕັກນິກ ວິທະຍາສາດ ຈັດສັນ ພື້ນທີ່ ທຳການຜະລິດ, ທີ່ຢູ່ອາໃສ ແລະ ຈັດສັນ ອາຊີບ ຄົງທີ່ ໃຫ້ປະຊາຊົນ ຢ່າງລະອຽດ ເພື່ອກ້າວໄປສູ່ ຄອບຄົວ ພົ້ນທຸກ ເທື່ອລະ ກ້າວ. ພ້ອມກັນນັ້ນ ວຽກງານ 3 ສ້າງ ໃຫ້ເອົາໃຈໃສ່ ສະຫຼຸບ ຕີລາຄາຄືນ ບ່ອນທີ່ເປັນ ຈຸດສຸມ ຂອງແຂວງ, ຂອງເມືອງ ເພື່ອເປັນ ຕົວແບບ ຂະຫຍາຍ ໄປສູ່ເຂດອື່ນໆ ສົມທຽບ ການພັດທະນາ ລະຫວ່າງບ້ານ 3 ສ້າງ ແລະ ບ້ານທົ່ວໄປ, ກວດກາຄືນ ການແບ່ງ ຂັ້ນຄຸ້ມຄອງ ລະຫວ່າງ ແຂວງກັບເມືອງ ແລະ ບ້ານ. ພ້ອມທັງ ເອົາໃຈໃສ່ ປະຕິບັດ ຄໍາສັ່ງເລກທີ 15/ນຍ ໃຫ້ເຂັ້ມງວດ .ນອກນີ້ ວຽກງານພັກ ໃຫ້ສືບຕໍ່ ຜັນຂະຫຍາຍ ຜົນສຳເລັດ ການດຳເນີນ ຊີວິການເມືອງ ປັບປຸງປົວແປງ ພາຍໃນພັກ ລົງເລິກຕື່ມ ໃນການ ສຶກສາອົບຮົມ ເພື່ອໃຫ້ ມີການຫັນປ່ຽນ. ການກໍ່ສ້າງ ການຂະຫຍາຍ ພັກ ໃຫ້ໄດ້ ຈັດຕັ້ງ ເຜີຍແຜ່ ບັນດາຄຳສັ່ງ, ນິຕິກໍາຕ່າງໆ ທີ່ກ່ຽວຂ້ອງ ພ້ອມທັງ ໃຫ້ສືບຕໍ່ ກໍ່ສ້າງ ພະນັກງງານ ສືບທອດ, ປ່ຽນແທນ ແຕ່ລະຂັ້ນ ຢ່າງເປັນປົກກະຕິ. ສ່ວນວຽກງານ ກວດກາ ໃຫ້ເອົາໃຈໃສ່ ຕິດຕາມ ການປະຕິບັດ ພາລະບົດບາດ, ສິດ ແລະ ໜ້າທີ່ ຂອງຕົນ, ການປະຕິບັດ ລະບຽບກົດໝາຍ ທີ່ລັດວາງອອກ, ການປະຕິບັດ ລາຍຮັບ-ລາຍຈ່າຍ ງົບປະມານ, ການຄຸ້ມຄອງ ໃນການນໍາໃຊ້ ຊັບພະຍາກອນ ແລະ ການຕ້ານ ການສໍ້ລາດ ບັງຫຼວງ ຂອງພັກ-ລັດເຮົາ ເຫຼົ່ານີ້ເປັນຕົ້ນ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008