banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:449
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3969
ເດືອນນີ້:ເດືອນນີ້:8983
ທັງໝົດ:ທັງໝົດ:207946

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື - ລັດຕະນະກີຣີ ເສີມຂະຫຍາຍ ການຮ່ວມມື: ກອງປະຊຸມ ຮອບວຽນ ຄັ້ງທີ IV ລະຫວ່າງ ແຂວງອັດຕະປື ສປປ ລາວ ແລະ ແຂວງລັດຕະນະກີຣີ ແຫ່ງຣາຊະອານາຈັກ ກຳປູເຈຍ ໄດ້ຈັດຂື້ນ ໃນມື້ ວັນທີ 9 ເດືອນຕຸລາ 2017 ທີ່ຫ້ອງປະຊຸມ ຊັ້ນ 5 ສຳນັກງານ ອົງການປົກຄອງ ແຂວງອັດຕະປື ໂດຍການເປັນ ປະທານຮ່ວມ ລະຫວ່າງ ທ່ານ ປອ. ນາມ ວິຍາເກດ ເຈົ້າແຂວງອັດຕະປື ແລະ ທ່ານ ທອງ ສາວຸນ ເຈົ້າແຂວງ ລັດຕະນະກີຣີ ພ້ອມດ້ວຍ ຄະນະຜູ້ແທນ ສອງແຂວງ ເຂົ້າຮ່ວມ. ກອງປະຊຸມ ຮອບວຽນ ຄັ້ງນີ້ ແມ່ນໄດ້ພ້ອມກັນ ທົບທວນຄືນ ໝາກຜົນ ການຈັດຕັ້ງປະຕິບັດ ບົດບັນທືກ ການຮ່ວມມື ທີ່ໄດ້ລົງນາມ ຮ່ວມກັນ ໃນໄລຍະ ຜ່ານມາ ແລະ ໄດ້ແຈ້ງ ສະພາບພົ້ນເດັ່ນ ຂອງແຕ່ແຂວງ ໃຫ້ກັນຊາບ ພ້ອມກັນນັ້ນ, ຍັງໄດ້ແລກປ່ຽນ ທັດສະນະ, ຄຳຄິດຄຳເຫັນ, ປືກສາຫາລື ຂອດການ ຮ່ວມມື ທີ່ສອງແຂວງ ປາດຖະໜາ ທີ່ຈະເສີມຂະຫຍາຍ ສາຍພົວພັນ ອັດຕະປື - ລັດຕະນະກີຣີ ໃຫ້ແໜ້ນແຟ້ນ ຍິ່ງໆຂຶ້ນ ບົນຈິດໃຈມິດຕະພາບ ແລະ ຖານບ້ານໃກ້ ເຮືອນຄຽງ, ບ້ານພີ່ເມືອງນ້ອງ.

ດັ່ງນັ້ນ, ເພື່ອເປັນບ່ອນອີງ ແກ່ການຮ່ວມມື ໃນຕໍ່ໜ້າ ສອງຝ່່າຍ ໄດ້ລົງນາມ ໃນບົດບັນທືກ ຄວາມເຂົ້າໃຈ ສອງຝ່າຍ: ໃນນີ້ ແມ່ນເຫັນດີ ສືບຕໍ່ແລກປ່ຽນ ຄະນະຜູ້ແທນ ລະດັບສູງ, ຄະນະວິຊາການ ພົບປະກັນ ປີລະຄັ້ງ, ໂດຍຜັດປ່ຽນກັນ ເປັນເຈົ້າພາບ, ດ້ານການສືກສາ ແມ່ນຈະໄດ້ ແລກປ່ຽນ ການກໍ່ສ້າງ ຊັບພະຍາກອນ ມະນຸດ ປີລະ 3 ທືນ, ລາຍງານ ຂໍ້ມູນຂ່າວສານ ກ່ຽວກັບ ໂລກລະບາດ ຕາມບໍລິເວນ ຊາຍແດນ, ການແລກປ່ຽນ ດ້ານກິລາ, ສິລະປະ ວັນນະຄະດີ, ການທ່ອງທ່ຽວ ແລະ ອື່ນໆ ໃນໂອກາດ ວັນບຸນສຳຄັນ ຂອງຊາດ ນອກຈາກນີ້: ສອງແຂວງ ເຫັນດີສະເໜີ ລັດຖະບານ ທັງສອງປະເທດ ສ້າງເສັ້ນທາງ 1J ອັດຕະປື - ລັດຕະນະກີຣີ ແລະ ສ້າງຕັ້ງ ດ່ານປະເພນີ, ສ່ວນການຮ່ວມື ດ້ານຊາຍແດນ ສອງຝ່າຍ ເອກະພາບ ກັນສືບຕໍ່ ພົວພັນຮ່ວມມື ແລະ ອຳນວຍ ຄວາມສະດວກ ໃຫ້ພາກສ່ວນ ກ່ຽວຂ້ອງ ໃນການເຄື່ອນໄຫວ ປົກປັກຮັກສາ ຄວາມສະຫງົບ ຕາມຊາຍແດນ, ມີການປະສານງານ ເພື່ອຮ່ວມມື ສະກັດກັ້ນ, ປາບປາມ, ແກ້ໄຂ ທຸກປະກົດການ ຫຍໍ້ທໍ້ຕ່າງໆ ໃຫ້ທັນເວລາ.

ແຂວງອັດຕະປື ມີຊາຍແດນ ຕິດກັບຣາຊະອານາ ຈັກກຳປູເຈຍ 225 ກິໂລແມັດ ແລະ ຍັງອີກ 60 ກິໂລ ແມັດ ຍັງບໍ່ສາມາດ ຕົກລົງກັນໄດ້.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008