banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:466
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3986
ເດືອນນີ້:ເດືອນນີ້:9000
ທັງໝົດ:ທັງໝົດ:207963

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ເປີດປີທ່ອງທ່ຽວແລ້ວພ້ອມງານບຸນວັດທາດ

          ງານບຸນ ນະມັດສະການ ພຣະເຈົ້າໄຊຍະ ເສດຖາທິລາດ ມິ່ງຂວັນ ຂອງຊາວແຂວງ ອັດຕະປື ໄດ້ເລີ່ມ ຕົ້ນເປີດຂຶ້ນໃນ ວັນທີ 3-6 ທັນວາ ເຊິ່ງປີນີ້ ຄະນະກຳມະການ ຈັດງານດັ່ງກ່າວ ໄດ້ຈັດຂຶ້ນຢ່າງລຽບງ່າຍ ແລະ ມີຄວາມເບີກບານມ່ວນຊື່ນ ສິ່ງສຳຄັນແມ່ນ ຍັງຮັກສາໄດ້ຄວາມ ເປັນເອກະລັກທາງດ້ານ ວັດທະນະທຳ ແລະ ປະເພນີ ທີ່ເຄີຍ ຈັດມາໃນແຕ່ລະປີ.

          ​ມາໃນມື້ ​ທີວັນທີ 6 ທັນວາ 2017 ກົງກັບວັນພຸດ ແຮມ 3 ຄ່ຳ ເປັນມື້ສຸດທ້າຍ​​ ຂອງ​ການສະ ເຫລີມສະຫລອງບຸນນະມັດສະການ ພະເຈົ້າໄຊຍະ ເສດຖາທິລາດ ຕອນເຊົ້າ ເວລາ 7 ໂມງ ກໍຈະມີການ ຕັກບາດຖວາຍ ສັງຄະທານສ້າງບຸນກຸສົນແດ່ ພະພິກຂຸສົງໂດຍໃຫ້ກຽດເຂົ້າຮ່ວມ ຂອງ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງ ອັດຕະປື, ມີຄະນະນຳຂັ້ນແຂວງ, ຂັ້ນເມືອງ, ພະນັກງານ-ລັດຖະກອນ, ອຳນາດການປົກຄອງບ້ານ, ພໍ່ແມ່ປະຊາຊົນຈາກແຂວງ ແລະ ເມືອງເຂົ້າຮ່ວມຢ່າງຫຼາຍ.

          ໃນໂອກາດດຽວກັນ ໃນງານ ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງ ປະທານຄະນະກຳມະການ ຈັດກິດຈະກຳ ປີທ່ອງທ່ຽວ ກໍ່ຍັງໄດ້ ຖະແຫຼງກິດຈະກຳກຽມ ສະຫຼອງປີທ່ອງທ່ຽວລາວ 2018 ສຳລັບຢູ່ແຂວງ ອັດຕະປື ເຊິ່ງໃນບົດຖະແຫຼງຂອງ ທ່ານ ປີ 2018 ນີ້ ແຂວງ ອັດຕະປື ມີທັງໝົດ 18 ກິດຈະກຳ ໃນນີ້ ກິດຈະກຳ ທ່ອງທ່ຽວທາງດ້ານວັດທະນະທຳມີ 8 ກິດຈະກໍາ, ກິຈະກຳ ທ່ອງທ່ຽວ ທາງດ້ານທຳມະຊາດ ມີ 5 ກິດຈະກຳ ແລະ ກິດຈະກຳທ່ອງທ່ຽວທາງດ້ານ ປະຫວັດສາດມີ 2 ກິດຈະກຳ. ພິເສດ ໃນລະຫວ່າງເດືອນ 7 2018 ຍັງຈະໄດ້ຕ້ອນຮັບຂະບວນຄາລະວານຈາກນະຄອນຫຼວງວຽງຈັນລົງສູ່ພາກໃຕ້ ຢູ່ແຂວງ ອັດຕະປື.

          ຕອນທ້າຍຂອງ ພິທີຖະແຫຼງກິດ ຈະກຳປີທ່ອງທ່ຽວ ຄະນະນຳຂັ້ນແຂວງ ແລະ ຂັ້ນເມືອງ ຍັງໄດ້ເຂົ້າຮ່ວມງານປະກວດ ເທສະການອາຫານລາວ ປະເພດ (ເຂົ້າປຸ້ນ) ໂດຍມີບ້ານ ເຂົ້າຮ່ວມແຂ່ງ ຂັນທັງໝົດ 9 ບ້ານ ພາຍໃນເມືອງ ໄຊເສດຖາ ພ້ອມທັງໄດ້ມອບ ລາງວັນໃຫ້ບ້ານທີ່ຮັກ ສາເອກະລັກໄດ້ດີນຳອີກ ເຊິ່ງການປະກວດ ອາຫານລາວ ປະເພດເຂົ້າປຸ້ນ ແມ່ນເປັນການ ສົ່ງເສີມຮີດຄອງປະເພນີ ອັນດີງາມຂອງຊາດ ດ້ານອາຫານການກິນ, ເປັນການແລກ ປ່ຽນປະສົບການ ຖອດຖອນ ບົດຮຽນການປຸງແຕ່ງ ອາຫານທີ່ເປັນເອກະລັກສະເພາະ ເພື່ອກະກຽມ ອາຫານການກິນ ຕ້ອນຮັບເເຂກຄົນ ດ້ວຍຈິດໃຈໂອບເອື້ອອາລີ ແລະ ສ້າງຄວາມປະທັບໃຫ້ແກ່ນັກທ່ອງທ່ຽວໃນປີ 2018.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008