banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:201
ມື້ວານນີ້:ມື້ວານນີ້:257
ອາທິດນີ້:ອາທິດນີ້:1602
ເດືອນນີ້:ເດືອນນີ້:6812
ທັງໝົດ:ທັງໝົດ:169396

Lao National Radio

radio

ແຜນທີແຂວງ ອັດຕະປື

administrative map

 

 

ກອງປະຊຸມ ສະພາປະຊາຊົນ ອັດຕະປື ປິດລົງດ້ວຍຜົນສຳເລັດ

          ກອງປະຊຸມ ສະໄໝສາມັນ ເທື່ອທີ 4 ສະພາປະຊາຊົນ ແຂວງ ອັດຕະປື ປິດລົງໃນວັນທີ 29 ທັນວາ 2017 ທີ່ຫ້ອງປະຊຸມ ສະພາປະຊາຊົນ ແຂວງ ດ້ວຍຜົນສຳເລັດໃນຫຼາຍດ້ານ ໂດຍການເປັນປະທານ ຂອງ ທ່ານ ເພັດແກ້ວ ເຮືອງປັນຍາ ສະມາຊິກສະພາແຫ່ງຊາດ ປະຈຳເຂດເລືອກຕັ້ງ ປະທານສະພາ ປະຊາຊົນແຂວງ ອັດຕະປື, ໃຫ້ກຽດເຂົ້າຮ່ວມ ມີທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງ ອັດຕະປື, ມີຄະນະສະມາຊິກ ສະພາແຫ່ງຊາດ ປະຈຳເຂດເລືອກຕັ້ງ, ສະມາຊິກສະພາ ປະຊາຊົນແຂວງ, ອາດີດການນຳຂອງແຂວງ, ຫົວໜ້າພະແນກ ການອ້ອມຂ້າງແຂວງ, ອົງການທຽບເທົ່າ, ຫົວໜ່ວຍທຸລະກິດ ພ້ອມດ້ວຍເຈົ້າເມືອງຈາກ 5 ເມືອງເຂົ້າຮ່ວມ.

