banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:247
ມື້ວານນີ້:ມື້ວານນີ້:394
ອາທິດນີ້:ອາທິດນີ້:948
ເດືອນນີ້:ເດືອນນີ້:10157
ທັງໝົດ:ທັງໝົດ:195611

Lao National Radio

radio

ແຜນທີແຂວງ ອັດຕະປື

administrative map

 

 

ເຈົ້າແຂວງອັດຕະປືລົງຢ້ຽມຢາມ ແລະ ຊຸກຍູ້ການຜະລິດ ຢູ່ເຂດສົ້ມປ່ອຍ ດ້ວຍຄວາມ ເປັນຫ່ວງ ເປັນໃຍ ຂອງອຳນາດ ການປົກ ຄອງແຂວງ ທີ່ມີຕໍ່ ພໍ່ແມ່ ປະຊາຊົນ ທີ່ດຳລົງຊີວິດ ລຽບຕາມແຄມ ແມ່ນໍ້າ ເຊກອງ ເຂດສົ້ມປ່ອຍ ເມືອງສະ ໜາມໄຊ ບໍລິເວນ ຊາຍແດນ ລາວ - ກຳປູເຈຍ ດັ່ງນັ້ນ ໃນມື້ ວັນທີ 3 ມັງກອນ 2018 ທ່ານ ເລັດ ໄຊຍະພອນ ເລຂາ ພັກແຂວງ, ເຈົ້າແຂວງ ອັດຕະປື ພ້ອມດວຍ ຄະນະ ໄດ້ລົງ ຢ້ຽມຢາມ ພົບປະ ໂອ້ລົມ ອຳນາດ ການປົກຄອງ 7 ບ້ານ ເຊິ່ງລວມມີ: ບ້ານນໍ້າກົງ, ຄັນໝາກນາວ, ຕະເງົາ, ຫາດຊາຍສູງ, ສົ້ມປ່ອຍ, ບຸ່ງແກ້ວ, ຫາດອຸດົມໄຊ ລວມທັງໝົດ ມີ 876 ຫຼັງຄາ ເຮືອນ, 1.029 ຄອບຄົວ ພົນລະເມືອງ 4.612 ຄົນ ເຊິ່ງພິທີ ພົບປະ ດັ່ງກ່າວ ໄດ້ຈັດຂື້ນ ທີ່ຫ້ອງການ ກຸ່ມບ້ານ ສົ້ມປ່ອຍ ໂດຍມີ ທ່ານ ເຈົ້າເມືອງ ສະໜາມໄຊ ພ້ອມດ້ວຍ ພະນັກ ງານ ຮາກຖານ ເຂົ້າຮ່ວມ.

ໃນພິທີ ດັ່ງກ່າວ ອຳນາດ ການປົກຄອງ ແຕ່ລະບ້ານ ໄດ້ລາຍງານ ຂໍ້ສະດວກ, ຂໍ້ຫຍຸງຍາກ ໃນການ ພັດທະນາ ເສດຖະກິດ - ສັງຄົມ ຂອງບ້ານ ພ້ອມທັງ ສະເໜີ ບັນຫາ ຕ່າງໆ ທີ່ປະຊາຊົນ ໃຫ້ຄວາມ ສົນໃຈ ເປັນຕົ້ນ ແມ່ນ ການແກ້ໄຂ ການໄປ ທຳມາຫາກິນ ໃນເຂດ ຄົງຄ້າງ ມິດຕະພາບ, ບັນຫາ ຜົນກະທົບ ໃນການ ທຳມາຫາກິນ ຂອງປະຊາຊົນ ຕາມລຳນໍ້າເຊກອງ ແລະ ຝາກລຳນໍ້າ ເຊກອງ ທີ່ເຄີຍ ຊອກຢູ່ ຫາກີຍ ໄລຍະຜ່ານມາ ລວມທັງ ຜົນເສຍຫາຍ ດ້ານອື່ນໆ ເຊັ່ນ: ເຂົ້າໄຮ່ ປະຊາຊົນ ບ້ານຕະເງົາ ຈຳນວນ 5,3 ເຮັກຕາ ແລະ ເຂົ້າໄຮ່ ປະຊາຊົນ ບ້ານສົ້າປ່ອຍ ຈຳນວນ 9 ເຮັກຕາ ບໍ່ສາມາດ ເກັບກູ້ໄດ້ ນອກນັ້ນ ຍັງມີ ສັດລ້ຽງ ປະເພດ ງົວ ປະຊາຊົນ ບ້ານສົ້ມປ່ອຍ ຈຳນວນ 50 ປາຍກວ່າໂຕ ຍັງຕົກຄ້າງ ຢູ່ຝາກ ເຊກອງ ເບື້ອງນັ້ນ ແລະ ຍັງບໍ່ ຮູ້ວ່າ ສັດລ້ຽງ ຈຳນວນ ດັ່ງກ່າວ ເຈົ້າຂອງ ຈະໄດ້ຄືນ ມາຫຼືບໍ່ ແລະ ຍັງຄົບ ຕາມຈຳນວ ນຫຼື ບໍ່. ໂອກາດ

