banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:475
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3995
ເດືອນນີ້:ເດືອນນີ້:9009
ທັງໝົດ:ທັງໝົດ:207972

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ແຂ່ງຂັນກິລາເຮືອຊ່ວງ ສະຫຼອງບຸນອອກພັນສາ: ບຸນຊ່ວງເຮືອ​ ປະເພນີ ປະຈຳ​ປີ​ ຢູ່ທີ່ທ່າຜາມໄຊ ລຳນ້ຳເຊກອງ ເມືອງສາມັກຄີໄຊ ແຂວງ ອັດຕະປື ແມ່ນໄດ້ຈັດຂຶ້ນ ກົງກັບ ວັນທີ 6 ຕຸລາ 2017 ໂດຍມີ ການ​ນຳ​ ພັກ-ລັດ, ພະນັກງານ, ລັດຖະກອນ ພ້ອມ​ດ້ວຍ ​ມວນ​ຊົນ​ທົ່ວ​ໄປ​ ໄດ້​ຊົມການ ​ແຂ່ງຂັນ​ເຮືອ​ຊ່ວງ​ ຢູ່​ໜ້ານ້ຳ ຂະນະ​ທີ່​ປະຊາຊົນ​ລາວ ​ບັນດາ​ເຜົ່າ ແລະ ນັກ​ທ່ອງ​ທ່ຽວ ​ໄດ້​ໃຫ້​ຄວາມ ​ສົນໃຈ​ທ່ຽວຊົມ ແລະ ເລືອກ​ຊື້​ສິນຄ້າ ທີ່​ຈຳໜ່າຍ​ ໃນ​ງານ​ບຸນ​ຢ່າງ​ຄຶກຄື້ນ.

ງານບຸນຊ່ວງເຮືອ ປະເພນີທຸກໆປີ ແມ່ນໄດ້ຈັດ ຢູ່ໃນເທດສະການ ປາງບຸນອອກພັນສາ ປະວໍລະນາ ແລະ ປີນີ້ ທົ່ວແຂວງ ອັດຕະປື ມີເຮືອຊ່ວງ ເຂົ້າຮ່ວມ ການແຂ່ງຂັນ ທັງໝົດ 18 ເຫຼັ້ມ ໂດຍແບ່ງ ອອກເປັນ ສອງປະເພດ ຄື: ເຮືອເພດຍິງ 12 ສີພາຍ ມີ 6 ເຫຼັ້ມ, ເຮືອເພດຊາຍ 35 ສີພາຍ ມີ 6 ເຫຼັ້ມ ແລະ ເຮືອ 22 ສີພາຍ ມີ 12 ເຫຼັ້ມ, ບັນຍາກາດ ການແຂ່ງຂັນ ກິລາ ແມ່ນເຕັມ ໄປດ້ວຍ ນ້ຳໃຈນັກກິລາ ເຊິ່ງປະກົດ​ ວ່າ: ເຮືອ​ປະເພນີ​ຊາຍ ປະເພດ 35 ສີພາຍ ຊະນະ​ເລີດ ​ໄດ້ແກ່​ເຮືອ ບໍລິສັດ ເອກສະຕາ ​ຈາກ​ໄດ້​ຮັບ​ຂັນລາງວັນ 1 ໜ່ວຍ ພ້ອມ​ເງິນສົດ 15 ລ້ານ​ກີບ, ອັນ​ດັບ 2 ເຮືອບ້ານ ສະເພົາທອງ ເມືອງ ສາມັກຄີໄຊ ໄດຮັບ​​ເງິນສົດ 10 ລ້ານ​ກີບ, ປະເພດເຮືອ 22 ສີພາຍຊາຍ ຊະນະເລີດ ໄດ້ແກ່ເຮືອ ບ້ານ ສະປວນ ເມືອງສາມັກຄີໄຊ ໄດ້ຮັບຂັນ ລາງວັນຂັນ 1 ໜ່ວຍ ພ້ອມເງີນສົດ 11 ລ້ານກີບ, ອັນດັບທີ 2 ໄດ້ແກ່ເຮືອເມືອງ ໄຊເສດຖາ ໄດ້ຮັບຮັບລາງວັນ 8 ລ້ານກີບ ແລະ ເຮືອເພດຍິງ 12 ສີພາຍ ຊະນະເລີດໄດ້ແກ່ເຮືອ ບ້ານ ສາມັກຄີ ເມືອງສາມັກຄີໄຊ ໄດ້ຂັນລາງວັນ 1 ໜ່ວຍ ພ້ອມເງີນສົດ 7 ລ້ານກີບ, ອັນດັບທີ 2 ໄດ້ແກ່ເຮືອ ໜອງຜື ພັດທະນາ ໄດ້ຮັບເງີນສົດ 5 ລ້ານກີບ.

ເປັນ​ກຽດ​ ເຂົ້າ​ຮ່ວມ​ ພິທີ​ປິດ​ ການແຂ່ງຂັນ ແລະ ມອບ​ລາງວັນ ງານ​ບຸນຊ່ວງເຮືອ​ ທ່າຜາມໄຊ ປະຈຳປີ 2017 ໂດຍ​ທ່ານ ອຸ່ນຫຼ້າ ໄຊຍະສິດ ຄະນະປະຈຳພັກແຂວງ ຮອງເຈົ້າແຂວງ, ທ່ານ ເລັດ ໄຊຍະພອນ ຮອງເລຂາພັກແຂວງ ສະມາຊິກສະພາແຫ່ງຊາດ ປະທານສະພາ ປະຊາຊົນແຂວງ ອັດຕະປື ແລະ ທ່ານ ຄຳບຸນ ດວງພະບາງ ກຳມະການພັກແຂວງ ເລຂາພັກເມືອງ ເຈົ້າເມືອງ ສາມັກຄີໄຊ.

 ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008