          ກອງປະຊຸມ ທ່ານ ເພັດແກ້ວ ເຮືອງປັນຍາ ໄດ້ກ່າວວ່າ: ກອງປະຊຸມ ໄດ້ດໍາເນີນມາເປັນເວລາ 4 ວັນ ເຊິ່ງເຕັມໄປດ້ວຍ ບັນຍາກາດ ອັນຟົດຟື້ນ ແຫ່ງການເສີມ ຂະຫຍາຍສິດ ປະຊາທິປະໄຕ ແລະ ດ້ວຍຄວາມ ຮັບຜິດຊອບທາງການເມືອງສູງ ຂອງບັນດາທ່ານສະມາ ຊິກສະພາແຫ່ງຊາດ ປະຈຳເຂດເລືອກຕັ້ງ ແລະ ບັນດາສະມາຊິກ ສະພາປະຊາຊົນ ໃນຖະນະ ເປັນຕົວແທນແຫ່ງ ສິດຜົນປະໂຫຍດ ຂອງຊາວແຂວງ ອັດຕະປື, ໃນກອງປະຊຸມ ຕະຫຼອດໄລຍະເວລາ 4 ວັນຜ່ານມາ ບັນດາສະມາຊິກ ສະພາແຫ່ງຊາດປະຈຳ ເຂດເລືອກຕັ້ງ ແລະ ບັນດາສະມາຊິກ ສະພາປະຊາຊົນ ແຂວງ ໄດ້ສຸມທຸກສະຕິປັນຍາ ໃນການຄົ້ນຄວ້າ, ພິຈາລະນາ ແລະ ຕົກລົງຮັບຮອງ ເອົາບັນຫາສຳຄັນຕ່າງໆ ຂອງແຂວງດ້ວຍຄວາມເປັນເອກະພາບສູງ ເປັນຕົ້ນ: ໄດ້ເປັນເອກະພາບພິຈາລະນາ ແລະ ຮັບຮອງເອົາທ່ານ ເລັດ ໄຊຍະພອນ ເປັນເຈົ້າແຂວງ ອັດຕະປື ຢ່າງເປັນທາງການ, ພິຈາລະນາ ແລະ ຮັບຮອງເອົາ ທ່ານ ເພັດແກ້ວ ເຮືອງປັນຍາ ຮອງປະທານ ສະພາປະທານສະພາປະຊາຊົນ ຂຶ້ນເປັນປະທານສະພາ ປະຊາຊົນແຂວງ, ພິຈາລະນາ ຮັບຮອງເອົາ ທ່ານ ເເກ້ວວົງວຽນ ບຸດສະວົງ ເລຂາທິການ ສະພາປະຊາຊົນ ຂຶ້ນເປັນຮອງປະທານ ສະພາປະຊາຊົນແຂວງ, ພິຈາລະນາຮັບ ຮອງເອົາ ທ່ານ ສຸກສຳລານ ໄຊຍະເເສງ ສະມາຊິກສະພາ ປະຊາຊົນປະຈຳ ເຂດເລືອກຕັ້ງ ເມືອງ ສະໜາມໄຊ ເປັນຄະນະປະຈຳ ສະພາປະຊາຊົນ ຄະນະກຳມະການ ເສດຖະກິດແຜນການ ແລະ ການເງິນ, ພິຈາລະນາຮັບຮອງເອົາ ທ່ານ ກົງໃຈ ສີດາວົງ ສະມາຊິກສະພາປະຊາຊົນ ເມືອງ ໄຊເສດຖາ ເປັນຄະນະປະຈຳສະພາ ທັງເປັນເລຂາ ທິການສະພາປະຊາຊົນແຂວງ.

          ພ້ອມນີ້ ກອງປະຊຸມ ໄດ້ພິຈາລະນາຮັບ ຮອງວຽກງານອົງ ການປົກຄອງແຂວງ ກ່ຽວກັບການ ຈັດຕັ້ງປະຕິບັດແຜນວຽກ ຈຸດສຸມໃນປີ 2017 ແລະ ທິດທາງແຜນການ ປີ 2018, ແຜນພັດທະນາ ເສດຖະກິດ-ສັງຄົມ 6 ເດືອນຕົ້ນປີ, ຄາດຄະເນໝົດປີ 2017 ແລະ ວາງທິທາງແຜນການປີ 2018, ພິຈາລະນາຮັບ ຮອງການຈັດຕັ້ງ ປະຕິບັດແຜນງົບປະມານ ແຫ່ງລັດຂອງແຂວງ ແລະ ທິດທາງແຜນການປີ 2018, ພິຈາລະນາວຽກງານ ອົງການກວດ ສວບພາກໃຕ້ປະຈຳປີ 2017, ທິດທາງແຜນ ການເຄື່ອນໄຫວປີ 2018 ແລະ ຜົນການກວດ ສອບບົດສະຫຼຸບຂາດ ຕົວການຈັດຕັ້ງປະຕິບັດແຜນ ງົບປະມານແຫ່ງລັດ ປະຈຳສົກປີ 2015-2016 ຂອງແຂວງ ອັດຕະປື, ພິຈາລະນາ ແລະ ຮັບຮອງບົດລາຍງານການ ຈັດຕັ້ງປະຕິບັດວຽກ ປີ 2017 ແລະ ວາງທິດທາງ ແຜນການປີ 2018 ຂອງອົງການ ໄອຍະການປະຊາຊົນ ແລະ ສານປະຊາຊົນ ແຂວງ ອັດຕະປື, ພິຈາລະນາ ຮັບຮອງເອົາທິດ ທາງແຜນການເຄື່ອນ ໄຫວວຽກງານ ປະຈໍາປີ 2017 ແລະ ທິດທາງແຜນການປີ 2018 ຂອງສະພາປະຊາຊົນແຂວງ ຊຸດທີ I, ພິຈາລະນາ ແລະ ຮັບຮອງເອົາບົດລາຍງານກ່ຽວ ກັບຜົນຂອງການຕິດຕາມ ກວດກາຂອງຄະນະປະຈຳ ສະພາປະຊາຊົນ ກ່ຽວກັບຜົນ ກະທົບຕໍ່ສັງຄົມ ແລະ ສິ່ງເເວດລ້ອມ ຢູ່ແຂວງ ອັດຕະປື, ພິຈາລະນາຮັບຮອງ ເອົາການສ້າງ ແລະ ປັບປຸງນິຕິກຳຕ່າງໆ ລວມທັງວຽກງານອົງການປົກຄອງແຂວງ ກ່ຽວກັບການຈັດຕັ້ງ ປະຕິບັດວຽກງານແກ້ໄຂ ປະກົດການຫຍໍ້ທໍ້ ໃນສັງຄົມ, ການຄຸ້ມຄອງການດັດສົມໂຮງງານປຸ່ງແຕ່ງໄມ້, ວຽກງານພັດທະນາຊົນນະບົດ ແລະ ວຽກງານອື່ນໆທີ່ສຳຄັນ ຂອງແຂວງຕື່ມອີກ

