banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:463
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3983
ເດືອນນີ້:ເດືອນນີ້:8997
ທັງໝົດ:ທັງໝົດ:207960

Lao National Radio

radio

ແຜນທີແຂວງ ອັດຕະປື

administrative map

 

 

ປະທານ ປະເທດ ຊີ້ນຳ ແຂວງອັດຕະປື ຍົກສູງ ວຽກງານ ອົບຮົມແນວຄິດ ຕິດພັນກັບ ການປະຕິບັດ ກົດໝາຍ: ໃນໂອກາດ ເຄື່ອນໄຫວ ຢ້ຽມຢາມ ແລະ ເຮັດວຽກ ຢູ່ແຂວງອັດຕະປື ລະຫວ່າງ ວັນທີ 19-20 ຕຸລາ 2017 ທ່ານ ບຸນຍັງ ວໍລະຈິດ ເລຂາ ທິການໃຫຍ່ ພັກປະຊາຊົນ ປະຕິວັດລາວ ປະທານ ປະເທດແຫ່ງ ສປປລາວ ພ້ອມດ້ວຍ ຄະນະ ໄດ້ພົບປະ ໂອ້ລົມ ຄະນະພັກ, ຄະນະນຳ, ພະນັກງານ ຫຼັກແຫຼ່ງ ອ້ອມຂ້າງ ແຂວງອັດຕະປື ທີ່ຫໍປະຊຸມໃຫຍ່ ຂອງແຂວງ.

ກ່ອນອື່ນ ທ່ານໄດ້ຮັບຟັງ ການລາຍງານ ສະພາບການ ພັດທະນາ ເສດຖະກິດ - ສັງຄົມ ຂອງແຂວງ ຈາກທ່ານ ປອ. ນາມ ວິຍາເກດ ກຳມະການ ສູນກາງພັກ ເລຂາ ພັກແຂວງ ເຈົ້າແຂວງ ອັດຕະປື ເຊິ່ງທ່ານ ໄດ້ຍົກໃຫ້ເຫັນ ອັນທີ່ພົ້ນເດັ່ນ ແຂວງອັດຕະປື ຮັກສາໄດ້ ຄວາມສະຫງົບ ແລະ ຄວາມເປັນ ລະບຽບ ຮຽບຮ້ອຍ ຂອງສັງຄົມ, ພະນັກງານ ສຳມະຊິກພັກ ແລະ ປະຊາຊົນ ບັນດາເຜົ່າ ມີຫຼັກໝັ້ນ ຊົນຊັ້ນ ປະຕິວັດດີ ເປັນເງື່ອນໄຂ ເອື້ອອຳນວຍ ໃຫ້ເສດຖະກິດ ໃນປີ 2017 ຂະຫຍາຍຕົວ ຕໍ່ເນື່ອງ ສະເລ່ຍ ບັນລຸ 8%, ລາຍຮັບ ຕໍຫົວຄົນ ບັນລຸໄດ້ 1.980 ໂດລາ ຕໍ່ຄົນຕໍ່ປີ, ອັດຕາ ເງິນເຟິ້ ຢູ່ໃນລະດັບ 0,45%, ສາມາດ ດືງດູດ ການລົງທືນ ຈາກພາກ ເອກະຊົນ ພາຍໃນ ແລະ ຕ່າງປະເທດ ໄດ້ 4 ໂຄງການໃຫຍ່ ມູນຄ່າ 325 ຕື້ກີບ, ການລົງທືນ ສ່ວນໃຫຍ່ ແມ່ນສຸມໃສ່ ວຽກງານກະສິກຳ, ການບໍລິການ ແລະ ນິຄົມ ອຸດສະຫະກຳ ໄລຍະ 9 ເດືອນ 2017 ສາມາດ ເກັບລາຍຮັບ ພາຍໃນ ບັນລຸໄດ້ 54 ຕື້ກີບ ເທົ່າກັບ 40,93 % ຂອງແຜນ ດັດແກ້ລາຍຮັບ ຂອງແຂວງ ໝົດປີ.

ໂອກາດ ດັ່ງກ່າວ ທ່ານ ບຸນຍັງ ວໍລະຈິດ ເລຂາ ທິການໃຫຍ່ ພັກປະຊາຊົນ ປະຕິວັດລາວ ປະທານ ປະເທດ ສປປລ ໄດ້ສະແດງ ຄວາມຊົມເຊີຍ ແລະ ຕີລາຄາສູງ ຕໍ່ຜົນງານ ທີ່ແຂວງ ຍາດມາໄດ້ ພ້ອມນັ້ນ: ທ່ານກໍ່ໄດ້ ໃຫ້ກຽດ ໂອ້ລົມ ບັນຫາສຳຄັນ ທ່ານໄດ້ ເນັ້ນໃຫ້ ແຂວງອັດຕະປື ຖືສຳຄັນ ວຽກງານ ສືກສາອົບຮົມ ການເມືອງ ແນວຄິດ ໃຫ້ພະນັກງານ, ສຳມາຊິກພັກ ຕະຫຼອດຮອດ ພໍ່ແມ່ນປະຊາຊົນ ໂດຍສົມທົບແໜ້ນ ກັບການປະຕິບັດ ລະບຽບກົດໝາຍ ມີການໂຄສະນາ ໃຫ້ເລິກເຊິ່ງ, ທົ່ວເຖິງ ເພື່ອປູກຝັງ ຈິດສຳນືກ, ປູກຝັງສະຕິ ເຄົາກົດໝາຍ ໃນທົ່ວສັງຄົມ ນອກຈາກນັ້ນ ກໍ່ຕ້ອງ ເພີ່ມທະວີ ເອົາໃຈໃສ່ ຕໍ່ວຽກງານ ປ້ອງກັນຊາດ, ປ້ອງກັນ ຄວາມສະຫງົບ, ການສືກສາ, ສາທາ ແລະ ສົ່ງເສີມ ການສ້າງ ພະນັກງານ ວິຊາການ, ພະນັກງານ ສືບທອດ ຮັບປະກັນ ເພດ, ເຜົ່າ ເພື່ອສ້າງ ກຳລັງແຮງ ໃນການ ສ້າງສາ ພັດທະນາ ແຂວງອັດຕະປື ໃຫ້ມີ ບາດກ້າວ ຂະຫຍາຍຕົວ ຂື້ນໄປເລື້ອຍໆ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008