ດັ່ງກ່າວ ທ່ານ ເລັດ ໄຊຍະພອນ ເລຂາ ພັກແຂວງ ເຈົ້າແຂວງ ອັດຕະປື ໄດ້ໃຫ້ກຽດ ໂອ້ລົມ ແລະ ຊີ້ແຈງ ບັນຫາຕ່າງໆ ໃຫ້ອຳນາດ ການປົກຄອງ ແຕ່ລະບ້ານ ຮັບຮູ້ ເຂົ້າໃຈ ແລະ ເຊື່ອໝັ້ນ ຕໍ່ການ ນຳພາ ຂອງພັກ-ລັດ ໃນການ ແກ້ໄຊ ບັນຫາ ຕ່າງໆ ໂດຍທ່ານ ໄດ້ຮຽກຮ້ອງ ໃຫ້ແຕ່ ລະບ້ານ ເຕົ້າໂຮມ ຄວາມສາມັກຄີ ແລະ ມີສະຕິ ຕໍ່ການປຸກປັ່ນ ຂອງກຸ່ມຄົນບໍ່ດີ ທີ່ຈະສ້າງ ຄວາມແຕກຕື່ນ ແກ່ພໍ່ແມ່ ປະຊາຊົນ ພ້ອມນັ້ນ ການຈັດ ຕັ້ງບ້ານ ຕ້ອງເກັບກຳ ຂໍ້ມູນ ໃຫ້ລະອຽດ ຈະແຈ້ງ ຕໍ່ຄອບຄົວ ຜູ້ທີ່ໄດ້ຮັບ ຜົນກະທົບ ແລະ ຄອບຄົວ ທຸກຍາກ ເພື່ອຈັດສັນ ທີ່ດີນທຳການ ຜະລິດໃໝ່ ແລະ ຊອກວິທີ ທາງຊ່ວຍ ເພື່ອໃຫ້ ເຂົາເຈົ້າ ໄດ້ມີທ່າແຮງ ໃນການ ພັດທະນາ ຊິວິດການເປັນຢູ່ ໃຫ້ດີຂື້ນ.

ການລົງ ຮາກຖານ ພົບປະ ພໍ່ແມ່ ປະຊາຊົນ ຂອງທ່ານ ເຈົ້າແຂວງ ຄັ້ງນີ້ ແມ່ນເປັນຄັ້ງ ທຳທິດ ພາຍຫຼັງ ທີ່ທ່ານ ໄດ້ຮັບການ ແຕ່ງຕັ້ງ ເປັນເລຂາ ພັກແຂວງ, ເຈົ້າແຂວງ ອັດຕະປື

ໂອກາດ ດັ່ງກ່າວ ທ່ານເຈົ້າແຂວງ ພ້ອມດ້ວຍ ຄະນະ ຍັງໄດ້ໄປ ຢ້ຽມຢາມ ແລະ ອວຍພອນ ອ້າຍນ້ອງ ທະຫານ ກອງຮ້ອຍ ອາໄລ, ກອງພັນ 21 ແລະ ກອງຮ້ອຍ ຊາຍແດນ 543 ເນື່ອງໃນ ໂອກາດ ປີໃໝ່ ສາກົນ 2018.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008