          ໃນກອງປະຊຸມ ສະໄໝສາມັນເທື່ອທີ 4 ຂອງສະພາປະຊາແຂວງ ອັດຕະປື ຊຸດທີ I ເຊິ່ງພໍ່ແມ່ປະຊາຊົນ ທີ່ໄດ້ຮັບຟັງການ ຖ່າຍທອດສົດ ພ້ອມທັງໄດ້ປະກອບ ສ່ວນທາງໂທລະສັບສາຍດ່ວນ ແລະ ບັນດາສະມາຊິກ ສະພາປະຊາຊົນ ຕະຫຼອດຮອດການນຳ ອຳນາດການ ປົກຄອງແຂວງ ກໍ່ໄດ້ສະແດງທັດ ສະນະເຖິງຄວາມ ເປັນຫວ່ງໃນຫຼາຍບັນຫາ ເປັນຕົ້ນ ແມ່ນເລືອງການແກ້ ໄຂບັນຫາໜີ້ສິນທີ່ພົບຢູ່ ໃນປັດຈຸບັນ, ບັນຫາເລື່ອງການ ສົ່ງເສີມການຜະລິດສິນຄ້າພາຍໃນ, ບັນຫາເລື່ອງການ ຊົດເຊີຍທີ່ດິນ, ບັນຫາປະກົດການຫຍໍ້ທໍ້ ໃນສັງຄົມ, ບັນຫາວຽກງານ ພັດທະນາຊົນນະບົດ ຕິດພັນກັບວຽກງານ ສາມສ້າງ ແລະ ບັນຫາອື່ນໆ ເຊິ່ງ ກອງປະຊຸມ ຄັ້ງນີ້ ໄດ້ຕັ້ງບັນຫາຂຶ້ນ ຄະນະດຽວກັນ ກອງປະຊຸມ ໄດ້ຮຽກຮ້ອງໃຫ້ຂະແໜງການ ກ່ຽວຂ້ອງ ຕ້ອງເປັນເຈົ້າການ ຢ່າງເຂັ້ມງວດ ແລະ ມີຈຸດສຸມ ເພື່ອພ້ອມກັນຊອກຫາວິທີທາງແກ້ໄຂ ສ້າງໃຫ້ແຂວງ ອັດຕະປື ໄດ້ກາຍເປັນແຂວງ ທີ່ມີການພັດທະນາ ຕາມແນວທາງຂອງພັກ ໄດ້ວາງໄວ້.

ໂດຍ: ຈັນສະໄໝ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008