ໃນຕອນ ບ່າຍວັນທີ 11 / 1 / 2018 ທ່ານ ເລັດ ໄຊຍະພອນ ເລຂາ ພັກແຂວງ, ເຈົ້າແຂວງ ອັດຕະປື ພ້ອມດ້ວຍ ຄະນະປະຈຳ ພັກແຂວງ ໄດ້ຕ້ອນຮັບ ທ່ານ ຄຳໄຕ ສີພັນດອນ ອາດີດ ເລຂາ ທິການໃຫຍ່ ພັກປະ ຊາຊົນປະ ຕິວັດລາວ, ອາດີດ ປະທານ ປະເທດ ແຫ່ງ ສປປລ ທີ່ເດີນທາງມາ ຢ້ຽມຢາມ ແຂວງອັດຕະປື.

ໂອກາດ ດັ່ງກ່າວ ທ່ານເລຂາ ພັກແຂວງ, ເຈົ້າແຂວງ ກໍ່ໄດ້ ຕາໜ້າຊາວ ແຂວງອັດຕະປື ມອບຂອງຂັວນ ອວຍພອນ ເນື່ອງໃນ ໂອກາດ ວັນຊາດ ທີ 2 ທັນວາ ແລະ ປີໃໝ່ສາກົນ 2018.

ທັງນີ້ ກໍ່ເພື່ອ ສະແດງ ຄວາມກະຕັນຍູ ຮູ້ຄຸນ ຕໍ່ອາດີດ ການນຳສູງສຸດ ຂອງພັກ ກໍ່ຄື ຂອງຊາດ ພ້ອມທັງ ອວຍພອນ ໃຫ້ມີສຸຂະພາບ ເຂັ້ມແຂງ, ແຂງແຮງ ເປັນຮົມ ໂພໄຊ ໃຫ້ປະເທດຊາດ ແລະ ປະຊາຊົນລາວ ຕະລອດໄປ.